煮茶

Open Now

Now Closed

在長沙灣食完lunch, 再行去深水埗約人交收，因為天氣太曬太熱，所以途經見到煮茶就將我吸引過去。是賣黑糖、珍珠、椰汁有新鮮椰汁、鮮奶奶蓋、水果茶、奶茶，熱飲也有。平日流行都是黑糖珍珠鮮奶，而黑糖珍珠椰汁是第1次見，一定要試下！我會先呷第一口，是香濃幼滑的椰汁，感受是真材實料製成。之後再攪拌一下將全部拌勻，甜度適中，絕對沒有死甜感覺，椰汁同黑糖味同時品嚐到，兩者平衡的好好，而珍珠也煙韌QQ的。另一杯是綠茶Oreo奶蓋 $23奶蓋夠厚夠挺身，重鹹味，而綠茶是淡淡茶味，兩者夾埋都可以。

今次因為工作需要嚟到長沙灣天悅廣場 天氣又熱 見到嗰度開咗一間台式飲品舖頭 而招牌上嘅黑糖珍珠椰汁 ($27) 同我平時飲開嘅黑糖珍珠鮮奶唔同 呢一個新產品深深咁引起我的興趣所以我就叫咗一杯黑糖珍珠椰汁 黑糖炒得好香濃 有一種好香嘅焦香嘅感覺 本身以為椰汁黑糖配搭一定好甜 但係飲落去先發現 椰汁嘅味道 唔會過甜 啱啱好 兩隻配搭起來 我覺得好好飲再望望舖頭入面 發現堆上一個又一個嘅椰子 唔怪得知啦原來用新鮮椰子下次經過長沙灣 一定會再嚟買番杯 唔使次次都飲黑糖珍珠奶茶 咁悶喇

有晚去開長沙灣食飯，留意到有間茶飲店出咗「香港首創」嘅黑糖珍珠椰汁，友人係椰汁控，由於佢深深被吸引，所以就一人買咗一杯嚟試吓～我飲嘅係芋香珍珠鮮奶 $26，佢嘅漸變色好靚，打完卡搖勻後，飲落芋香味依然，珍珠偏硬，不過我鍾意有咬口！友人叫嘅黑糖珍珠椰汁 $27，賣相同黑糖珍珠鮮奶無異，但飲起上嚟，多咗份香濃嘅椰味，原來椰汁係間鋪頭每日由椰子整做椰汁，好花功夫～呢間店係家庭式小店，當日去見到媽媽湊緊B，同埋囡囡玩緊電話，比起連鎖店，多咗份人情味。唔駛加一，埋單2人約$50。如果你鍾意睇我嘅食評，不妨關注我，支持吓我，謝謝你☺️💕

飲黑糖珍珠鮮奶飲到悶悶地，見到呢間煮茶有首創既黑糖珍珠椰汁，當然要飲下有幾特別啦﹗黑糖同新鮮椰汁的配搭真係幾新穎，適合有乳糖不耐症唔飲得奶既朋友，而且味道仲幾夾添﹗ 杯黑糖珍珠椰汁$27收到既時候仲係暖暖地，飲之前要搖一搖勻黑糖同椰汁。黑糖味唔會過甜，更可以突出香濃既椰汁味，椰汁飲落仲有些許椰絲。珍珠粒粒分明，Q彈有咬口﹗另外，好鐘意百香果既朋友就叫左百香果雙喜茶$25，雙喜應該係指入面既珍珠同椰果，夠晒咬口﹗加埋仲有細細粒既百香果，酸酸甜甜，飲完好開胃﹗著校服既學生仲可以優惠$3

今日同朋友去黃金電腦商場，行經天悅廣場時，見到一間名叫煮茶既手調飲品店，店面唔算大，但以黑色裝修為主調，而且在大街旁邊，唔難搵到，由於還有一段路程，大家有些少口渴，所以決定各自買杯飲品解渴飲品種類有很多選擇，有主打既椰汁系列、水果茶、奶茶同些少熱飲，價錢可以接受，最平$20,最貴都係$33。由於見到飲品店的Banner 寫住自己係香港首創黑糖珍珠椰汁，而小弟非常喜歡椰汁，所以決定買杯一試味道如何同店員落單，唔使等好內，茶已經做好，用手拎住，手掌心感到好暖，應該係岩岩煮起既黑糖，黑糖、椰汁、珍珠和紅茶，構成美麗既圖案，最岩俾我地影相打卡用 最後，用力搖勻杯茶，插入飲管，大大力一吸，茶同珍珠馬上充滿着成個口腔，珍珠外面順滑軟腍，裹面Q彈，好有咬口，椰汁味香濃冇俾茶味蓋過，平衡得啱啱好，加上黑糖甜中帶甘，幾樣美味食材結合起來，奏出美妙樂章飲左幾啖，朋友既茶終於整好喇，我乘機同店員交談，得知原來佢地每日用新鮮既椰子拆肉，然後打成茸，再隔渣，做成椰汁，凈系椰汁已經咁多功夫。店員仲強調，佢地冇落防腐劑，佢哋仲可以依照客人嘅口味，調教冰量同甜度，做出客人嘅口味，咁用心去做，難怪咁好飲。朋友要咗黑糖珍

