聰嫂私房甜品 (Closed)

We went there at dinner time a few days ago. We ordered a walnut paste, a sesame paste and a kind of mango dessert. The walnut and sesame are very tasty, will try again next time we visit this place. I do not quite like the mango dessert.

一早就知聰嫂好出名，龍眼冰亦係當中數一數二嘅甜品。不過價錢就比之前貴左啦，依家30幾蚊，不過龍眼冰依然咁好食。最鍾意就係食落去有粒粒嘅龍眼果肉，口感一流。再配合椰果，超級唔錯！

真係好鍾意食聰嫂，雖然而家冇以前咁多人，但我都係佢嘅忠實粉絲，價錢平得嚟又好食，不過係有時衰在要等位！今日同朋友嚟，叫咗我好鍾意食嘅蜜瓜冰！水準冇變一樣咁清甜、咁有蜜瓜味！真係可以清晒成碗，朋友叫咗榴槤冰，超香榴槤味，不過唔可以share 食，因為榴槤味太勁，會搶晒啲蜜瓜味！

一大班人食完飯,總有人說很飽,不過又好似差左少少野就係甜品怪,唔食過甜品就會身痕俾野咬咁所以我地幫下佢附近選間甜品鋪俾佢止止痕啦一大班人去聰少甜品都預左要等好耐,又神奇喎9點左右冇咩人等喎,不過要一起坐就真係難D,坐住先下,好快有人走結果5分鐘就有張6人枱,整多張主席椅咪FIT晒囉坐低左後大家都出現選擇困難症,選左成10分鐘終於叫D今日ORDER左以下食品龍眼椰果冰,椰林翠影,綠茶杏仁豆腐花,士多啤梨椰果西米冰龍眼椰果冰--可以話係好好好食,個冰係好重龍眼味,真係心涼的感覺啊,值得再食椰林翠影--不過不失綠茶杏仁豆腐花--杏仁味好重,豆腐花都算好滑士多啤梨椰果西米冰--士多啤梨味唔算太濃

嘩!好香榴槤味表皮好薄身，綠色好靚咬了一啖cream 好幼滑，內裡榴槤肉(好多，好重榴槤味，好sweet)另外椰林翠影底係西米露(不算甜)，內有香蕉片，啫喱 …口味太多(有點混亂)

食聰嫂主要因為平靚正，不過款式十年如一，都有D食膩左！水準奕有感未如以往一樣高質！今日食完晚餐見時候尚早就黎食下糖水，竟然唔駛排隊坐低就點左個哈密瓜冰西米同椰汁西米露，唔知係年紀大左定點，覺得呢兩碗都死甜 （我知食糖水緊係甜，不過真係甜到有D Over the top！）我諗我呢D老人家下次黎都係叫個湯丸飲下薑湯算啦～同埋黎呢到食真係唔好要求咁高服務水平，阿姐十叫九唔應，同埋一食完就立即趕人走架喇，所以我有時都寧願叫外賣係屋企慢慢食好過！

I was glad I took some US friends here because there were some not so traditional desserts.It is a bit difficult to recommend them stuff like weird sweet soups and sweet beans when you only get things like puddings and cakes in the West.We all had the strawberry and grass jelly which was good as usual to me and they liked it because they could relate and understand what it was.

平時經過聰嫂見到人山人海都冇機會入去食，下晝見到冇咩人，一於入去挑下機， 細細個就鍾情於芝麻糊， 叫咗一碗熱芝麻糊，芝麻糊一搞落去就知唔係生粉水開， 食第一啖已經有淡淡黑芝麻香， 最重要黑芝麻糊有掛齒嘅感覺，一笑起上嚟成排牙都係黑色㗎，大滿足下星期再黎過，下次要試楊枝金露，我見隔離枱食 好吸引

見到樓下開左間甜品店，晚飯專登留肚嚟試下啦。一坐低，睇manu睇咗兩分鐘唔夠，個阿姨已經嫌我地睇咁耐都唔寫嘢，寫嘢ge時候問佢豆漿可唔可以轉椰奶，唔轉得，唔緊要嘅，但系使唔使轉頭仲要細細聲似鬧非鬧话兩句呢？你當D客真係聽唔到嘅？嚟食嘢仲要受氣，將來哩間嘢做唔掂，哩個阿姨都貢獻不少嘅。第一次寫食評，送俾你啦，聰嫂甜品坑口店，碗糖水未食曬都要寫篇嘢赞下你先得，呵呵呵。而且講真，出品真係好一般，冇乜人氣，唔嚟食系啱嘅

