混亂 STEAK (Closed)

大阪過江龍Confusion Steak開到黎香港🇭🇰特色係逐gram計錢，有300g同400g兩個選擇，店員仲會即時係你面前切肉同磅重比你睇🤤.STEP 1️⃣ 先選肉類，有三個牛扒部位：肉眼扒、牛柳、西冷🥩😍之後再簡要300定400g！STEP 2️⃣ 選調味：蔥油、洋蔥油、蒜油任選一款，份量都有正常/一倍/兩倍/三倍🙈STEP 3️⃣ 如果想轉做套餐就要做Step 3！加$18可以係白飯、面豉湯、沙津同汽水入面四選三！.晚飯時間8點幾已經賣晒肉眼扒同牛柳啦...所以小編點左西冷300g，舊肉勁大勁厚，切完遞上黎睇嗰下都流晒口水啦🤤鐵扒上的嗞嗞聲，塊扒同前手臂一樣咁長，忍唔住要開餐啦😍切時已經好軟熟，中間位置好林完全無筋，但最側邊就稍為多筋了。西冷肉味頗濃郁，食完堅飽好滿足❣️鐵板有粟米粒可以用來餸飯，沙津都可以中和一下肉類既膩感，湯保持到熱辣辣又唔會太鹹👍🏻

食過兩次。人越黎越多。第一次排左15分鐘，第二次排左30分鐘有多。比完錢後，都仲要等過15分鐘。但都算值得。因為雖然件西冷排300 gram, 但已經好似塊臉甘大。如果係女仔，跟餐可以吾洗要飯。因為剩牛排已經會好飽。煮牛排其實吾洗甘花巧。簡單煎一煎就可以好好味。試過蒜油同蔥油。感覺蒜油太油。個人不太好油的。大約$100, 有牛排，沙律，一罐飲品，同埋湯。個人覺得很不錯。不過最正都係成個sitting area. 超正。會再去食，都有一半原因係因為個環境。

喜歡上了一個人去覓食，最近發現有介紹超抵食既牛扒，立即被吸引過來嘗嘗，下午3點零鐘，酒店內人不多，唔駛排隊，直接到牛扒店前點餐，見到肉眼扒都係賣緊78蚊，牛柳99蚊，西冷就賣147蚊。初次黎試，就叫個最平既黎試先， 我叫了肉眼扒500g ，店員切了 520g俾我，問我要唔要得晒，差20g緊係無問題啦，埋單都係139蚊，因為俾塊扒嚇一嚇，我無叫到set，只叫左個烏龍茶，但後面先留意到原來set係加18蚊可以簡3款食物，又係好抵不過下次再試啦，店員仲問我要咩口味， 我簡左1倍蒜蓉，另外，原來店裡有提示牛扒最美味既煮法係3成，咁對我黎講就啱晒啦。點餐後大概等左10分鐘就有得食，都okay快，牛扒用鐵板上，520g觀感上都真係幾震撼下，切開牛扒，生熟度都幾好，大概到4至5成熟左右啦，可能係用鐵板上，所以放耐d會熟D，不過牛扒以咁既價錢有這個質素真係唔差，138蚊有咁大塊真係無其他地方食得到，下次可以再試下牛柳同埋個set

