Cocina 3 Tapas Restaurant & Bar (Closed)

見呢間餐廳氣氛不錯，唔會好嘈幾適合傾計就入咗去坐，啲音樂幾西班牙風味。一坐底侍應就拎咗粟米片過黎，收費睇返係$40兩位一碗咁，Menu寫可以添。但今餐叫咗兩個tapas一個main course一個甜品，最後已食唔落所以就無再叫添啦。西班牙香燒乳豬仔($98)乳豬味好出但塊多士仔無咩烘過，太軟身略為遜色。如果脆身啲成件事個texture會夾啲，但乳豬仔係好味既白酒忌廉煮青口($110)青口好大隻好肥美！有七大隻，食落好滿足。個汁不錯，有蒜片bell pepper同洋蔥，本身唔太喜洋蔥既我都食咗唔少，幾甜又唔會辣，唔會好冧或好脆身質地啱啱好。Main叫咗西班牙海鮮炒飯($268)好在無叫兩個main否則會飽死！去西班牙餐廳好似點都要叫個paella，味道不錯，好足料，青口都係好大。仲有大蝦同好多既蝦仁，好多八爪魚粒同蜆肉佈滿整個飯。如果可以再乾身少許會更好。飯真心好大，兩個人share都幾吃力😂😂甜品叫咗每次西班牙餐廳必點既churros ，上枱超香肉桂味。呢間餐廳既churros幼身少少既，熱就幾夠熱，不過我較喜歡外脆少少既churros ，唔夠硬身食落會覺得油咗少少。飲品叫咗一杯ho

要和很久沒見的好姊妹相約一定要找個環境舒服的餐廳在openrice找到這間在奥海城3 期的西餐決定試試這家 環境看來很不錯由於今天早收 7 點多便來到不用等位一進餐廳店員很有效率地給了我們menu同一盤nacho因為選擇很多 所以都花了一段時間擇古秘魯海鮮沙律 海鮮好多好大盤西班牙正宗奄列 第一次食 味道都唔錯傳統西班牙車打芝士波 芝士波好濃芝士味 芝士迷不能錯過炭燒澳洲頂級肉眼扒塊扒勁大 有好香嘅炭燒味 正呀2 個女仔食已經好飽好飽好適合同姊妹談心 環境非常舒服店員都好有禮貌 做野好快

Happy Friday諗住中午食下西餐，諗起之前喺奧海城成日都有經過依間鋪，就趁今次黎試下。我地5個人12半黎到，裡面已經full哂，要坐露天位。lunch set選擇都ok，有幾款都想試，見到加12蚊就有自助沙律吧，好似都幾抵。不過我今次都無加，淨係叫左個龍蝦汁海鮮扁意粉($72)。上碟速度都算快，望落賣相幾好，海鮮有青口、魷魚同埋蜆肉，分量都還可以。不過味道就一般般，雖然麵質係ok，但係龍蝦汁嘅味道唔係好突出，導致個意粉無咩味，對於中意龍蝦汁嘅我有少少失望。另外見到個fd食漢堡，覺得賣相麻麻，唔係特別吸引，感覺上食飯或者意粉可能會更好。臨走嘅時候仲聽到侍應講話之後餐牌就會轉，無左沙律自助吧，變左一個價錢包埋餐湯、沙律同飲品。

Monday要食餐好既，咁先有氣有力去迎接一週的工作✌今晚黎到奧海城3期地下西班牙餐廳Cocina 3 Tapas Restaurant and Bar感受異國風情🤗餐廳內的裝修時尚，樓底高，間格寬敞舒適Nuts($40)澳洲和牛肩胛肉($308)我地叫左7成熟配微辣黑椒汁，無渣，肉汁豐富，帶一點點炭燒味，不用使勁咬就溶於口中，最貼心的是已經切好一塊塊上檯，懶人之選😂西西里海鮮pizza($108)Pizza餅薄料多，味道豐富濃郁，又係切好一塊塊，直切比斜切好，闊度適中，容易入口，細心哦！法式焗田螺($98)第一次食法式田螺，田螺味道獨特，口感粉嫩，好重海水味。薯蓉好香牛油味，份量非常多，可以當主菜。蜜糖乳酪慕絲蛋糕($62)慕絲柔滑，蛋糕酸酸甜甜的無咁漏😊同場有兩檯慶祝生日🎉🎉原來慶生可以自備蛋糕🎂或order店內甜品🍰均免費贈送煙花蠟燭，仲免切餅費，餐廳會播放生日歌，唔怪得咁多人黎慶祝啦😆

