可可豬椰香海南雞專門店

Open Now

Now Closed

今日係鶴園街附近買d野…買完野順便附近行下睇下有乜野食…行到出路口時見到對面馬路有間好光猛既小店就過去八下…原來係間外賣星加坡小店。咁又試下佢望下餐牌…見到佢地招牌菜有海南雞同豬手…兩樣都啱食…咁就兩樣都要😂😂😂Order左半隻海南雞同一份豬手加多兩個椰香飯同兩杯野飲(羅漢果茶同白桃乳酸梳打)。原先見到有鳳爪都想買埋…可惜賣哂…我估應該好味(因為食唔到😂😂)返到屋即刻開飯…海南雞個樣唔錯喎…隻雞都幾大隻…半隻都好多肉…豬手雖然小吃但份量都幾多下…海南雞好滑…胸位又唔會鞋…最正就係全部去哂骨啖啖肉…個微甜帶酸既醬汁…點雞好啱。豬手就帶淡淡滷水香味…皮好爽脆唔錯。要讚下個椰香飯…飯夠乾身…帶淡淡椰香…好味同埋杯羅漢果茶好好飲…唔會太甜…用料有羅漢果…菊花…杞子同果皮…啱哂咁乾燥既天氣

疫情底下，相信都多咗唔少人夜晚外賣帶走，放工之後，在cocopig海南雞專門店順路買了海南雞飯返去試吓。特色椰香海南雞飯，已拆骨的海南雞，啖啖肉，肉質嫩滑，配上椰香白飯，真係好好味😋加上旁邊有些青木瓜沙律，酸甜爽脆，帶微辣，十分惹味。竹絲雞海南雞飯，竹絲雞有滋陰養顏、補血養胃的作用，秋冬食就最啱啦！肉質一樣咁嫩滑，同樣旁邊有青木瓜沙律。另外，海南雞飯都有清湯相配。青木瓜大蝦沙律，彈牙的大蝦，配上青木瓜絲，清新爽甜，可以作為開胃小食。金羅漢果養生茶，入口甘甜，材料包括金羅漢果、杞子、菊花，清熱又潤肺。熱情豐盛，口感酸酸甜甜，偶爾飲到一些熱情果核，凍飲十分清爽。特別一提，可可豬的外賣包裝好穩陣，海南雞飯、沙律是以紙盒盛載，相對較環保♻️

疫情下夜晚想堂食都冇🥴...唯有外賣啦🤣..啱啱揸車🚘經過紅磡😄見到餐牌竹絲海南雞🐔飯、好特別未食過試下先（雞肉好滑、好甜仲冇骨添）老公梗係一貫作風唔肯試新🙅🏻野食海南雞飯（最特別係啲飯係有椰香味，再配埋個醬汁，冇得頂呀👍🏻）...再叫多兩杯特飲～自家製金羅漢果養身茶、熱情❤️又非常豐盛（哈哈😝酸酸味味有助消化...如果想食海南雞🐔飯呢外賣🥡店值得一試!!!👍🏻👍🏻

現在疫情關係，晚晚在家食飯，今晚決定外買回家食，放工後來到紅磡這間專門外買的Cocopig， 舖位細細間，價錢都相當平民。特色椰香海南雞飯$38 加$12送巨峰提子乳酸梳打餐廳很環保，盛載的飯盒，用紙質製造。海南雞是例牌的無骨，雞皮金黃金黃的，打開後見到已很吸引。雞肉很嫩滑，一點也不會鞋，特製的醬汁，令雞肉味道更鮮味。椰香飯帶椰香及香茅的味道，很香口及有特色。招牌豬手飯$60 加$12送金羅漢果養生茶 豬手有4件，都算大件，腍度帶點咬口，感覺剛剛好，點上醬汁，有口感又美味。青木瓜大蝦沙律 '$30其實打開外買袋，最矚目的當然是這個青木瓜大蝦沙律 ， 因為青木瓜大蝦沙律用透明膠盒裝著，顏色鮮豔的 蝦仁及沙律配料，很吸引。蝦仁切開半邊，食落有蝦的鮮甜。青木瓜味道清新，平時較為少食，食完肉類食一些沙律，不會滯，可當蔬菜類食，有泰式的特色。至於飲品，巨峰提子乳酸梳打及金羅漢果養生茶 。巨峰提子乳酸梳打有梳打氣體的口感，味道帶少少酸甜， 感覺清新。羅漢果養生茶，一入口已感覺到羅漢果的特色甘涼味道，入口清涼潤喉， 我比較喜愛這個金羅漢果養生茶。

疫情嚴重唯有繼續食外賣啦👀 今日就試下幾出名嘅可可豬海南雞😚.叫左個竹絲雞啦，雞肉又真係幾滑😍 雞皮唔肥所以食埋口感正好多😆 另外配菜用左木瓜沙律，撈勻食都幾有層次！ 而個飯好有椰香味，食落更香甜，非常啱我口味😇.再叫左招牌海南雞飯，先38蚊仲有碗雞湯添！雞都係又滑又冇骨⭐️ 配上特制醬汁令個飯更加重蒜香添💝.雞湯清清地，飲完仲幾暖💗💗.大蝦沙律份量十足！木瓜絲同蘿蔔絲好爽口，非常refresh🥗.飲品叫左自制嘅羅漢果茶，生津解渴😍.另一杯係白桃乳酸梳打😍 甜甜地爽嘅🥳#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

