粥地海鮮粥底火鍋

Open Now

Now Closed

如題，第一次同幾個朋友食，好回味佢d勁新鮮既海鮮，隔左幾日同另一個朋友再去，總結係：兩個人慢食粥地火鍋，勁滿足真係！！！！呢個火鍋有別於一般火鍋，食完唔會感覺食左一堆唔健康既野。佢唔係任食，所有野點到即止，勁鮮甜，用湯底煮粥，味覺顛峰享受。細細間鋪頭唔會好嘈，最中意呢類小店。佢個次序係咁：Round 1: 海鮮拼盤round 2: 五種火鍋配料Round 3: 加爛飯落湯底變粥Ps 揀湯底配料時記得tick曬 粟米 南瓜 芋頭，會超鮮甜。...Round 1 ：海鮮拼盤 每次都未必完全一樣例如有時青口賣曬，會轉做花甲 第一round 每人最少7款海鮮，飽魚、青口、象拔蛑、蟹、蜆、魚 等等，不過除左魚同蜆，其餘海鮮，每人大概一件，好大件🤤🤤🤤小吃多滋味，真係鮮甜到漏🤧，記住唔好點豉油～...到round 2: 火鍋配料任揀5種，份量又係恰到好處，肥牛、麻薯丸必點！！！...Round 3: 海鮮粥唔記得影相，因為太好食勁綿勁鮮，上曬癮，開始飽，極滿足。唔夠可以自己加錢追加野食，但自問大食都好夠食了，埋單198免加一呢間鋪岩岩一開係full booking到傻，但依家大家冇咁一窩蜂，星期六

本身無訂到枱又即興想食海鮮, 準時膽粗粗walk-in有無位, 好在因為剛剛開門, 即時入座, 得左! 帶得媽媽出街食都想食好d, 佢又未食過粥地火鍋, 好有興趣wo~揀好火鍋配料, 店員就送來一鍋米香的粥水海鮮鮮到不得了~ 蝦新鮮到係咁彈下彈下, 所有保鮮紙包住個裝蝦的白色碗費事彈出來隻蟹d膏多到呢~ 仲有蟶子﹑貴妃蚌﹑唔知咩魚﹑鮑魚~果日我地仲點左5款配料: 生菜﹑肥牛﹑豚肉﹑貢丸﹑油炸鬼~ 不過唔記得左影相~ XD店員知道媽媽第一次食粥底火鍋都有主動講解, 非常貼心d海鮮鮮到唔洗落調味都好好食, 最後個粥地當然非常鮮甜, 媽媽好滿意呢

近排見有朋友試過依間專門食海鮮既鋪頭，咁岩我爸爸又生日同埋佢又最愛食海鮮，所以就決定一試啦！佢係按人頭去計算既，每位198冇加一。like佢地既Facebook 仲送每人一罐汽水。首先就係食7種海鮮先，有肉蟹、海蝦、鮑魚、象扙蚌、魚、大蜆、蜆（因為啲魚唔夠所以送左三隻青口比我地) 基本上全部以上既海鮮都好新鮮呀！每樣海鮮都有教你要整幾耐時間就可以食得又唔怕過左龍。食完海鮮就有五種配菜，都有簡單既肥牛、菜、丸、雞肉果啲...仲有南瓜粒同芋頭粒。最重點係最尾既粥底，當食哂所有野之後店員會加啲熟左既米落去氮返熱就食得喇。啲海鮮精華係哂個粥入面真係好好味呀！雖然地方係坐得迫啲冇咁舒服，但總算食物水準不錯👍

粥底火鍋都hit左好一陣子，又試食過好幾間，前排發現大埔都新開左間海鮮粥底火鍋 ，近近地一於去試下。餐廳位置附近本來就已經有一系列火鍋店，雖然地方相比起其他店係細，枱亦相對較少，但依然要預早訂位，長期爆滿。 原因就係。。。👉材料新鮮，雖然海鮮係無得揀，要睇當日而定，當晚我地就有蟹，蝦，北寄貝，蜆，魚，象拔蚌仔，蝦（啲蝦係新鮮到要非常小心放落去個鍋度），除左預設既海鮮，仲可以額外order其他海鮮（是乎當日有咩海鮮），食完海鮮佢會再上埋其他火鍋材料，因為後上估唔到份量咁多😲😲😲，我地一早就加左蠔同追加左海蝦😁😁😁，到其他火鍋材料黎埋。。。點解拱多既。。。食到最後個啲海鮮精華已經入晒個粥底，好甜同好好好味，雖然係咁。。。由於份量多，到呢一刻只可以勉強食到1碗粥。。。😥😥😥無論份量材料新鮮都係爆💡，大埔友固然要試，唔係大埔之友都應該黎試下😋😋😋

之前九龍區試過好幾間粥底火鍋，感覺非常良好，見大埔區新開，一直都好想嘗試，終於抽時間book位先，準時去到，感覺環境一般，安排卡位，真係超迫，侍應說壞冷氣一人送一罐飲品，但整餐飯都好難受，又熱又迫又焗，侍應雞手鴨腳，禮貌就很好，不過九龍區既粥底火鍋通常都成日提點點啲咩配料粥會較甜，首先海鮮拼盤，睇鮑魚是死實實，魚很甜，有款應該係蚌有很多沙，所有海鮮水平中低位置，之前落粥後都是沒有味道的另外給我們大頭菜及菜蒲一樣都是沒有味，加都冇用一次就夠，只談海鮮同九龍比，人地價錢都係咁上下，但起碼幾款海鮮都識郁很生猛，又坐得舒服

