荳號 (明德商場) (Closed)

坑口明德飲品糖水小店 - 荳號.屋企附近開間飲品舖真係幾開心住左咁多年第一次有人夠膽係明德開飲品舖小妹緊係膽粗粗去試下.原來小本經營後生店主一手一腳經營當然支持下啦 .🍋檸檬寒天青茶 $26小妹平時飲開無糖，冇得無糖都一定少糖靚女店主見我想嗌無糖，就提一提我如果嗌無糖就比較酸啲，所以今次就少糖去試依個新產品。檸檬寒天青茶飲起上嚟酸酸甜甜，幾好飲，又唔會似假水果個隻味。而寒天QQ的，本身我好怕寒天會硬硬的，岀奇地寒天非常QQ，好鍾意❤️。.🍧黑糖挫冰 $35配料方面，小妹簡左椰果、紫米、仙草、紅豆、蘆薈。 三種配料 $30 五種配料$35本身小妹好想試新產品椰香喳咋，點知比其他客人搶先一步，6點幾都已經賣哂依款嘅糖水，所以就簡左第二鍾意嘅黑糖挫冰。提提各位，荳號嘅芋圓、小丸子、珍珠都超快速比人清空，真係手快有手慢無。明顯我就係手慢果個，所以就簡左其他配料，黑糖挫冰大大碗，$35黎講真係好抵，啲配料都好好食😋.今次小妹我試左依2款，原來荳號嘅飲品同糖水都有好多種類簡，除左飲品同糖水，仲有童年嘅冷麵，等下次再試其他飲品先😚😚

坑口手搖飲品糖水店 — 荳號▫️呢間位於坑口嘅手搖飲品店，主打各款手搖飲品、芋圓糖水同港式冷麵。▫️冬瓜愛玉凍($30)加左雙色芋圓、蘆薈、小丸子芋圓同丸子口感都夠煙韌，不過芋圓嘅芋頭味就唔太出，可能因為糖水底比較甜，淡返少少會比較好～▫️燒仙草($30)再加左雙色芋圓、紫米、寒天晶球寒天晶球好好𡁻口😆好中意食～▫️$30來講份量都幾多～▫️港式撈冷麵套餐好耐都冇食，之前中學成日食😂簡左蟹柳、芋絲、紫菜，帶子裙邊。叫左多蒜，但略嫌蒜味唔夠，可能我太重口味🤣跟餐可以簡杯野飲，簡左綠茶荔枝，味道正正常常。▫️地址：荳號 將軍澳培成里10號明德商場地下25號舖

朝早做完HIIT, 梗係要飲返杯嘢慰勞自己啦🤭增咗肥先可以再減肥㗎嘛🤭🍪Oreo Milk Tea with Grass Jelly奧利奧仙草奶茶🥛💰$30本身佢係波波奶茶係珍珠，但覺得珍珠太飽肚，所以轉咗仙草，叫咗少甜，味道ok，都好多仙草👍🏻🥭Mango Chewy Ball芒椰小丸子🍹💰$34老公話之前有得飲芒椰小丸子嘅連鎖飲品店執咗，諗住試吓呢到嘅似唔似，味道唔太酸，不過佢嘅小丸子就唔似平時食開嗰種，反而佢係麻糬口感，軟身啲～🍝冷麵套餐💰$32做完運動有啲餓，食埋個童年回憶嘅冷麵🤣芋絲、帶子裙邊、墨魚仔、紫菜冷撈麵我食得2啖，俾老公食晒🤣好多蒜蓉，味道重，都係平時撈麵嘅味道～本身想要5個餸，但staff話4個餸套餐價$32有埋杯果茶，所以俾佢sell到要咗set😂🍑🥭果茶有芒果、荔枝、水蜜桃，配上紅茶、綠茶、凍頂烏龍茶🍵嘅茶飲，又係要咗杯熱嘅，但飲唔晒，留返晏晝再飲～💰$96/2ppl⭐️4星/5星🈵分

