可可豬椰香海南雞專門店

Open Now

Now Closed

疫情嚴峻，搜羅一下附近美食外賣返屋企，見到紅磡呢間店專門做外賣，一於試下招牌菜式「特式椰香海南雞飯」配椰香飯。雞肉好嫩滑，沾上醬汁...好惹味，啖啖飯都充滿椰香味, 食到停唔到口。「招牌豬手飯」最鍾意食豬手，呢度嘅豬手，仲有原粒黑椒，好好食🥰「泰式酸辣無骨鳳爪」酸酸辣辣好醒胃，底層仲有蘿蔔絲，口感好爽口，Yummy...「金羅漢果養生茶」採用自家膠樽，養生茶係自家製，唔會太甜，天氣乾燥，又可滋潤一下👍🏻「日本白桃乳酸梳打」白桃味好香，大人小朋友都like。即叫即製，外賣包裝同餐具都係紙質...好環保，拎到返去仲好熱👍🏻係外賣首選，下次一定再嚟。

Cocopig 等巴士見到有海南雞飯！泰式酸辣無骨鳳爪 $32酸酸微辣爽口鳳爪，爽口外都有肉肉感！少少配菜都係帶酸辣，不錯小食！特色椰香海南雞飯 $38椰香飯帶油，油飯飯量多多！海南雞份量中度，以此價錢ok！雞肉同雞皮淺淺玻璃晶，皮嫩肉帶香香！招牌豬手飯 $60依個抵抵地，豬手份量幾多下！飯量仲多過海南雞飯！豬手根位好有咬口！豬皮好重要八角香，最正完全無毛！！金羅漢果養生茶 +$12菊花羅漢果，超清熱潤喉！仲有杞子明目，媽咪即選左依杯，哈哈！日本白桃乳酸梳打 +$12白土乳酸好好飲，有一陣益力多嘅味道！同埋見到係用泰國嘅梳打水！

夜晚出街食飯又無得堂食啦，唯有買外賣返屋企食啦。去左紅磡馬頭圍道一間新加坡菜買黎試下！舖仔唔大，款式都唔算多選擇，但價錢就勁抵勁吸引！🔅招牌豬手飯4大舊豬手，豐富骨膠原，食落好彈牙，有d黑椒粒，食落好香🔅特色椰香海南雞飯 椰香飯海南雞係無骨既，肉好滑，可惜得4舊雞，少左d，不過價錢甘抵都可以接受。椰香飯好正，每啖都充滿濃濃椰香味，飯份量都幾多。仲有跟埋一碗湯🔅泰式酸辣無骨鳳爪好多隻鳳爪，酸酸辣辣好開胃，食落清爽，食完一隻又一隻，停唔到口🔅日本白桃乳酸梳打大大杯，唔會太甜，值得加黎飲🔅熱情豐盛依個好有驚喜，唔係用syrup黎開，係用熱情果黎沖，仲有d杞子，酸酸甜甜好好飲依度百幾蚊就夠曬我地一家2大2細食飽飽，正丫

禁堂食令即將生效，今晚都係唔去餐廳食飯了，改為外賣，一落巴士就聞到香噴噴，原來係呢間Cocopig Hainanese Chicken 可可豬海南雞專門店～咁香無理由唔試下佢不得不說椰香飯真係好香，雞肉嫩滑好食😋青木瓜沙律🥗作為前菜好開胃，酸酸辣辣好岩我口味豬手充滿骨膠原，本來是配白飯但白飯賣光了改為椰香飯，一樣正😋可以按螢幕點餐，在疫情期間確是明智之舉，減少病毒傳播機會有自己一套餐具，好有心思呢！

今日過左唻紅磡做野，一到午餐時段度度都咁多人…經過一間在馬頭圍道紅磡廣場斜對面，原來角落有間食海南雞飯的小店，因為好細只做外賣，雖然都有幾個人排緊，但我見到旁邊有部自助點餐機就立即試下最緊要快。我叫左個海南雞飯，豬手飯，酸辣無骨鳳爪，仲叫左兩個特飲檸檬青檸梳打同自家煲的熱情果特飲。兩個飯份量都唔算太多，海南雞飯仲有好多配菜，酸酸甜甜十分開胃，而海南雞飯的飯有陣好香好濃的椰汁味，豬手飯，隻隻豬手都啖啖肉，但只係配白飯，我下次會試下問下店員可唔可以轉埋椰汁飯先😅😜我十分喜歡飲那杯檸檬青擰梳打，飲之前記得要攪勻佢，否則可能會覺得個底好濃，攪勻左就岩岩好，又唔會太甜，唔似嗰d用糖水就咁開嘅特飲。總括來說，我覺得這裡的性價比的確唔錯，不貴的價錢，仲食到小店用心的細緻。