4月去大阪梅田，阪急嘅三番街Food hall 食過，念念不忘。一知香港都有開就好想食反，5點去到，佢話6點先開始咁坐喺foodhall等一個鐘，佢有西冷、牛柳、肉眼，主要係可以order 300g and 400g, 可加錢轉餐有埋飯、湯，沙律/汽水。我要咗300g 西冷，$160價錢上係抵嘅，我無轉餐。點解我會話失望？！佢係一個個盆排曬係度，（即係好似大家樂個啲咁），排曬喺度晤係問題，但佢連個鐵板都喺埋個盆上面就係問題。一塊牛扒由生煎到3成都要啲時間架，但塊熱鐵板就喺個盆度，由熱都等到凍啦？（現塲啲冷氣都好勁吓）日本係塊牛扒連鐵板由煎牛扒個面成個攞出黎，客人攞嘅時候，個鐵板仲係好熱“滋滋聲”，加埋啲蒜油香到“不得了”🤤🤤🤤。我已經係坐最近攞餐嘅第一張枱，但當我放喺枱面，塊鐵板已經touch到係凍 😥 ，切開食……又晤可以話係凍，但可以話係室温囉，因為佢切比你睇，磅嘅時候塊牛扒係室溫嘅，所以就好似只係略為煎一煎就出，如果佢塊鐵塊keep住熱的話，咁做法都可以嘅，因為佢係會用兩個洋蔥圈隔塊牛扒，可以有餘温熱住個扒，但而家完全係兩回事！我好似食緊一塊放咗喺枱一段時間嘅牛扒。

由於雜誌介紹，本人星期六中午時間去到， 懷著期待心情，一心想試下這間牛肉的質素，店員表示要等大約20分鐘，心想食好嘢要等當然沒問題，點知由 比完錢後等了大約1個小時多，心想中午時間要等咁久，算！到我拿餐時真的有小小火，真的沒有改錯名字，混亂！ 上餐的員工又慢、又亂，將餐亂给别人，我本身買了2 個set ,1個牛柳400g，1個西冷400g,當時我買牛柳時店員是切了3件牛柳來磅，到我拿餐時，我看見上餐員工將有3件牛柳的餐给了其他，之後將有2件牛柳餐给我，當時我立即問店員，我當時是買有3件牛柳，為何少了1件，她說给錯比人，之後補给我1件，唉！心想又要等……算！等了1個小時多的牛，頂！牛唔熱，點解要等咁久，仲要用鐵板上，本身鐵扳都唔熱，索性碟上吧，真失望！！！不知所謂！！！最火是我食完個餐都未補反1件牛柳给我，鐵板又比阿姐收走，之後到員工補反件牛柳给我，一看頂！！用個碗上给我，真的不知所謂！沒有下次！

5:45 pm 去到排隊， 前面大約20人左右，去到買完係足足一個鐘，之後再等左半左鐘至有得食。如果好食，等還可以啦。重點：伏，唔好食，冇肉味，煮又煮得唔好食，哎medium rare ，佢係8成熟至全熟透。只要對牛有少少要求就不要來排隊來吃丫！我地哎左600g 肉眼，我地個收銀個哥仔話佢地好難handle, 中間會好生，建議切開分成2 份300g. 我地接受啦，佢講明handle 唔到。配左正常份蔥油，同set. 忘了影相。另外哎左300g 牛柳，佢都係建議分成2份150g. 配上3倍蒜油同set. 沙拉普通。飯就幾好食。配埋肥仔可樂。其實佢唔切開煮，我諗唔會咁易煮到全熟。我亦都有諗，可能其實舊牛真係唔令，所以佢要煮熟d🤷🏼‍♀️總結：之前食樓下buffet 十萬個讚，呢間野我個次行過見到咁多人排以為都有料到，但原來只是浪費感情時間。係平既，但唔好吃。

睇facebook介紹，特登走去試吃，叫左個肉眼扒300g $80，加$18 有白飯/湯/沙律/汽水（4選1），下午2pm去到其實人唔到，但都等左二十幾分鐘，攞到份餐已經好餓，但一切落去個心已經涼左一半，再吃埋落去，直頭火到嚟，塊扒又無味又唔新鮮，d肉鞋爆，覺得伏得好緊要，出面普通的茶餐廳都仲好質素過佢！！！