荳號店舖裝飾有小清新的感覺。以往經過都只會買草莓牛奶，今次見到佢出新野，忍唔住試下，點知發現有驚喜😍檸檬寒天青茶香港人最鍾意飲凍檸茶，而我都不例外。 有檸檬茶的味道，再埋寒天又有咬感，而且價錢適中，值得一試。奧利奧奶昔Oreo 一直都係我至愛，當Oreo 變成一杯奶昔，唔會特別甜岩哂我依啲怕肥又想飲野的人，而且荳號選用明治牛奶，口感特別滑，都是一個不錯的選擇。燒仙草+仙草+紫米+小丸子當你唔想飲野又想食甜野的時候，糖水都是一個好選擇。 燒仙草份量大大碗，而且可以自己配搭自己鍾意的配料，價錢又唔算貴，不訪一試！而且店舖是由小情侶開舖，服務態度非常好👍！

🍵宇治金時厚鮮奶🍵呢款新品嘅抹茶味非常之濃郁，唔會好似其他咁咁苦，裡面仲有啲小丸子係裡面，啲小丸子好煙煙韌韌，非常好味😋✨✨🍋檸檬寒天青茶🍋呢款特飲嘅甜度同埋酸度都啱啱好🤤好有檸檬香，而且又好fresh🤓✨上次係打完排球🏐嘅時候嗌咗一杯嚟飲，特別解渴🤤而且佢裡面仲有啲寒天係入面，勁好咬🥺🥺多芒奶昔加小丸子🍡呢個配搭真係好鬼正😋佢嘅多芒奶昔甜度啱啱好，再加上啲煙煙韌韌嘅小丸子🍡，飲完之後成個人都會精神番、開心番！🤩

雖然最一開始聽到荳號嘅名冇乜興趣 仲以為係賣豆制產品嘅舖頭😈點知同frd飲完一次就返唔到去 徹底愛上咗呢間飲品店🤤飲品糖水同冷麵集齊於一身嘅鋪頭點樣唔去試下！宇治今時厚鮮奶抹茶同紅豆+小丸子真係好夾🤩🤩小丸子亦都唔會比抹茶或者紅豆搶晒風頭😎雖然最後可能要自己慢慢食晒啲配料，不過都好滿足！多芒奶昔奶昔嘅甜度啱啱好😻唔會似得好似出面有啲地方嘅奶昔飲完之後喉嚨會甜到痛🥵驚太單調都可以加配料，但就咁飲都已經好好味🤡草莓の奶飲完一次就超中意！！首先隻色已經幾吸引人🤣味道都唔會算得係好甜🙈口渴嘅時候飲返杯真係好正👻

嗰日練完排球就去咗荳號到飲嘢~平時都成日去荳號買嘢飲 🥭多芒奶昔+小丸子係我平時會嗌嘅嘢!!係佢哋未真正出post介紹新品嘅時候 我同frd已經飲過晒佢哋啲新品宇治金時厚鮮奶同檸檬寒天青茶 所以我哋對佢哋嘅新品係已經好熟悉!🍵宇治金時厚鮮奶入面有我最愛嘅小丸子🍡最Surprise嘅係佢有個羹仔俾你𢳂啲小丸子出嚟食 因為由第一次飲多芒小丸子嗰陣時淨係粗飲管係唔夠啜佢勁大粒嘅小丸子 所以今次送羹仔係好貼心嘅服務～ 🍋檸檬寒天青茶 係我做完運動之後嘅最愛 fresh到爆!最啱係做完運動勁攰嗰陣飲一啖 成個人都精神返晒!!最後我仲嗌左個糖水食 好足料 我呢啲勁大食嘅人食完一碗都可以唔洗再食飯!老闆娘好好人又靚女同男朋友情侶檔孖住上好有愛！建議大家快啲去支持下 ❤️

已經唔係第一次幫襯，之前食開冷麵同埋佢哋嘅車仔糖水，$30有三個料加一個底，真係又平又正！呢排佢哋新出左宇治金時厚鮮奶，我本身係唔鍾意綠茶類，但係因為紅豆所以試咗，頗為驚喜佢個茶嘅濃度啱啱好，唔反感之餘仲有少少喜歡，可惜當日佢哋嘅小丸子已經賣晒，轉左寒天，不過都幾好食，成日都食唔到佢哋嘅珍珠小丸子芋圓產品，如果貨量充足應該會成為我最喜愛嘅飲品店☺️