某天晚上同朋友到一間西班牙餐廳，位於奧海城三期底層其實都有d隱閉，哈哈，不過都係想試下，入面既裝飾同設計都幾復古feel,仲有播下d悠閒既歌,感覺都幾好feel,安排左我地坐卡位甘既位置,我地坐低左就即刻有墨西哥既薯片小食食，仲要任食既，不過留意呢個小食係收左$40小食費嫁。之後我地order左個西冷扒同埋西班牙海鮮飯。西冷扒肉質鮮嫩而且好有牛肉味而個西班牙海鮮飯，青口好大隻仲要無腥味，呢碟飯真係二人份量？我覺得三個人食都好夠，份量超大碟，仲要都好好味，蝦都好大隻，海鮮飯真係好足料同新鮮嫁。又唔會好油甘。

個fd真係好鍾意黎呢種類型嘅餐廳 覺得比較有feel ，多嘢食又可以飲下酒咁～呢個餐廳係佢搵嘅 佢想試下。>~< 古秘魯海鮮沙律🥗 HKD 148呢個海鮮係有醃製嘅 味道偏鹹少少 但都唔錯。>~< 白酒忌廉煮青口 HKD110帶有陣陣酒香 加上香濃忌廉和新鮮大隻嘅藍青口 味道好正值得一試>~< 西西里海鮮pizza HKD 108呢度好似冇厚批 得薄批。上面一層海鮮 薄批比較脆香 食落都唔錯。>~< Pinky lady HKD 68呢款cocktail比較易入口 酒質感幼滑 入口充滿奶香。酒精濃度 10%-15%>~< Margarita HKD 68屬於鹹cocktail系列 酒杯邊有鹽 口感濃郁。酒精濃度 10%-15%總體來講 呢間餐廳嘅格調都係唔錯嘅～ 可以一試！

大角咀呢間餐廳係市區邊邊位置，其實好啱收工過嚟吹水閒聚，食下嘢飲下嘢，天氣涼涼地，可以坐戶外、戶內都得，而且又近地鐵，好方便👍🏻戶內空間感夠，鮮紅色的座椅，好有格調，樓底夠高，卡位、巴枱位，啱不同組合！戶外更加有情調，零舍好feel，如果揸車泊喺旁邊望住下，好好嘅地方👍🏻況且食物收費都唔貴，定價實惠，肉眼12安士都係$228，簡單來講算抵食喎🤗呢度八點前有Happy hour ，抵好多，就算齋飲都唔錯，今次我就揀左戶內坐，啤酒Half pint都係$4-50元左右，都還有佢哋服務質素都好好，個個都笑容滿面😊叫左隻西班牙燒雞$198，即叫即燒，上台時香氣四溢，我哋兩個口水流晒，而且皮脆肉嫩，本來以為食唔晒，點知好味到好快就K.O.左佢😬炭燒澳洲頂級肉眼扒12安士$228，五成熟，雖然輕輕Over左，不過肉味夠，質素好搭夠，目測唔止12安士，薯菜亦好豐富，抵食👍🏻👍🏻👍🏻牛肝菌燴飯$118，滋味又惹味，個汁唔會太𤇍，份量又夠，食到我哋好飽好滿足😋埋單都係$700元左右，好抵，所以呢度都好旺場，訂位會穩陣啲🤗

