迎麵

Open Now

Now Closed

我同朋友去荔枝角搵好野食，呢間迎麵車仔麵店就係地鐵站附近,位置便利。食物同員工質素都好高，真係要大力推介! 佢地有個5秒必回客人挑戰，如果客人有需要搵店員，佢地5秒內應唔切就會送魚蛋，員工個名牌係用食材名, 例如“魚蛋”哥 。香港特色食物最岩我地口味。 呢間迎麵主打瑤柱金湯底, 每日以5小時足料熬製, 用左5個唔同豬部位同雞, 非常濃郁, 啖啖精華, 要親身試下先感受到幾咁正。揀左個5餸車仔麵(牛筋,炸魚皮,自家制韭菜餃,豬皮同魚腐)配油麵，樣樣材料我都地都覺得好味道, 自家制韭菜餃，入面韭菜好新鮮,魚蛋哥話係要吹乾韭菜先會夠香, 加上肥瘦比例豬肉餡, 同餃子專門店個D一樣咁正; 炆得軟腍入味嘅牛筋同爽彈豬皮就最得我心, 叫佢影張相都等唔切; 炸魚皮夠晒脆, 點湯食吸下湯汁, 正呀! 另一碗同樣一流, 個豬大腸入味又鬆軟,外皮又有少少爽口, 好食。重點係呢到真係清理得非非非常乾淨, 我要盛讚一下係我so far 食過最乾淨一間餐廳。豬軟骨用日本味噌烹調,入味得黎唔鞋口,味道岩岩好。牛丸仲係用振興牛丸, 對食材真係有份執著。豬油渣浸一浸黎食，好酥脆，豬油香爆登。韭菜豬紅又係好滋味, 真係

今次我地放假帶bb黎荔枝角呢邊玩play group，玩完之後就順便係呢邊食埋飯先番屋企，見到呢間新開既車仔麵店門口畫緊副牆幾靚咁，入面都乾淨企理，又夠闊放埋bb車入去就入就去食啦🍜佢地係用門口既點餐機自己揀好野食比埋錢先入去坐低等食，呢度店員好殷勤，見我地帶bb就安排左坐位比我地坐低先再出黎點餐，仲細心介紹有咩好食同點用部機點餐😄佢地既麵一律都係用招牌瑤柱金湯，湯底用上雞，豬，瑤柱去煲，熬足5小時製成，相當鮮味，另外仲有自助蔥花同菜脯自行調味😋特盛迎麵（8款指定餸）（$78）呢個就好似過橋米線咁，唔洗揀就包曬大部分好食既餸，分別有牛腩，豬腸，豬皮，豬油渣，魚蛋，滷水蛋，蘿蔔，菜心，可以話車仔麵應有既餸都齊，當中我最欣賞係豬油渣，一粒粒又香又脆，另外牛腩，豬腸等等佢地係自己整既，水準都有番咁上下😍4餸麵（轉蘿蔔底）（$60）自己包韮菜餃（+$4）佢地既麵底除左可以揀唔同粉麵仲可以轉菜底或蘿蔔底，老婆就揀左蘿蔔底，餸就揀左魚肉春卷，瑞士汁雞翼，自家製韮菜餃，冬菇，個韮菜餃雖然要加$4，我覺得都值，用料新鮮又大隻，魚肉春卷就幾有特色，瑞士汁雞翼夠入味，冬菇就正常質素🥟手拉凍奶茶（跟餐+$7

迎麵主打招牌瑤柱金湯，足料嘅金湯用足五小時餚製，濃郁滋味，絕對係可以飲嘅湯底。配上自家製嘅豬油渣為湯底提解鮮提香，不得了呀😜😜😜😜😍😍😍😍⭐招牌瑤柱金湯4餸米線⭐🔆牛腩，豬腸，生菜，難翼尖🔆手拉奶茶牛腩同豬腸夠入味，豬腸清得乾淨，完全唔覺有異味，支裝奶茶茶底香濃，奶味十足⭐招牌瑤柱金湯7餸米粉⭐🔆豬皮，豬軟骨，魚蛋，自家製韭菜餃，蘿萄，牛根，冬菇🔆手作檸茶一定要點自家製嘅韭菜餃，滿滿嘅餡料塞爆隻餃子，每一啖都食到韭菜嘅辛香；牛筋骨膠原十足煙韌得嚟食到香濃嘅鹵水味；手作檸茶表現不俗，唔會太甜，建議加點餐廳環境舒適寬敞，店員好友善，好耐心咁教導客人點餐，抵讚👍🏻👍🏻👍🏻🎊🎊迎麵長沙灣長沙灣道883號億利工業中心地下9號舖#迎麵 #瑤柱金湯 #美食 #香港美食 #米線 #米粉 #手拉奶茶 #韭菜餃 #豬油渣 #舒適環境 #好友善 #美味 #點餐 #長沙灣#香港餐廳 #高性價比 #打卡餐廳 #網紅餐廳 #必食餐廳 #香港美食 #香港餐廳 #香港必食 #美食推薦 #約會餐廳 #聚會餐廳 #餐廳推薦 #香港博主 #香港探店 #車仔麵 #老火湯

