混亂 STEAK (Closed)

今日做完運動，決定要放縱下，補足蛋白質!上次經過有個Food Court，見到有呢間食牛排既shop,所以今晚去試下。 呢間店既肉有3款揀，遂gram計，以300g起跳。可能太晏既關係，最平既肉眼已經賣完，所以我試牛柳加洋蔥汁，另加錢配飯，salad 同飲品。 食呢間要有耐性，因為都等左差不多20幾分鐘。牛肉份量頗大，上面淋上洋蔥粒，再附上一個有d酸酸地咪既醬汁。 不過塊板唔夠熱，件牛攤一陣已經開始涼，雖然叫左7成熟，不過都有D韌，而且塊肉無咩牛味，夾唔到洋蔥D味。 好彩有d飯中和下，如果淨食牛肉會幾膩，不過真係無咩味。 以百幾蚊既價錢，雖然唔係話好貴，不過有D失望。

自從發現逸東酒店有food court午餐多左個選擇不過尼個好地方俾人發現左後以家次次食lunch 時間都好多人會無位以前過去點都有位坐以家多人到d人會企係你隔離等你食完要你個位講返牛排先係food court有鐵板牛排食少見所以都好新奇小資女lunch食左鐵板牛好似豪左d不過實在好吸引，點都要試下叫左A 類肉眼，300g跟左個set 要埋飯同沙律仲有湯好豐富，正呀要左蒜汁但個汁真係好香鐵板一路燒個香味真係令你食慾大增之前見過隔離枱食尼個排燒出黎既香味真係令你明咩係隔離飯香不過個牛就食落普普通通但係個set食完好飽差點食唔完但係非常滿足👍🏻👍🏻👍🏻

小妹今日黎食左個300g肉眼扒配蒜油跟set，有沙律白飯同汽水。冇諗過呢價錢，係會比呢d咁嘅垃圾黎食。份量係大，如果咁難食，基本上都係哽唔晒，留意，係哽。佢嘅蒜油應該係李x記樽裝蒜泥。配落牛扒度應該完全唔配合，蒜泥嘅味已蓋過一切味道。不過算擺啦，舊肉本身都係冇肉味嘅，亦都超級鞋同靭。同行朋友叫左400g西冷，稍為多少少少好少肉味及稍為嫩滑一點，但有好多筋，基本上切走左d筋就只淨返3/4塊肉。一樣都係算擺啦，基本上難食程度你都係哽唔晒成份的。附送醬汁都係不知所為，帶酸，令我不其然諗起中式嘅山竹牛肉。店鋪混以日式主題絕對係混淆視聽。相信大家去過日本都知日本人唔會比呢d咁嘅野人食。

喺逸東酒店樓下food court搵食。見到間近年好興嘅steak餐廳。於是就決定一試。有三款牛可以揀。肉眼牛柳西冷。牛最少要叫300g。揀完牛就可以揀一種油放面。之後再決定加唔加$18轉set。有飯湯沙律汽水4選3。原本諗住平平地試下肉眼。店員表示今日肉眼比較多筋會硬啲。所以最後揀左牛柳400g。三倍洋蔥油同轉set。set嘅飯可以揀份量。揀左最多嘅300g。店員會將肉放喺收銀前嘅磅俾客人睇重量。逐gram計錢。好老實。沙律同飲品會俾左先。之後等左15分鐘左右終於拎得舊牛。拎嘅時候鐵板已經係冷靜哂。唔會再有滋滋聲。牛扒用洋蔥墊起。防止overcook。食嘅時候牛扒大約5成熟。熟度控制得唔錯。牛柳夠淋滑有肉味。以呢個價錢質素算係唔錯。洋蔥油係喺牛扒面放上洋蔥粒。老實講又唔覺有咩特別。沙律係椰菜沙律。可以去油膩。不過等牛嘅時候已經食晒。如果沙律可以refill就更好。😝牛肉味比正式steak house係有啲分別。不過突然想食下牛的話。絕對可以一試。