又再黎到呢間餐廳，其實都唔係第一次黎，但每次都會有少少唔同咁。🍴牛油果蝦肉Pizza餅底係薄脆的餅乾底，蝦肉量一啲都唔吝嗇，蝦肉都算彈牙。海量嘅洋蔥同沙律醬太突出。牛油果醬可以更多。🍴板燒黑毛豚肉又係肥A最愛嘅一道菜。只要係黎呢間餐廳都必叫。維持一貫水準。豚肉鮮嫩多汁，口感彈牙。但係黑邊稍為燶左啲，焦味有點太重。伴菜的薯條就失色了，油油冰冷。🍴西班牙原粒燒白菌原粒菇菇好天然的味道。菇味濃。🍴Blue Diamond & BarcelonaBlue diamond一向都係賣飛佛，又係必點。粉紅色的Barcelona就係mocktail，甜甜酸酸的，幾解渴。🍴Nachos 配醬超搭，令人不停想refill，配上飲料，慢慢傾吓偈，不錯。

約左朋友晚餐，見到奧海城有間西班牙野幾吸引，環境具有西班牙風格，椅凳系鮮紅色，木質牛頭裝飾型格特別。一坐低，侍應就送上薯片小食，不過這個系另外收費，如果晤食小食的朋友，要留意了。來到西班牙主題的餐廳，點都要食返d有特色的菜式，例如Tapas,西班牙海鮮飯之類。呢個西班牙海鮮飯就夠晒正宗了，除左賣相一流之外，份量也是相當足夠的，有青口，魷魚，大蝦等多種海鮮，另外有雜菌，沙律菜，超級豐富。米飯少少偏鹽，西班牙的特色系比較鹽，之前在西班牙食都系咁。正宗西班牙奄列，厚切的奄列口感好正，蛋香濃厚，恰到好處的用左番茄，系西班牙特色，必食！傳統西班牙炸車打芝士波，呢個炸車打芝士波系我之前在西班牙旅行中最愛的食物之一，車打芝士的香味很獨特，一咬開，芝士就湧晒出嚟，非常香！呢度整得好正宗！西班牙香燒乳豬仔，典型的西班牙Tapas,一層車厘茄，一層乳豬仔，一層青瓜片，底層系炸面包片，口感豐富，乳豬仔肉嫩，皮薄又脆，正。

今日去奧海城三期地下G22 餐廳好靚，酒吧加餐廳氣氛好好！不會太嘈！我們兩個人點了一個西班牙海鮮炒飯海鮮有蝦，青口，魷魚仔🦑，蜆仔，海鮮好新鮮😙，特別是青口，鮮甜肉厚，好正呀！飯好好味！有牛油和海鮮的香味！飯粒口感彈牙！分量好大夠3~4人食！一個西冷牛扒牛肉味好濃，炭燒味好濃郁！肉質淋滑，旁邊的薯角炸得好脆好香！總結味道 好好味！西班牙炒飯十分推介！👍🏻👍🏻👍🏻環境舒服服務好好價錢合理

夜晚放工黎到奧海城見到呢間好似唔錯就想黎試下🤭一入到去佢地就比左一兜薯片😛不過原來埋單係收左40🤭所以唔想食就主動同佢地講啦跟住我地嗌左法式焗田螺，慢煮牛面肉闊條麵，西班牙小食拼盤同埋蘑菇帕爾馬火腿pizza😛佢地上菜速度都幾快，岩岩嗌完大概5分鐘就上菜😚法式焗田螺好大盤，都有起碼7/8粒，仲要每粒都好大粒，薯容分量都超多，呢個真係焗得好香好味，仲要勁飽肚！！慢煮牛面肉闊條麵，都好大份，入面個汁好香，但牛既分量唔算好多，但煮得幾香幾入味！西班牙小食拼盤，呢個好推介！入面個蘑菇超好味，又大粒又香～跟住芝士炸薯波都好推介😍呢個下次可以encore蘑菇帕爾馬火腿pizza，呢個有成6塊，好多芝士😍😍😍火腿又好大塊😛😛食完真係好飽！Overall 好推介😛分量多味道幾出色