億利附近開左間新車仔麵，天氣開始熱 食呢d 岩哂，店入面有卡位，位與位之間都闊落，坐得舒服，店員主動提出餐廳入面位置會涼快d，怕熱可以坐入面。入到去同點餐機落 order 同比錢，之後就坐低等叫 number 拎野食。佢地既招牌瑤柱金湯底都好濃郁，叫左米線同油面，都吸味幾正。份量適中，胃口大既 未必夠。有叫炸魚皮 但唔脆，浸淋食味道都可以，其實d 餸 overall 都唔錯，推薦豬大腸同蘿蔔，好入味又夠淋。$5x 三餸，我覺得算係咁，仲有個自動出牙線既機玩下，幾好。

今日去咗荔枝角食人氣車仔麵！😎呢間麵店嘅招牌瑤柱金湯真係不得了，好飲到我想打包返屋企慢慢嘆，而且服務勁好我同朋友都叫咗5餸麵，咁就可以試多啲嘢啦！😆佢每一道餸都好好食，例如 豬手炆得又腍又入味，牛腩鬆軟，牛丸彈牙，冬菇同豬耳都好有口感！豬紅好滑溜！重點係個招牌瑤柱金湯真係超正！🤩 鹹香十足，鮮味濃郁，飲到停唔到口！🥇佢哋遲啲仲許記合作，有更加多好食嘅丸類！飲品方面，我哋叫咗手作檸檬茶🍋🍹同埋奶茶☕️！檸檬茶酸酸甜甜，好解渴！👍🏻 奶茶更加係驚喜！😍 茶味香濃，奶味香滑，真係好滑好飲！😋

同事話D2對面新開左間車仔麵，今日想一齊去試下。平時出去食車仔麵通常都係比較擠迫及環境一般，講呢間舖頭一入去感覺係乾淨企理。餐廳係用點餐機落單，一入門口有2部，旁邊有個職員協助。似快餐店形式，落完單入去坐低，等叫號，再出去拎餐。取餐處旁邊有配料可以自己加，主要係醋、蔥(果日無晒)果D，另外可以自己斟水飲。今次叫左3餸麵，基本麵底款式都有，另外可以加錢轉烏冬或一丁。牛根、貢丸、響鈴粗麵配牛腩汁湯底，全部餸菜都正常發揮，正正常常，不過不失。湯底唔錯👍🏻比較特別既係枱面有牙線捧機，喺香港來講真係好少見。

車仔麵嚟講，呢間都算好高質。金湯湯底，好正，唔會係一般食車仔麵嘅湯底。做得好有誠意。叫左個3餸加嘢飲。鐘意食豬腸一定要叫，好入味好正。其次叫左雞翼，豬軟骨，又係好fit. 我會再去

📍「迎麵」- 荔枝角今次食食食之旅黎到荔枝角😌👧🏻努力減肥中，咁岩係荔枝角落堂，就諗住係附近搵間岩減肥人士食嘅餐廳，就見到係D2 Place 附近嘅車仔麵，即刻試試佢😎📷餐廳位於D2 two 對面，位置好方便，環境都幾闊落，一入到去可以係門口用點餐機點餐，staff 仲會好好咁嚟協助你，而且佢哋好細心態度好好，仲有個好特別嘅挑戰，就係如果5️⃣秒內唔應機，就會請食魚蛋🤣大家可以嚟挑戰吓😆🍴自選5️⃣餸（牛筋、牛肚、豬軟骨、自家製韭菜餃、魚肉、生菜底-瑤柱金湯）💰HK$77✨推薦指數：8/10呢度最出名就係佢哋自家熬製嘅瑤柱金湯，用咗雞肉同牛/豬骨、果實熬製五個鐘頭，所以湯底呈金黃色，雖然味道冇平時食開車仔麵啲辣味咁樣濃味，但係瑤柱味幾好，亦有好多瑤柱係面，飲落香濃鮮甜唔油膩😋自家製韭菜餃係韭菜用風扇吹乾之後先切斷再包，粒粒漲卜卜好足料，呢個餸必點🤤牛筋牛肚都軟腍入味不過牛肚切大舊啲口感會更好👅豬軟骨用日本味噌醃製，入味得嚟幾有咬口，仲保留到一啲骨膠原嘅部份😋魚肉份量幾多不過有少少腥😗呢度有得轉生菜底好岩減肥人士😍🍴自選5️⃣餸（牛腩、雞翼、豬手、豬腸、豬耳、幼麵-招牌瑤柱金湯）💰HK$66✨推薦指

