聰嫂私房甜品 (Closed)

呢日去左將軍澳搵個朋友dinner, 食完又想坐低傾多陣就左去聰嫂食糖水喇~入面都坐左唔少人榴槤班戟好彩朋友同我都係榴槤愛好者, 個班戟好香, 入面包住好厚既榴槤肉，好正！芒果奶昔雙皮奶我叫左個雙皮奶, 好滑~仲好多芒果! 不過似乎唔係當造, 唔係好夠甜士多啤梨椰果冰朋友就叫左呢個~望落好吸引不過士多啤梨味就麻麻地, 酸左啲~

食咗咁多次聰嫂 雖然出名既係龍眼冰 但個人始終都係中意芒果雙皮奶！首先講下龍眼冰先 裡面係真係有新鮮龍眼肉係到 都幾甜 可能咁岩個幾次食都係夏天 係龍眼既季節😂😂😂 但有時覺得淨低既冰無咩太濃既龍眼味 同埋真係太冰🙈😂至於芒果雙皮奶 唔可以話係超級好食 因為雙皮奶仲未去到最好食 聰嫂既雙皮奶食完仲會feel到喉嚨係有少少痴住痴住既感覺😂🙈 但芒果係新鮮同幾大片既👍🏻 雙皮奶同芒果既配搭的確係不錯既選擇👍🏻👍🏻👍🏻👍🏻👍🏻

好多人排隊嘅糖水舖🍧每次去聰嫂食都離唔開芒果奶昔雙皮奶😋不過芒果唔係次次都好食，係中意佢個雙皮奶，甜度適中價錢少貴，待應態度都唔係幾好，成日都好似好趕時間咁😳

晚上大慨6點多還沒那麼多人先進去品嘗喜歡的薑汁鮮奶燉蛋白：最喜歡他們將薑汁與鮮奶溶合然後淋在蛋白面，一口燉蛋白加一口薑汁鮮奶，一辣一滑一奶香真是美妙配搭。是真的 ! 榴槤班戟絕對要食，對 ! 現在很多甜品店都做得好好味，但聰嫂弄的總是皮薄榴槤香，CREAM少啖啖榴槤肉。

之前食完飯，又突然想食甜品，將軍澳區哩間甜品鋪都算數一數二，我叫左士多啤梨椰果冰($32)，好重士多啤梨味，而且面頭有士多啤梨肉，好甜好好食，跟埋椰果一齊食好有咬口。

是日係坑口村食完晚飯，就行返出大街食聰嫂私房甜品。聽講聰嫂好耐之前曾經係香港電台經營飯堂，個陣已經人人讚佢手勢好。離開港台後，就係將軍澳開糖水舖，好快就出哂名，成為將軍澳區嘅名鋪，之後仲周圍開，連銅鑼灣都有。今晚就叫咗個芒果奶昔雙皮奶。驟眼已經見到甜品好清晰地分成三層，最高個層係新鮮而香甜嘅芒果，中層係芒果奶昔，底層係雙皮燉奶。三種食品嘅口感不同，放在一起一啖啖吃下去，卻又出奇地般配。芒果甜配芒果香再加上滑滑的燉奶，清新而細膩。另外，又叫了榴槤水晶珠。面上嘅榴槤好香好滑，側邊仲有唔少嘅水晶珠，咬落去會爆開，好得意好好玩。下面就應該係榴槤沙冰，據說做法係先將榴槤倒入糖水中，凝成冰再打碎成細粒，咁就既有榴槤嘅香味，又有沙冰的爽口，食落去層次感豐富，夏天吃間直係透心涼。小插曲係晚上客人愈來愈多，小小的店舖不夠人手，要慢慢耐心等候。 　　

以前都仲好吃，又多選擇，最喜歡吃是雜果豆腐花和雜果涼粉，水果和分量也多，但現在連這個也沒有，芒果奶昔雙皮奶都好吃，但係唔值$45，真係太貴，其餘的水果唔多，唔值，真係以後唔想再去。

今日同同事放工想食甜品，於是去咗食聰嫂，我由於有少少咳，冇叫到我最鍾意食嘅龍眼野果冰，叫咗一個薑水配湯圓，我同事就叫左士多啤梨椰果冰。我個薑水配湯圓幾有驚喜，好夠辣，而且湯圓個皮又薄又夠軟熟，只係賣＄22 ,十分之抵食。

吃過晚飯後又係時間第二個胃出動啦聰嫂私房甜品好耐無食，今日早食完晚餐大概6點幾就黎左食糖水，可能太早既關係吾洗排隊仲有好多位剩夏日將至，食番個凍冰冰既糖水透心涼點左個《士多啤梨椰果冰》$30好快就上啦，可能無咩客既關係士多啤梨味夠濃，食到底既冰都仲有士多啤梨味，不過如果椰果可以再多一點就更好另外再點左多《蜜瓜椰果冰》$30蜜瓜味偏淡一點，食落無咩味道。而且椰果相比《草莓椰果冰》更少價錢不算貴，但食物比以前相對就普通左

