Come In Cafe

Open Now

Now Closed

平日中午時間 趕住出門口等巴士但又未食早午餐瞓發現呢間在巴士站附近的咖啡店裡面都多食客便決定試吓menu 都多選擇，日式、韓式、西式都有最後都係按自己初心揀左波菜蜆肉意粉及柚子茶落單時要俾埋錢場內也有不同位置選擇，有高腳椅有普通木椅餐廳間格寛闊舒適，是可以坐低慢慢食的氛圍落單後15分鐘左右就有得食見到意粉煮得軟硬適中，蜆肉及波菜都好多好足料 可以夾住意粉食 蒜香味撲鼻$62 勝價比高食完 抖一陣 剛好有車可以出九龍

食左2次，啲意粉認真西，唔似出面啲spaghetti加港式汁。其實識得落香草，就即刻西味十足。香蒜青醬雞肉意大利麵：青醬：蒜頭、羅勒、橄欖油新鮮機器打勻。好夠蒜，Basil味十足，橄欖油香，加少少洋蔥粒，清甜唔膩。濃稠度非常完美，冇落澱粉，夠掛面而唔搶青醬味。汁多。雞腿肉肉質一般唔鹹唔淡，肉量算多。麵口感偏al dente，麵量適中。唔係款款食過，唔可以算特別推薦，但好食，70蚊有找，未計飲。未寫飲，懶，係咁先

食左幾啖，發現雞扒切開，完全係生，粉嫩色既生雞肉，仲見到白色既根，當時我碟上面有大半塊雞扒、同行友人分給我的牛扒、煎蛋同少許沙律菜，同侍應講返侍應見到都話：「嘩！都好生下」 我話：「我岩岩都好似食左舊粉紅色既肉，無諗過會唔熟」侍應：「希望你唔會肚痛啦」之後佢地重新煎返一塊新雞扒+ 少許沙律菜俾返我，但我原本係碟未食既牛扒，同煎蛋就冇咗！我地無再講咩，快脆食兩啖就走，我地住附近，間唔中都會黎幫襯，所以發現生雞扒個下都無影相，但真係唔會再黎食，我真係唔想肚痛！煮塊生肉俾客人，不單至一句道歉/唔好意思都無，仲要話厚顏到話希望客人唔會肚痛！！再扣減我原本既食物！自己做錯事，無諗點補救，客人承擔後果，肚痛你既事！一到既時候問有冇熱檸蜜，侍應問完話有，落單後又話無，咁就改叫熱檸茶（自己加甜），黎到係凍檸茶，見到個侍應好似就俾人鬧，一時好心諗住算啦我要左杯凍檸茶啦，費事浪費，點知杯野好甜又多冰😔侍應即時走黎話加返4蚊凍飲，都係個句，佢地可以求其煮，任意做錯，客人承擔

吉列魚柳配沙律、多士、炒滑蛋、熱奶茶（$42）小店樓底夠哂高，星期六人客唔多，坐得好舒服。熱奶茶合格，略嫌茶味唔太香；吉列魚柳即炸，脆口，唔鯹；沙律份量多，爽口；多士正常；炒滑蛋不錯有蛋味。咁就悠悠閒閒食咗個早餐。

喺荃灣工廈嘅依間咖啡店吃下早餐😋嘆番杯奶茶先！朝頭早依度都幾多人👍🏼主要都係附近返工嘅上班族😊 早餐選擇都幾多！居然有我好like嘅煙鴨胸～肉質軟嫩都幾唔錯⚡️仲有滑滑嘅炒蛋～同新鮮沙律菜～而屋企人點嗰個忌廉雞湯面～我哋誤會咗以為係忌廉濃湯嗰D款😆嚟到原來係即食麵，不過份量真係好鬼多，可能唔止一個麵～食極都仲有👍🏼早餐最緊要有杯好飲嘅奶茶，呢度嘅都OK唔錯啱晒附近返工，開工前嚟醫下個肚👍🏼充充電⚡️

