煮茶

Open Now

Now Closed

一向飲開嘅台式飲品都係珍珠奶茶或者清茶，見到呢間飲品店，推介嘅係椰汁珍珠，覺得好特別，好奇地，所以要試一下。黑糖珍珠椰汁 $27一般台式黑糖珍珠奶茶係茶+奶，而黑糖珍珠椰汁就係用椰汁取代奶。椰汁本身帶有甜味，如果加埋黑糖，原本都諗可能會好甜，但入口竟然出奇地唔太甜喎~~~雖然用椰汁取代左奶，但入口仍然香滑，而且無奶咁膩咁飽滯，大熱天時，飲用左椰汁代替嘅茶，多左一份涼快感。只是略嫌椰汁味唔夠重，如果椰汁味可以特出D會更好。

收工後行去深水埗經過呢間茶飲店。Menu都幾多選擇，有鮮奶、冰沙、奶蓋、水果茶等系列。而其中一項比較特別既就係椰汁系列。黑糖珍珠奶茶，黑糖珍珠鮮奶就見得多，黑糖珍珠椰汁就好少見，所以就抱住試新野同不怕伏既心態試一試。我好怕好甜既野，所以都諗左一陣好唔好試下，因為怕椰汁會太甜。不過有驚喜喎，飲落唔甜，問一問店員，原來d椰汁係自己調較過味道，所以唔會好甜。杯野虎紋效果好靚，椰奶香滑，珍珠不會過硬，好快就飲哂成杯！唔錯唔錯。推薦。

近長沙灣的元州街，餐廳都好多嘅，但台式飲品店真心唔多。.每次行過，想買杯珍奶咬下都無飲品店。不過最後發現了這間「煮茶」，在長沙灣雲雲舊樓中別樹一幟的新式店。..黑白色的裝修很突出，與周圍的舊樓成一大對比。.飲品方面都有很多選擇，應有盡有。有classic 黑糖珍奶、水果茶，亦有抹茶、芋香珍奶等等。.但最特別的，當然是「椰汁」系列。有黑糖珍珠椰汁、椰香紅豆等。連宣傳紙都大力promote 「黑糖珍珠椰汁」，無理由不試這個吧。.香濃椰奶味，同黑糖珍珠好夾，好飲🤤而且無鮮奶咁膩，入口更清新，好適合夏天飲。黑糖與椰汁都做出「虎紋」。珍珠都煮到好有咬口。學生仲有3蚊優惠。

自從南昌間順豐執左，我而家寄貨，就去天悅果邊果間，搬到身水身汗，梗係要搵d野黎補充下啦！見到附近有間茶煮，即時買黎同個女一人一杯啦！叫左杯新鮮椰汁個女飲，覺得natural d，無添加，我試左啖，就覺得甜左少少，但同時又覺得好香椰汁味，新鮮椰汁確係香d，而且魚子醬就超鍾意，又話好香，好好味，不停啜啜啜我就當然試招牌飲品黑糖珍珠椰汁啦！諗住招牌冇理由唔試嘛黑糖味好香濃，椰子汁代替奶，感覺清新，d珍珠比平時食開果d更QQ，更煙韌。

食完野有啲口渴，行過見有間珍珠奶茶舖，就走埋去睇下有咩飲啦，款式都幾多揸唔定主意，店長推介左飲佢地嘅全港首創～椰汁珍奶，語畢即刻沖好兩杯出黎，勁快手呀～鮮椰汁（$26）＆黑糖珍珠椰汁（$27）朋友一向都愛飲椰汁，平時在XX大王飲開，價錢差不多但呢度大杯啲，好有椰香加上極甜，朋友話好啱佢口味好正喎！黑糖珍珠有掛杯效果，幾靚吖。搖一搖先，椰汁珍奶又幾夾喎，果然好香椰子味，好滑好甜，呢個甜度我鍾意呀，珍珠都幾有咬口，整體唔錯喎，支持下本土創意好呀～飲完好飽，真係好大杯！