過去的星期天 ，適逢有空往將軍澳一遊， 想起當年 非常出名的聰嫂甜品， 我記得我家住紅磡， 專情開車到將軍澳， 品嚐佢嘅甜品 ，當年係由聰嫂自己負責， 見到她的勤勞用功 ，食堂的器皿有著傳統的風隔 ，盛載著一碗碗甜品上枱，吃上來口感不錯， 質和量都有水準，不枉我千里迢迢到來一吃。昨天再慕名而去 ，發覺判若兩人， 第一 場面冷淡 第二 食品的器皿 ，已經換了一些快餐店的塑膠製品 ，完全欠缺了傳統糖水的神髓 ，味道一般 全無驚喜。 我叫了一個木瓜雪耳糖水，他們把木瓜切到薄一薄，根本就沒有口感，連基本的烹調方法都錯 ，價錢不算便宜 ，吃起上來給我的感覺，就是去了大學的飯堂， 喝他們晚餐送的甜品一樣，不值得付錢。希望大家做生意嘅人， 毋忘初衷 ，如此將中國糖水的文化，弄對到如此實屬可惜， 需然附近並無競爭對手，但係 都不能夠如此經營吧。。。

🔸龍眼椰果冰 (HKD36)天氣有比較暖一點就去吃冰，這個龍眼椰果冰一直都是我最喜歡的甜品。濃濃的龍眼香，冰的質感是綿綿的，裡面很多龍眼果肉，配合椰果和西米一起吃，好搭的組合😊

一向怕肥既我，今日同老公食咗個"受欺騙"既晚餐，為了填補心靈上既不快，走到呢間街知巷聞既甜品屋，希望食完會開心番。可能時間不是太夜，店內很少食客光顧，向服務員點了薑水湯丸和薑汁鲜奶燉蛋白。不消五分鐘，甜品已送到我們面前。薑水湯丸六粒，湯丸皮煙韌，聽到鄰座食客也同樣點了此甜品，原來只須額外加多$8，即有多4粒湯丸，可能正合他們要求，即時加單呢!至於薑汁鲜奶燉蛋白，味道甜，薑味濃郁，與鲜奶混合，飲時血氣運行快，令我熱血沸騰，即時令我的感冒消失。光顧這家甜品屋多年，但感覺種類依舊，如添加桑寄生等有益材料更加好啊!

今日放工同幾個朋友食個甜品，雖然住係附近。但都吾會成日過泥食。原因係我吾中意聰嫂服務態度，店內員工基本上都係黑面，未食完已經想趕你走，食慢啲都俾人收走個甜品，所以我都好耐先光顧一次。今次朋友想食，所以就去吧！我地一行5人，晚上9點左右去到，吾洗等位就可以入去坐啦。座位就不太舒適，店內地下癡笠笠。叫左我至愛榴連水晶珠同榴連pancake,本人是榴連fans❤️有香濃榴連肉。榴連fans必食。推薦！同行朋友叫左新既龍眼水晶珠，味道清淡不甜，都可以一試，朋友覺得欠缺龍眼肉，如果有的話一定可以加分！楊枝甘露。就不過不失，無特別覺得好好食，所以不試也擺。整體來說，糖水係好食。不錯。只係員工服務有待加強改善

話說我愛上這間聰嫂甜品店已經很多年。中學時期我會和中學同學一齊銅鑼灣分店排隊；到大學時期都會推介大學同學去試；甚至日本友人來香港旅遊我都是推薦聰嫂。😂😂😂（原來日本唔興龍眼，更加唔會諗到龍眼係可以用來做甜品。所以當年那朋友食聰嫂的龍眼冰時好似發現新大陸😂）今日難得嚟到坑口，我決定連堂都唔上，就是為了吃聰嫂的冰。😂 （不過現在貴左好多呢，7年前的龍眼冰連$30都唔洗😂）我去到的時候剛好是下午三點開店，店裏很休閒：客人少，夥計得閒到一味同店員吹水唔招呼客🙈（有一些客人一直呆在門口等佢地帶位） 今次我點了龍眼豆腐花。龍眼冰同豆腐花夾得很好，很清甜。反而我覺得椰果的甜味覆蓋過了豆腐花的香。其實有啲人話品質退步左我係有少少認同嘅，但我都仲係覺得好好食😂😂

獨市生意成個坑口得佢一間糖水店，愈做愈差！已經唔要求佢有乜嘢服務，但係啲店員惡到死，又冇記性，落完單等左半個鐘，吹左幾次，都可以比錯嘢食你。好喇到啲食物，寫到明係芒果涼粉豆腐花，出到嚟係芒果"冰"涼粉豆腐花。芒果就得三粒，啲芒果變晒芒果冰，慳到咁，完全係呃人，一啲都唔老實!十幾年前就開始食呢間野，啱啱開嘅時候都仲係抵食，食物質素有高。但佢自從生意好都唔優做之後，啲嘢食就貴得好離譜。成個坑口得佢一間讀史甜品譜，冇競爭，每年都加價，越嚟越貴，個碗又越嚟越細，嘢食又比唔出水準，做得越嚟越差。