今a 同老公去依間咖啡店食早餐，店外不太起眼，店內佈置簡約但好細緻，令o 又好放鬆既感覺。我叫左煙三文魚拼吉列魚柳做早餐，包埋沙律菜，炒滑蛋，感覺好似一份全日早餐咁豐富配熱檸茶，價錢都係5x ,如果係k 商場食都唔止依個價。我幾欣賞個滑蛋，沙律菜都好新鮮。老公叫左蕃茄湯通粉拼吉列豬，佢個份仲抵過我，豬扒大大份，又香脆，肉質夠鮮嫩，今餐真的是驚喜之選。早上人流不算很多，坐在這裡傾計，慢慢食，真係Good morning la😚

我係一個熟客黎嘅，一向懶打食評，只係見到有其他意見嘅食評，描述好似同我平時黎食嘅情況有d唔同，所以希望出返個食評講返自己嘅感受，咁樣會對小店會公平d!一向都有食開依間cafe嘅意粉，最初成日黎食都係因為個車仔意粉，可以自己揀材料同醬汁做配搭，脫離到坐低就淨係叫卡邦尼意粉嘅行列，真心講意粉唔可以話好出色，但漢堡扒真係好好味，有係出面試過食過乾到牛肉乾咁款，又試過咬落去有陣雪味嘅，但係依到食到嘅漢堡扒完全無依個問題。我唔會話依到d野食拍得住高级西餐廳，但在我而言佢地用嘅材料同食物質素絕對對得住個價錢，係一間有心機做好同有人情味嘅小店黎！希望睇食評嘅你地可以客觀地去分析啦！

難得有啲嘢做所以出到去荃灣啲工廠大廈附近，點知去到有啲肚餓咁啱車站對面就係呢間cafe，所以就衝過去試下一入到去間cafe，明明已經四點幾，但都有好幾枱客人，心諗一定都幾好食 見到餐牌上有一個選擇叫 - 車仔意粉，原來意思即係自己揀幾多餸都得，個base就係欖油意粉。好似幾過癮最後我嗌左：✨蜆肉 + 炸雞 欖油意粉 我都知個配搭好九唔搭八但係咁啱就係想食蜆肉同炸雞。先唔好講個味道夾唔夾，但係單講蜆肉、炸雞同欖油意粉三樣嘢，佢哋都係整得好味的。蜆肉沒有雪藏味，炸雞超級新鮮脆口，欖油意粉都好彈牙！個餐包埋杯凍檸茶，但係杯凍檸茶就略嫌有啲苦澀總括來講我覺得都幾好味，有機會需要再過來呢邊嘅話就試下堂食啦

今日同朋友去荃灣工廠區做野, 就約左係呢到食個早餐先, 跟住地圖行都好易miss左個門口, 真係要好注意先睇到, 店內裝修都都係好簡約, 但細心一睇, 見到周圍都有小字條, 都係一D老闆/員工既小心聲, 同樣做過飲食業既我一睇到真係會心微笑, 餐牌都非常貼地, 我叫左個” 乜X都有啲”,果然真係乜都有, 好味好豐富, 一定要試牛角包!!

荃灣工業區cafe，成日行去搭巴士經過見到所以就去試，lunch time都幾多上班族幫襯，lunch set有靚版頹飯提供。雞扒超大塊，肉類份量真係好足，港式扒飯真係好難輸🥩紫薯鮮奶就冇乜紫薯味，奶落得太多，有lactose intolerance的我飲完滯咗好耐🥲由於食客都係以工廈上班族為主，都唔好expect好打卡able🤣香烤雞扒拼法蘭克腸伴蒜蓉燒汁飯 $65燒牛肉眼扒伴黑椒雜菌汁意粉 $65紫薯鮮奶 $38（跟餐減$18）