煮茶.經過舖頭見佢大大個牌寫住首創黑糖珍珠椰汁，朋友佢有乳糖不耐症唔飲得奶，所以heat左一段時間嘅黑糖珍珠鮮奶佢係試都冇試過，今次改左用椰汁就一人一杯試下。.味道唔差，同鮮奶各有各特質，椰汁飲落飲到粒粒椰絲，感覺真材實料，椰汁同椰汁大王有得比，推介比大家試試，加上黑糖亦唔會過甜，味道啱啱好😋仲冇咁飽肚添。

黑糖珍珠鮮奶熱賣左咁耐，開到成行成市，今日俾我發現黑糖珍珠飲品有新配搭！！長沙灣呢間煮茶，大大個廣告牌寫住 首創黑糖珍珠椰汁，黑糖同新鮮椰汁的配搭，真係未試過！另外黑糖珍珠奶茶都未試過，外面好多飲品店多數都係賣黑糖珍珠鮮奶。黑糖珍珠奶茶 $ 26店員將黑糖醬倒係杯邊之後先加珍珠和奶茶，雖然無班紋咁leng，但打卡一樣好睇！上下搖晃後黑糖味好濃郁，慢慢滲出奶茶的味道，吾錯😋黑糖珍珠椰汁 $ 27珍珠趙落幾煙韌 ，暖暖的黑糖與椰汁融合後，椰汁味更加香，值得一試！整體黎講煮茶真係幾好，有時吾一定要去網紅店先有正野，有時發掘下新野，好飲又可以介紹俾朋友！

探舊同事經過長沙灣青山道，見龍寶對面新開咗間台式飲品店，所以特登試下😋呢期愛上黑糖珍珠，見鋪頭入面擺咗好多椰子，所以就決定買黑糖珍珠椰汁（＄27）試下。飲之前既指定動作就係大力搖🤣搖完之後用飲管篤落去，一篤就聞到陣陣椰子味，忍唔住飲一大啖，椰子既香味同黑糖珍珠好夾，黑糖唔會過甜，而珍珠就粒粒分明，煙煙韌韌好有咬口，正呀！舊同事就鍾意飲鮮奶，平時喺公司係攞住家庭裝既鮮奶飲，唔係細細盒屋仔型嗰種😆所以佢揀咗黑糖珍珠鮮奶（都係＄27），飲完之後讚杯飲品奶味鮮得嚟唔係死甜👍👍鋪頭係家庭式經營，下次探同事都會幫襯😊

黑糖鮮奶大家就飲得多，而且每家台式飲品店都會用 明治鮮奶2.0或4.3，但竟然在長沙灣元州街天悅廣場開了一間「煮茶」，主打“黑糖珍珠椰汁”，香港首創，椰子由馬來西亞進口，椰汁還要每天新鮮即榨，確實新鮮。「黑糖珍珠椰汁」入口時立即感受到椰汁鮮甜清香，珍珠煙韌帶黑糖味，甜度適中，不會太甜，冰量剛好，值得一試。「水果茶」茶底比較清爽，配上新鮮水果( 西柚、青檸、檸檬、橙及車厘茄)，清甜中帶出水果香，不甜不膩，是一杯健康的飲品。

個個星期都會來長沙灣學畫畫， 今日先發現開左一間台式飲品店，我呢個珍珠奶茶粉絲一定要試吓啦！講真呢度附近都冇乜台式飲品，開心一試～呢個招牌黑糖珍珠椰汁，好靚，影相一流記得要搖勻先好插飲管去飲！如果唔係就好難攪均架喇呢杯竟然冇想像中咁甜！黑糖珍珠本身已經有微甜，仲有椰汁，椰汁香味濃郁同會令杯嘢厚啲，而加埋甜度適中椰汁味超香，珍珠亦唔係好膠嗰種，每粒淋得來煙韌！個人亦相信凍飲會好飲好多，另外我平日入牛奶都會肚痛，所以用椰汁就冇問題喇～對牛奶敏感嘅人嘅恩物～唔洗羨慕周街嘅人飲黑糖珍珠牛奶