黑糖珍珠奶茶相信大家也學學了不少，但是不知道大家試過椰汁的版本嗎？這次經過深水埗，見到一間台式飲店入面標版着黑糖珍珠椰汁，便被這個飲料吸引，特意一試。這間店舖別之處便是他是香港首創的黑糖珍珠椰汁，而且他的椰汁不是用罐頭椰汁，是真的用椰果炸出來的椰汁。其實他除了標版的黑糖珍珠椰汁之外，其餘的飲料也比同區的便宜，但是這次當然是試黑糖珍珠椰汁啦。在杯上也有溫馨小提示， 10分貼心。立刻食評開始。比一般的黑糖珍珠鮮奶不同，因為是用真正的椰果炸出來，所以椰汁味很重很濃烈，不會被鮮奶蓋過，而且不是普通的甜味，而是椰汁的甜味，珍珠方面偏向細粒，煙韌彈牙。80分！

今日去李鄭屋博物館參觀做偽文青，估唔到唔多嘢睇勁快行完，於是就搵下嘢食，見呢間飲品店主打黑糖+珍珠+椰汁，咁新穎一於試下。黑糖珍珠椰汁$27價錢正常，有潮流興緊嘅黑糖，仲有我至愛飲嘅椰汁同食嘅珍珠，完全為我度身訂造咁。外表都好靚，白色嘅椰汁混合咗黑色嘅黑糖造出黑白紋理。椰汁好香滑，有佢獨特嘅甜味，加上黑糖又唔會甜過頭，珍珠有咬口夠煙韌，飲到好滿足呀！呢間小店有gimmick又好飲真心推薦，必飲椰汁飲品

一條街都是手搖飲品，即使是大熱名店都提不起勁，莫說要排隊了。反而這一家帶點家庭式的小店，不是千遍一律的黑糖奶茶或是水果茶。這裡的名物似乎是椰汁～天氣熱辣辣，喝一杯消暑椰汁太好了，而且還有這個黑糖珍珠椰汁！外表和黑糖珍珠鮮奶無異，幾可亂真，黑糖還做到掛杯效果，賣相不俗。搖勻後就變成這樣子～味道有驚喜，椰汁味香，非常解渴，其實椰汁本身不甜，加了黑糖珍珠後就帶一點甜味，但整體絕對不算甜。因為我本身很怕甜的東西，所以這一杯對我來說是剛剛好，值得encore！老公就只點了椰汁一杯，偶爾反樸歸真感覺良好。怪不得這麼多街坊外賣回家喝，果然是很有特色的一家～

天氣熱岀街就當然要飲下凍野，呢間煮茶一幾間分店，今日就嚟到長沙灣呢間。見到有幾堆客人都買黑糖珍珠椰汁，平時黑糖珍珠奶茶或者鮮奶就飲得多啦，但配椰汁真係第一次見呢！所以我地揀左最特別嘅黑糖珍珠椰汁，好快就有得拎。望落同平時嘅黑糖珍珠鮮奶差唔多，飲落係好重椰香味，黑糖嘅味道係隱隱約約咁，幾特別，珍珠有咬口，但本身無咩味，整體椰汁味幾岀，睇得岀舖頭鐘意創新，創意分+1，可以一試！店員有禮貌，服務不錯！！

朋友介紹長沙灣煮茶有好味的椰汁黑糖珍珠，於是我哋經過長沙灣時就特登去呢間買嘢飲。一早去到店舖尚未開門，已經有人排隊。本來我地諗住一人飲一杯唔同既野，例如一杯椰汁黑糖珍珠同一杯果茶，但係後來我發現店主話需要等一等，因為椰汁仲未準備好，跟住我見到鋪頭內有一座椰子山，我就明白朋友說的椰汁很好飲，係因為椰汁是鮮榨的，並唔係加工罐頭嘅椰汁。我地最後決定飲兩杯椰汁珍珠，等左15分鐘左右就有得飲，有位嬸嬸本來都整好兩杯想俾我地，但後黎收返，話因為佢忘記咗刮邊所以兩邊無咁令！冇咗虎紋！我哋兩個都話唔緊要啦，都可以照飲，跟住佢就話唔好呀，因為佢真係唔記得咗。跟住就拿拿臨再整多兩杯俾我哋，新整的兩杯都很漂亮！椰汁同黑糖嘅味道好夾，比起傳統嘅珍珠奶茶、鮮奶，反而唔會太甜！我同朋友都好喜歡，尤其欣賞佢哋鮮榨椰汁嘅心機，實在令人覺得飲得好健康飲品！味道唔會太甜，而且又唔會太大杯，食完野經過嘅時候，買杯椰汁黑糖珍珠飲就剛剛好。我覺得呢間嘅賣點就係新鮮嘅椰汁，所以係絕對值呢個價。