一直都係荳號的擁躉。近日試咗佢新出的宇治抺茶紅豆小團子，一入口抺茶味好濃厚得嚟又唔會苦澀，加上鮮奶的醇香，抺茶黨必點。🤤用料又多，有三分之一杯都係紅豆同白色團子，簡直冇得頂。草莓奶就唔洗多講，我的最愛。佢係落咗真嘅士多啤梨蓉，飲得出係有果肉嘅！睇佢整嘅時候又落咗3.4牛乳，正到你呢。佢甜味又啱啱好喎，已經點過五次，我的最愛♥️。唯一缺點就係插飲管的時候好唔方便，因為嗰張膠好難插穿。整體9/10，宇治抺茶紅豆子團子同埋草莓奶必試！！

草莓の奶飲第一啖嗰陣已經覺得佢陣味好熟，諗諗吓發現好似Häagen-Dazs士多啤梨味雪糕！！杯嘢可以話係最打卡able嘅嘢飲，而且店員仲好好咁樣問你要唔要影一張相先，勁貼心！ORE號係細個食Oreo加牛奶嘅懶人版😂😂，而且Oreo超級多，飲飲下仲要搞一下佢以免沉底。我覺得可以自行加配珍珠或者小丸子呢啲有咬口嘅配料，會更加滿足！宇治金時厚鮮奶呢一隻個綠茶味條配得唔錯，唔苦，而且唔係假綠茶味，加埋啲紅豆同小丸子就好似食緊甜品咁樣而且紅豆都好多好足料！️

介紹所有去單車館公園野餐既朋友可以去📍荳號 買茶飲同冷撈麵😍-星期日約左朋友去單車館公園野餐，決定一試附近位於坑口明德商場既荳號👀-作爲抹茶控既我，揀左11月新品 - 宇治金時厚鮮奶🍵抹茶飲落一啲都唔假，好香好濃👍🏻小丸子係我鍾意煙韌有口感既質感，配埋煮到軟爛既紅豆真係好高質😋-朋友就揀左 - Oreo奶昔，試飲左啖，係飲得到既麥旋風呀❗️好滿足，不過如果oreo可以再大粒d，就更有咬口啦😗-另外仲叫左兩個冷麵，而家冇邊到可以食到港式冷撈麵😭重口味但食完唔會好口喝，呢點真係好重要👍🏻👍🏻總結真係好唔錯，下次想試埋糖水😝

雖然此前從未光顧過，但這間茶飲店早在開張時已在周遭認識的人和將軍澳區中頗負盛名，故早有所聞，後因朋友的再三形容便起了想試試的心思，今次藉著荳號試飲員的計畫終於可一嘗，實在感謝@commaHongKong 的選中令我可以一圓心願啦～🙏🥛香濃荳乳+黑糖珍珠 $20+$5🥭芒椰小丸子 🥥 $34🍋檸檬寒天青茶 🍵 $26換了新裝修的明德商場內裏仍是舊時的格局，即使週末也不算太多人流，但講真一推開門時遠遠看到荳號暖黃色和明亮顯眼的裝潢，擺放著可愛嘅玫瑰花熊透著絲絲溫馨，到此一訪時實在令人耳目一新，有種眼前一亮的感覺，店內情侶搭檔二人間的協作合拍又相配，好生羨慕，能與伴侶在熟悉區域開間簡單的小店，一起研發和調配產品返工放工，有個共同目標奮鬥，想必也是不少人嚮往和追求的吧～❤️頗為Surprise是小店“open to ideas”的態度不單是掛在嘴邊，熟悉嘅大家都知我嘴刁奄尖比分嚴苛刻簿🤣誠實地說，味道就不似預期和我心目中有點差距，隨後也直接了反映出品可以有些改善空間～🥲，但到底口味人人不同，各有自己一套，我的未必能參照和作準。感謝早於入選試飲時已告知會照真實感受出食評、後換取飲品後長篇大論的意見