第一次夜晚8點幾去，已經賣完白行一趟！第二次早啲7點去到，排隊加等出餐差唔多兩個鐘先有得食，我哋叫咗西冷同埋牛柳，表面個樣OK，但食落去完全冇味，唔知係咪佢哋忙得滯連鹽都冇加，但如果係一塊靚扒，就算冇落調味料都應該好好味，但明顯地連最基本嘅肉味都冇，比快餐店嘅扒仲差！我哋嗌左最大嘅分量，塊扒係夠厚，但亦都好難咀嚼！再加上佢哋個汁酸酸地唔係人人鍾意，成個餐嘅形容係，又乾又無味！但因為等得太耐，太肚餓，我哋都唯有硬食咗大部份，我只feel到我夾硬吞左啲肉落肚。最後，完全唔明成個排隊加出餐過程點解要等成兩個鐘！我今次肯等都只係想試一次係咪真係咁好味... 但好明顯，一定唔會有下次!!! 總結，唔算平，又唔好味，唔值得徙時間等！

日本達人meter chen在逸東酒店food court開了一間coufusion steak 一直都有支持他的餐廳，雖知要吃牛排要等一個小時，但都特地過來一試。餐廳作風特別，牛排有肉眼、牛柳及西冷選擇，分300g及400g。店員即場按份量切割，然後再等待廚師拿到鐵板上烤好。奇怪是店員並沒有問我喜愛的熟成度牛扒油花並不特別漂亮，目測很多筋。由排隊到牛扒完成等了將近一個小時，還好food court新裝修，非常舒服，等待過程還算輕鬆我們加上$18轉set，有白飯、味噌湯及汽水。牛扒用鐵板盛著，但鐵板一點都不夠高温牛柳非常厚身，但亦如此，口感很靱，而且血水很多，很明顯rest得不夠時間。幸好蒜蓉選了三倍，尚算可蓋過那和個血腥味！男友選的西冷價值$200，但質素不如茶餐廳！多筋、有血水且口感如香口膠，矢望至極總括而言這價錢我情願去茶記食個雜扒餐！害我白等了一個小時

第一次黎係星期五晚8點半，諗住佢收10點8點半到都冇事啦，點知佢已經賣哂...嬲嬲豬...同女朋友決定聽日再黎！第二次黎係星期六7點...一黎到...賣哂...心諗...咁好食咩？第三次係過兩日星期一...6點！因為7點已經有10幾人排隊終於買到...500g牛柳、2倍蒜油加個setSet係18蚊，飯、味噌湯、沙津，汽水4選3小弟建議飯唔食都得...因為唔太好食😂我冇話要幾成熟...（都唔知有冇得咁叫）食既時候大概5-7成熟，食落都嫩口，最大個一舊牛柳得3成熟...冇出血水我都可接受🙈女朋友食肉眼300g...煮得老左...鞋身...但係牛味比牛柳重...🤔🤔🤔我都係會食牛柳😁女朋友建議女生300g ok最後總結平日7點前要到，星期六日6點前到食得蒜既蒜油可以叫三倍女生食300g飯唔好食牛柳好食過肉眼記得問有冇得指定幾多成比一般扒房好，又唔貴

話說有日經過見到現場即切即煮牛扒，今日特別日子，所以就去試一試。一去到人龍已經去到樓梯，伙就話限售85份。我地決定食牛柳，因為佢係最快售罄，估計係最受歡迎的一款。環境：新裝修，好舒服。不過成個場油煙好大。冷氣有點冷。食物：點左400g 佢地俾多左少少。加埋飯同沙律，加烏龍茶。好有牛味，也juicy，沒有根。好大份。鐵板上，夠晒熱。有d蒜蓉，美味！價錢：$15x好抵。好過自己買來煎。如果早放工，又心情好，都可以再食。