收工見到間專門做外賣的店舖，又用上智能的點餐牌，新野決定試下。店舖裝修好簡單，一眼可以望到廚師點處理食材，疫情下，睇到個廚房格局同廚師衛生真係好緊要。⭐特式椰香海南雞飯配日本白桃乳酸梳打海南雞是無骨，啖啖肉，雞皮同肉的比例幾好，唔會過多油脂。而個飯係有雞油香的👍🏽👍🏽，好開胃，最後食曬D雞都可以只食飯食曬。⭐日本白桃乳酸梳打有濃濃的桃味，甜度合適，酸酸甜甜。一個飯加一個飲品，⭐招牌豬手飯配金羅漢果養生茶豬手一盒都有5件，好足料。豬手炆得剛剛好，不會太硬，個皮仲有好彈牙，而味道適中，好夠味。⭐金羅漢果養生茶個樽仔好別緻 好靚  飲完個口仲有帶甘甜味，又唔會太甜。⭐木瓜絲沙律超大盒呀，又有蝦，又有蕃茄，清清地仲有好多木瓜絲即刻覺得好健康。整體，環境乾淨，等一陣就可以拎外賣，又快手，份量又。滿足

去紅磡探朋友朋友叫我順便買個晚餐比佢介紹我去依間買只做外賣嘅海南雞專門店因為依間平靚正！ 🐥特色椰香海南雞飯 $38依個係佢地招牌之一嚟朋友熱烈推介叫我必食☺️啲雞超滑而且係無骨無骨食起上嚟特別好食😂😂個人超級無敵痴線地鐘意佢個椰香飯真係好L好食走香濃嘅椰香啲飯又唔爛一啖雞一啖飯加少少配菜4個字：非常完美😍😍仲要係$38 咁平朋友終於無伏我🤧🐷✋🏻招牌豬手飯 $36朋友食咗第二個招牌菜咁嘅價錢4大舊豬手又係抵到爛仲要豬手爽口同𠺌膠質好重一食落就feel到啲豬手嘅膠質張住咗而且佢嘅豬手好入味👍🏼👍🏼🐥🦵🏼泰式酸辣無骨鳳爪 $32店員話依個菜係新出冇耐作為凰爪信徒嘅我唔試下佢嘅雞腳係絕對唔容許！鳳爪嘅口感適中有少少爽口得嚟偏軟身唔配啲木瓜沙律食個層次都會係到最後叫咗2杯跟餐飲品巨峰提子乳酸梳打 $26熱情豐盛$18（跟餐都係$12）飲品都唔會好甜個人推介係熱情豐盛好清新嘅感覺😃

限眾令收緊咗當然要用外賣方法解決晚餐嘅煩惱😅今次嚟到位於紅磡嘅可可豬海南雞專門店上次已經去過位於佢灣仔嘅姊妹店覺得好好食 所以幾有信心特色椰香海南雞飯$38🐣呢度嘅海南雞飯真係好好食飯底係用咗椰汁煮底所以充滿椰香味海南雞鮮嫩無骨特別鍾意佢點雞嘅醬料 酸酸甜甜好美味仲跟咗青木瓜沙律同雞湯特色豬手飯$38🐷豬手都有好多件似係用咗啲滷水咁嘅醬汁去醃豬手外皮爽脆泰式酸辣無骨鳳爪🐥呢個真係必叫🤩鳳爪十分之爽脆 入味而且個泰式辣汁酸酸甜甜仲有啲青木瓜沙律鋪底飲品試咗呢度自家製嘅兩款🍹金羅漢果養生茶 清熱氣一流熱情豐盛 用咗百香果 青檸 杞子酸酸甜甜 好開胃

🔎 紅磡馬頭圍道116-118號富商業大廈地下D號舖*📍 可可豬椰香海南雞專門店.泰式酸辣無骨鳳爪老闆特登話係新出品,梗係試試佢~爽脆夠辣又唔會比酸味搶晒風頭,夠晒開胃!特式椰香海南雞飯一直都好怕海南雞既油飯好重油，相反呢間既飯香而不油，而且口感幾乾身,一D都唔似出面果D「油撈飯」!雞方面兩樣野已經贏晒,肉嫩皮滑,唔係果D乾錚錚,鞋口鞋面既切雞~招牌豬手飯豬手飯不過不失,佢既脂肪層唔騷亦唔溶,但本身肉質方面唔夠入味,略嫌差左小小......葡萄柚乳酸梳打唔係假到爆既糖水已經好滿意,明顯老闆有試過個糖水同梳打水比例,甜得岩岩好熱情豐盛呢個老闆話係自己特製自己煲既特飲,裡面有熱情果,杞子同青檸.味道甜甜酸酸,如果熱天果陣飲應該幾解渴~題外話呢間海南雞所有外賣餐具都係用可循環再造物料,加晒分呀!!

