Video
Opening Hours
Today
11:30 - 21:30
Mon - Sun
11:30 - 21:30
Public Holiday
11:30 - 21:30
Public Holiday Eve
11:30 - 21:30
Above information is for reference only. Please check details with the restaurant.
相隔大半年食過兩次，海南雞嫩滑有雞味，色澤靚，薑蓉都打得高質，仲有一碗用紅蘿蔔粟米煲嘅靚湯，唔係味精湯，比某啲海南雞飯店配個啲勁咸嘅湯好好多。六十幾算扺食。不過第二次食嘅時候，感覺海南雞份量少咗，唔多夠送飯，海南雞水準就一致嘅，係好食的。
continue reading
附近食過咁多間海南雞，最值得幫襯都係呢間，好食，水準穩定，份量又好，就算有朋友黎屋企拜訪都會係呢到加料。就選係d細節，無論係油飯定係醬汁都做得好。喇沙湯有蝦味，連例湯都飲得令人舒服
continue reading
呢次試咗呢間餐廳嘅肉骨茶同豬頸肉，整體嚟講幾滿意，有啲地方仲有進步空間，但已經值得一試。先講肉骨茶，湯底係胡椒味重嗰款，飲落夠暖胃，味道濃郁但唔會太辛辣，藥材味雖然唔算非常突出，但整體平衡得幾好。排骨煲到夠腍，肉質嫩滑，容易同骨分開，呢點做得唔錯，只係湯底鹹度再減少少會更好。豬頸肉方面，外層燒得香口，帶有少少焦香味，肉質嫩而唔韌，脂肪比例啱啱好，食落唔會覺得膩。調味雖然比較簡單，但保持咗豬頸肉原本嘅香甜味，係一個安穩又唔失水準嘅選擇。整體嚟講，呢度嘅肉骨茶暖身又舒心，豬頸肉香嫩惹味，兩樣都值得試下。係一間值得回頭嘅小店！
continue reading
呢次喺某間專賣海南雞飯嘅餐廳食飯，整體嚟講算唔錯，不過都有啲地方可以改善下。先講海南雞飯本身，雞肉幾滑幾嫩，油香啱啱好，表現算係中上。雞皮都有少少膠質感，唔會覺得太油膩，呢點加分。飯方面，雞油味幾香，飯粒都唔會太乾或者黏埋一嚿，食落滿意。但係，啲醬料就有啲普通，辣椒唔夠辣，薑蓉又唔算好香，黑豉油又偏鹹，冇咩驚喜，拖咗少少分。至於啲小食，薯波真係幾出色，外皮炸到脆卜卜，入面嘅薯蓉滑滑綿綿，食落幾滿足，甚至有啲搶戲過雞飯。雞翼就麻麻地，外皮都炸到幾脆，不過啲肉有啲乾，冇咩汁，感覺好普通。環境方面，餐廳幾乾淨，坐位之間嘅距離都唔算太擠，不過食飯時間人多有啲嘈。服務態度幾好，啲人都幾熱情，但係上菜速度有啲慢，特別係啲小食要等耐啲。總括嚟講，呢間鋪嘅海南雞飯值得試下，薯波係亮點，雞翼同醬料就仲有進步空間。如果你唔介意啲細節問題，其實呢度都算係一間性價比唔錯嘅小店。
continue reading
如題，見好多人讚性價比高，決定帶阿媽去食餐好嘅😅⋯又話依家餐飲市道差⋯唔係喎，見到呢間餐廳晚餐時段人流保持進進出出，又不斷有人外賣帶走！最後點咗2人套餐，滿懷希望等待享用。因為太肚餓，套餐送上時色香味俱全，已急不及待送開餐啦，食食吓先記得⋯應該讓相機先食了😂。食咗一陣，見隔離枱一男一女食2套餐都食剩一半？！套餐食咗1/3，我開始明白點解隔離枱會食剩喇⋯海南雞可以接受，但不是最佳狀態嘅品質，跟餐上嘅啡色醬油偏甜，蔥油醬3/4都係油⋯🤔️相比同區另一間海南雞飯店稍為遜色。肉骨茶雖然係細碗，但實物非常大碗，材料充足，有藥材外亦有油炸鬼、金姑、木耳。入口味道偏甜，但媽媽第一口湯已感覺好鹹，飲了1/3已放棄了。回家途中已覺得非常口渴。時蔬選擇了醃青瓜，凍凍地帶微辣，送飯好開胃。併盤選擇了炸蝦及春卷，不過不失。至於，串燒選擇了豬及羊。羊肉好老食唔到，豬肉還好少少，勉強食了幾粒；其他放棄了。最後，餐飲選擇了熱檬水，飲了2啖已放棄⋯因為檸檬壞的，檬水入口已有變壞嘅味道。總結係⋯滿懷希望去幫襯，但整體成餐飯比想像中差，將來不會再幫襯了。
continue reading