Cocina 3 Tapas Restaurant & Bar (Closed)

星期三開完會順便在奧海城吃頓晚飯。其中一間西班牙餐廳「Cocina 3 Tapas Restaurant & Bar 」看起來不錯，餐廳面積大，周圍都有電視，氣氛不錯的。鬧市旺中帶靜的Bar Restaurant，裝修時尚有風格，燈光偏暗，感覺新淨舒服，也有室外雅座，環境好適合同朋友飲番兩杯傾下計，而且位置算方便。這裡食物選擇都好多款，有小食、薄餅、意粉、意大利飯、扒類等等。一坐低先來了墨西哥脆片，好脆又是很適合佐酒，重點是可以refill的，都只是40元。 西班牙香燒乳豬仔西班牙燒乳豬仔皮脆肉嫩，鹹香惹味，外層又脆又煙韌，內裡肉質嫩滑。配上青瓜和多士整體沒有太油膩，份量剛好，不會食滯不消。西班牙雞肉辣肉腸燴飯 西班牙辣肉腸和雞肉份量都多，辣肉腸味道滲入意大利飯內，增添燴飯香味，遠遠都聞到辣肉腸香味。但吃落不算辣，而燴飯的調味有點兒過濃和重口味，整體不錯的。板燒西班牙黑豚肉這個板燒西班牙黑豚肉是可以選擇8成熟的，但基於安全都是選擇了全熟。賣相幾豐富和很有份量的，西班牙黑豚肉燒過後散發香濃肉香，肉質非常軟腍，色澤粉嫩有彈性，油脂同肉嘅分怖平均，入口啖啖滋味，配上燒汁特別開胃。而伴碟的薯條

今日冇嚟到大角咀 海泓道1號，奧海城三期 地下G22號舖 ， 侍應很有禮貌，問我幾多位，安排一個 舒適優雅寧靜的地方給我坐， 我叫咗龍蝦海鮮忌廉湯，龍蝦海鮮忌廉湯 十五分鐘內到了， 很鮮的龍蝦味， 湯入面有很爽口的龍蝦肉， 味道不太鹹啱啱好， 西班牙原粒燒白菌， 原粒硝化菌很清新的味道， 德國蜜糖燒豬手， 豬手的味道很美味， 一啖咬落去很多肉汁， 豬手的皮很鬆化，西班牙香燒乳豬仔， 乳豬仔的肉質很淋滑， 嘩！乳豬仔的皮燒得很鬆化，不太油膩， long island 飲品， 很清新的檸檬 很濃郁的酒精很好。

去旺角鬧市旁既奧海城搵食，搵到間好有feel既西班牙餐廳😍前菜係粟米薯片，仲可以無限補充！附送沙律醬！食前菜都已經飽左三成！仲要塊塊都好完整唔係碎濕濕！龍蝦海鮮忌廉湯，令我感覺到驚訝嘅鮮味！龍蝦味非常之濃郁飲落去好滑！必叫之選！海鮮沙律裏面有好多唔同種類嘅海鮮，有魚有魷魚仲有帶子，加埋橄欖油同埋小小醋，更加可以帶出海鮮嘅鮮味。小食拼盤有炸芝士，蝦餅，蘑菇同埋辣肉腸！辣肉腸非常好食好乾身！蘑菇非常新鮮。蝦餅非常鮮味而且炸得唔油膩！呢個Pizza個餅底非常之好食好鬆脆！Parma ham同埋芝士分配比例非常之好。食落去唔太油膩！份量兩個人都可以食晒！

在大角咀附近收工，行過奧海城，見到食客坐左Cocina 3 外面，很chill。好想試。一坐下叫了兩杯signature的Mocktail，還有nachos作配襯，一邊談天，一邊飲野，放工最舒服的休息莫過於此。到西班牙餐廳，一定要叫ham！火腿有廿四個月，很差香，少鹹，配以面包放入口，剛好！食埋Olive，好正。主菜叫了個陳醋燴豬仔脾，好嫩滑，好正。咬落十分易咬，加上酸酸甜甜的汁，想一食再食。再叫了個龍蝦汁大蝦海鮮闊條麵。龍蝦汁好濃，好重味，闊條麵簡直是絕配，因為能完全掛上龍蝦汁。大蝦新鮮，加上煎得好香，好味。

