Coffee Question

Open Now

Now Closed

三層熱香餅煙肉漢堡.ᐟ‪‪.ᐟ 早餐嚟講會唔會太豐富？平時lunch要排隊等位，揀左平日早餐時段嚟，可以唔使等位慢慢食。小店食物有水準，又有榻榻米打卡位，仲係pet friendly 🐾Pancake burger 係佢哋嘅signature, 賣相好吸引Pancake+ 煙肉+漢堡扒+滑蛋+流心太陽蛋，仲配上沙律同薯餅，首先欣賞佢所有嘢好夠熱，食得出係即叫即整個薯餅好熱好脆～Pancake 鬆軟唔會淋pat pat，所有嘢一齊食口感好豐富，雖然味道冇話驚喜，都係想像得到嘅味道，但都幾好食唔錯❤︎All Bay Breakfast 味道正常無特別Mocha同Cappuccino 幾香，拉花勁靚

大約八年前我在荔枝角上班的時候，我有吃過這間小店的舊舖。根據我的IG post，當年我吃了全日早餐。八年後的上個星期六，因為下午要到荔枝角工作，所以獨個兒在這裏吃了個午餐☺️這裏最有名的要算是Griddles系列了。除了我選了的蔥花叉燒熱香餅，另外還有三層熱香餅煙肉漢堡、極邪惡灸燒芝士流心雙蛋熱香餅和健怡素素蜂蜜熱香餅🤤🥞蔥花蛋x日式五花腩叉燒熱香餅 $88當蔥花炒滑蛋、比拉麵店的日式叉燒還要香口美味的五花腩叉燒配上軟熟香甜的熱香餅，比起在快餐店吃到的Griddles當然更有驚喜！加上兩小塊香脆不油膩的炸薯餅和清新爽口的沙律菜，果然沒讓我失望🥰

Coffee time @ Coffee Question ~ 睇戲前，兩公婆梗係去飲杯咖啡，吹吹水 ....話說，自從搬了店之後，就是第一次來幫襯 ~Honey Black : 聽個名就知道是 咖啡加蜜糖，我點的是 nutty, 感覺上 nutty 配 honey 會比 fruity 配 honey 更夾；咖啡入口香滑，順喉，既有回甘又略帶青酸，個性突出，很好喝 ~抹茶紅豆麻薯巴斯克蛋糕：好吸引的蛋糕，蛋糕質地濕潤軟綿，末茶味濃香，配上紅豆和QQ的麻薯， 不論是口感層次和味道都十分出色，非常合我口味 ~本篇完 ~

之前都有飲過呢間既coffee，佢地都有Fruity/Nutty 揀 。平時只係買外賣coffee，今日堂飲先發現佢地都有心思拉花。今日係叫左杯Nutty 既Flat White，覺得幾岩我個人口味，溫度岩岩好，可以即刻入口，啡味都幾突出。今日見有位有時間就試埋佢個多品料理，叫左個5品料理。最好食係個蘿蔔叉燒，叉燒好入味唔太肥同油，搭個蘿蔔冇咁膩。麻辣豬軟骨個麻辣味好香唔算辣。另外雞皮餃子口感幾好，入面有D軟骨幾爽口。其他野就正常，冇咩特別。開頭見佢樣樣都一兩件細細碟都怕唔飽，但食完加埋杯啡感覺又夠。最後個飯有少少乾硬左D。

呢間餐廳真係唔錯！食物質素高，無論意粉定小食，服務態度又好，裝修環境舒服，好啱打咭。我同fd黎食佢地都話唔錯，之前冇機會去日本食試熱香餅burger，依家終於食到，芝士豬柳蛋真心好味，口感一流，食一次就唔想停！仲有roll cake同咖啡都好有水準，味道都好香濃，正！價錢又合理，性價比高，員工服務態度幾好，下次一定會再嚟！因為係pet friendly，見好多人都帶狗狗架，鍾意同狗狗玩嘅可以去試下，我下次會帶冬冬黎試埋其他嘢🥰

附近近方便泊車 ，咖啡唔錯，環境一流對有寵物既人黎講呢間coffee 真係唔錯，唔單止寵物友善，環境舒服，對帶住我小毛孩非常貼心。staff 超鍾意動物好有愛心，非常細心，可能因為有小動物嘅原因服務態度超好 。 無論係點餐定介紹餐點都好有禮貌，真係令人覺得好溫暖。咖啡 同 食物份量ok la，正路嘅嘢，九龍區嚟講價錢合理 ，最緊要環境舒服，又唔使趕頭趕命咁同人迫。Pet friendly 嘅Cafe嚟講性價比OK。最緊要佢冇休息，同埋唔使麻煩book位。