長沙灣既潮興有著吸引不少人收工或放飯lunch也急不及待會order杯台式飲品嘆一嘆相當别致新開小店以創作獨特手工製作更添煙韌感及趣味，除了大部份常見的口味外更有近期新派港人最愛打響其號店長推薦既來迎合持久力更強口感更順( 黑糖珍珠奶茶 $26)( 黑糖珍珠椰汁 $27 )在餐牌上點選了黑糖珍珠椰汁作嚐嚐整杯混合本身珍珠微甜味道拌勻好黑糖及椰漿平衡黑糖珍珠奶茶味道不膩甜比例正常相間的，有著濃濃風味捲出台式氣息這樣子一啖啖喝起來真的很不錯

🔅🔅🔅每日氣溫接近三十度行街一定要飲番杯清涼消暑既飲品～🔸第一次幫襯呢間店賣點係奶茶混搭椰汁而且係他們首創的口味🔥🔹<黑糖珍珠椰汁>奶茶底有別有台灣的用的是地道的港式奶茶🤤茶味香濃奶香也非常突出椰汁和黑糖是每天新鮮製作黑糖帶煮過的焦香不太甜椰汁卻有濃郁的椰香味兩者很搭配不搶風頭～珍珠口感Q彈煙韌🤩🔸 <黑糖珍珠鮮奶>採用新鮮牛奶製做配上港式奶茶底奶香味超濃郁😃加上黑糖的味道喝起來有點甜膩了不過味道還是不錯的😋🔹<總結>初次嘗試味道很好黑糖珍珠椰汁係必試！😝🔅🔅🔅

有一天去長沙灣經這家煮茶，看見黑糖。珍珠。椰汁的配搭挺新鮮喔! 這家店就在宇宙商場路邊很容易看到。原來除了黑糖珍珠椰汁外都還有其他的選擇。我當然要嚐嚐他的招牌黑糖珍珠椰汁，我在等店員製作的時候，看見店裡放了很多椰子。真的是真材實料，用真正新鮮的椰子製作的。平常喝黑糖珍珠鮮奶比較多，但原來黑糖珍珠椰汁的搭配都挺搭的。又有椰汁的香甜，黑糖又不會搶了椰汁的味道，珍珠好彈牙，香濃剛剛好，幾fresh 的感覺。。

在大家享受黑糖珍珠奶茶之際，有沒有關懷乳糖不耐症弱勢社群呢XD?  我們因爲不能喝奶，一直忍受著朋友在旁邊大讚最近大熱的黑糖珍珠奶茶有多好喝！今天終於看見曙光了，竟然出了黑糖珍珠椰奶！我當然馬上去試一試黑糖珍珠椰奶：聽店主說是自家制椰奶，果然味道濃郁，黑糖的甜味比普通糖漿易入口一點，珍珠非常煙韌，原來珍珠是這樣的口感！另外又點了一杯水果茶，果味香濃但又帶點茶的澀香，柑橘跟橙香最濃，口感味道也非常清爽

👁‍🗨 黑糖珍珠椰汁 💲27坊間四圍都係黑糖珍珠配鮮奶或者奶茶，但係見到人地話呢間配椰汁，咁樣既組合都幾特別😛店家仲會每日將椰子拆肉再磨變椰汁，成件事都幾花心機時間，真係夠曬真材實料😱所以呢日去開附近整野，就順便買左杯黎一試🤗飲落有啲炒黑糖嘅焦香味，但係又唔會話太過甜，亦帶有陣陣椰香味，勝在夠新鮮同埋天然，至於珍珠都煙韌，不過珍珠就冇我預期中既黑糖味🤔呢個價錢一試無妨🔛 整體評分（7/10）