Cocolo Tokyo Cake Factory (利東街)

Open Now

Now Closed

今日去開灣仔睇中醫，行過這間餅店，聞到陣陣牛油香已經令我垂涎，忍不住入去看看。店子以綠白色為主，簡約舒適。開放式的門口，感覺寬敞闊落。而眼前就見到兩個餅櫃，凍熱各一，那就凍熱各要一個，嘩! 個包裝盒都好靚。******************************熱櫃排滿了一個個金黃的批和酥，有幾種口味，個個都好靚仔。店員話主打青森蘋果批，但我就反而睇中波浪紋的日本甘薯批（$38），特別！回到家焗一焗熱，熱辣辣，牛油香四溢。咬一口，酥碎四散，香脆可口，滿滿牛油香，中間捲着甜甜地綿滑的甘薯蓉，好吃！******************************揀了熱櫃一件，當然要揀一件凍櫃。內有幾款件裝蛋糕和個裝蛋糕，我選了一件榛子摩卡蛋糕（$30），size 細細，岩晒一次不能吃得太多的我，哈！賣相挺不錯，忌廉和蛋糕相間，共有六層，頂層忌廉灑滿可可粉。忌廉挺甜滑，而糕身質感都算鬆軟，啖啖摩卡香，亦嚐到榛子味，不算太濃，甜度又適中，吃完都不覺甜膩，好吃!------------------------------批，果然是這店的招牌，啖啖香脆可口，令人回味，必吃! 

店裏有售甜批、鹹批、原個蛋糕、蛋糕切餅，馬卡龍、飲品青森蘋果批$35 @1 / $136 @4 / $264 @8招牌蘋果批，標明日本直送、全人手製造。外形厚身，內裏多層輕薄酥皮，每層酥皮之間保留著空氣感，咬落口感酥脆、鬆化。 無添加的青森蘋果醬，清甜不膩，仲有蘋果肉粒法式菠菜酥 $23與蘋果批相比，菠菜酥的批皮口感厚實、有質感，菠菜酥內餡creamy濃稠，仲略帶有微微芝士味_______________Cocolo Tokyo Cake Factory (利東街) (灣仔)灣仔皇后大道東200號利東街地庫1樓B36號舖_______________

聽講呢間店出名食蘋果批,我就點了一個青森蘋果批,裡面有酸酸甜甜既蘋果,而個批好香脆,皮好有層次,正!另外叫左一個梳乎厘芝士蛋糕,梳乎厘令到蛋糕既質感好順滑,好輕,好柔軟,口感好特別。呢度既包裝好色彩繽紛,令人好開心,送禮比人都好得體。呢度仲有幾款日本特色飲品,有我中意既汽水,更加有手調飲品。仲有其他批同埋馬卡龍,搞到我心思思。呢度唔同類型既甜品都好吸引,不過一次過食唔到太多,可以送禮比人或下次再試過。

青森蘋果批~佢寫明係日本直送，全人手製造，仲無添加❤️買到返屋企用氣炸鍋170度氣炸左5分鐘，整返脆個皮，氣炸緊既時候已經嗅到好香。氣炸完一切開，已經聽到個皮Kiki卡卡，勁脆！蘋果批入面有吉士醬，甜甜的，仲有粒粒果肉，好足料。加埋佢個勁香脆既外皮，真係我係香港食過最好食既蘋果批！🤤🤤🤤🍎🍏

最近有朋友搬咗去灣仔，約咗呢日去探佢，但係佢堅持唔需要入夥禮物，見有時間早，就去咗囍帖街行吓，發現呢一間日式嘅甜品店，就決定買少少嘢食上佢屋企☺️喺遠處經過已經聞到一陣陣蘋果嘅香味🍎.見到有好多唔同嘅甜品或者係酥皮批好耐冇喺日本蒙布朗，見到個外型都好吸引，所以即刻決定咗買一個番薯蒙布朗☺️另外都一定要買蘋果批，因為真係好香😆仲見到好多唔同嘅必食推介 ,我諗我下次可以出過嚟試吓蘋果批好香脆鬆軟，入邊有淡淡的蘋果蓉同粒，襯埋啲吉士醬，仲要新鮮出爐，真係非常之咁夾另外番薯蒙布朗，層cream一啲都唔膩，啲番薯甜味啱啱好，三層嘅感覺好正，同行肯分享嚟食嘅話都係有啲唔夠喉😂😂total 都係$65, 個price 都好acceptable ,我相信我會再買來食！

出灣仔做運動，原來新添左利東站依個出口。一出站就聞到一陣香噴噴嘅蘋果批香味，忍唔住跟住香味嘅方向行，望到啱啱出爐嘅蘋果批，所以忍唔住買咗一個，但一個好似唔夠食就買多個Tiramisu蛋糕😂🙈。蘋果批外脆內軟，清甜嘅蘋果配上吉士醬，酸酸甜甜好match! Tiramisu蛋糕超軟熟，唔太甜，Tiramisu味唔算好重，下晝食完夜晚都瞓得着🥰🥰可惜嘅係冇地方堂食，只有一張小枱可以企喺度食，拎返屋企食一流。

