煮樓

Open Now

Now Closed

由第一手老闆到第二手老闆都係同一家人, 不過轉手後依家乾淨左好多同野食質素都好左!!最鍾意食佢嘅醉雞/蔥雞, 個味道好好! 同埋酸辣湯麵都好好食!!因為比外面酸辣湯濃, 出面普遍比較淡!通常入去都係食依兩樣野同埋跟餐送一杯台式飲品, 都算相當抵

位於洪水橋呢間鋪頭主要係食中菜，款式多味道老闆煮菜手藝一流，我自己還帶了一些海鮮叫老闆幫手處理，老闆人品及手藝超好，又願意幫手整外來食物，食物火候足夠，又有老火湯飲，完全冇味精，環境都幾舒服，服務員態度好好，又有珍珠奶茶飲

有日偶然入去煮樓食個早餐，$36H餐幾好（生菜絲通粉好健康啊+煎蛋，最好係腸仔可以轉午餐肉，餐飲叫杯珍珠奶茶，不用加錢，重點係凍飲呀）見餐牌有其他小炒午晚餐...所以今晚去試試。超近停車場嘛晚套@$68，點了2個：京蔥爆牛肉 炒得幾好，係咸些少，空口一定唔掂。生炒骨（同上）本來一個飯可以两份食夠晒，點知都要食多半碗！ 两樣都太重口味好在重有杯凍珍奶頂頂會再去....吃早餐

透過外賣軟件叫午餐，首先餐廳效率高，由落單到送到只需30分鐘，基本做到軟件上預測的送達時間，今次叫了雞排飯，牛腩飯和雲耳花枝條湯年糕，2個飯水準達標，最喜歡佢個外賣盒，有點似台式便當盒，賣相比較企理，最驚喜係個湯年糕，煮到軟硬適中，有上海菜館的水準，花枝條是炸過的，很香口，亦有花枝的味道，值得推薦