朋友生日想試吓呢間新開嘅粥底邊爐最鍾意試新野既我梗係即刻贊成我哋一個禮拜之前已經訂咗位去到發現好彩我哋有book到枱因為入邊超細得10張枱左右見到有walk in客入嚟 都已經要等10點果輪咁少枱唔知到底佢哋賺唔賺到錢呢海鮮佢哋一早準備好 我哋只係需要揀返其他材料 例如丸類蔬菜類呢度係四個人嘅分量 枱側邊仲有張紙教你食啲乜嘢先 啲海鮮好新鮮 好好食開頭淨係食海鮮以為會唔夠飽 後尾其他火鍋配料黎埋最後放埋個粥糊落個鍋入邊飽到我哋個個抱住個肚出嚟

呢間會分兩輪時間既，6-8，8-10，我就揀佐晚上8點呢段時間。講真鋪頭位置唔難搵，但地方真係有d細啦。我地7:50左右已經到，侍應姐姐叫我地等一陣，執好枱俾我地。一坐低就黎佐一盆水俾我地滾住先，之後俾張order紙我地tick 5款材料，轉頭已經黎海鮮。哇！黎到好莊觀丫，d蝦仲跳緊既，佢係有張紙俾我地睇淥邊樣先同時間，至於我地就冇睇張紙，隨心想食咩就淥咩。中途已經勁多殻，侍應姐姐唔駛我地開聲已經主動幫我地換，之後見我地海鮮清佐，就幫我地上埋之前個5款配料，初初我地見份量唔係好多，仲驚唔夠飽，諗住再order野，點知食完海鮮都幾飽下，最後上埋個粥膽，係勁飽，食唔哂既

大埔group 有新介紹，就粥底火鍋，就同一班為食既朋友去試一試。但原來粥底火鍋，只係用粥水比你烚下烚下，落D海鮮、肉、其他食物入去，等佢有味先再加粥入去，咁食就會有個問題出現左，一開始食既海鮮變到好淡，因為米水同普通水烚無分別，仲會沖淡左海鮮原本既鮮味。講番D食物先，以呢個價錢食到海鮮係幾抵既，海鮮種類多，睇個樣D海鮮係幾新鮮，海鮮都仲識郁，但可能就係比D米水沖淡左，食落口就覺得無乜鮮味，食哂D海鮮，飲一飲個湯，都仲係好淡。另外，海鮮以外既野質素都唔差，個份量都夠4個女仔去食，如果係男仔就要再追加喇。未試過既都可以試下，其實係真係幾抵食，但就吸引唔到我再去食第二次。溫馨提示，呢間粥底火鍋宜家係大埔都幾hit，想試就記得要book定位喇。

呢個價錢食到咁多生猛新鮮既海鮮真係爽！最後個粥底加少少鹽已經非常鮮甜！店員仲不段會問你夠唔夠飽，我明明話飽，佢都送左幾個新鮮炸起既響鈴俾我地，太好喇！記得早啲訂位！舖內位置唔多！000000000000000000000000000000

聽講係大埔第一間粥底火鍋，所以都忍不住去試吓！可能我10點半左右先去到，所以都唔使排隊，而且喺門口都見到可以訂位！佢係set好咗一個set，裏面有8款海鮮。有3款蔬菜。有5款肉類，食到好飽！海鮮真係好新鮮呀！仲識郁㗎。。。而且除咗set 好左果8款海鮮之外，自己可以再order其他海鮮但係蔬菜嘅種類就比較少啦！最後梗係食粥底火鍋嘅精髓：粥。。。但係都真係飽到只係食到一碗咋大約都係＄200左右一個人，都幾抵食呀！

呢間火鍋新開業，同區網友推介之下，一家人又鍾意食海鮮，就嗱嗱聲訂位試吓舖頭細，坐位不多，我地訂7點半，去到已經坐滿，一眼望哂，只係淨番黎留比我地張枱，見到街客好多都摸門釘，我地等齊人先入坐，因為限時2個鐘，說實話地方係有啲窄，但侍應都有禮貌有笑容，耐心回應。坐低就比點菜紙你揀，大菜牌可以比你自費加餸，後面亦有詳細介紹食粥底，放食物既先後次序，梗有埋海鮮既煮食時間。有兩個鍋底藥膳同粥底，一心想試粥底，就梗係揀粥底，蔬菜粒4選3，呢個安排幾細心，蔬菜切粒送粥心較方便食，我地揀左南瓜粟米冬瓜。鍋底上枱，係一鍋粥水，無米既，跟據介紹，係食到尾聲先比兜飯放落去煲，等左大約10分鐘，主角出場，勁大盆海鮮😍😍，鮑魚、海蝦、象拔蚌仔、蟶子、蜆、花蟹、泥蜢，我地一行5人，所以盆海鮮好壯觀，啲蝦仲係好生猛，所以要用個碗裝住，要蓋佢以防走佬，侍應亦溫馨提示，放蝦時要小心，以防佢跳到啲熱湯彈親，開始係先食海鮮鮑魚：鮮甜、彈牙、爽口花蟹：有羔、多肉、新鮮，放入鍋時，蟹腳仲郁海蝦：好鮮甜新鮮，彈牙象拔蚌仔：細細隻，新鮮，爽口蟶子：新鮮，彈牙蜆：肉厚、鮮甜泥鯭：爽口鮮甜全部海鮮都好新鮮，但不能避免，有幾隻蟶子、蜆有