Cobber Coffee and Tonys Pastry (Under Renovation)

第一次嘗試Cobber Coffee & Tonys Pastry, 但完全沒有令我失望, 不枉我收藏已久。我和朋友叫了兩份鬆餅，兩杯飲品，一碟意大利芝士熔岩，再加一碟松露薯條。全部飲品及野食都超級大份，而且味道好食，最後同朋友食唔晒都要打包番屋企食

第一次黎呢度食，好耐無出觀塘工廈食野，強烈推薦個抹茶意大利芝士溶岩，簡直係抹茶味不過甜，剛剛好夠苦，太溶岩太多，一拉便倒下，好岩拍影片😆🤭另一個士多啤梨梳乎厘就有d失望，梳乎厘單獨食就唔錯，但士多啤梨醬唔太討好，寧願淋士多啤梨汁，可惜幾顆日本士多啤梨唔新鮮，很酸，部分位置變深紅色，比日本超市的士多啤梨相差甚遠，相當失望。咸蛋黃雞翼落料好足，但好濟⋯⋯可以再研究一下點樣夠薄粉又唔油。兩杯野飲好夠乳酪，但又係士多啤梨醬感覺好重，$50/1杯，建議落多d士多啤梨🍓

呢間位於工廈嘅cafe地理位置上唔太方便，一定要行樓梯先去到，推BB車同輪椅人士要注意⚠️而且長期多人，要揀啱時間去先係皇道😎由於餐廳用餐時間不設時限，所以好難預要排幾耐，大家要做好心理準備餐廳環境乾淨舒適，燈光柔和，幾舒服💗~松露薯條🍟$68呢樣小食我見好多枱都有嗌，薯條份量唔少，面頭淋上黑松露蛋黃醬，仲會額外比多一兜醬你點。黑松露醬好香，配香口薯條一流，忍唔住食完一條又一條🤩~黑松露忌廉蘑菇雞肉燉飯👍🏻$148意大利飯份量幾大，如果一個人食會覺得有啲漏，有人share就啱曬。意大利飯口感帶少少煙韌，唔會覺得食緊生米，呢一點好重要❗️黑松露味好岀，加上大量野菌同雞肉真係絕配👍🏻🍨甜品(上甜品前會幫你清走枱上食具換一批新嘅食具比你，好貼心嘅服務🤗)如果想食曬主食先上甜品可以叫起~海鹽焦糖爆谷疏乎厘班戟🍿呢款甜品外貌唔算好花巧，疏乎厘充滿雞香味，口感好soft，好棉帶有空氣感。忌廉比較流質，好香奶味，同疏乎厘好夾，焦糖爆谷同街買到嘅味到一樣，配左一小兜楓糖漿🍯甜度可以自行加減～下次一定要試埋其他味嘅疏乎厘🤤~雜莓乳酪碎冰$48🫐呢間舖頭嘅凍飲都幾大杯，兩個人share都ok，雜莓酸酸甜甜越飲

觀塘真係好多好西，尤其係樓上鋪！樓上鋪最需要嘅就係口碑🗣今次呢間pancake就有超高評價，聽講成日都排長龍，仲要冇得book位，今次就嚟試試佢係咪真係咁好食🤣間鋪搭lift唔到，所以要喺後巷樓梯上，行一層已經見到有人喺門口排緊隊，星期日12點幾去到，等咗差唔多半個鐘，入面都幾大幾光猛，要自己掃QR code落單，Btw呢度真係有超多staff😳望住都真係少尷...=====================🥞海鹽焦糖爆谷梳乎厘班戟 $136 ➕MOVENPICK® 雲呢拿雪糕 $18嚟到呢度點可以唔叫pancake！我哋叫咗新出嘅海鹽焦糖味，上面有超級多焦糖爆谷，脆卜卜好好食🤩味道唔會係死甜，好香焦糖味，海鹽醬又咸咸地，整體味道好特別🤤而pancake一切落去已經feel到好soft，食落真係好有空氣感！我哋特登加個雪糕，怕食到膩中和下，冰火感覺真係好正🤣另外仲有楓糖漿俾你另外加落去，個人覺得本身都夠甜，怕甜人士可以skip～🍟鹹蛋黃薯條 $68熱辣辣食第一啖真係覺得幾surprise，鹹蛋黃好香，仲食到一粒粒鹹蛋黃碎，薯條夠脆，而且份量好多，適合share，不過凍咗就變到好油

