煮你隻蜆

Open Now

Now Closed

葵廣揾食團ep1葵廣真係一個好神奇既地方😂每次去揾食，都會見到啲新舖，亦都見到啲熟悉嘅面口，開咗好耐啲小店。所以想開一個專輯，專門介紹葵廣既小食店😆無論好壞都介紹下🙈第一間想分享既小食店係 @cook_your_clam 第一間介紹佢既原因，純粹係因為最近🦖先帶完我去食黎😂 我都嗌左原味重蒜，另外加左粉絲。🦖好鐘意食，鐘意到自己食咗之後，再帶我去食多次😂😂 我試完都覺得真係幾正，個湯底都幾鮮，同埋蒜味好重，佢另外再加左啲炸蒜係啲蜆上面，令到我覺得好香🤤 同埋加粉絲底真係Must !! 雖然要加8蚊，不過啲粉絲吸左啲湯汁，真係好好食，完全唔後悔加料🤭佢個舖位係條橫街到，細細個，冇留意清楚既話，真係好容易就行左龍 🫣性價比方面，少少貴，如果唔加粉絲既話，真係唔夠食🫠 #香港 #葵廣 #葵涌廣場 #香港小店 #情侶 #香港美食 #hk #hkig #hkfood #hkfoodie

早幾日葵講掃街之後就幫襯，嗌咗個原味$47。唔包粉絲…之後就加啦，之後娃娃菜金菇呢啲配料全部都係冇都要額外加錢，咁第一次食咁就試埋囉。價錢都唔平要$69，八達通收費仲額外加多一蚊。娃娃菜金菇同粉絲份量極少，食完完全唔飽，呢啲真係好平啫比多少少唔得咩？味道又唔突出，可以話係好淡，蒜蓉都係即食蒜蓉又係比好少。唔會再幫襯，站食嚟講呢個價錢好貴，可以食到好多餐廳嘅嘢。相比俾荃灣有間都係50幾蚊包晒粉絲同其他配料又大份好多

小店以 "煮你隻蜆" 為名, 光顧當然要吃蜆了, 另有售多款台灣夜市小食, 頗吸引的, 不過之前掃街已吃了不少, 這店是最後一站, 打算只吃一碗麵作結。平日吃蜆, 多以白酒烹調, 這裡有原味爆蒜, 花椒麻辣, 白酒牛油, 啖啖番茄, 香濃芫荽, 蒜香牛油和沙茶濃湯選擇, 由於蒜香牛油和台式沙茶濃湯都很吸引, 而後者配上頂好大光麵, 故最後選了台式沙茶濃湯了。台式沙茶濃湯配頂好大光麵 $58台式沙茶濃湯沙茶味道濃郁, 蜆有8隻, 無沙, 唯蜆肉偏細。內有金菇一小扎, 爽口掛湯。頂好大光麵質量有保證, 彈牙, 即使放久了也不會發脹。值得一讚是, 店員交來麵碗, 窩心地提醒小心碗底熱。

煮你隻蜆 cook_your_clam 一直係人氣葵廣以新鮮沙白蜆為主題嘅料理小店！💛佢地舖頭嘅理念係「香港x台灣風味」，有成8️⃣個湯口味！近排佢哋推出咗沙茶湯底😍! 一於試一試佢！-1️⃣「台式沙茶濃湯配頂好大光麵🍜($58)」頂好大光麵係香港100%本地製造嘅即食麵，兼且係有麵粉香同埋麵質都掛湯彈牙！老闆好支持本地野，即使成本貴少少都唔怕✨ 新鮮沙白蜆好鮮嫩肥美！令湯底都更新甜！食落有蝦醬嘅鹹鮮味，岩種口味人士（大光麵可以轉粉絲或台灣王子麵）

唔去葵廣一輪，啲舖頭就會有機會轉咗手🥹⋯今次再去已經發覺有啲食開嘅舖頭執咗😢～每次去親，基本上都會幫襯「煮你隻蜆」，由地下嗰層細舖食到佢搬上2樓☺️～佢即叫即煮真係誠意之作，我都誠意推介大家試吓😄🫶🏻✨原味爆蒜湯蜆🧄（另加粉絲 $8）$54一拎到就係撲鼻而來嘅蒜味😍，食落蒜味仲勁😂！湯底好鮮味，有八隻沙白蜆，蜆肉冇沙嘅～但我記得以前啲蜆好似大隻啲、肥啲🙈，今次唔算好大隻，但係食得出係新鮮嘅😉～粉絲就唔算好入味，始終好快咁煮，配埋啲湯一齊食會正啲😋～但講句公道說話，今日超級多人，keep到呢個質素，算係咁啦🤪CP價：🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🔖 #煮你隻蜆 (葵芳) @cook_your_clam📞 63087470 (WhatsApp)🔍 葵芳葵富路7-11號葵涌廣場潮流廊2樓2005號舖