今日同果果去左荔枝角playhouse 玩玩完緊係要醫肚啦😋果果最鍾意就係食麵🖐🏻搵到一間坐得比較舒服而且佢嘅湯底比較出名‼️用咗5小時熬製嘅瑤柱金湯底🤩用瑤柱鮑魚雞湯真材實料炮製✨味道鮮甜👍🏻食完麵飲晒成個湯底🖐🏻果果最鍾意食既滷水雞翼好入味食物質素好高最近佢地轉左新餐牌有許記牛丸同魚肉春卷tim 😌仲點左佢地既人氣小食白雲豬手睇下果果食到係咁俾👍🏻佢地既位置都好方便📍一出地鐵站行前小小就已經到好方便‼️員工非常健談👍🏻會同你介紹每一款食物同埋湯底😋

一碗好嘅麵，我最在乎嘅就係湯底（堅定的說）而平時食車仔麵，一定唔會飲個湯 （你懂的）但 迎麵 嘅湯就非飲不可啦！因為佢嘅湯底係每天以瑤柱及多種等優質食材(6+)，熬製5小時嘅精心濃郁瑤柱金湯 ！營養豐富之餘 ，飲完唔會覺得鹹同口渴係所有材料嘅精華融合晒嘅口感，令人一口接一口！因為湯底夠濃稠，所以建議配粗麵或者油麵會特別掛湯！🍜同埋佢哋好多材料都係自家製例如坊間好少車仔麵會有嘅香噴噴豬油渣！碗麵加咗豬油渣真係零舍不同！仲有沙嗲添，原來金湯加咗少少沙嗲有另一番風味，可以一試～甜甜地嘅雞翼 牛肚、牛腩、豬皮同豬腸都好出色，柔嫩多汁，彈牙鮮美～ 辣豬耳都好惹味！ 仲有仲有，佢哋嘅飲品都係自家製，今次我哋就飲咗奶茶同埋檸檬茶，係好飲噃！～～～ 💯💯 呢度嘅服務員態度親切友善～ 佢哋竟然留意到我同朋友邊食邊飲湯碗入邊嘅湯越嚟越少，職員就主動嚟同我哋加湯好細心呀👍🏻 仲要反應快，快到要挑戰返食客😂😂： 👋🏻5秒挑戰👋🏻：= 舉手5秒內冇人回應你即屬挑戰成功🎁 挑戰獎勵：請你食魚蛋～ 活動時間：2025年02月26日開始（冇諗過幾時完結）😂 佢哋嘅車仔麵由$53（3餸）至$78（8餸）價錢無離地，仲

反傳統車仔麵店，環境日本風，非常舒適。店員姐姐又靚女又好人。食車仔麵食到以為自己去咗拉麵店呢個感受好特別。湯底超級高質素，用咗瑤柱，豬骨，魚，雞，每日熬製五個鐘嘅靚湯，幾十蚊真係嚟飲湯都抵哂。真係睇得出老闆嘅用心製造，就連辣椒油同菜譜都係自家制。叫車仔麵仲會跟豬油渣，呢個豬油渣真係好好味，夠香脆。仲有自家製韮菜餃，豬手，都好好食，呢間車仔麵店真係顛覆左我嘅味雷，正！個湯仲想飲多兩碗，真係非同凡響。