呢間cafe好隱蔽，要係後巷入比較方便。之前都想試下，咁啱經過附近趁tea嗰時冇咁多人就嚟試下。雖然話係tea時間但都唔少人walk in。真係好高人氣。Cafe環境好好，座位之間都好鬆動，裝修新淨企理。好舒服。試咗佢嘅蒜香蟹肉意粉同埋鹹蛋黃薯條。個意粉一上見到蟹肉份量，好多一絲絲掛係意粉上面，睇落就令人覺得好正。蒜味都好夠。一個字，正呀😋😋😋個薯條都好够味，够脆，鹹蛋味够出，但一定要趁熱食，稔咗薯條一定打折扣。試咗之後就知呢間點解長期都咁高人氣。真心唔錯

今日放假，同太太一齊食lunch。選擇此觀塘人氣食店。約1:30pm 到，亦等了約20分鐘入座。叫咗蟹肉意粉，蒜蓉炸雞翼，雜莓沙冰及此店名物原味pancake。蟹肉意粉，雞翼及沙冰水準不俗，食完後才通知員工另上pancake，亦知道pancake 製作需時，要等約20-30分鐘。但等了約25分鐘，pancake 仍然未到，因驚落漏單，便問問員工情況。員工覆實單巳落，叫我哋耐心等待。但不到5分鐘，同一員工話由於技術問題，pancake 整燶咗，要我哋等多45分鐘。我想講就算食店食物水準幾高都好，由於服務質素差，令食客有非常差嘅體驗，一樣會失敗，此食店正是如此。你叫我等多45分鐘，傻嘅先會等，於是立刻埋單走人，以後唔會再嚟。

之前爆紅嘅樓上cafe, 最出名熔岩梳乎厘班戟，主食同小食都好出色！不過餐廳無得訂位，只有即場排隊，有機會太長龍無哂枱、等唔到。等位嘅位置係後樓梯比較焗同熱，peak hour等得耐都幾辛苦，建議大家避開繁忙時間。。Lava Series 原味熔岩梳乎厘班戟 $86班戟會用膠片包住，可以自己拉開膠片，一拉開，啲cream就流出黎，cover哂個班戟，原本好驚fail😂 班戟口感鬆軟綿密，蛋味好香。加$14有Movenpick雪糕，雪糕係另上。。蒜香蟹肉意粉 $138意粉炒到好乾爽，蒜蓉味好香，蟹肉份量好多，撈勻後每啖意粉都食到蟹肉。推介。可以加辣或走辣，辣辣地更惹味，不過小辣都幾辣。。鹹蛋黃薯條 $68薯條炸到外脆內軟，鹹蛋黃份量好多，平均包住每一條薯條，好濃郁又香口，好食!。炸魷魚鬚配芥末籽蛋黃醬 $78炸漿好薄夠脆，有啲位會無炸漿，魷魚口感煙韌，有咬口。配埋芥未籽蛋黃醬，好夾。當日叫嘅野都好好食，會encore, 希望下次唔洗排咁耐😂 ps餐廳無直𨋢，可以後巷上一層樓梯或搭𨋢落一層。推介指數：9/10📍 Cobber Coffee and Tonys Pastry (觀塘)觀塘駿業

Cobber嘅好食程度係可以令唔鍾意排隊嘅我每次都願意排隊去食🥹👍🏻坐低一口氣叫咗兩個主菜一個薯條😋黑松露薯條同其他餐廳唔同，屋企人本身唔食黑松露，上次食完今日忍唔住主動建議叫呢個🤣🤣🤣飲品水準依舊，尤其係新推出嘅cheap flight，飲落真係好似去咗轉東南亞咁，充滿熱帶風情✈️真係cheap flight 肉醬意粉好驚喜，本身以為肉醬意粉會比較普通，點知肉醬超級多👍🏻芝士拉絲又唔會太膩貫徹嗌嘢食嘅原則，只要餐點有餐廳名應該都係推介食物😂Cobber Noodles好抵食，多蝦得嚟少少辣可以吊味唔使排隊嘅話真係想每個月都食🥹

