Cocolo Tokyo Cake Factory (利東街)

Open Now

Now Closed

返新工買左兩件cake俾同事一齊食下，近近地喺度揀左兩個批，呢度嘅蘋果批一直都幾出名，就決定來買外賣。個綠色盒幾靚。青森蘋果批 $33蘋果批拎走時仲係熱辣辣，辣手的。一切落去，蘇脆嘅蘇皮即刻向四面彈開(最後要掃地)，裏面嘅蘋果mustard仲要立即流出，內有三四粒蘋果原粒，甜味適中，都幾好食。榛子摩卡蛋糕 $25多cream，有香濃嘅咖啡味，榛子味有點而被香龍嘅咖啡味蓋過，雖然係咁，但係鬆軟嘅蛋糕質感已經為佢提高返很多分數。我係拎走嘅但係店內有兩個位可以俾你坐低食我覺得個門口有啲唔係好起眼

之前去西貢店食過已經覺得好好食，今次經過灣仔見到有開分店即刻入去咗買翻啲日本直送甜品翻屋企慢慢嘆~😝👍1. 青森蘋果批 ($33)呢個真係必吃之選!😍 食嘅時候暖暖地，質感係酥脆嘅千層酥皮，但一啲都唔油膩，青森蘋果肉+吉士餡料酸酸甜甜，帶點清甜，幾開胃!😋2. Tiramisu蛋糕 ($25)意大利芝士凍餅好香濃嘅咖啡味，一層Cream就層海綿蛋糕，食落比較輕盈，甜度剛剛好，咖啡配搭Cream Chesse永遠係最佳拍搭~😎Cocolo Tokyo Cake Factory地址: 灣仔皇后大道東200號利東街地庫1樓B36號舖

今日放工係利東街落地鐵站時經過依間小店，比日本蘋果批個廣告牌吸引左入去一試。鋪面雖然唔大，但都有2張台可以坐底歇息下。試左個青森蘋果批，批皮酥脆，一啖咬落去，唔會太甜，有種淡淡既蘋果清香，岩曬我唔中意食得太甜既口味同行朋友唔中意食水果，於是叫左個Tiramisu 蛋糕。吃一口淡淡咖啡酒香融化在嘴裡，口感細緻滑順.。食左幾啖後，底下蛋糕體吃起來鬆軟入口即化，好評。除左依兩款，都有其他款式既批同蛋糕，全部都幾吸引！胃容量有限，唯有下次再試

呢間舖頭既蘋果批好出名，早咗收工但又未夠時間食dinner，經過利東街就醒起呢間舖頭，即刻碌咗去買黎食😂去到嗰陣甜薯批已經得返兩個，好彩食到啫！日本甜薯批 $35 舖頭有兩三個座位，咁我就坐低慢慢食先，仲可以順便叉埋電，真係好窩心呀！本身仲諗住要食完快啲去搵地方叉電添！甜薯批一咬落去好酥脆，甜薯食落唔會過甜！草莓乳酪慕絲蛋糕杯 $25由於我堂食嘅關係，個慕絲蛋糕杯要擺喺室溫10分鐘左右再食，我冇等到佢完全溶曬雪先食，食落個口感反而唔錯！好似食緊士多啤梨雪糕咁嘅感覺👍🏻

在利東閒逛，突然見到之前喺西貢好想試的日本青森蘋果批，即刻入去睇下仲有咩揀。午飯時間去到，已有一款批賣哂，睇黎要試要再早啲去。除左批之後，仲有好多精緻的蛋糕。一場黎到，揀左一冷一熱甜品返屋企歎。✈青森蘋果批✈店員比我的時候還是暖的，返屋企食都有焗熱返，裡面有粒粒青甜的蘋果粒，配埋吉士醬，外面酥脆，內裡清甜，餡與皮的比例剛好，自己食哂一個都唔會膩。✈榛子摩卡蛋糕✈Size比批細件，飯後甜品來說一件剛好，朱古力味比咖啡味濃，蛋糕夠moist唔會乾。現場有位可以坐低慢慢食，仲有充電位。

今日約左人去利東街交收，順便行下，本身都幾鍾意利東街，但從來冇落過地庫行，原來地庫都多野睇，行經見到呢間青森蘋果批，就俾佢吸引左入去，雖然蘋果批出名，但我本第鍾意食日本蕃薯🍠，所以買左個日本甜薯批，另外再買左榛子摩卡蛋糕同兒童啤酒🍻。等待期間仲有得充電添！日本甜薯批🫔-熱辣辣，酥皮香脆，咬落去見到好多層，甜薯餡料香甜軟糯，外鬆脆內軟滑。榛子摩卡蛋糕🍰-份量剛剛好，忌廉夠滑，朱古力同咖啡味都好香濃。兒童啤酒🍻-當然係冇酒精，倒出黎好似啤酒咁有豐富泡沫，飲落去係有汽蘋果味果汁🧃，好得意！