收工約人2個黎呢度食西班牙菜，奧運站都算方便，地鐵行遠少少， 叫左個青口唔錯，個汁好 creamy, 磨菇都ok, 主菜豬扒不算太鞋，加埋2杯飲料， 雖然唔覺有什麼西班牙特式，食物尚算中規中矩，環境都清靜整理，價錢點為貴少少不過都可接受

好耐冇寫食評。食完呢餐忍唔住要寫。朋友話奧海城冇乜好食睇完食評就揀咗呢間餐廳。原本都冇乜期望。點知原來咁多好評都係咁難食。朋友話叫咗西班牙乳豬仔，我仲諗住有成隻乳豬食。點知原來係得一塊仔夾住塊麵包。不過其實都幾OK，幾好食架。我頌讚揀啱餐廳。點知食到個蟹餅，就出事啦。又硬、又喊。我朋友話佢應該係落咗鹹魚。我就完全估唔到佢落咗咩，總之就硬骨骨一舊野。食到快扒就完全頂唔順。超級喊，喊到苦，有多筋，切四五下都切唔開。食唔到一半我就已經放棄。諗住飲下杯vodka解下鹹，點知又甜到嘔。好似玩緊掌門人遊戲輸咗被懲罰一樣。杯cocktail 完全冇酒味。死甜。兩個人，被收$640，食d噉嘅嘢，冇可能有下次。呢啲時勢，仲見佢有噤多客，香港真係充滿奇蹟。香港人要加油。

假日，奧海城啲餐廳間間爆棚，唔想等好耐，見呢一間食評有成400幾個like,又冇乜人唔駛等好耐，就入去食。叫了芝士焗🐔肉意粉，係完全無味，好明顯係無seasoning, 亦無芝士味，面頭只有一層厚厚唔知係乜的白色糊狀物體。Pizza , 好硬, 似硬餅干！自助沙津bar每位要加$12，但我出去攞嘢食時已經全部得番好少，但佢一直都唔refill, 俾左錢，根本冇嘢食！只有牛扒比較好，係正常嘅。侍應態度愛理不理，圍響自助沙津吧附近高談濶論，中間又夾雜粗口，完全無理過客人感受😖真係唔知點解會有咁多好評! 嚴重中伏！

今晚我地就去左奧海城食西班牙菜 呢到既裝修好靚好用心 座位都好多 仲有不少大枱 岩哂一大班朋友泥飲番2杯🍻一坐底店員就會送上一碟Nachos $40不過可以無限refill 👍🏻 我地首先叫左2個小食 分別係帕爾瑪火腿配蜜瓜沙律同西班牙香燒乳豬仔🤤 哈蜜瓜非常甜 配搭上帕爾瑪火腿好清新好食😋 西班牙香燒乳豬仔巧妙地配上一塊青瓜 食落一d都唔膩 燒乳豬仔仲熱辣辣 表皮香脆👅主菜就叫左西班牙海鮮炒飯同埋牛油果蝦肉pizza🍕 提提大家 呢度既西班牙海鮮炒飯係可以叫半份架😉 雖然一份嘅賣相會靚啲 不過兩個人真係食唔晒 所以我哋叫咗半份 有大蝦 青口 魷魚 蜆肉等等 幾惹味😋 而牛油果蝦肉pizza就好大份 多d人share會好啲 批底烘到好似曲奇餅咁脆 加上沙律醬同牛油果醬 酸酸甜甜都唔錯👍🏻最後當然唔少得西班牙甜品churros啦 一碟有成8條 口感比較煙韌 最正係有大量朱古力醬好幸福喔🌟

