Coffee Station

Open Now

Now Closed

商場消費積分就快到期，準備換禮品時見到有得換Coffee Public攤位的咖啡，就試下。到手時，紙杯上貼有Coffee Station貼紙，約細杯裝咖啡的份量（再少啲啲；因為唔會斟滿，亦唔會提供蓋）。Latte，奶泡面有為市集主題「聖誕小熊」而設計的圖案。可能始終喺商場攤位沖調，咖啡唔太熱，屬可入口的溫度，咖啡味喺入口果刻幾濃，但冇乜層次，係一杯正常發揮的咖啡。喺Openrice上，呢間咖啡店幾乎一面倒好評，我覺得接近ok多啲，同其他咖啡店的出品相比，佢的咖啡唔算突出，亦唔失色。

今晚夜收工，呢間cafe 老闆仲喺度！第一次幫襯，老闆介紹咗杯espresso tonic！好似飲緊橙汁汽水，好果味，冇苦味，好好好好飲！老闆又介紹左我食熱狗，並唔係一般廚師腸，係香草豬肉腸，個飽好似係意大利飽，好香！原來佢哋係自己炒豆，仲有教沖咖啡，所以最後都叫多杯latte ！小店就有人情味，同老闆傾下傾下，坐下坐下，於是又再叫多個芝士火腿牛角包，好耐都冇食過有牛油香嘅牛角包而唔係食咗陣風。值得一試 ！

Coffee Station的咖啡由Coffee Public主理, 咖啡出品的品質已經不用懷疑, 今次主要推介佢地新出品: 熱狗, 熱狗其實有兩種口味, 經典既茄汁+芥末醬, 另一種就是今次品嘗既咖哩熱狗. 香腸用上了維也納香草豬肉腸, 面包烘的剛剛好脆軟適中, 加上自家秘製咖哩醬, 香辣芳郁, 給味蕾十足衝擊感. 加上一杯精品級熱朱古力, 一个完美及豐盛的早餐/下午茶. 朱古力不像外面的死甜, 反而略帶點朱古力獨有的苦澀味,香濃馥郁, 齒頰留香.

The next station is “Coffee Station “係紅磡居住或者工作又鍾意飲咖啡嘅人，Coffee Station 嘅出現真係一個好大嘅喜訊，有一個充電嘅地方飲杯好咖啡☕️原來幾位老闆來頭超勁，唔單只係咖啡師課程嘅導師，亦係考官，仲要佢哋有自家炒咖啡豆工場，所以佢哋嘅咖啡豆真係冇得輸，所以飲完唔夠喉，仲可以買掛耳包或者咖啡豆返屋企再慢慢嘆可惜當日去到幾位老闆都唔喺度，希望下次有機會飲到佢哋沖嘅咖啡😍

Sticking to a keto diet can be tricky, especially when you eat out. Luckily, I can find one that offers high-fat, low-carb options that are actually delish in Hung Hom. Coffee Station !!Salad is the quintessential lunch option for Keto. It’s quick to prepare and bountiful with a range of fresh ingredients. You might have to go "off-menu" to find exactly what you're looking for. ‘My rule of thumb is that if you see an ingredient on a menu, you can ask for it to be added or swapped into your mea

呢個位之前都係咖啡店，平時經過都冇入去，近排轉咗新店，個樣靚仔好多，琴日好似Grand Opening場面好墟冚，於是幫襯下。今日仲有個好多涵頭嘅咖啡師駐場沖hand drip☕️冇影相，但真心好飲！估唔到店子少少有呢個質素，佢哋仲有自己炒嘅豆賣，咖啡師話係自己烘焙。原來佢哋有教人沖咖啡同奶茶，所以又有樽裝奶茶賣，買咗支返去俾老豆，佢話好飲過茶記！🤭就算唔飲咖啡嘅朋友都話其他飲品勁好飲，下星期返工買外賣多個選擇！🥗

呢期去紅磡梗係去某高人嘅cafe啦，但今日行過意外發現隔離街有間穩世小店，店員勁nice。冇諗過一間小店d咖啡咁高質，杯espresso tonic好似飲緊綠寶橙汁咁，店員話d豆自己炒嘅，有得買豆。仲可以買埋個啱我呢食緊生酮飲食嘅沙律，埋單都係幾十蚊。雖然我唔飲得，但見前面有幾個人買嘅宇治金時latte 同焙茶latte好似幾正。我同事買咗支cold brew，可以成支玻璃樽拎走，佢話好好飲，好fruity同有body🤣。好好少寫食評，真心支持小店！