紅磡美食系列 (八)呢一間係我想試好耐嘅鋪頭，因為海南雞飯我見到有，都會叫嚟食嘅嘢，但因為呢間只得外賣，係網上見到好多人講，好味，但份量細，所以一直都冇去試，而家因為疫症關係，大多數都係自己煮，再唔係就外賣，所以就決定買返屋企試吓！順便試一試係唔係真係咁好食先！🤣🤣🤣@可可豬椰香海南雞專門店首創竹絲雞海南雞配椰香飯 $52竹絲雞平時用嚟煲湯就多，用嚟做海南雞飯真係第一次見，因為論外表同顏色，一般比人嘅感覺唔討好，但佢做海南雞飯又真係估唔到係咁好食，肉質淋滑之餘，雞味超香同突出，仲要冇普通雞咁油膩添，椰香飯唔同出邊其他餐廳咁係偏黃(因為用黃姜粉)，食落飯係軟軟糯糯，椰香味超香超濃，個飯我真係超級鐘意，唔洗點比餸我都可以食晒個飯。😋😋😋特色椰香海南雞配椰香飯 $ 38雞一樣咁滑，咁有雞味，可能我先食竹絲雞先，所以比竹絲雞完全吸引住，所以佢會遜色咗，但我今次真係要同佢平返先，佢份量真係唔細嫁，因為當時我買完之後，有一位男士叫外賣，佢竟然叫少飯，我心諗，好多人都話細，仲叫少飯？夠唔夠食嫁？咁我返到屋企，我果盒係同我媽媽兩份食，講真，真係夠食，唔同網上所講嘅咁少同埋唔夠食。😚😚😚青木瓜大蝦沙津

大仔上完堂，佢見到有間門面好似美食車的舖頭叫我行去睇下，原來係外賣海南雞店的可可豬，我懶懶地煮飯，於是就係度外賣返去做晚餐一大袋外賣攞住去坐巴士返屋企都好重手，重點係d湯好熱辣辣，用我大脾墊住，真係好熱。返到屋企，飲啖熱湯，當堂暖哂，大仔一飲就話碗雞湯好味😚青木瓜蝦沙律（$30）：材料都好豐富，有蝦，黃及紅車厘茄，青木瓜絲，紅蘿蔔絲同西芹絲。用料新鮮，蝦好爽口，菜絲類咬落去都好爽脆。再混埋盒底的汁，酸酸甜甜好好味🤤特色椰香海南雞飯（$38）：椰香飯有好香椰味，食落香而不膩，而海南雞都好嫩滑，點埋個似香草味而帶甜甜地的醬，大仔都話岩哂佢口味，整個飯大仔超鍾意😋首創竹絲海南雞飯（$52）：竹絲雞飯叫比自己，平時多數用竹絲雞黎煲湯，可可豬用竹絲雞黎做竹絲海南雞，好大膽創新。真心估唔到又真係做到d竹絲雞咁滑，值得一讚，可以安哥金羅漢果養生茶（+$12）：飲落有金羅漢果的甘甜味，仲有菊花的香味，眼見仲有杞子，同最後食左塊陳皮落肚，潤哂熱情豐盛（+$12）：大仔話佢酸酸甜甜，又食哂d熱情果籽，就知大仔有幾鍾意呢枝飲品😌大仔對呢餐外賣非常滿意😘

係疫情下，6點後要外賣🥡返屋企食飯。小編今次就試咗紅磡嘅Cocopig, 係一間專賣海南雞飯嘅餐廳, 佢哋嘅海南雞飯好重椰香味同加埋佢哋嘅海南雞唔太肥, 啱晒注重健康嘅香港人。除此之外, 小編仲試埋佢哋嘅豬手飯,佢哋嘅豬手唔重味精。 小編仲試咗佢哋嘅青木瓜大蝦沙津,青木瓜青甜爽口, D蝦仲好多添。果兩個主食仲有兩杯嘢飲, 一杯日本白桃乳酸梳打,另一杯巨峰提子乳酸梳打, 白桃果杯甜度適中巨峰提子果杯就果汁味較重, 仲之就各有特色

今日在紅磡工作，因為太趕時間了，就隨便選了間做外賣的店，隨便買個小食同飯盒就返公司食。🤣🤣🤣叫左個海南雞飯同豬手飯，海南雞飯用左椰香的飯同有好多配菜十分開胃，仲配個湯，湯仲有粒入哂味，林哂的蘿蔔，飲完唔覺得重味精，值得欣賞。。豬手飯有成四隻厚厚豬手，仲有濃濃的胡椒味，十分好食，有皮又有肉。我哋再叫左個無骨鳳爪，有好多酸酸甜甜的蘿蔔絲墊底，番茄仔，非常開胃，店員即場放靚靚先包比我哋。仲要講埋兩杯飲品，一個係金羅漢果養生茶，飲落去就知唔係用糖水開嘅，應該係自己煲的。另外仲叫左杯日本白桃梳打，底層甜甜的，記得要攪勻先好飲。埋單都係百幾元，又飯又湯又飲品又小食，性價比好好呀。👍🏻