疫情關係公司無人出去堂食突然醒起附近有間外賣海南雞飯店於是過黎幫襯下老遠已經見有不少上班人士等外賣睇黎味道唔會差啦~點了海南雞拼豬手，賣相不錯份量都不少，$48蚊價錢算唔貴味道方面，椰漿飯好夠椰漿味，好食海南雞夠滑又夠味，加埋個汁真係好掂豬手不錯，皮是彈性的，味道淡d但有汁撈其實ok生菜好爽脆，正個冬瓜湯都唔錯，無味精總括黎講，絕對係高質外賣，難怪咁多人排隊CP值高以上食評只反映本人立場，如有雷同，實屬不幸

⭐️可可豬椰香海南雞專門店 (紅磡) ⭐️小妹最近好忙，日日都想煮，但係日日都煮唔到😫所以冇辦法，出街食多咗，今日小妹喺公司附近買外賣返屋企食，依間鋪頭專做外賣生意，夜晚食飯時間都多人幫襯，所以小妹決同大定分享下🤗⭐️特色椰香海南雞飯 配 金羅漢果養生茶$50⭐️雞新鮮，冇雪藏味，起晒骨，啖啖肉肉，肉質鮮嫩 👅食埋佢點嘅醬汁，好惹味！飯係用泰國香米煮既，粒粒分明，飯亦帶有椰香味👃🏻羅漢果茶消滋潤又有陳皮香，膠樽亦都好靚✴️⭐️招牌豬手飯 配 日本白桃乳酸梳打$48⭐️豬手大概有四、五件，豬手咬落去口感軟腍腍，食落冇肥膩嘅感覺，味道唔算好濃，岩岩好。😋白桃乳酸梳打都非常好飲，正！⭐️青木瓜大蝦沙律 $30⭐️木瓜切成一條條，少少辣，清新開胃👅🕋環境指數：-外賣😋美味指數：7.5/10幾好味😋👩🏻‍🌾服務指數：8/10✅ 幾好🤑抵食指數：8.5/10 唔貴，可以一試🙋🏻‍♀️推介指數：7.5/10 價錢優惠，不妨一試📍地址：紅磡馬頭圍道116-118號富商業大廈地下D號舖——hkfoodiecooking——

離開了家維邨的日子留下不少回憶！ 今日回到過去探望舊朋友後遇到新開業的《可可豬椰白》😌 地方不大但足夠提供外賣服務！ 從透明廚窗看，環起整潔、整齊。所用到的物料如飯盒、飲管等都是環保♻️ 那更要支持 LOL! 挑選了套餐海南雞飯 (HKD 50)、跟巨峰提子乳酸、餐湯 及 泰式酸辣無骨鳳爪 （HKD 32 ）這裡採用了更健康的椰香飯以取替一搬的油飯，🤩 而雞肉質比想像中更嫩，以這個價錢來說不錯! 配搭上各蘿蔔絲、翠綠蔬菜🥬等等 顏色觸目以增加食慾巨峰提子乳酸味道濃烈不會淡如水又夠冰涼。 而酸辣鳳爪肉質爽口，又酸又辣使胃口大開 😍辣度使小編提神勁起來 爽YY🤣

星期六唔想煮飯，但最近疫情好似反彈又唔敢出街食，一於係樓下買個外賣外靚正，食個海南雞同豬手飯，加個小食同野飲～青木瓜大蝦沙律🥗好夠辣!岩哂我鐘意食辣既人，大蝦🍤有成6隻仲有開半的蕃茄仔，份量好足👍🏻特式椰香海南雞飯，有regular 同large 可以揀，按照自己的食量而定，個飯好香雞肉夠滑招牌豬手飯就只有regular 可以選擇，一個女仔都食得飽架👍🏻豬手約有4-5舊，骨膠原豐富😋日本白桃和巨峰提子乳酸梳打，清涼解渴

黎到紅磡，馬路轉角位附近遇見呢間海南雞飯專門店，呢度只提供外賣，可以自己用八達通自助落餐或者向職員落單，好方便，我叫左一份木瓜大蝦沙律，去蝦屎切開半條又大份，好乾淨，木瓜爽脆帶點辣，之後再叫左一份馳名既海南雞飯，雞肉軟熟又滑，配埋醬汁食，幾好味，飯用左雞油飯但唔會食到成口油，仲配左碗雞湯好鮮甜，職員更推介豬手飯，豬手大大舊，好淋好入味，飯都幾多，加埋白桃梳打甜甜地，葡萄梳打酸得黎幾醒胃甘，兩杯梳打味濃，健康又唔太油膩的一餐。

最近多左好多海南雞專門店，岩哂我呢個咁鐘意食海南雞既人！cocopig係我屋企樓下，有次家人經過個陣話好香想試下，今晚唔想煮飯，整個海南雞飯外賣先！😊海南雞嫩滑，肉質有彈性，配合醬汁一流啊！椰香飯的份量都唔少，幾抵食，配菜仲有生菜、蕃茄等幾健康之餘又靚老公食豬手飯，佢話唔錯！仲有鳳爪都好開胃，酸酸辣辣好過癮，係偏酸微辣個種，唔洗怕太辣食唔到野飲係日本白桃乳酸梳打同葡萄柚乳酸梳打，後者會甜啲～同海南雞飯一齊食最好叫埋乳酸梳打，暢快～