原來逸東酒店樓下有個food court都幾多野食! 有日本料理、越南菜、中式湯品等等環境都唔錯! 呢條樓梯落去就係啦一落去一直行就係呢間店見到咁多人排隊就試下啦首先揀牛既部位店員會即刻切牛再磅幾重然後就揀要咩油我揀左牛柳同蒜油300 gram 牛柳都幾大塊牛都幾嫩! 蒜好香! 最重要係好抵食加埋個套餐都係$119有飯、沙拉同埋可樂如果需要仲可以同店員講要多啲蒜或者配菜推薦

今日早左放lunch, 12:00左右去到Eaton hotel嘅food court。去到嘅時候好彩有得食牛柳，有朋友試過13:00去到已經賣哂牛柳。食左就明白點解牛柳咁快賣哂，因為係最好食同埋抵食！點了300g牛柳，但通常都會比多左少少，照乘番$0.33/1kg, 大約$106，再加$18要埋套餐（我揀左沙津，飯同可樂），總共$124個牛柳大約5成熟，自己再係鐵板上料理一下整到自己想食嘅成數，牛味好重，我就要左二倍蒜油，將蒜油撈入個醬汁到點牛排十分正

呢間混亂牛扒雖然位於酒店food court，但佢其實好出名，同埋每次我去親都有好多人食。今日又再去食，我叫咗牛扒餐，友人叫其他餐廳嘅食物，佢都差唔多食完我份牛扒都仲未得，因為真係好多人輪候緊，但係都值得等既！淋蒜汁上鐵板嘅時候有”咋咋”既聲音，證明塊鐵板夠熱，好自癒。牛扒唔會太乾，有肉汁，而且仲幾大份，所以呢個價錢來講其實都幾抵食！

今天工作辛苦，於是去了位於Eaton Hotel food court 的混亂steak鋸排慰勞一下自己。餐廳是以現點現磅現煎的形色炮製牛扒。牛扒有3款選擇，分別是肉眼、牛柳和西冷。肉眼和西冷都標明是用安格斯牛。我點了400g的肉眼配雙倍份量的蒜油，跟餐有飯、沙律和飲品。牛扒非常的香，看著店員將煎好的牛扒放上鐵板上，香氣四溢。400g肉眼的份量驚人，厚厚的牛扒鋪滿鐵板上。牛扒肉汁豐富，入口滿滿的牛味，而且啖啖都是肉，大滿足。可惜牛扒煎得不算太嫩，而且有點老，需要多加咀嚼。

位於酒店下嘅呢間餐廳，近日俾好多媒體推介，但係咪真係咁高質呢？ 今次就叫咗塊西冷，牛扒大塊下面啲配菜都正常，但好唔好彩呢塊扒都幾多筋下，牛味方面都足夠。但其實食呢啲鐵板餐最重要係塊鐵板，餐廳通常都唔會整到好熟俾你，要你擺係塊板上面一陣，但塊板散熱真係好快，若果要食熟啲嘅客人一定要叫熟成度高啲，唔係會太生。 價錢方面都算係咁可以一試，但可以有更好的選擇。

18年中 逸東酒店增設類似 Food Court這一層有多家不同的餐廳環境舒適是其一賣點位置多,易搵位入面有一間以鐵板牛扒為主題既專門店以克計費,看似好便宜,其實沒多便宜因為有最低消費(克)分為3種肉部份A肉眼 B牛柳 C西冷 最便宜既是A項 最低消費為$78選好牛肉部份後,再決定蔥油,煎油份量可加錢換SET 沙律,飯,湯,飲品 (四選三) $18可選生熟度但這個你吃過就明白,幾乎都變成全熟....  份量沒有問題300克起,鐵板上放上粟米粒,洋蔥墊高牛扒,免於過熟可惜呢,牛扒都係煎得太熟,肉質比較乾柴單純當快餐體驗沒投訴,但沒有吸引力再吃第2次牛肉都煎得略過火,食起來口感不佳總評,百多元食牛扒,合格但有更好的選擇呢