近期呢間confusion steak都真係幾hit, 見報率咁高, 一於試試佢!兩點幾黎到，避過食晏黃金時間，點知由落單到等食，足足等咗個幾鐘! 冇錯，係個幾鐘…..omg!!! 唔係嘛，我心諗，喺food court 食件扒啫，唔係fine dinning 喎，有咩可能要等咁耐呀!(本人同友人實在等到唔耐煩，喺另一間舖買個茶餐share食埋，但件扒都未ready到)等到喇!等到喇! 一於睇吓你係咪慢功出細貨先!Set份量黎講合格既，西冷賣相就不過不失啦!試味先! 嘩! 冇牛味既西冷都真係係第一次食….除咗佢個醬汁味同蒜味，真係唔知道自己食緊啲咩! 件扒都唔係well done…點解可以冇咩肉汁、仲要靭成咁雖然醬汁都ok既，但主角真係好好好失望。話就話按份量計，以呢個價錢黎講，好多地方都食到唔錯既牛扒，快餐店都好食過佢…

話說當日中午呢排嗰隊食牛扒，報章講到如何抵食如何好食，當然要來試吓啦！去到嗰陣時中午已經冇晒牛柳得肉眼同西冷，我就點左一塊300g有多嘅肉眼，本來滿心期待歡喜，終於到我嗰陣時見到嗰塊肉眼已經有血水，本來都覺得冇所謂有小小血水都係正常嘅！點知一切開，嚇親我，勁多血囉好似成塊牛得個表面熟入邊係完全紅色的，我都無所謂諗住試吓啦，食下食下發覺唔對路嗰啲血水越來越多撈埋嗰啲汁簡直就係難聞難入口，最緊要係塊牛好難咬，真係不得之了，請我都唔食！都唔明白點解咁多人排隊

🎏Confusion STEAK🥩 位於九龍逸東酒店既food court內🏢第一次黎到大約7點幾時已經多單停賣了😭第二次6點幾到時都要排20分鐘隊🐶前前後後都等左好耐....⚠️西冷•牛柳•肉眼⚠️自己分量自己揀🤤🤤岩哂食肉獸👅..🥩~400g西冷🥩肉味較出··大約5成熟左右 肉質十分嫩滑...加上蒜油味道會更突出👏🏻 ..🥩~400g肉眼🥩黑椒味更為明顯..啖啖肉但食唔出牛味🐂只能靠蒜蓉和柚子醋提味了👉🏻👈🏻 ..皆因係人手切既關係👐🏻份量一定會有一點出入😛可能多左或少左數十g但價錢真心抵食😋同埋一定會抵過出面既餐廳!!而且飯量都可以揀🍚岩哂糧尾去食啦🤣🤣

近排不斷在社交媒體看見介紹的餐廳，為食狗十分喜歡食牛，所以一直都好想去，第一次同個朋友去8點已載龍last order 左到到今次，我自己一個去左買野經過所以死心不息又黎，1800到達，排隊已去到樓梯位，1905買完，去到1935先真正到手足足個半鐘！先看餐點，有3款肉類，本身想食西冷位，不過睇完食評大部分都話牛柳比較好，我又好怕咬都咬唔入的鞋口牛，最後都係選左理論上應該最唔會鞋口的牛柳黎食(評價都係最高)。我的點餐係300g牛柳set，2倍蒜油，set要左飯，湯和烏龍茶，另有沙律可選，4選3，份量來說一向大食的為食狗都夠飽。點餐方面見有人反映說職員以同一手套收錢和切牛，今日所見職員有分返2隻手套，未知是否看見留言而作改善，如果係，願意接受意見並改善值得一讚。左邊係柚子汁，加左真係好食d，我一直都對柚子醬汁類沒有好感，今次覺得無左佢就差d！真係唔錯！ucc烏龍茶比平時係街買到其他品牌的淡味，無乜茶味。湯就係普通機個款的麵豉湯。白飯有啲黏口卻不是棵粒分明，沒有米香，還以為打日本旗號會有特別，是我期望大左所以失望，其實也不是差，只是絕對稱不上好。終於到主角！係底的洋蔥未熟好辣，食唔到浪費左