巷仔冰室 (Closed)

諗住支持小店， 去到掃左安心出行同疫苗通行證(綠色)打算入座時, 店員都唔俾我入， 話一定要更新安心apps先俾入，我即場表示法例要求要有線碼疫苗通行證就可以周圍去， 佢咁做仲嚴過法例要求， 仲欺騙話唔更新會俾政府罰錢， 我話已問政府仲錄埋音可以俾佢聽都唔肯，無法只有離開， 呢種做法直情唔想做生意咁。 現場見都係得1張兩個客， d店員都好得閒， 門前冷清， 我雖然好想支持小店， 但佢咁做生意想支持都唔得， 咁做生意應該做唔長， 大家想幫趁就記住check清楚安心app係咪最新版本， 但我唔保證佢到時又落其他要求令大家幫趁唔到。

我好鍾意食茶記，貪佢快靚正🤣今次食呢間巷仔冰室次次Lunch time都坐滿曬人，望落都幾乾淨企理，最緊要係唔貴!我Order左個自家製手打漢堡扒，跟羅宋湯同薯條😂羅宋湯就一般般，稱唔上好飲，得個酸字😕個主菜一上我無奈到笑左出黎，好細份😭佢個漢堡扒好細塊，薯條得十幾條🥲 其實個味食落係OK既，但食完感覺都仲係好空虛🥲見其他人食飯個D份量好似正常D，再有下次既話唔會再叫呢個餐😭

lunch set大部分$60有找，set跟餐湯嘢飲，嘢食份量大，選擇多，環境暗暗地坐得幾舒服。附近返工鍾意黎呢度食，今次試左salad，色香味具全！好好好好好好！

噚日(9-4-2022 Sat)又同老公送膠,送完搵地方食晏,原本想去良心食肆張秀玲https://www.openrice.com/zh/hongkong/r-ann-mamma-thai-kitchen-by-%E5%BC%B5%E7%A7%80%E7%8E%B2-%E8%8D%83%E7%81%A3-%E6%B3%B0%E5%9C%8B%E8%8F%9C-%E5%92%96%E5%96%B1-r636186,不過行經呢間,喺門口睇吓menu,就被佢吸引咗.我哋再睇完menu後,決定要同樣$55.00嘅set lunch,芝士焗黑椒牛筋腩飯,加$3.00要凍檸茶.英式全日早餐,要熱奶茶.1. 餐湯:我哋都揀白湯,係蘑菇忌廉湯味道好夠,稠杰度啱啱好.味道:5分2. 凍檸茶老公飲,我冇飲到.3. 熱奶茶口感順滑,奶味重啲.味道:2分4. 芝士焗黑椒牛筋腩飯睇見都幾大兜,我只黐食少少牛筋腩,用叉一拮,腍到即散開,係真好腍好鬆,味道唔錯.5. 英式全日早餐喺$46.00嘅香草烤雞凱撒沙律同佢之間揀,就揀咗呢個,呢個有多士,黑松露炒蛋,焗番茄,茄汁焗豆,菇,腸同沙律.端上嚟,見到件牛油多士係

今天到了一間巷仔冰室的餐廳，由於街上餐廳堂食都沒有了，很多都只剩下外賣，所以選擇越來越少。這間冰室的午餐大概50-60元的範圍，當中有不少扒餐，我選了一個雜扒餐配以薯菜。扒餐的賣相不錯，可是份量較少，只有雞扒是真扒，其他的都是火腿扒和煙肉。雖然份量少，但有餐湯等彌補不足。燒汁方面味道不會過咸，薯條新鮮炸起，沙律較份量較少。相反，小編眼見其他顧客選的焗飯或炒意粉相對份量較多，下次可以一試，整體而言，是較為便宜而且裝潢也是可以的

偶然都會經過呢間西餐廳，其實門面都唔錯架店裡面夠黑，夠氣氛，夜晚就立即感覺似高級西餐廳事隔多時，終於第一次踏入餐廳，與其講佢係一間西餐廳，我覺得似一間茶餐廳，有啲嘈，服務有啲求其，但唔叫差，美其名就叫friendly，似金鳳高級版午餐包個湯，向來都揀白湯，但餐包都無跟一個嘅叫左個芝士焗黑椒牛筋腩飯，新鮮焗出黎真係熱辣辣，好香。最鍾意佢個黑椒汁，帶點辣，又係好似金鳳果啲鐵板黑椒汁囉。至於牛筋腩份量都算合理，不過亦比較細碎，對於2啖飯1啖餸黎講，都唔成問題，筋腩都煮得好淋，幾好食嘅最後就係餐茶，亦不作介紹喇埋單$55，其實真係抵架但可能我本身都唔係呢頭活躍，而呢頭尚有好多值得發掘嘅餐廳，所以再幫襯嘅機會又不大囉。。。。。

一連三天聖誕假，出去走走逛逛，又到下午茶時間，荃灣曹公坊 「 巷仔冰室」，簡單裝潢，坐得舒服下午茶有：意粉、飯、扒類、沙津、三文治、、等等，奉送熱飲5:30 前有午餐供應，包湯及熱飲蒜香焗牛扒意粉 $62鋪上芝士焗，香噴噴，牛扒肉嫩，切成細塊，方便食香煎龍利柳配忌廉汁香煎魚柳夠嫩滑creamy 忌廉汁，香滑溜伴沙律菜，爽脆口感奉送紅/白湯羅宋湯：西芹、洋蔥、牛腩、紅蘿蔔餐飲： 熱口立克 …. 香甜吃飽飽下次再嚟 ，bye