店員好有禮貌，話我知可用點餐機去點餐。另外，店舖環境企理乾淨，坐得都幾舒服。特盛迎麵特盛迎麵真係好豐富，有勁多餸，樣樣都好好味，佢嘅牛腩炆得好腍好入味，仲有豬油渣，係佢哋師傅每日新鮮炸出嚟，唔係咁易食到。最正嘅係佢嘅湯底，瑤柱金湯，啲湯真係金黃色，好靚好濃郁，原來佢嘅瑤柱甘湯係用瑤柱、豬肉、雞等材料熬足五個鐘以上，唔怪得咁鮮味咁好飲！5餸麵另外，我揀咗個5餸麵，要讚下佢哋既自家製韭菜餃，大大粒，而且啲韭菜同肉嘅比例調得好好，好好味！另外，佢嘅潮式滷水豬腳都值得一試，炆得好腍好入味，同埋唔係普通車仔麵都食到。麻辣豬耳麻辣豬耳好惹味，又夠爽脆入味！手打凍奶茶+手打凍檸茶呢兩杯飲品都係佢哋自家製，奶茶幼滑濃厚，凍檸茶清爽好飲！提一提大家，餐廳門口有一幅特色牆，大家可以去食吓嘢打吓卡！

每次食米線/車仔麵嘅時候，我都想揀啲好好飲嘅湯底。而依間新開嘅迎麵，佢居然用瑤柱、鮑魚，真材實料咁樣熬製瑤柱金湯作為湯底，然後佢嘅湯底真係超清甜，超好飲，完全可以食完個麵再飲晒個湯底🤩🤩除咗佢嘅湯底好飲之外，佢啲料同服務都好正。✅ 牛筋同牛腩: 兩者都煲到軟腍入味😋✅ 韭菜餃: 店員喺你面前即包即煮，菜肉嘅比例係三七比，調味適中😍✅ 樽仔奶茶/檸茶: 用咗7分甜，味道啱啱好唔會太甜或者太淡🥰✅ 店員有問必應，如果5秒唔應你嘅話，仲會有免費魚蛋送俾你添 🤩✅ 另外店員嘅名係叫做魚蛋、牛筋等等嘅食物名，好方便顧客記住佢🤣🤣

.今日同好耐冇見既朋友去咗荔枝角食lunch😜想食車仔麵🖐🏻搵到一間坐得比較舒服而且佢嘅湯底比較出名‼️用咗5小時熬製嘅瑤柱金湯底🤩用瑤柱鮑魚雞湯真材實料炮製✨味道鮮甜👍🏻食完麵飲晒成個湯底🖐🏻牛筋炆得好淋食物質素好高，竟然用振興牛丸😋我第一次食車仔麵係有振興牛丸架😌位置都好方便📍一出地鐵站行前小小就已經到好方便‼️員工態度好好👍🏻會同你介紹每一款食物同埋湯底😋📍迎麵荔枝角長沙灣道883號億利工業中心地下9號舖(D2 two對面)@comenoodle#迎麵 #車仔麵 #瑤柱金湯 #荔枝角美食

荔枝角D2 睇戲🎬，睇戲前食番啲野先，見到對面有間車仔麵，請請牆上壁畫好吸睛👀過去試試先車仔麵自助買，主打瑤柱金湯，好特别湯頭，揀左個5餸車仔麵，牛腩 牛筋 牛肺 豬油渣 自家制韭菜餃 油麵，另加瑞士汁雞翼 豬紅+$7 要手作凍檸茶一黎到車仔麵畫面好震撼，勁多餸，豬油渣另上一碗🐮牛腩 牛筋 牛肺 自家炆制，牛腩入味，牛筋爽口，牛肺大大舊🥟自家制韭菜餃，皮薄餡靚，塊皮好滑似雲吞皮咁，入面韭菜好足料，咬入口爆發韭菜味🐷豬油渣，食幾多倒幾多入個湯，一浸一食，好酥脆，豬油香，真係好邪惡😎🐷豬紅帶有一絲絲甜味，好滑溜🐥瑞士汁雞翼，好入味，連雞翼啲肉都甜甜地~不得不提瑤柱金湯，湯頭有家的感覺，媽媽煲既老火雞湯，入口瑤柱鮮甜，後有濃郁雞味，飲落個嘴邊仲有黏口，真材實料，飲曬成碗都唔會頸渴，0️⃣味精配埋佢自家辣菜譜，惹味到不行！ 同坊間菜譜顏色不同，溝上油香醬料調味，一定要試試😋🍋手作凍檸茶，一樽樽，檸茶已經篤好曬，無一片片檸檬🍋，味道唔會過酸過甜，紅茶底甘香留意到餐廳海報5秒必回挑戰，原來係當你揮手嗌侍應，佢要5秒內回應，親切態度，服務一流👍🏻老闆真係好有心，改善餐廳服務業態度❤️