喺奧海城 2 期買完野, 行左去 3 期嘅西班牙餐廳開餐, 餐廳門口放左部鈕彈珠機餐牌有個 Promotion, 只要 Like Facebook Page, 就會有 $50 Coupon, 我當然唔執輸, 即刻 Like 啦職員會遞上一兜 Nachos, 食完可以再添傳統西班牙炸車打芝士波外皮好香脆, 咬開就見到橙色嘅車打芝士湧出, 味道濃郁, 而且又有咬口 西班牙原粒燒白菌白菌肉質肥厚, 燒完 D 菇汁仲保留喺白菌內, 散發陣陣菇香香煎蟹餅外皮夠脆, 切開可以見到超多蟹肉, 口感好結實, 可想然之用料非常十足 慢煮牛面肉闊條麵由於係慢煮, 個牛面肉已經煮到好入味好淋身, 加入有咬口嘅闊條麵, 不知不覺好快 K.O. 晒成碟西班牙吉拿棒呢款西班牙傳統甜品係我嘅至愛, 炸到非常香脆嘅小油條散發住陣陣肉桂香味, 配朱古力醬一齊食簡直係 Perfect Match

今日放工約左朋友去奧海城行過呢間餐餐廳, 比佢門口個餐牌吸引左入去間餐廳都幾大, 入面仲要係梳化位, 坐得好舒服 酒吧餐廳當然有酒飲, 仲有HAPPY HOUR 時段 我地叫左三樣野食:香煎蟹餅($108): 仲以為係好細塊既蟹餅, 點知上枱, 塊蟹餅超厚身, 入面充滿蟹肉, 外皮又香脆 龍蝦汁大蝦海鮮闊條麵($148): 呢個估唔到咁好食, 龍蝦汁夠"傑"身可以掛到係闊條麵上面, 每一啖都係龍蝦汁既味, 仲有各種海鮮係入面, 口感好豐富美國頂級西冷牛扒($268): 呢個係吸弔我入黎既重點, 一見到, 果然冇令我失望! 牛扒好大塊又夠厚! 仲有一D脂肪係個邊度. 煎得又岩岩好, 好滿足 呢間酒吧餐廳值得ENCORE, 環境夠大, 又坐得舒服. 最岩同朋友收工, 飲下同食下野 

📍Cocina 3 Tapas Restaurant & Bar 大角咀海泓道1號奧海城三期地下G22號舖-----最近轉天氣 B仔病到七彩 不過的逢朋友生日 都係出左去同佢食飯慶祝 （朋友話佢係壽星 百病不侵 唔驚我D病菌😛）weekday 7點幾黎到 餐廳已經full左9成 呢度樓底好高 空間感好大 顏色以紅黑為主調 神秘中帶點型格 係我地睇緊餐牌時候 前面有張檯有人生日 餐廳為佢送上有煙花蠟燭嘅蛋糕🎇超級靚 可惜我唔知道有 無預先order到 如果大家帶人去慶生記得同餐廳講定等佢地可以為你預備-古秘魯海鮮沙律（$148）貪得意嘅我地 見到呢款古秘魯沙律躍躍想試 黎到之後 貌相好靚 海鮮份量好多 有帶子仔 八爪魚仔 大蝦 油甘魚等等 味道酸酸地 帶少少檸檬香 入面好多洋蔥粒 底下則浸滿橄欖油 同平時西式沙律好唔同 雖然頗具異國風情 不過我地唔係特別食得慣呢個味道😆-龍蝦汁大蝦海鮮闊條麵（$148）朋友一向愛飲龍蝦湯🦞所以我地就叫左呢款龍蝦汁意粉試下 大蝦有燒過 新鮮又夠大隻 好好食 如果比多幾隻就好😆 闊條麵回彈力十足 煙韌有口感 似手作意粉 唔似機製 汁底份量多 有少少似將濃稠嘅

留意到呢間鋪頭好耐，裝修幾靚，幾有異國情調，今日想同朋友搵個地方慢慢傾計，所以就揀咗呢度。貪佢感覺集餐廳同bar一身。一坐低，waiter就拎咗一碟nachos配千島醬嚟，同bar一樣有nuts charge，可以嗌翻杯啤酒再慢慢揀嘢食。西班牙最出名tapas，所以我地嗌個小食拼盤，有蘑菇、蟹餅、炸芝士同腸仔。sauce方面都有兩種選擇。之後主菜我就嗌咗菠菜芝士釀雞肉，呢道菜都幾考功夫，因為要用雞肉捲住d餡料。朋友嗌咗西班牙黑毛豬。賣相幾吸引。總體嚟講餐廳氣氛幾好，適合慢慢坐。