🐔鹹蛋黃雞翼$68一上到枱已經聞到🈵️🈵️鹹蛋黃味道😍❤️雞翼外皮香脆，唔會整得太乾身🤤另外，叫咗一杯雜莓乳酪碎冰 $48😋入面有好多果肉，加埋乳酪一齊好開胃❤️😍😍重點係食疏乎厘😋榛子、朱古力、焦糖香蕉梳乎厘班戟 $95🥰食落去真係好空氣感🤤好鬆軟❤️❤️連香蕉上邊層焦糖都好香脆，整體又唔會好甜😋整體而言成間餐廳食物質素幾好😋❤️而且環境闊落坐得舒服😌🙈不過真係要等位先至可以入去坐低，我今次4點半左右去，都要差唔多等成半個鐘，如果繁忙時間可能真係要等成個鐘先可以入到去坐😂

之前同事介紹過呢間餐廳話個梳乎厘pancake好好食，雖然自己本身對呢款食物冇乜興趣，但都諗住試下，果然冇失望！叫左一個期間限定嘅士多啤梨味，同埋一個tiramisu 味嘅蛋糕，仲有一個和風帶子意粉先講主食啦，都幾好食，個意粉係al dente嘅質感，帶子十分厚肉，鮮味十足而且調味得好好。佢冇醬汁但上面有紫菜同蛋黃醬，本來覺得會好怪但turns out係幾好食然後tiramisu 係有層mascarpone 奶蓋流落黎，ok嘅但個人認為咖啡味可以再多啲就好重點好食嘅就係個士多啤梨味梳乎厘pancake,佢嘅pancake 切落去果下好實在但食落去果下好鬆軟，係口中溶化，一啲都唔watery,係好高質嘅梳乎厘pancake！然後個士多啤梨醬酸甜適中，好香士多啤梨味。仲有佢嘅士多啤梨係好濃好香，唔係hea嘅士多啤梨，高質！！價錢黎講佢係cafe價，唔會好平，但我覺得性價比黎講係高嘅，推薦！餐廳係後巷入嘅工廈樓上舖，有d難揾但超級多人去，長期排長龍！不過我覺得佢冇用餐時間limit係幾好，冇人催～

今日放工經過觀塘Cobber，竟然不用排隊，立即跟同事即興吃了個晚飯。**鹹蛋黃雞翼 (六隻) ($68)每次必點，每一口都散發著濃郁的鹹蛋黃香氣，雞翼炸得外脆內嫩。**焗肉醬意粉 ($96)意粉煮得恰到好處，有著微妙的彈性。濃郁的肉醬散發著番茄的鮮甜，加上大量芝士，令整道菜更為滋味。**海鹽焦糖爆谷梳乎厘班戟 *含堅果 ($118)賣相精緻，梳乎厘班戟依舊出色。加上香脆的焦糖爆谷，讓口感層次豐富。略嫌爆谷稍微偏甜**Matcha Tonic ($52)這款Matcha Tonic口感清爽，綠茶與碳酸飲料的配搭，十分特別的組合。濃郁的抹茶味與微微的酸度交織在一起，使人感覺清新。**雜莓乳酪碎冰 ($48)細緻的冰碎融合了濃厚的乳酪以及酸甜適中的雜莓，很適合解暑。

#食到去工厦 #食到去觀塘🧁相信大部人都知道 Cobber Coffee and Tonys Pastry 係觀塘擁有超多人氣💓最出名係梳乎厘，餐廳寬敞舒適☺️燈光柔和，環境氣氛唔錯👍🏻而且食物大大碟又好味，好岩一班好友聚會打卡吹水👫👬👭🏻 🎠 cobber coffee and Tonys pastry📍觀塘駿業里8號世貿大樓1樓==============================🍽 蒜香牛油雞翼 💲68充滿勁香嘅蒜蓉味道😚 即叫即整熱辣辣♨️外脆內嫩滑👍🏻 🍽 炸魷魚鬚 💲78即叫即炸♨️份量足夠，大大嚿👍🏻食落唔會太過油膩，不過味道就普通咗啲🍰 佛手柑啫喱伯爵茶忌廉梳乎厘💲127梳乎厘脹卜卜，軟綿綿🥞配上甜度適中嘅伯爵茶忌廉，口感味道唔錯，加上用咗柑同西柚做配料🍊整體口感唔太膩，帶有點清新嘅感覺🌱 ☕Honeycomb Latte 💲52飲品分咗兩層，上面係大大嚿嘅焦糖脆脆🍯下面係普通嘅凍Latte，當兩者慢慢攪到融合時，會開始帶出淡淡嘅甜味

