Corner Garden Crepes & Drinks

Open Now

Now Closed

難得到長洲玩，終於有機會嚟呢間班戟店🤩熱到暈暈哋，好在小店有強勁風扇，冷風同大約5個座位😙73% Belgium Dark Chocolate $38比利時73%黑朱古力Pancake 熱辣辣最好食，餡料喺棉花糖+朱古力粒，味道嚟講正正常常😂pancake夾埋之後，喺面頭加朱古力醬🤗好扁喔...抵就唔喺好抵食，因為喺棉花糖加朱古力粒🤗如果有下次嘅話會叫雪糕口味或者鮮果口味😹個pancake圓轆轆啲同打卡都方便啲😹

趁著週五比較週末人會少D，約好朋友出走到長洲，食過最出名的長洲魚蛋，當然要搵個舒服地方再hea一下。途中見到個靚仔醒目廣告牌，又有Google帶路就搵到呢間隱身小巷的特色咖啡店。主打Crepe薄餅，有鹹有甜有流心也有名牌雪糕班戟系列，花多眼亂不如揀個招牌火焰牛油果試試，除左濃郁牛油果味加㊙️製蛋黃醬更有特別鹹香口感；達至中環級數的意式拉花咖啡更🈶️多種選擇。一邊聞著香噴噴crepe一邊飲著靚咖啡仲有多個打卡位，好享受的一燉下午茶！

之前睇過 youtuber 介紹話呢間火焰牛油果班戟好正，所以特登嚟試下，可惜失望而回。我哋一嚟到見到係一位嬸嬸睇緊舖頭，負責煮班戟，已經覺得會唔會同片入邊講嘅唔同呢，但係一場嚟到，我哋都決定試吓，我哋嗌左一個signature嘅火炙牛油果班戟，但係一嚟到就好失望，因為個樣已經同片入邊睇到嘅唔同，係好似好求其將啲牛油果擺上班戟，同落咗啲沙律醬，一啲美感都冇，唔知嬸嬸係替工唔熟手定點樣，因為甜品班戟其實真係好講求佢嘅美感。都有一樣野要讚，就係食上去嘅口感係的而且確係似火炙三文魚嘅。

天氣好,熱辣辣.一家大細入長洲玩.行左大街一陣就見到啲二拉架寫轉角「人生不能後悔,但是可以拐彎」又幾過引禁,行埋去就見到呢間咁有特色嘅鋪頭都幾多人幫襯就入左去試下啦,入面坐得舒服又夠冷氣.Crepes嘅皮好有水準! 囝囝好鍾意食芒果果款而個咸食辣芝士雞好有驚喜好惹味,食得辣嘅朋友一定要試!再飲埋鋪頭兩位靚仔哥哥特別推介嘅檸橙特飲,身心涼快! 好適合炎熱嘅夏天飲! 下次入長洲一定會再黎,試埋佢個招牌火焰牛油同榛子香蕉朱古力再加Mövenpick雪糕😜

呢個牛油果火焰crepes 係清新嘅！係一步入長洲開始，我把口係完全冇停止過，橫街窄巷全係小食店，餐廳，而活動方面除咗踩單車之外，都係小食店，餐廳，所以係長洲咁悶熱嘅情況下，係只好不停更換食市，開啟喪食模式，重點係痴冷氣.....係食到第四間嘅時候，我朋友話呢間嘀crepes 好好食，有甜有鹹，但我已經食咗魚旦，沙嗲牛包，重飲咗杯野嘅情況下，我選擇沉默但我朋友話佢個火焰牛油果可麗餅有三文魚味，咁趣緻？咁就要入去涼下冷氣啦！老闆娘好專業，我見佢整個餅皮嘅時候，穿咗少少都立即整過！有專業精神！我都試咗幾啖！好多牛油果！佢重加咗嘀美奶滋先火炙，所以真係幾似三文魚味同佢間鋪冷氣幾夠㗎！

見到某youtuber介紹長洲美食，所以今次生日之旅去長洲，就逐一試食首先地點方面有點難搵，當初跟住google map指示嘅位置係唔啱嘅，最後都係跟返店舖編號慢慢係不起眼嘅橫行搵到。佢地最出名係火焰牛油果班戟，根據youtuber介紹，佢地特色係個皮會做得好香脆有咬口嘅，但今次我食嘅皮係普通班戟皮，好淋嘅。好彩佢有好好味嘅牛油果拎返分，整體嚟講都好好味，用牛油果做配料都好特別🥑只不過同期待中嘅脆皮有啲落差