接完媽咪係奧海城放工， 就諗住唔煮飯， 係附近嘅商場搵食～😂 Pan Fried Crab Cake香煎蟹餅（$108） 一客就有一個拳頭👊🏻咁大嘅蟹餅， 外層炸得金黃香脆， 都幾厚身， 雖然裏面唔係全部都係一絲絲嘅蟹肉， 但都幾鮮香～ 有d似食蝦餅嘅感覺！😂 ⭐️推薦❗️ Braised Baby Pork Leg 西班牙傳統陳醋燴豬仔髀（$138） 豬仔髀炆煮得軟腍入味，肉質爽彈有嚼勁， 配上香甜嘅陳醋醬汁好惹味， 令人食到停唔到口～☺️ ⭐️推薦❗️ 炭燒澳洲頂級肉眼扒（12oz）（$228） 火侯控制得不錯👍🏻， 牛扒表面煎得呈褐色， 中間嘅肉微暖呈紅色， Medium rare切開仲有血水滲出黎～👀 入口軟腍多汁，肉香味美！ 落order嘅時候雖然可以選配蒜蓉或黑椒汁， 不過我地都冇蘸過， 反而覺得原汁原味更好！😏 Blue Diamond（$78） 以新鮮荔枝和vodka打成沙冰， 最後倒入blue curacao， 賣相精緻，荔枝睇落好似海洋中嘅嘅寶石💎， 幾用心嘅構思～

同事生日，要跟她慶祝一起吃飯。她說這裏有間不錯的西班牙酒吧，環境很好，地方夠大，她說不如去這裏吃她的生日飯，於是放工就過去。餐廳有室內及室外，室內真的是很大，裝修很美，紅色的梳化及椅子，高貴大方。馬賽克的磚牆，木的桌子，很有西班牙風格，這裡坐得很舒服。連餐牌都很有西班牙的味道，封面紅紅的，就是西班牙的熱情。菜式選擇有很多，今天當然由壽星女發板。她點了一個扒及pizza，每人各點了一杯cocktail。Nut是粟米片，入口脆脆，旁邊有沙律醬。沙律醬是鹹鹹的，覺得很夠味道。可能很久沒有吃過粟米片的關係，吃到停不了口。我點這杯cocktail是Nothing，菠蘿汁的味道比較多，有蜜瓜的味道，感覺清新。入口甜甜還帶點伏特加的酒味，不太濃烈，我很喜歡。同事這杯cocktail是Mojito，上面有一大塊冰，味道是甜的，有青檸及薄荷味。她說本來有點甜，但當大塊冰溶了後，甜味就變得剛剛好，味道不錯，她亦很喜歡。壽星女很喜歡吃牛扒的，她點了炭燒澳洲頂級肉眼扒。牛扒肉比較嫩，入口軟熟，很有燒烤的味道。旁邊有兩款醬汁，一款是燒汁，另一款是黑椒汁。兩款汁都各具特色，配著牛扒一起吃都是好好食。配菜有一點點沙

同屋企人系奧海城附近行完街，想食晚飯醫肚仔，已經係第二次嚟啦，今次就點d上次冇order到既嘅菜先，雖然一段時間冇食呢間餐廳，但水準依然保持得好好法式焗田螺一上碟非常吸引係極香濃嘅蒜蓉牛油香草田螺，田螺肉好肥，薯蓉入口系好香濃嘅牛油味。西班牙香燒乳豬仔一碟有四件，乳豬好似三文治咁樣夾住個乳豬肉，乳豬燒得好香脆可口滑而不膩。龍蝦汁大蝦海鮮闊條麵闊條麵嘅水準依然芝士焗釀大菇大菇一切開好juicy西班牙燉蛋焦糖燉蛋表面嗰層焦糖燒到好香，燉蛋口感好好，整個焦糖燉蛋好出色