早已風聞觀塘區有這一間人龍cafe，今天終於有機會嚐嚐了。這間cafe是沒有訂檯服務的，所以想吃，就要一早來到排隊。今天我十一點幾已經來到，剛好坐到最後一張枱， 否則便要有排等了。餐牌的選擇頗多，也有多款飲品可供選擇，有選擇困難症的人，應該要花很長時間才可以下單。我吃過的食物如下：蒜香蟹肉意粉，一個字，正鹹蛋黃薯條， 非常美味，不過一定要趁熱吃，否則薯條涼後，變得一般般芒果乳酪碎冰， 好飲又好吃Honeycomb Latte， 平平無奇，下次應該不會點焦糖香蕉雪糕窩夫 movenpick雲呢拿雪糕 ， 不過不失

我可以說是觀塘的Cobber Coffee and Tonys Pastry常客，它家不論是小吃、主菜、甜品或是飲品菜都是我杯茶。唯一缺點是等位超久，每次都等到很沮喪。**鹹蛋黃薯條 ($68)**大推！每次來都會點的，薯條沾上香濃的鹹蛋黃，超級美味！**鹹蛋黃雞翼 ($68)**同樣大推！充滿鹹蛋黃的雞翼相當香口。（不過兩款選其中一樣就夠了，份量太多太油膩了🤭）**明太子忌廉大蝦燉飯 ($148)**明太子的鮮味與忌廉的香濃十分匹配，大蝦的鮮甜更加提升了這飯的層次。**蒜香蟹肉炒意粉 ($128)**蟹肉的鮮甜配上蒜香，很令人回味的意粉。**榛子、朱古力、焦糖香蕉梳乎厘班戟($95)**它家每款梳乎厘班戟都很出色。今次點的這款帶有厚厚焦糖的香蕉配上朱古力醬和榛子，朱古力、香蕉和榛子的組合超級配。**Matcha Latte ($38)**抹茶的味道非常濃郁，帶有淡淡回甘味，而Latte不會太甜，也不會覺得太苦澀。

✨Cobber Coffee and Tonys Pastry（ू•‧̫•ू⑅)⁡🎀 <佛手柑伯爵茶疏乎厘班戟>𝚁𝚊𝚝𝚒𝚗𝚐: 𝟽.𝟻/𝟷𝟶⁡甜品係餐廳嘅signature十五十六 糾結咗好耐先揀到疏乎厘班戟好有空氣感配埋伯爵茶忌廉醬唔覺唔覺就食晒難怪差唔多枱枱都叫份不過價錢少貴⁡🎀 <明太子忌廉大蝦燉飯>𝚁𝚊𝚝𝚒𝚗𝚐: 𝟽/𝟷𝟶⁡燉飯幾有驚喜Creamy 但又唔會膩飯粒有少少咬口明太子味道亦好出飯都算多份量配蝦仁幾夾⁡🎀 <蒜香蟹肉意粉>𝚁𝚊𝚝𝚒𝚗𝚐: 𝟽/𝟷𝟶⁡香蒜炒意粉幾香口蟹肉份量都幾慷慨少辣 但食唔到辣嘅都應該食到⁡🎀 <芒果抹茶latte >𝚁𝚊𝚝𝚒𝚗𝚐: 𝟽/𝟷𝟶⁡芒果配綠茶latte第一次見芒果味幾出唔算太甜少似smoothie 幾爽惟芒果有啲喧賓奪主唔太飲到綠茶牛奶味但整體都幾好飲值得一試⁡整體評分：😋味道: 7/10 💰價錢: 人均約$200⁡*☼*―――*☼*―――*☼*―――*☼*―――*☼*💖 Cobber Coffee and Tonys Pastry 📍觀塘駿業里8號世貿大樓1樓📞3468 3509