粥地海鮮粥底火鍋

Open Now

Now Closed

近排見有朋友試過依間專門食海鮮既鋪頭，咁岩我爸爸又生日同埋佢又最愛食海鮮，所以就決定一試啦！佢係按人頭去計算既，每位198冇加一。like佢地既Facebook 仲送每人一罐汽水。首先就係食7種海鮮先，有肉蟹、海蝦、鮑魚、象扙蚌、魚、大蜆、蜆（因為啲魚唔夠所以送左三隻青口比我地) 基本上全部以上既海鮮都好新鮮呀！每樣海鮮都有教你要整幾耐時間就可以食得又唔怕過左龍。食完海鮮就有五種配菜，都有簡單既肥牛、菜、丸、雞肉果啲...仲有南瓜粒同芋頭粒。最重點係最尾既粥底，當食哂所有野之後店員會加啲熟左既米落去氮返熱就食得喇。啲海鮮精華係哂個粥入面真係好好味呀！雖然地方係坐得迫啲冇咁舒服，但總算食物水準不錯👍