尋晚行過香車街街市，先發現呢頭咁多野食，但由於我地太攰同肚餓，於是見到巷仔冰室入面環境唔錯，價格親民，就衝入去試吓😂❣️美國西冷牛扒（配薯菜）$108份量都大塊同厚身，切開肉呈粉紅色，剛好係想要既七成熟👍🏻 肉質有口感，但味道似有微微醃過…❣️澳洲穀飼牛柳+法國鵝肝 $108牛柳比想像中細塊，但肉質軟腍，熟度都係剛剛好！配埋煎香既鵝肝，正👍🏻👍🏻下次要試下附近既人氣店先😜====================推介度：4/5CP值：3.5/5 (老公話佢塊牛柳太細，要扣少少分😂）好味指數：4/5====================

行過見到面門幾好的西餐廳入去鋸個扒🥩先叫咗一個黑牛、一個白牛當我見到有呢啲嘢嘅時候，我意識得到呢間係一間港式西餐廳🍴Tiramisu 一般迷利大阪燒配紅酒牛肉飯個紅酒牛肉飯都幾好味黑松露雞翼炸粉厚左小小，但黑松露味係有嘅另加一個晚餐（牛扒🥩）先黎一個白湯（磨菇湯🫕）主角 牛扒🥩薯條幾好而牛扒有落粉去醃，太散如果唔落應該會更好，因為牛肉飯個牛肉係得的。希望會有改善

抵食茶餐廳 不過服務質素好改善😢自家製手打漢堡熔岩蛋包飯 $78手打漢堡有三件，雖然唔係大大件，但係肉質都好食，好厚！自家製調味都做得唔錯，唔係啲普通雪藏肉🥰加上唔會好鹹，好日式漢堡扒嗰種❤️☺️蛋包飯雖然熔岩有咁誇張，但係都做得唔錯，蛋好滑配合肉好好食！$78呢個價錢都合理！不過值得一提係，其實已經唔係第一次食，都算係常客，服務質素唔可以話欠佳，但係職員嘅態度感覺唔係太良好。🥲雖然冇呼呼喝喝，但係員工大部份都係後生仔女成日都傾偈，服務可以改善⋯

巷仔冰室 @荃灣區今日冇帶飯，於是就喺荃灣附近叫咗外賣😎😎🥰佢哋嘅選擇真係好多炒飯炒麵焗飯焗意粉鋸扒乜都有！就比佢哋呢一款吸引咗！⭕️日式燒雞粟粉炒飯⭕️飯量非常之足夠，就算男仔都會飽嘅份量！而且係醬油日式炒味嘅炒飯，粟米🌽粒粒飲大喇可以還一啖飯點都會食多幾粒粟米🌽甜甜的！同埋有洋蔥🧅！炒飯亦都粒粒分明！！而佢哋嘅燒雞 🐔🐔都好入味好滑🤤🤤Cp 值好高既外賣呀🥰🥳下次再食其他唔同嘅嘢！

這個隱沒於街市內的高級茶餐廳，一直都其門如市，很受荃灣街坊歡迎，包括我。這個凱撒沙律底味道不錯，沙律醬夠均勻，㕑房有用過心思、時間去做，菜切得小小的，讓食客容易進食，更值得欣賞的是，一個茶餐廳，連沙律也別出心裁去用茄汁在盤上寫個字，真的佩服 得五體投地。 只是雞扒煎得有點焦，扣了點分，但味道還可。焗豬扒飯一般而已，那塊豬扒確實是厚切，不過不夠嫩滑，有點柴，味道整體跟大快樂沒什麼分別，合格，但普通了點兒！

今次同屋企人，第二次再幫襯呢間巷仔，第一次時已經想寫食評，但無影相，上次叫左個all day breakfast 同西冷扒午餐，真係好抵食又好味。今次再次光顧，叫左西西里雞扒意粉（唔記得全名）同雜扒意粉，兩者整體都好食，不過想講切扒既刀真係要換，完全係切唔到野同雜扒上的腸仔煮得太耐，腸不成腸，百花盛放，呢個真係失望其他扒，肉類基本質素不錯不過我好喜歡呢到既意粉，夠味夠酸夠甜，又滑有口感，好有兒時既味道，如經荃灣一定會再幫襯試多其他食物

肚餓的滋味真的不好，可能中午只食了一碗菜，一杯咖啡，然後出發荃灣 ... 健身中心 運動運動，梳洗一吓便離開，越嚟越餓，碰巧家人來電，近近哋，就去 「巷仔冰室」🍴環境👌坐得舒服坐下來 睇睇餐牌，有意粉、三文治、飯、沙律等等 ...。馬上落單😀香煎龍利配忌廉汁 $48濃郁汁，魚柳煎得香，嫩滑肉噢！意粉有d 碎，太淋餐湯： 羅宋湯，酸酸開胃，個人特愛紐西蘭特選西冷牛扒配黑椒汁厚厚肉，算是大塊，仍有少量健康沙律菜呀！辣辣汁，忘記自己不吃辣的應該改其它味啊餐飲：熱好立克 😋

小食拼盤有洋蔥圈，芝士條，薯角，煙肉，煙熏三文魚，炸魷魚🦑。數量都幾多，夠3-4人食。豬肉眼扒餐，有餐飲同湯茄汁意粉🍝好似大家樂嗰啲咁，個味不係高級feel。但係上面嗰舊肉有小小驚喜。值得一試。隔離放咗蕃茄汁係俾你點肉食，同本身茄汁意粉嗰啲茄汁味🍅都唔同高級好多嘅感覺。就好似罐頭茄汁同埋味精茄汁咁飲品方面叫咗意大利雪糕咖啡，如果要叫雪糕類嘅飲品千祈唔好咁早叫。一定要食完先至好叫，因為個雪糕好快就會融。所謂意大利雪糕其實都只係好味啲嘅雲呢拿雪糕。佢個環境都唔錯，好似Cafe咁。另外有+1服務費