好耐無食西班牙菜 朋友推介這間可以飲下酒 吹下水餐廳環境舒適 幾闊絡 適合朋友聚會的地方🥗古羅馬凱撒沙律配水煮蛋 （$98）沙律菜新鮮 但沙律醬頗多 有些咸🦀西班牙小食拼盤 （$158）有選擇困難症的人可選這個分別有辣肉腸 芝士波 香煎蟹餅 炒蘑菇最喜歡係芝士波 外脆內軟 中間有濃郁流心芝士蟹餅非常香脆 配埋沙律醬 簡直超夾🦑西班牙海鮮炒飯 （$268）估唔到上到來咁大份 同好香😱😱足夠3-4人share 超多材料 青口 蝦 蜆仔 魷魚🐟🦐飯唔會好乾同硬 除左啖啖海鮮仲有多粒粒辣肉腸 整體口感超豐富 同好惹味 睇番其他食評 原來可以叫半份 如果擔心份量太多 大家可以嘗試問下🍮西班牙燉蛋 （$58）上面會有層薄薄焦糖燉蛋口感滑 蛋味濃 有少少cheese 的味道但與平時有少少不同 質感實少少留意番這裡一開始會放底nachos 同sauce 要收$40 但可以refill👭侍應幾有禮貌 主動加水同埋會間唔中經過睇下洗唔洗收碟

呢個星期發生太多事，特別係好多唔開心嘅事，所以今日平靜返d就同朋友一齊放工去食餐飯，其實係呢啲風雨飄搖嘅日子，簡簡單單食個飯已經係一種幸福。去咗奧海城呢間西餐廳，佢又有pizza同普通意粉個d，但又少見d 嘅西班牙tapas同法式菜，係一間有好多種唔同種類食物嘅西餐廳。一坐低佢就會畀啲墨西哥片你嘅，收咗40蚊nuts錢， 我估係可以唔要嘅。我哋嗌咗一個蘑菇parma ham嘅pizza，佢 parma ham因為真係好薄嘅關係，就唔係好鹹嘅，反而d蘑菇係好香，放落嚟嘅時候係有陣香味！跟住仲叫咗西班牙炒飯，但係一放落嚟我真係忍唔住講一句「咁大份嘅！」佢完全係大過我哋expect嘅！係有成四人份！但事後諗番都係啱嘅，因為佢個價錢係268蚊，咁其實如果係飯麵嚟講，應該唔洗咁貴，所以佢係大份先係呢個錢，但我哋order 個時冇諗咁多，結果完全食唔曬 仲叫咗呢個法式焗田螺， 所以你明白點解我哋兩個人完全食唔曬，呢碟仲要係有好大兜嘅薯蓉呢個一定係即刻整嘅，因為都等咗比較耐嘅時間。雖然田螺肉係好入面，但係佢呢係醃咗，整咗味，所以好好食 誠意推介！

社會壓力太大，收左工就想飲返兩杯放鬆放鬆，咁就順便食埋晚飯輕鬆下。呢間餐廳響大角咀，算係偏離市中心區域少少，食飯都可以食得安心啲，食完飯再出去回歸現實。西班牙香燒乳豬仔 - $98食開呢類餐廳都較少有乳豬仔，今次正中下懷，終於有機會比我試下，乳豬仔香脆可口，唔算太油，但法包腍左少少。蘑菇帕爾馬火腿Pizza - $108Parma Ham比預期有出入，因為每片Pizza得一片咋，所以成片Pizza整體黎講唔夠鹹香。但菇類、芝士、茄醬非常充足，餅底亦很薄脆。炭燒澳洲頂級西冷牛扒 - $218賣相精美，香氣四溢，但咬口及味道始終不及美國貨。有機會下次食貴少少試美國西冷。Phoenix Sunshine - $78主要係芒果味的cocktail。Edelweiss - $54Happy hour時段有特惠。

今日同屋企人去左奧海城食晚飯，我地揀左一間食西班牙菜既餐廳。呢間餐廳都幾大間，入面既裝修亦都好有西班牙既風情，喺度食飯既感覺好chill啊！一坐低就有免費既小食！打開餐單，全部都係傳統既西班牙美食，好吸引啊！我地點左個香煎蟹餅，蟹餅好大塊，亦都充滿蟹肉既鮮味，真材實料！屋企人鐘意食海鮮，所以我地點左個龍蝦汁大蝦海鮮闊條麵。呢個麵除左有大蝦，仲有好多其他海鮮，正！另外，我地仲點左個西班牙原粒燒白菌。當然要試下西班牙既傳統菜啦，呢個陳醋豬仔髀既味道好特別，陳醋酸酸味味，好開胃！食埋甜品就perfect!