話說間鋪所在嘅地下街周圍都係啲裝修精緻啲嘅鋪頭，唯獨是呢間係冇乜點花錢喺鋪頭嘅佈置到😗但係佢句「日本直送青森蘋果批」一下捉住咗我個人🤣🤣-🐾 青森蘋果批本身冇乜期望嘅，但係等緊加熱嗰陣，個香味撲鼻而來，真係不禁有所期待😝而佢都冇今我失望，加熱之後個酥皮都仲係酥脆，咬完就見到佢一層一層，啲蘋果香味🍏都出埋嚟，係真係一聞就知：係啦！係日本嚟㗎！😆😆個餡料都好好食，但係真係少咗啲，要咬到好中間先有🥺

喺灣仔行街行到攰，正想抖下，係利東街商場地庫，路過見到呢間<Cocolo Tokyo Cake Factory> 餅店，俾佢嘅青森蘋果批吸引住，便走進店買來試下。<青森蘋果批 $35>呢個標榜日本直送，全人手製造嘅青森蘋果批，外型份量十足，咬落去有非常鬆化嘅酥皮，而且仲要係好多好多層既酥皮，入口非常鬆脆，食完每一層鬆脆酥皮，入面就係好多勁清甜，味道清新嘅青森蘋果肉，每一啖蘋果蓉入面都有粒粒嘅蘋果肉，用料十足，而且製作相當認真，非常滋味好食！！絕對係必食之選！！～<梳乎厘芝士蛋糕 $30>呢個梳乎厘芝士蛋糕，入口有點兒像日式的芝士蛋糕，不過質地就較為實在，咬落去係鬆鬆軟軟嘅感覺，並帶有淡淡嘅芝士香味，口感軟軟綿綿，非常好食，值得推薦！呢間餅店仲有好多嘅其他種類嘅酥餅，同埋批類，仲有Macaron同埋其他嘅西式切餅，選擇種類都幾多元化，下次可以再嚟試下呀！！

Cocolo Tokyo Cake Factory之前已經有聽過同事推介呢間位於囍帖街嘅日本人氣過江龍蘋果批專門店 Cocolo Tokyo Cake Factory因為返工都係附近 每次經過都會聞到好香嘅蘋果批味今次lunch time 專登過去買翻公司試下間鋪細細間 唔算好大 位置係利東街地庫 小店有一個蛋糕櫃，一個熱批櫃蛋糕有好多款，分別有特濃朱古力蛋糕，草莓蛋糕，芝士蛋糕，焙茶蛋糕， tiramisu 蛋糕等等批類除左蘋果批 其實仲有檸檬批， 甘薯批不過第一次黎 梗係要試下佢哋嘅人氣商品蘋果批啦我另外都買左兩個蛋糕tiramisu 蛋糕同焙茶蛋糕當下午茶👍人氣青森蘋果批 （$35）個蘋果批比想像中大 同埋都好有重量第一下咬落去就feel 到酥皮好酥脆好香口咬到中間吉士醬，多到必曬出黎， 吉士醬甜味適中， 唔會太甜太膩裡面嘅蘋果都係日本直送嘅青森縣蘋果🍎蘋果切得都算大粒 好有咬口 同埋好清甜個蘋果批咁大個 食完都好滿足好飽日本Tiramisu 蛋糕（$30）日式焙茶蛋糕（$30）兩個蛋糕texture都好鬆軟佢地都係雙層嘅忌廉蛋糕 中間嘅cream都好厚一層 正蛋糕面層厚厚嘅奶油

今日下午茶决定黎個蘋果批, 黎左Cocolo呢個專做蘋果批既店舖, 而我今次黎左灣仔分店, 而佢係西貢, 元朗, 旺角等都有分店, 所以都算幾方便可以買得到!👍🏾👍🏾店內裝修多為綠色為主, 而呢間係冇當食位置的, 只能夠外賣, 不過正合我意! 而除左蘋果批, 其實佢地仲有賣其他蛋糕同牛角酥等, 外觀上都幾吸引!!👍🏾👍🏾我就叫左2樣野, 一樣招牌青森蘋果批, 或一樣為培茶蛋糕🙆🏼‍♀️青森蘋果批 $35咬落去超級多層脆皮!!! 而且做得好薄!! 而個餡係蘋果蓉同吉士醬, 配埋一齊相當夾!! 而蘋果蓉唔會話好甜, 岩岩好, 整個食落原來都幾飽肚🙆🏼‍♀️培茶蛋糕 $30蛋糕面有層厚厚既Cream, 但食落一的都唔膩而且口感好smooth好綿, 唔會好有罪惡感, 而培茶味好出亦香濃, $30黎講性價比高!!