將軍澳有幾間糖水舖, 好多 o野可以揀但係坑口就少好多選擇 la原本新開 o左teawood 想試下, 點知好早就已經 last order...結果又係 o黎返聰嫂食甜品, haha我 o個個係芒冰柚子果凍, d 柚子果凍 o係個底度芒果冰酸酸甜甜一如以往o甘好食唯一唔好就係會愈食愈凍 柚子果凍唔係想像中有咬口 o個隻, 麻麻 o地味道略略酸 o左 dd朋友點 o左士多啤梨椰果西米冰, 個樣好靚 ar士多啤梨冰都好食椰果夠哂有 o趙頭d 水晶珠(?) 係另上 ga, 有一大兜呢

對於聰嫂私房甜品一直都有好評係心中，無論蜜瓜冰西米定芒果雙皮奶都好好食👍🏼👍🏼今次去到見到出左新野😍唔試對唔住自己喇！今次試左呢個桃加芒果醬西米露（實際個名唔記得喇），由於今次個名改得幾特別，所以都要問下職員係咩黎先知。出到黎同相片有少少差別，芒果醬都比較少，椰汁味偏濃，濃到好似食緊椰汁西米露咁😍😍不過都唔錯，桃就食得出係罐頭黎偏甜。 芒果醬都幾杰身同幾甜，唔會酸🤤😋整體呢個新野都可一試wo😋😋

好啦你仲病緊， 成個甜品餐牌，你都真係點呢個燉川貝桂圓雪梨糖水好喇！呢個甜品好足料， 啲雪梨燉得好林，有四至五粒桂圓，特別嘅係啲川貝唔苦...唔知好定唔好呢 ? 應該冇乜落糖，有嗰種水果嘅清甜味。 有病又凍嘅時候食就最舒服，好潤喉。希望你快d 好返啦！ 今日係平日，難得唔使排隊就有得入座。 仲俾我哋兩個人share一個甜品添：）註：兩個太為人設想嘅人走埋一齊，原來可以搞出好多大頭佛😂😂😂 點解夜媽媽有人突然之間搭咗車喺我樓下都出現㗎呢😮 病又未好，凍襯你呀企係下面咁耐... 如果我真係瞓咗教你點算呀（反白眼） 不過多謝你知道我三月要狂飛，就即刻衝入嚟陪我，辛苦曬😳 可能係因為咁，先至sweet到啲川貝都唔覺苦?

元宵佳節，吃完飯跟男友去吃碗湯水應一應節。坑口的聰嫂是吃慣的，比起銅鑼灣那間好吃一些的。9點多來到，等在門前的人比起平常好像更多，幸好全部都是外賣。堂食完全不用等候便有位了。應節當然是食糖水啦！有點失望是有點細粒，不過很煙韌。湯丸是芝麻湯圓，頗香芝麻香，不會太甜。男友點他摯愛的楊枝甘露。一貫的水準，好吃呢。芒果也很足料，很甜芒果味。一向很喜歡吃聰嫂，價錢親民已經很足料，性價比很高。看這裡每晚坐無虛席就知道它有其優勢之處了。

I had the coconut milk and Thai sticky rice and my friend had the walnut sweet soup. Both were nice and what we were expecting. When we went in at about 8.30 we found a seat easily and overall it was a good experience. I would recommend this place for anyone in the local area looking for a wide selection of desserts both hot and cold.

今日我地成家同表姨第一次食哩間。見d人話好好食咁我就試下啦。點知真係好好味而且真材實料!以前唔知邊到有得食芒果味既甜品(有新鮮芒果嗰種),所以成日去許x山啦。但係人都知許x山唔抵食而且芒果冰係椰汁味重過芒果味,但哩間係一食就食得出係用新鮮芒果整好濃味咁我表姨就叫左榴槤冰啦,佢都話好濃味,好正\^o^/ 我呀媽就叫薑汁燉蛋白啦,佢都話d蛋白好滑,好味(我媽真係好少會讚人)。最後,重點係真心唔貴。講真,你去其他地方食開就知唔係咁既價啦,就算價錢差唔多都冇咁真材實料。真係好正有機會一定再來