好耐無黎荃灣喇😅扮下荃灣友晨早起身食個早餐先😂😂😂呢間Cafe位於偏南嘅工廈區早餐價錢都幾親民又多選擇🤔主要嘅客路都係附近返工嘅上班族揀咗個自選歐陸早餐🥗🥐🍳煙肉、沙律菜、炒蛋(轉牛角包+$6)早餐黎講價錢非常親民一杯朱古力鮮奶(加大+$5)聽人講呢度牛角包唔錯🤔咬一啖真係幾鬆軟😋😋朱古力鮮奶大大杯又夠濃👍🏻又係一間良心小店😎有時黎呢度食嘢都唔錯呀荃灣友真係唔好錯過呀😆😆

Cafe位於荃灣嘅工廠區 位置較偏遠 但weekend嘅lunch time勝在人流唔算好多 可以坐耐啲慢慢傾下計都得😉▫️香蒜檸檬雞柳意粉 ($65)雞柳意粉就不過不失 不過落咗好多蒜片帶起個香味😍再加幾片檸檬 令味道更加清新🤤▪️ 火腿蛋牛角包 ($45）牛角包烘得香脆 餡料火腿同蛋亦都好夠多 夾埋一齊食味道好夾😋

📍 隱身於荃灣工業區一帶🏢 位置比較偏僻途經都未必發現有一間小cafe😂裝修走簡約風🌱 木系桌子帶出絲絲的休閒感...餐廳提供日式咖哩飯及自選車仔意粉可以自選不同配料及醬汁💃💃 因應個人需要而加配另外仲有全日早餐 分成4款 有普通/ 素食/ 煙三文魚/ 肉食者 價錢由$88-$128🌀 全日早餐 (普通) All day Breakfast $98早餐好大份 好豐富 一個女仔未必食得曬😽法蘭克福腸 雞肉腸 炒雜菇🍄 煙肉🥓 沙律菜🥗 煎蕃茄🍅 薯餅🍔 茄汁豆...仲有炒蛋🍳..仲有牛油麵包仔🍞... (好似數極都仲有😂)如果唔想食麵包 都可以加$6轉班戟🥞🥞基本上呢個全日早餐都幾合格 薯餅炸得夠香脆😍沙律菜好新鮮➰➿ 加麻醬超開胃 呢個係我最impressed!煙肉腸仔份量夠多 唔會煎得好乾 但略嫌煎得太油炒蛋有加牛油牛奶去炒 食落好香滑仲用咗海豚小碟子放茄汁豆 好可愛😚😚🌟呢間小店嘅咖啡都好高質 定價合理 $30-$40套餐飲品轉特色咖啡 可減$18👉🏻 玫瑰朱古力咖啡 將3種味道mix 得好balance朱古力味好濃郁 朋友仔都話好飲💃🕺

寫意瞓到中午，又想嘆番杯咖啡慢慢食個靚西餐，又唔想咁多人，今次就擇左呢間👆🏻普通全日早餐😻嚟到個份量我都嚇親，個份量一啲都唔普通，多士同薯餅煎得趣，又夠熱，d菇落咗牛油炒好香，個蛋都炒得啱啱好，係牛奶炒蛋好嫩，仲有又白牛仔腸同香腸，最後撈下是蜜味豆黎食，早午餐來講都算非常豐富👆🏻Latte😻嘆埋杯鮮奶嘅香滑咖啡，係新鮮即磨嘅咖啡豆再加牛奶真係又香又滑，心情靚晒舖頭入邊坐得好舒服，一啲都唔迫，真係可以慢慢嘆杯咖啡做下野

第一次食已經覺得極級難食，塊肉.已被硼砂粉拿到苦涩，冇味，再加黑椒汁，難食到爆，第二次食一樣咁難食。千萬不要在這叫牛扒。咖啡同cake可以一試。沙律也可以，要煮果D就免。我吾會再幫襯。