每次食完正餐都心絲絲想食甜品，咁啱經過利東利見到有間日式餅店幾吸引就忍唔住試試佢有唔同嘅批同蛋糕，最貴都係三十幾蚊，全部都好吸引，搞到選擇困難症嘅我諗左好耐先決定到買邊件好我地最黎揀左一個批同一件蛋糕，佢店舖入面有位可以堂食，不過我地都係帶返屋企慢慢享受檸檬忌廉芝士批（$35）呢個批嘅酥皮非常酥脆，但係又唔會過份油膩，食落去有檸檬嘅酸甜味同忌廉芝士嘅香味，食落都幾清新而且食完唔會好滯焦糖堅果奶油蛋糕（$25）蛋糕嘅cream係焦糖味，香濃得黎又唔會死甜，上面嘅堅果應該焗過黎，食落脆脆地令口感更加豐富

今日行完利東街咁就經過一個商場行去地鐵, 途中見到有間日本嘅蛋糕店, 見到啲蛋糕嘅賣相都唔錯呀, 於是乎就買咗兩件來食香濃榛子摩卡蛋糕, 呢個蛋糕有香濃榛子味加朱古力味組成, 中間會有小小忌廉, 呢個蛋糕都幾幼滑杏仁朱古力批, 呢個批裏面有杏仁醬加朱古力醬, 杏仁同朱古力味都幾香濃, 外面層皮就有少少香脆呀呢間餐廳有兩張枱呀, 咁可以坐喺度食或者外賣帶走都得, 蛋糕如果你外賣帶走佢會畀個盒裝著的餐廳位置就係喺正利東街嘅下一層

疫情關係無得去旅行好掛住日本點算好？同事推介左呢間位於灣仔利東街既Cocolo小店提供日本直送既甜品例如青森蘋果批、蒙布朗蛋糕、雙層芝士蛋糕等等今日食完lunch買左兩款甜品返去做下午茶青森蘋果批 $33呢款極度推介比大家😍之前試過其他店既蘋果批都一般呢間好啱我口味拎上手仲暖暖地鬆脆既外皮唔會好油膩👍切開見到粒粒蘋果肉同吉士醬好吸引😋😋😋酸酸甜甜好開胃榛子摩卡蛋糕 $25另外試埋佢個hazelnut cake開頭好怕朱古力甜品會太甜同漏呢個蛋糕唔會好甜榛子味都好香好似飲緊hazelnut mocha咁忌廉打到好輕盈配埋蛋糕超perfect下午茶食蛋糕加杯咖啡好滿足

Happy Friday OT 完返屋企途中經過哩間日本糕餅店，諗住獎勵吓自己就買咗兩件餅返屋企做甜品😋店內裝潢以白色為主，配以代表青森嘅草綠色嘅包裝盒，簡易中帶點小清新，店內仲有兩張高枱可供堂食。Cocolo有多款酥點同蛋糕🍰可供選擇，但小妹OT完都有少少晏所以主打青森蘋果批已經售罄，好彩仲有兩件甜薯批等緊我😆 而且我仲叫多咗件蛋糕嚐嚐，完全滿足哂我嘅甜品願望甜薯批 $35份量唔細而且內餡足料，大大件酥點外皮好鬆脆，千層酥皮拎到返屋企仲係脆身，內餡甜薯蓉香甜綿密，來自甜薯自身嘅天然甜味唔會令人有過膩嘅感覺焦糖堅果奶油蛋糕🍰 $25 三層蛋糕體🍰夠濕潤，中間夾雜住焦糖cream 甜度適中，而且更能加添一點奶香滑順口感，蛋糕面上鋪滿堅果碎，杏仁片、合桃碎等等，增加多咗一重口感

去到灣仔做嘢，收完工經過利東街地下街嘅時候，見到呢間Cocolo Tokyo Cake Factory，突然醒起好熟口面，事緣以前去西貢玩嘅時候買過一間好好味嘅蘋果批食，即刻上網查一查，當刻先知道原來係同一間舖頭嚟！蘋果批($33)講到店舖遠近馳名嘅產品，當然係佢哋自家製嘅青森縣蘋果批，店舖標榜蘋果批嘅食材來自日本空運。蘋果批嘅外皮酥脆唔在講，仲要係超級鬆化。蘋果批嘅餡料就係切咗細細粒嘅蘋果肉，仲食到Custard Cream，足料之餘仲要好好味，甜度亦唔會太Over。焦糖堅果奶油蛋糕($25)又係我最愛嘅焦糖，成日都覺得焦糖好邪惡但又好難抗拒，面頭仲有大大小小嘅堅果粒。原本食咗蘋果批之後仲有啲quota，食埋呢件cake就啱啱好喇！舖頭有叉電位，幾貼心嘅設計。呢間舖頭除咗一直以來最出名嘅蘋果批之外，原來蛋糕水準都唔錯(之前喺西貢分店未試過)。以灣仔呢個咁方便嘅位，我覺得性價比算好好！