葵廣雖然出名掃街都要食下主食先有滿足感花甲粉加咗份粉絲$54味道唔錯，睇落去好清，加啲蒜同蜆無沙，不過有啲啲啲貴🥲份量都OK，但係啲殼好麻煩，有啲唔知擺邊度嘅感覺haha 掃街嘅煩惱

星期一紅日同朋友約好去葵廣掃街本身已搵定幾間必食小店， 呢間係其中一間。見網上好多人介紹， 加上同場得一間專食蜆既小店，所以就決心試一試。叫左個原味爆蒜， 大概等10-15分鐘到， 其間去左買章魚小丸子（想知可以睇另一篇食評🙈），之後翻轉頭就有得拎啦 。（無另加粉絲）本身都有少少粉絲同好少既金菇， 蜆就大概有7-8隻咁上下。試一啖個湯， 清清地， 整體偏淡， 亦唔係好覺得有‘’爆‘’蒜，， 如果蒜味再出d，應該會再正d😛。蜆方面， 最面頭個隻係最大隻，但9成都係殼大肉細， 蜆肉唔夠肥，唔飽滿，好瘦，仲好似有d overcooked, 要$44 就真係唔值可能來貨唔靚？ 唔岩季節？ 如果蜆肉肥美大隻既應該就會好滿足。 總括依然，都可以試一次既！應該就無味精， 因為食晒都唔會好口渴。

🔹原味爆蒜湯蜆＋王子麵 （$55）總共有8️⃣隻蜆👍🏻鍾意食蒜頭嘅人一定會好鍾意呢個湯🥳蜆嘅鮮味再加蒜頭🧄 啲麵吸晒精華😚每一啖都好正💙我哋仲要飲埋啲湯😂😂葵廣必食‼️‼️評分♡👅味道：9/10👀回頭率：10/10🤙🏻性價比：8.5/10

今次葵廣試咗好幾間質素唔錯的小店，想開心share🤩粉絲煮蜆一向以清甜為賣點，問咗店員最愛歡迎嘅係蒜味，但本人既然食得辣，梗係要試下佢個花椒蜆湯😍😍‼花椒麻辣湯蜆 $44 +$8 粉絲以蜆湯的價錢來講略高，但煮得好入味，值得一試👍🏻老闆問我需唔需要少辣，我話正常就得🤣🤣出到嚟的確極麻，好惹味，辣度唔算好勁，食開中小辣應該都接受到。唯獨一點，椒麻香味有啲搶左蜆本身的鮮甜，是為可惜。下次會再試其他口味～

特登黎到買左個香濃芫茜蜆，味道不香濃，十分普遍，清清地既味道，同我相像中有出入，原本係想有好濃既芫茜味道🥺🥺🥲蜆肉不算好多，粉絲少許 ，不值得呢個價錢cp值太低了。當日叫左個堂食既，咁碗野都幾熱下，但店鋪只係成碗比我地，無用紙巾墊一墊碗底，建議可以溫馨提示客人有點熱！另外員工態度十分冷漠，有待改善，幫襯你仲咁既態度，可以好聲好氣講野-大家都開心！不可一不可再！！個呀姨都還好，係d後生女既店員態度有待加強🙈🙈

上幾篇食評提到,4-6-2023(Sun)晏晝,同老公帶亞姨嚟葵涌廣場避暑兼買嘢,就順便掃街,我哋食完所有嘢再行陣街後,就截返嚟呢喥買蜆返屋企做餸.我哋買兩種同樣$45.00嘅蜆,一個係原味蒜爆湯蜆,一個係白酒牛油湯蜆,收銀問我要唔要加麵?我答唔使,咁外賣每個加$1.00.佢亦同我講等6分鐘.好的,因為即叫即煮嘛.等到終於有喇,熱騰騰嘅,拎到返屋企到食晚飯都依然好熱.我先食原味蒜爆,味道係啱啱好嘅,但啲蒜仍生,會辣.而白酒牛油呢?兩隻味都仍有,幾好味.而所有蜆都煮得啱啱好,好嫩滑同鮮甜,又冇沙,啲殼亦冇爛.不過點解會有粉絲?重要係唔少,我以為只係蜆,原來有粉絲.

店名: 煮你隻蜆地址: 葵芳葵富路7號葵涌廣場潮流廊2樓2005號舖葵芳站E出口，行2分鐘環境: 外賣價錢:3/5味道: 3/5手工三色炸芋圓❤️❤️❤️$28望就望落幾好食，揀左甜蜜蜜味，其實姐係蜜糖，都ok好咬，算煙韌，但望住唔係手工，係用急凍一大包個啲貨，扣哂分😕#stitchfoodie葵芳#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