上次入黎已經係一年前今日重遊舊地(老闆竟然仲認得我 !口!)再黎食Movenpick瑞士朱古力雪糕班戟$38發現驚為天人!!!!比以前進步左好多!!!!原來老闆改良左配方個班戟皮蛋香濃左好多而且咬落去表皮係鬆化 薄脆!!!另外班戟包法唔同左出面一般係中間塞一堆cream外面幾層班戟皮疊埋一齊老闆改良左做法將兩層皮中間夾住一層cream皮同cream比例啱啱好食落有層次感係我食過最好食嘅雪糕班戟!!!!食完決定以後入黎長洲一定要食過!!!!同埋老闆真係好好人見我地熱到溶雖然兩個人只係買左一個班戟都主動俾冰水我地飲好滾動@^@(老闆我愛你呀!!!!!)咁好食又有良心嘅小店大家要多多支持呀!!!

😋好耐無去長洲🗻上網見到youtuber介紹呢間 cornergarden_crepes 🌮 ，望到都覺得好味。今日同朋友去開長洲，當然要試下啦！ 班戟皮麵粉同蛋香味重，而且口感煙韌💕👍🏻火焰牛油果班戟配埋㊙製醬汁無得頂😍 除此之外，飲品都相當出色，杯杯都係睇得又飲得，真係用心製作，gimmick 十足！ ====—====—====—====— 🌮Crepes 🥑🔥招牌火焰牛油果鹹味班戟（$42） 招牌牛油果班戟用上新鮮牛油果，配上火焰烤製，再配埋㊙製醬汁，成件事勁match之餘又好好味，好似食緊火炙三文魚咁，無諗過只有牛油果都咁好食👍🏻 — 🍫比利時73%黑朱古力流心班戟（$38） 用上比利時73%黑朱古力，味道唔會好甜，班戟切開之後緩緩流出朱古力，邪惡又美味👻 — 🍩🍌經典榛子香蕉甜味班戟（$35） 加🍫Movenpick瑞士朱古力雪糕🍦（$20） 榛子醬配上香蕉是絕配好物，滿滿的滋味，再配上Movenpick 朱古力雪糕，每口都吃到朱古力脆片，非常滿足！ — 🌻🌸Garden Soda田園特飲🌼🌷 ($28) 🍋檸檬 + 🍊橙味梳

去長洲玩揾到呢間食crepe嘅餐廳裝修得好靚 🧸🎈忍唔住入左去幫襯喺等拎嘢食嗰時可以瘋狂打卡📸📸📸靚仔老闆推介😻我地食招牌嘅「火焰🔥牛油果🥑班戟」平時食親crepe都係食甜嘅呢個招牌crepe反而係鹹嘅新鮮熱辣嘅crepe皮加即場切嘅牛油果調完味再用火槍燒比你💥💥💥好有heart👍🏻👍🏻👍🏻本來諗住咁多牛油果加蛋皮會好膩但完全冇呢回事反而食到牛油果嘅清香最值得一讚嘅係呢度嘅crepe皮好好食😋有好濃嘅蛋香味 唔會太厚或者太硬太薄同出面食嘅冇味皮完全唔同level食完再追加左個甜嘅crepe食Nutella 加香蕉🍌甜嘅都好好食唔會死甜d味係啱啱好 好balance嘅重點係 佢呢度個crepe皮真係好好食😋飲埋個原橙特飲上面有塊好厚皮嘅橙片🍊已經𠝹好左個皮方便篤d橙肉落杯野飲到飲落去粒粒果肉好鬼正性價比係幾高又唔洗出去大街魚蛋檔排隊逼下次一定會再幫襯

長洲試新野 其實我第一次食可麗餅...... 仲要食咸既 - 招牌牛油果可麗餅好緊張 哈 因為見到老細拎住左枝火槍燒我塊餅 我中2食燶d 所以叫老細幫我燒多2下 好香呀 好香呀 一秒餓左根本等待既過程就係虐待緊自己 即叫即整香到咁 想死  終於可以食喇 第一啖 個皮好有蛋味以為落左咁多醬 一定會好油但牛油果配搭得出奇地清新 食到最後一啖都仲好好味大家如果同我一樣中2食燶燶味既話 都可以跟我咁叫推介!!!!!!!! 