好味外賣今日去開馬頭圍道附近，見到對面街有間專食海南雞既鋪頭好似幾吸引咁，因為見到好多人都係到等緊外賣咁。於是順便當晚餐外賣返屋企。叫左沙律，海南雞飯同豬手飯同兩杯野飲。外賣大大份。特式椰香海南雞飯海南雞份量都ok，最重要係無骨，食起來方便，啖啖肉。除咗雞皮爽，雞肉都算嫩滑。最喜歡個飯，係椰香雞油飯，有心機，好香，好夠味又不油膩，一口雞肉，一口油飯，滿足！招牌豬手飯 豬手一盒都有好多件，差唔多有七八件。皮好夠厚，有好多骨膠原的感覺，而且豬手唔係剩係得皮，仲有唔少豬肉添，腍得黎幾入味。青木瓜大蝦沙律有青木瓜，西芹，紅蘿蔔等蔬菜，味道微酸微辣，好開胃。仲有5隻蝦，抵食。白桃乳酸梳打味道是天然的酸甜，沒有人工化的死甜，連梳打相當解渴。金羅漢果茶都唔會太甜，感覺天然健康，潤肺。

呢間cocopig專做外賣，依家冇堂食試吓佢就啱😍😍價錢合理泰式酸辣無骨鳳爪 $32先要個開胃前菜😍好爽，幾好食特色椰香海南雞 $53轉青木瓜沙律+$15海南雞好滑，肉質幾嫩，唔錯的。招牌豬手飯 $75 轉青木瓜沙律 +$15有4大件豬手！骨膠原超豐富😍葡萄柚乳酸梳打+$12日本白桃乳酸梳打+$12西柚酸酸甜甜，白桃就好清新，都唔錯📍 Cocopig 地址： 紅磡馬頭圍道116-118號富商業大廈地下D號舖

係公司附近既呢間外賣店，見到有賣海南雞飯既外賣店，二話不就即刻買兩個餐返屋企食先。選擇左特色椰香海南雞飯、招牌豬手飯和青木瓜大蝦沙律，仲有飲品。現場仲有自助點餐機，好方便。🍚招牌豬手飯：豬手用左多種香料炆製而成，炆得入味，大大減低了豬手的油膩感，肉質又煙韌。🍚特色椰香海南雞飯：雞肉好嫩滑，最特別係海南雞大部分會配油飯，呢度就配左椰香飯，好食。🥗青木瓜沙律：青木瓜絲非常爽脆，係一道好開胃既菜式。🥤左邊既飲品係熱情豐盛，係餐廳既自製飲品，有百香果和杞子，好飲。

今日去了紅磡！因為疫情嚴重所以都是買外賣回家食！我今日去左紅磡廣場對面的富商業大廈的"cocopig 可可豬椰香海南雞專門店"餐廳門口有自助點餐機！我們點了椰香海南雞飯招牌豬手飯泰式酸甜無骨鳯爪日本白桃乳酸梳打巨峰提子乳酸梳打打包好回家食椰香海南雞飯飯的椰香味好香！但米有點硬！雞好香好滑！但雞的分量有點小！招牌豬手飯豬手汁好好味，豬手都夠淋！飯都好軟糯！泰式酸甜無骨鳯爪好爽口彈牙！汁好開胃！飲品都不錯！

還真的想不到其他標題，因為＄３８海南雞飯真的滿有賣點的，這家外賣專營店原來主打椰汁飯，有特色之餘，ＣＰ值還滿高的就在土瓜環的一隅，賣著幾款主打的泰式海南雞／豬手飯為什麼凍飲會比較貴呢？原來是因為他們的養生茶＋＄１２是自家手作，非常特別！海南雞飯＄３８的雞早已去骨，椰汁飯沒有白飯那麼寡，飯量也不少，加上一些青木瓜沙律，不算少呢還送雞湯！豬手飯＄３６則比較普通，不過豬手也不會太韌，口感味道也合理，重要的是價格不錯那青木瓜沙律很大份，＄２０！自家製飲品的羅漢果水夠健康，清甜潤喉。熱情果水還有不少果籽，滿滿的膳食纖維，也是健康之選！

呢段日子，又要過不停外賣嘅生活，外賣還外賣，大胃一樣要食得好好睇睇，唔係豆腐火腩飯就過到骨，今次食吓新加坡嘢啦呢樽熱情果汁係佢地自己煲嘅，清新又滋潤呢杯梳打落大量蜂蜜，刺激又過癮海南雞飯無論係雞係飯都好嫩，仲有好多沙律跟埋呢個汁點雞撈沙律都一樣得，幾惹味湯好有雞味，飯後飲回味啱晒豬手滿滿骨膠原，女士恩物木瓜沙律隨時可以當飯食，份量好多，蔬菜夠新鮮爽口呢間滿足到大胃飽肚兼打卡嘅要求，人同手機都好滿足呀