呢間小店我吾係第一次幫襯，開店無幾耐已經去過，開會員既方法好簡單，留個電話號碼，名，下次黎就可以儲分，儲夠幾百分有飲品換領，生日月份買好似有2倍積分。佢叫荳號，我第一次去以為荳號應該係主打荳奶類飲品，點知吾係仲有好多野簡之前飲過奶綠加芋圓，味道吾錯，甜度調校後更好風味。今次試試看佢哋排名第二既草莓の奶，草莓果醬有草莓果肉，果肉吾算好多，草莓牛奶既味道清清甜甜，吾會話好甜好膩。順便買左2款甜品返去比屋企人一齊試下，車仔糖水係可以簡個底之後再簡上面既甜品，3款30蚊，5款35蚊。我簡左個燒仙草底加西米紫米紅豆，意外既係燒仙草熱辣辣得黎，又吾會話好甜，加埋西米紫米紅弄3既配搭，增加左成個甜品既風味。老實講係幾意外既口味，加上份量比想像中既多，出面既甜品，多數係凍既會有一定份量既冰墊底，感覺食緊成日冰甘。凍既我叫左個冬瓜愛玉凍底，加仙草蘆薈寒天，冬瓜愛玉凍相對燒仙草黎講比較甜一點，鐘意甜蜜蜜既朋友可以簡呢個底，凍既甜品都吾會直接加冰入去，成個甜品盒子裝的重量十足，30蚊一個黎講確定份量很良心了加上店員既服務態度好好，好有耐心解答我既問題，因為第一次叫呢個甜品，吾係好知點樣配搭比較好，店員姐姐好

- 檸檬寒天青茶 $26特登去試新飲！唔鐘意飲太甜所以叫咗微甜，酸度岩岩好！飲落好香檸檬酸，感覺好fresh🤩再加埋彈牙嘅寒天，一啲都唔dry，勁快就清哂一杯！🤤 提醒～～如果唔中意飲酸野都係叫返正常甜度！！！- 芒椰小丸子 $34好難得有間飲品鋪配料係有小丸子，仲要飲開呢種配搭都係許X山，即刻心心眼要試，呢杯完全贏哂😱芒果肉又甜又多，差唔多每啖都食到果肉，再加埋啲小丸子煙煙韌韌，每一啖都勁滿足！但係啲小丸子都幾大粒，有陣時會卡住飲管好難啜上嚟，可能要配再粗啲嘅飲管🧋- 草莓の奶 $28細妹比呢杯野飲嘅顏值吸引住就叫咗黎飲😍佢話味道似Häagen-Dazs 士多啤梨味，香甜嘅士多啤梨奶再加酸微微嘅果醬，大讚係完美配搭，滿足到佢呢個草莓控 👍🏻🍓鋪頭仲有冷面同大大份糖水，成日見佢地勁早就賣哂，有機會真係要試下🥺

今日去親戚屋企先經過明德商場，無意中見到呢間荳號 幾特別嘅名，個menu都幾創新 好多唔同特別嘅手搖價錢係呢區叫中等偏下，都幾親民。女店主見我猶豫咗好耐就主動介紹，原來佢哋所有含奶嘅飲品都係用明治鮮奶😍呢一點已經好吸引!我就係芒果死忠粉，見到呢到有久遺嘅「多芒小丸子」緊係即刻order杯試下！呢杯都係佢哋招牌同熱門之一。(P.S. 許字連鎖店執到冇咁濟 想飲返杯都冇乜鋪頭有)多芒小丸子 $34女店主係order嘅時候提醒入面會有椰奶 o唔ok 好細心價錢上比普通珍奶貴，但芒果味都叫濃 唔係化學味，重點係好多小丸子 呢隻小丸子比起許字連鎖店大粒啲 有咬口啲! 總括而言，都值得再回購! 下次試下鮮奶類飲品😋🧋