本身無念住食呢間小店，只係係長洲一邊行一邊見到呢間小店既易拉架，個易拉架有句好得意既slogan "人生不能後悔，但是可以拐彎"，然後就比朋友拉左黎呢間小店😂😂​​招牌火焰牛油果班戟🥑🥑 ​ $42​​呢度既班戟，每個都係即叫即整，牛油果加上蛋黃醬，用火槍炙過，再加上岩鹽，然後就包成班戟​​出奇既係，當牛油果火炙過之後，無左平時個種飽膩感，軟綿綿好好食，加埋好香既蛋黃醬同咸咸地既岩鹽，成個配搭新奇又好味😉 呢度既班戟皮偏軟，唔係脆身個種，而餡料係充滿曬成個班戟，食到最後一啖都仲係牛油果🥑🥑​​中意牛油果既朋友下次去開長洲可以試下!​ig:venus.holic **

長洲除了大魚蛋同芒果糯米糍之外，其實仲有好多值得一試既小食店，例如呢間pancake店😍。pancake小店位置有少少隱蔽，係大街轉入去既走廊仔入面。裝橫及佈置都溫馨精緻，有少量位置，打卡位好多。比利時73％黑朱古力（$38）係crepe上面放幾塊比利時73％黑朱古力，等熱力將佢哋溶化，再加上棉花糖，因爲黑朱古力係73％，所以唔會苦，亦都唔會太甜，餅皮煙煙韌韌，口感十足，食完一塊好似唔夠喉咁。如果加埋雪糕球應該會更好食，可惜太貴😂冇再加配料。

放假同朋友去長洲玩 見到有間鋪裝修得靚靚仔仔又賣可麗餅就入去試試一開始見到佢有得賣咸既可麗餅就覺得 “咁得意？有咸既可麗餅？”咁就以試下既心態去買啦就叫左個火炎牛油果同柚子菠蘿特飲點知牛油果佩可麗餅又幾夾👍👍👍老板即場開個牛油果再加醬同調味再用火槍燒牛油果好香同打卡一流👍個蛋餅皮好夠味唔會好水好淡好夠蛋味，而且唔會太乾/硬好驚喜個柚子菠蘿特飲有菠蘿柚子粒又唔會太甜，值得一試👍👍PS:老板個人好搞笑好傾得，下次再入長洲會再幫襯！

趁住假期，又唔想淨係喺商場同人逼就渡過一日，一於約埋三五知己入長洲慢活人生。入嚟之前已經bookmark定幾間必試嘅店鋪，”Corner Garden”係其中一間，落船後轉右直行第三個街口入去就係。最欣賞店主嘅用心，除咗粉飾得店鋪溫馨而且有多個打卡位，沿路更放上易拉架，又設計有趣嘅slogan 『 人生不能後悔，但是可以拐彎 』 ，方便一眾吃貨搵到小店。佢哋有提供甜味班戟、鹹味班戟，仲有流心同雪糕系列，款式應有盡有。🍫【73%Belgium Dark Chocolate比利時黑朱古力$38】鋪上滿滿嘅黑朱古力粒同綿花糖，熱力將兩者融化交織一起，用上黑朱古力唔會過於甜膩，下次想試吓加埋雪糕，應該更滋味。🥑【Roasted Avogado招牌火焰牛油果$42】呢個係小店嘅招牌貨之一，店主Kelvin極力推薦，仲話食落會有三文魚軟綿綿般嘅口感。所有crepe都係即點即做，鋪上切片牛油果再抹上自家製蛋黃醬，經火槍燒過後傳出陣陣香氣而且冇一般蛋黃醬嘅膩口，咬落去油滑軟綿，果然有幾分似我最愛嘅”火炙三文魚”。同行朋友仔都試咗其他唔同款嘅crepe，評價都唔錯。值得一題係店主相當親切友善，不時與客人

入黎長洲玩吓食吓好西，見到呢間crepes好似幾出名就去試試。嗌咗個Oreo crepes，嗌完即整，我地坐喺到食，鋪頭細細但裝修好靚唔少打卡位，Crepe少少脆，薄薄地加埋cream同oreo同埋焦糖醬好好食😋