想買啲甜品比SumSum食，順便接佢放學，經過囍帖街，就嚟咗呢度🌸Cocolo Tokyo Cake Factory🌸地方不大，裝潢簡單。店內有一個蛋糕櫃，有一個飲料櫃，有一張小餐桌，同時也看到店員在後勤位置焗蘋果批。店內所有的蛋糕和蘋果批都由日本當地製作，然後空運到港，原汁原味。 價格為$30-$48不等🔆🍏青森蘋果批 $35熱氣騰騰的青森蘋果批，賣相已非常吸引✴️隔離包裝紙仍然感到溫度，蓬鬆的酥皮、色澤金黃，烤焗時間和温度完美，咬下香脆鬆化。內裡的吉士達奶油🧈濃稠甜蜜，蘋果餡有顆粒有果蓉，又香又甜😋好食到停唔到口🥧草莓蒙布朗蛋糕 $30草莓蓉綿密幼軟，酸酸甜甜，內裡的蛋糕很鬆軟，味道好特別

我哋坐坐吓電車🚃，嚟到囍帖街⋯唔係⋯囍歡里⋯唔係⋯係利東街先啱～🤣行行吓我俾青森蘋果批呢5隻字吸引到，而停落嚟。·青森蘋果批🍎食嗰陣仲係好熱，新鮮出爐係好香口，好似食緊牛角包🥐咁，有一層層脆脆又有咬口嘅酥皮。最重要嘅係個餡，係青森蘋果蓉。可能你會問，咁即係點？! 其實我諗就係講緊蘋果喺特定嘅水土、天氣嘅栽種下，出到一種清新、甜度偏高，臨尾帶少少酸嘅味道🤏🏻。嗰啲暖暖嘅蘋果蓉，更加令我諗起上次去Kagoshima嗰陣坐巴士，食住當地蘋果睇風景嘅感覺。咁我覺得呢個蘋果批好食之餘，成功在於佢真係俾到我喺日本🇯🇵食緊嘅感覺，一慰我思鄉之苦⋯⋯😬·梳乎厘芝士蛋糕🧀梳乎厘我食過⋯芝士蛋糕我都食過⋯但係梳乎厘芝士蛋糕就係第一次食～🤪佢嘅外型就同普通芝士蛋糕切餅好似，但係食落就有驚喜！🤩係有好香嘅芝士味同奶油味，口感亦都好軟滑～😙 由於佢係塊凍餅，食落仲有一種好似食緊芝士蛋糕味雪糕嘅感覺⋯⋯🍨佢俾我嘅整體感覺係⋯就咁睇你未必會揀佢，但係食落你會覺得自己冇揀錯；而佢亦都係等緊一個識欣賞佢嘅人出現，呢日就出現咗！！😜😎

Cocolo Tokyo Cake 係標榜佢地嘅蘋果批都係東京的直送~而家冇得去日本旅行更加好想食番一個 止止引!青森蘋果批 $35去到門口已經比一排排嘅青森蘋果批吸引左喇!佢係呢間店嘅招牌!每件批都好大份同厚身，賣相非常吸引Order 完之後，店員會焗番熱佢，食到最完美嘅溫度千層酥皮面完全係提升左個口感，食落去係脆卜卜！再咬多層，就可以食到甜甜蘋果餡特別係冇預計過呢個批係有吉士醬係到，加上吉士醬質好細滑，唔會太甜之餘仲會提升左個蘋果天然濃郁味， 口感豐富～三層抹茶蛋糕　$28原本只係想食蘋果批，但Cocolo Tokyo 都有好多cake，勁吸引好鍾意食抹茶嘅我緊係order 三層抹茶蛋糕呢個cake 係海棉蛋糕做底底，抹茶味道好鮮明，食得出有三層唔同味，d cream 都打得幾滑，抹茶又唔會話好甜，清香好食~

法式芝士火腿酥 🐷🧀 （$20）佢又好香嘅牛油味🧈，鹹批來講質地會比較厚實，入面都有火腿同芝士，芝士翻熱呈半浴狀態同酥皮，完美結合，作為早餐或者下午茶都係一個幾好嘅選擇蘋果批🍎 （$35）蘋果批漲卜卜，層次非常之明顯，起碼要成六至七層，而且個外層係可以做到好薄，令到個口感非常之鬆脆，餡料係青森蘋果🍎加吉士醬，蘋果嘅果味濃郁，而吉士醬質感細滑，而且唔會太甜，可以突顯返天然嘅蘋果味👍🏻😋📍Cocolo Tokyo Cake Factory (利東街) (灣仔)灣仔皇后大道東200號利東街地庫1樓B36號舖

Cocolo蘋果派選用嘅食材都係由日本直送：青森縣蘋果🍎、和歌山嘅吉士醬製作。入面啲蘋果係一粒粒正方體，好有咬感，仲帶少少蘋果酸味，再配搭吉士醬，一啲都唔膩。酥皮層次分明，牛油味香濃，而且口感酥脆，無比蘋果醬浸淋左。好味，性價比唔錯👍