又到月尾為左獎勵自己去逸東food court 搵食這間牛排可以說是近期食過特別的一間這種鐵板牛排價格很平實即叫即切 即時磅俾你睇叫了多少g付錢後會俾牌仔你 牌仔一響就有餐攞無咩人排隊的話店員會快手將剛牛排被放左爐上煎油滋滋的美味 非常吸引等8-10分鐘 就有得食了重要是價格也很抵，可以有肉食但負擔不會太重，+18就有沙律汽水飯牛肉的肉質不錯 口感吃起來算易咬相較之下蒜香味道不夠香但叫對得起價錢 大約$100到兩塊肉加一碗飯 食到飽哂。

#即切即磅即燒の混亂牛排 🐮呢間@混亂steak 位於油麻地逸東酒店樓下地庫開業差唔多10個月以平食牛排🥩為主，$78/300g起跳我就試咗西冷，一個餐連飲套餐都係$187， 唔大食，兩個人都夠食。肉質食落唔錯，廚師會係你面前切件再磅。再燒至你想要既成數，鐵板上，配埋自家既蒜油醬食，別有一番風味。📍 混亂 STEAK (佐敦)佐敦彌敦道380號香港逸東酒店LG樓5號舖#食玩焗煮遊世界#gotravelwithandie

經小伙伴介紹，先知道而家逸東酒店地底一層變咗做food court！food court環境都唔錯，座位舒適，我夜晚7:00去到唔多人，又唔洗等位！再下面一層就係酒buffet！food court 有七至八間食肆，我見行幾台就有一台係食緊鐵板牛扒，咁就梗係要試試佢啦🤔🤔Menu得三種扒選擇，包括安格斯、牛柳同肉眼。但我七點去到嘅時候安格斯已經賣完了😢😢呢種扒有得揀唔同gram數，可以按自己喜好選擇蔥蒜，同埋有得加$18轉做set！可以配飯/沙律/汽水/麵豉湯四選三☺️我嗌左300g牛柳加蒜既set!!不過前面有好多人order，所以都等咗半個鐘先有得食😖🥢牛柳set ［😈(😈)😈😈😈］牛柳放係鐵板上，不過鐵板唔夠熱，係吱吱聲😢牛柳份量好足，差啲食唔晒，不過overdone，同唔juicy🥺

今日本身帶朋友黎試另外一間mum既，但黎到反正都係food court形式咁，又見到有依間就試下啦。本來就唔多人排隊既，但等下等下我後面就成條龍，前面又慢，原因係比錢果陣佢要砌埋出黎秤先計到價錢。最後排到我果時已經乜都sold out得返西冷局叫，要左300g set兩倍蒜汁盛為170蚊。個蒜汁係蒜多，汁就無乜，所以都幾乾下。咁岩佢砌左件勁多肥膏既比我🤦🏻‍♂️食落無牛味，醬汁亦麻麻，170蚊有點食到一肚火既感覺。我寧願比花園餐廳好過佢。

今日約咗同事去試食依間個牛柳，之前聽佢地話都唔錯幾好食...今日未夠12點大家就去到等位等佢開工，點知個鐵板根本就唔夠熱...汁加上去都無咩反應...食落個牛柳就一般，生熟度都可以接受，但只是暖暖的...鐵板唔夠熱非常失敗...好快我嘅牛柳已經無熱嘅感覺，口感未至於好軟，牛味都麻麻...唔覺好重牛味...總體嚟講都係令人好失望，用$111食lunch諗住可以食到個有點質素嘅牛柳，點知非常失望😞重點係我最怕食物唔夠熱....後來聽我同事講佢地無之前新開咁好食，水準差咗好多，佢個份都同我一樣...好似話之前做開嘅人調哂去第二間新鋪，所以而家轉哂新人嚟...食物質素同煮食都唔得...重點係我地都等咗好耐先有得食，但竟然都係鐵板唔夠熱...一攞時重見到牛柳上嘅蒜蓉掉哂落個托盤到...好求其好唔得！同事都話唔怪得而家少咗咁多人食...原來食物質素差咗好多！只想講一句，無下次！