之前介紹過來自美國嘅蘋果批Butter，亦都介紹過來自東京橫濱既Mille Mele Tokyo，今次介紹嘅都係來自東京池袋既Cocolo Tokyo Cake Factory。呢間日本品牌所有蛋糕同蘋果批都係經由日本當地製作，再空運到港，主打日本直送嘅蘋果批，可以喺香港食到日本當地既原味道。香港除咗西貢、灣仔都有分店。灣仔店係喺利東街入邊，利東街向來都好多嘢食，而且位置便利。店內面積唔大，堂食就只係一張兩人雅座，不過會提供免費充電線比大家邊食邊差電。-1️⃣ 青森蘋果批 💰33👅: 8/10）呢度嘅蘋果批都係係日本全人手製造，日本直送黎香港，蘋果批會擺喺焗爐保溫，羅上手都算係熱辣辣。蘋果批表面係一個半月既千層酥皮，烤到金黃色，個半月脹卜卜。批皮係每日新鮮手工製作，咬落去鬆脆，帶牛油香，夠多層酥皮，不過唔算厚身，上面有層薄薄既果漿，食落甜甜地，應該係焦糖。蘋果內餡係用日本直送青森蘋果粒製作，將蘋果醃漬到晶透剔透，經過兩次既烤焗，好似傳統法式蜜餞蘋果製法，蘋果蓉、蘋果醬同蘋果粒三者合一，食落新鮮清甜可口，夠濕潤，果肉夠爽口，食到粒粒蘋果肉，有嚼勁，唔會太腍太爛，甜而不膩，不過無蘋果既酸味。除

之前都聽過這間甜品店的大名，上次知道利東街開了新分店，就一次買左好幾款當lunch 來試。 雖然店面細細堂食位置不多，但利東街都有一些public area 可以畀人坐低慢慢開餐~ 首先當然要試下這裡的招牌蘋果批。酥皮非常鬆脆，蘋果蓉清甜且飽滿，和吉士醬的比例剛好。以前食過的蘋果批通常都會配上很重玉桂調味，這個就不會，主要是蘋果自身的清甜味，不愧是青森蘋果~ 之後到檸檬忌廉芝士批。外皮跟蘋果批一樣鬆脆，加上微酸的檸檬忌廉芝士，不會有很膩的感覺，不錯~ 食了兩個批已經有點飽，不過重有紅茶奶油蛋糕和芒果慕絲杯感覺都很吸引咁，結果都買埋來試~ 紅茶奶油蛋糕奶油都厚實，不過紅茶味再突出點會更好。 至於芒果慕絲杯內有三層，底層是係芒果慕絲，加上淡忌廉和啫喱，清新不膩，很容易一口就吃掉一大半，好適合食到飽飽的時候 refresh 一下~ 整體而言店舖的甜品質素都不俗，尤其推介酥皮批類甜品~是大型連鎖店外的好選擇。

利東利地庫有日本直送甜品地鐵站出口可以行到去有晒瓦遮頭唔怕曬親或者落雨去到必試人氣產品「青森蘋果批」🍏我認我有啲膚淺比「日本直送」依4個字吸引咗🙈「青森蘋果批」🍏手掌咁嘅大細好似唔係好大個咁拎上手仲有啲輕飄飄嘅感覺返屋企食前叮返熱佢先食叮完有好香嘅酥皮味切開一半見到滿滿吉士醬每咬一啖吉士醬滿瀉出嚟酥皮香口酥脆 唔會過重牛油味依樣好緊要吉士醬甜度適中食落仲有細細粒蘋果酸酸甜甜咁好好食😋🍰紅茶奶油蛋糕 $25茶香好夠味係我食過最香紅茶味嘅一個蛋糕你知好多話有茶味其實食落都無味架啦蛋糕與蛋糕之間嘅奶油唔多所以食落唔會覺得膩最意茶味蛋糕嘅朋友可以一試👍🏻店舖仲有其他甜點

放工行過見到呢間日本甜點專門店，即刻入去看看！咁啱有剛剛出爐既蘋果批賣，就買個試試，見到佢地仲有賣蛋糕切餅，仲有好多唔多味道選擇，太吸引想試曬佢！蘋果批本來以為買到翻屋企先食，點都會淋咗，點知食落仲系好松脆，個批皮做得好好，裡面有custard 同蘋果茸，好好食，推介！紅茶奶油蛋糕女仔真系有兩個胃，對甜品真系無抵抗力，所以都系買埋蛋糕試試！紅茶味淡香，唔會太濃搞到個味好假，反而淡淡清清的茶香，加埋D cream，竟然一D都唔膩！呢間甜品點都好就腳，近地鐵站，一定會再黎幫襯!