Weekend去食早餐，一早決定食肥pancake burger. 但作為素食者，我心中有啲忐忑，因為好想食pancake, 但又唔食豬柳同煙肉，唔知店家肯唔肯配一下我嘅需要呢？🤨去到櫃檯點餐，我表明好想好想好想食pancakes, 但素食的我，可以走豬柳同煙肉嗎？友善的女店長，話好呀，可以俾多啲南瓜同粟米我！嘩！正呀，肯tailor made 之餘，仲補返d食材俾我，非常素食者friendly!新鮮整的早餐，需要多少少等候時間！上到檯非常之吸引！pancakes 好鬆軟，熱辣辣，糖漿自己想點幾多就幾多。南瓜同粟米、沙律菜係用芝麻醬撈成。煎蛋個燶邊蛋，芝士炒蛋好滑。熱浪味薯角好好食，夠熱、好脆！唔油！真係熱浪味，真係食到一件不留！我一個人食到清哂碟！整體食完超級滿足！素食版的pancake burger無豬柳同煙肉，可能少咗啲咸香的味道，但三塊pancakes、又有薯角，完全滿足到食慾，而且少咗油膩感，無咁難消化同滯肚。非素食者可以考慮吓轉素食版！

今個星期放假去咗麗新睇戲(⁎⁍̴̛ᴗ⁍̴̛⁎)諗住睇戲之前食d野先，就睇下周圍有咩食之後見到商場外圍有一間日系cafe✨我哋個陣11點左右去到就唔洗排隊不過睇其他食評好似假期都要排隊⑅︎୨୧┈︎┈︎┈︎┈︎┈︎┈︎┈┈︎┈︎┈︎┈︎┈︎୨୧⑅︎入到去見到有個塌塌米位✨好打卡able😆不過可惜有人坐左🥹咁我哋就揀左對住窗口既bar枱位 可以睇到街外~Menu都有好多選擇⋆ ✩ ⋆ ┄ ⋆ ✩ ⋆ ┄ ⋆ ✩ ⋆ ┄ ⋆ ✩ ⋆ ┄ ⋆ ✩ ⋆

之前已經聽過呢間荔枝角小店，搬左大舖之後環境好舒服。我叫左煙三文魚意粉同iced black，雖然平日Lunch Hour比較多人，店員比較忙，但好快已經嚟左杯咖啡。好欣賞有得揀豆仲唔駛加錢，用心做咖啡。三文魚意粉份量好多，有少少辣好惹味見到人叫pancake burger好吸引，一定會再嚟試下

無見一排，我又嚟啦！！新咖啡姐姐有禮貌又靚女!!拉咗隻可愛狐狸俾我!!意粉香濃口感彈牙!!連飲咗兩杯mocha勁飽!!!免收+1冇得頂!!!繼續支持!!加油!!

等睇戲期間，係麗新周圍逛…見到喱間coffee shop，反正仲有半個鐘先開場就入去嚟個快食～叫咗杯Mocha同黑芝麻巴斯克，有下次~想試吓其他熱食，見到隔嚟枱對情侶食熱香餅漢堡，睇落好好食，睇完戲忍唔住返轉頭買返個試吓，邊行邊食住返屋企又真係幾好食喎

The shop is quiet convenient to reach.Staff here are nice and polite and I like the food here, especially the all day breakfast.The all day breakfast is quite deliciousand the price is acceptable.Chicken salad is also good, the quality of the chicken is superb and I like them using banana as one of the salad bases.The cafe environment is comfortable and you would like to stay here for a bit longer.Coffee here is good as well and I like the animal they made for me!I will come back again to try th

平日放假想係長沙灣搵間cafe坐下，係open rice見有唔少好評就決定試吓。店內氣氛唔錯，平日唔算太多人，店員叫我坐對窗座，感覺打卡都幾靚。叫咗個明太子意粉試吓，海鮮份量幾多，味道都唔錯，跟餐重有杯茶飲。😋店員態度幾有禮貌，主動同客傾偈。總結：店內氣氛唔錯，食物有質素，店員有禮。👍🏻下次放假會再嚟多次試吓佢哋個三層熱香餅😋

上次禮拜六日尼，見到多品$108，不過都等咗好耐😣唔係好夠飽，不過is ok，都會再嚟試多次嘅，因為知道佢weekday都有多品料理，仲要平啲㖭～今次嚟到，唔使等咁耐嘅，不過都一樣好細份🫨不過勝在好多選擇揀..可惜食完屙咗成日😣👉🏻👈🏻睇返OpenRice評價都有人食到肚痾..可能衛生未做足..不會再來了..不過店員落單時都非常有禮嘅，但可惜人手不足，食服務嘅話可以唔使嚟，冇睇返張單係咪免收+1？

今次黎到荔枝角嘅coffee question我地tea time到 靜靜地幾舒服😌有套餐有花茶飲🌸叫左個griddles好快就嚟到，幾好食店員都好友善👍🏻近門口有張小朋友枱👶🏻當日無小朋友所以我放左Luffy上去打咭影相📸另外靠落地玻璃位置都可以影吓相，不過當日有其他客人，所以我哋就冇影到啦🥹下次再搵日試下咖啡☕️蛋糕都好似唔錯都可以試下🎂🍰