Come Buy (Closed)

在我去清玉排隊買的時候，媽媽去了comebuy那邊，她發現comebuy居然有一些與眾不同的小食售賣，那就是紅豆滷肉粢飯，於是她買了兩個粢飯，我們一人一個嚐嚐看。紅豆滷肉粢飯有一層保鮮紙及葉包裹著，媽媽拿上手軟軟的，且水氣蠻多。當我們打開粢飯的時候，外表像一般粢飯，可是當我們一咬，這粢飯天殺般軟爛，亳無糯米飯煙韌的口感，十分差勁。而且滷肉餡料只有兩小塊，紅豆不夠綿密香甜，非常空墟的粢飯，試一次就好了。

大熱天時，經過comebuy買左杯好耐冇飲過嘅中杯珍珠奶茶，多謝１８蚊。由於開始養生，要求左少甜少冰，友人則正常一杯珍珠奶茶。嗌左少甜，但珍珠奶茶依然好甜，仲同友人果杯冇少甜一樣咁甜！！嗌左少冰，有少冰ＧＯＯＤ！而友人果杯普通珍珠奶茶，就冇啦啦被走冰左...都唔知好嬲定好笑！！講番味道，因為好口渴，大啖大啖飲，但滿口都係珍珠，卻飲唔到Ｄ咩奶茶，迫係食哂Ｄ珍珠先飲到野。但珍珠咬口幾好，一路行一路咬都幾過癮！

天氣悶熱，我想一杯凍飲解暑，就到「come buy 」選擇心儀飲料。「come buy 」這是一間台式飲品連鎖店，每每假期就車水馬龍，有本地人和遊客都有光顧，雖然天氣熱，大家不介意擠在一起等侍一杯涼爽爽的飲品。 今次，我叫了「茘技玉露」$16，我忘了叫半糖或少糖，心想一定甜到膩口，出乎意料的甜度完全可以接受，不是太甜，心感滿足。此杯滿有果香，淡淡茘技香甜，本身有加入高纖的椰果，飲料解渴之餘，粒粒果肉增其口感層次。這杯凍飲正是消膩解胃口不佳問題，亦是透心涼的選擇！

之前去開Come Buy，一直都只係買珍珠奶茶飲，其他既飲品身邊又無朋友試過，所以自己亦唔敢試，怕中伏。直至前幾日同女朋友行街，佢自己買左杯3Q百香果飲，真心正！酸酸甜甜咁，岩曬悶熱既夏天飲，有啲甜，但唔會話太膩，令人太驚。3Q都好好食，但係我嫌有時佢地太痴，飲管吸唔起，食唔到，但飲完我覺得可以繼績一試。

直入正題！要左珍珠奶茶，小。由於係星期日，超多工人買，等左好耐。嘩!D珍珠唔彈牙不特止，仲要係林到不得了！唯一好味嘅就係奶茶，但都唔及貢x好飲！如果貢x小人D，我一定會揀貢x！無下次！

特許經銷有時就係咁樣做壞個朵！分店可以差成咁！經過見有x茶開正隔離。。唔係見呢間果汁類比較多花款真係睬你都有味！點知中伏啦。。叫左杯小紫蘇，當時食住野叫所以d音自己想像到。。點知入面兩條數字婆就坐左係度拍烏蠅笑哂出聲重覆我叫杯野飲名！擺明笑我講野啦！有小小火火地，跟住到其中一個過黎收收錢個陣！我心諗你都唔好得去邊。到杯野黎度啜左啖。。  甜到覺得好似正係飲梗糖浆！！飲唔夠一半巳經忍唔住掉左佢！！難怪兩間野平排可以一間有十人等梗，呢間都可以空無一人

員工態度差,買嘢飲仲要冇中杯.飲左奶茶,甜到爆,飲落口感覺好水!!!珍珠唔好食,好林,一D都唔in un.唔會再買呢杯野!!以後都唔會再飲COME BUY!!!!!

今日同朋友行過 忽然想飲野 就買左兩杯黎飲一杯係珍珠奶茶一杯係朱古力加珍珠員工服務態度不太好 好似有d唔耐煩既感覺 但算啦睇落賣相好好 點知之後一飲 出左事 珍珠奶茶 d珍珠實在太硬唔知係咪因為生意開始唔好 珍珠放得太耐 好硬 兩杯都係咁 都唔知點食奶茶d奶精攪唔暈 一粒一粒咁 而且冇乜奶味 茶味好重 同之前飲果陣完全唔同 只有甜味同茶味 朱古力 太甜 已經叫左半甜都係咁甜 總括黎講 唔係太好 態度差 野飲等等 材料 全部都降低哂 已經唔係之前既comebuy相比起貢X 水平更好 所以唔太建議大家去飲comebuy

食過魚鱻米線之後,就去咗呢到買咗杯宇治抹茶,呢類店舖都開咗好多間,平時行過都好多人等,自己就從來都無試過,今日又試試宇治抹茶>>茶味很重,而且有D苦,已蓋過其他味道,一D奶味都無!

食完飯行過路德圍, 口痕痕想飲野諗左一陣決定幫襯COME BUY見到香橙3Q中杯做緊特價 , $12蚊杯, 一於飲佢啦!香橙3Q ($12)飲落唔知點解有d苦味 , 好似茶ge苦味 , 怪怪地…珍珠煮得過火 , 表面好’林’ , 一D都唔煙’un’唔會再買呢杯野!

成日飲珍珠奶茶飲到厭, 今次終於肯試下個特價既波麗絲奶茶$13就有大杯, 波麗絲好多, 煙煙UNUN唔錯, 不過就無咩味奶茶都係一樣咁好味, 總結唔錯不過唔會再試下一次因為波麗絲無味既!P.S 飲飲下有粒白色野咬到唔知咩黎, 已經好多次都係咁, 希望處理奶茶果陣小心D!

差左好多...多左分店水準會下降好嬲!!!我係一個珍珠奶茶FANS....試過HK好多奶茶~但成日都叫朋友入黎荃灣飲.去COMEBUY上年佢新新新開張我去飲.....係勁勁勁勁勁好味,茶濃,奶香,我最愛既珍珠都勁好味~好彈牙好甜~D人仲好好人..新開張好亂!!!!.我等左15 MINS都覺得抵!但係今日去飲 係水甘"稀".......珍珠冇左味....D STAFF係快左好多,,,但就好寸....><睇到佢店面上WRITE :::COMEBUY係我地荃灣人基本上一日一杯...因為已經好似有4-5 間分店係荃灣!! COMEBUY黎HK...係以荃灣為BASE...我覺得大家都係唔好再幫襯......佢地一多分店就搞成甘!

招牌珍珠奶茶$10好似幾多劣評，隔離舖就排晒隊，都嗌個最普通嘅珍珠奶茶試試都唔難飲，珍珠煙韌有甜味，幾有茶香味，奶味唔會過濃，飲得過

琴日來左呢間店試下,叫左個大吉嶺紅茶,水準不錯,同荃灣城市中心果間一樣,茶味香濃,微酸,有層次感,就算放左成個鐘d味都唔會變淡,不錯.

今日見到，難得吾洗排隊的COME BUY，終於可以一償心願了～點了中杯的珍珠奶茶，少甜少奶，大珍珠，共＄12因為冇咩人，好快就有得飲^^好正～奶同茶比例岩岩好，吾似平時其他台飲店，我叫左少奶，結果都冇分別而且珍珠好多，又好煙韌，好好食～而且中杯份量都吾少～～～總括而言，我覺得係荃灣中最好的珍珠奶茶！！難怪成日大排長龍啦～