湊湊火鍋‧茶憩 (家樂坊)

Open Now

Now Closed

湊湊火鍋是我一直bookmark想食的火鍋店，今次終於相約到朋友一齊食生日飯慶祝，今次選擇了旺角的家樂坊分店，店內裝潢甚具氣派充滿古典風，屬中高檔路線，環境舒適，這裡除了是一間火鍋店之外，更是一間茶飲店✨火鍋自助區除了火鍋醬料，還有前菜、炸地瓜球、時令水果和台式肉燥飯都可以任食✨麻辣鴛鴦鍋底（酸菜白肉湯底 + 台式麻辣鍋）酸菜白肉鍋酸菜可無限續加，配薄切五花腩；台式麻辣鍋底口味都偏向台灣風，鴨血軟嫩多汁，鴨血和豆腐可以無限續加，甚至打包帶回家都可以，完全貼近台灣做法✨日本A4和牛三角胸小排呈網狀的油花清晰，比例分佈均勻，肉質軟嫩，肉味濃郁✨企鵝丸用墨魚漿製成的企鵝丸，除咗造型可愛，味道鮮甜，口感彈牙有驚喜，玩得睇得又食得✨原隻鮮魷魚魷魚夠新鮮，味道鮮甜，肉質爽口有彈性✨爽口牛黃喉第一次食牛黃喉，夾起時比較軟腍，但煮熟後口感變得爽脆，非常特別✨鮮活豆苗豆苗新鮮，吃起來就是清新爽口✨肉肉蛋糕生日飯要有儀式感怎能沒有蛋糕呢，由美國特選級牛肉製成的肉肉蛋糕更是充滿驚喜，誠意度十足；湊湊字樣入面包著的是大大粒爽口彈牙的章魚，又有另一番驚喜✨飲品我們點了桔香冬瓜茶和香梅綠茶，雖然甜度固定無法調整，

前幾日生日見到啲食評幾好book左間台灣打邊爐，用餐體驗同埋食物質素都真係幾好👍值得一提佢果啲台灣小食都幾好食，肉燥飯啲肉吾係瘦肉而係有肥肥地脂肪嗰隻🤤仲有呢啲裙帶菜入面個魚皮好似平時食緊海蜇咁好爽口湯底酸菜白肉加麻辣湯魷魚新鮮彈牙爽口呢個上菜方式相當特別😂好似自己做緊農夫咁係度收割，有得食有得玩😂到咗壓軸重頭戲～牛😮‍💨上面呢款日本和牛三角胸小排正到🫣 油脂分布啱啱好入口即溶，加埋個麻辣味真係舒服啲😌另外食牛喉又係爽，脆卜卜食完一舊忍唔住再食👍呢個係舖頭俾我既小驚喜🤭牛肉山企鵝丸好得意差啲唔忍心食佢😂呢個其實係墨丸嚟，q彈爽口鋪頭都好貼心，最後俾個清清地嘅甜品同埋沙冰俾你解膩🤭

今日嚟到旺角打邊爐，試咗呢一間好出名嘅台式火鍋店！😆座位好闊落，坐得好舒服醬料區都好多選擇，仲要有啲涼拌小食可以任食！非常開胃👍🏻隔離仲有得拎生果我哋叫咗呢個台式招牌麻辣湯底拼酸菜白肉湯。麻辣湯底好香，唔食得辣嘅朋友表示都接受到，不過會越食越辣🤣食得辣嘅，我就表示非常滿意！酸菜白肉湯比想像中好食‼️一開始又微微嘅酸味，最後有啲豬肉嘅甜味，攞嚟烚咩都好好食，又唔會太搶食材嘅原味今日本身諗住順便幫朋友補祝生日，於是叫咗呢個儀式感滿滿嘅肉肉蛋糕😋唔止好睇，仲好好食！蛋糕上面嘅福袋都有驚喜‼️入邊竟然有隻八爪魚腳🤣名副其實嘅福袋😂嚟慶祝生日，梗係要食好啲啦🤭我哋叫咗個日本和牛三角胸小排，入口即溶☺️鮮魷魚都非常之新鮮彈牙！個人覺得魷魚落麻辣湯最好食😆朋友第一次食黃喉，口感好爽脆嚟到湊湊必試企鵝丸！打卡一流之餘都好好食㗎～味道就係冇墨魚粒嘅墨丸，對我嚟講就唔驚會痴牙，所以我幾鍾意😙呢個鮮活豆苗真係冇違反商品說明條例😂真係原棵俾你剪落嚟，自己收成嘅感覺好特別😂嚟到呢度梗係唔少得飲手搖飲品啦！我嗌咗杯荔枝QQ綠茶，朋友嗌咗杯珍珠奶茶。荔枝綠茶冇得選擇甜度，但佢嘅尾韻好重綠茶味，所以唔使擔心太甜！最後仲送咗

湊湊五週年生日優惠！預早訂枱就送肉肉蛋糕⼀齊慶祝仲可以用優惠價換領日本A4和牛三角胸小排！啱晒我個食肉獸壽星！家樂坊嘅湊湊火鍋。茶憩用左台灣常見嘅機車做裝飾又有不少廂座位相當有隱私中間有自助調料吧同小食有香辣魚皮同水果仲有我最鐘意嘅炸地瓜球同肉燥飯！湯底我地揀左台式招牌鍋同酸菜白肉湯有得無限續鴨血豆腐😍😍😍本身窩底已有無少湯料相當抵食👍日本和牛三角胸小排絕對無因為優惠而細份左或轉左其他質素啲油花靚到！而且入口無得呃又香又軟滑😍😍😍肉肉蛋糕呢個又係抵雖然免費但肉質仍然都好好份量足夠用黎慶祝好開心！企鵝丸造型好可愛！原來係彈牙魚蛋鮮活豆苗呢個仲上埋較剪俾我自行收割😂但後來職員見我整得狼狽主動話可以幫我處理👍出黎仲已經靚靚擺好湊湊仲有正宗台式茶飲雲朵絲絨大紅袍大紅袍香濃馥郁配上如雲朵輕軟嘅鹹香奶蓋更是香滑最後店員送上菠蘿沙冰同紅豆豆腐花為美味作結

在家樂坊引入了一人一鍋。現在還有買一送一優惠真的經濟，每人只需 一佰多元便可享用肉一盒及任食火鍋配料，菜蔬及甜品。物有所值！快去試試看，優惠好快完啊…不要錯過了機會呀…

喺呢度打過兩次lunch邊爐，覺得冇乜特別。今次我叫呢個係辣湯，再加左$39叫呢一個花膠湯。食完之後我淨係知我真係好口渴，係食咗味精果種口乾。啲餸都冇乜特別，啲肉又唔係特別好食。我得最好食嘅係個油炸鬼，同埋一個芝士魚餅。唔知點解啲醬汁冇炸蒜揀，得新鮮嘅蒜蓉。佢有得白飯，同埋個飯煲有肉燥汁，果肉燥汁好多油，但係好好食。我不嘅時候得返最底癡晒底嗰層飯，但係因為佢冇第二鍋飯，所以我格硬照不，但係諗返起都有啲核突。食兩次都冇乜特別嘅火鍋，就真係好普通。咁我寧願食返佢啲lunch set。我唯一最鍾意就係飲呢一度嘅熱燕麥奶茶+$4再加多啲燕麥😂🤣

嚟湊湊火鍋真係太正啦！我哋叫咗三種湯底：清涼椰子雞、胡椒豬肚雞同老四川風味麻辣。清涼椰子雞湯底清香爽口，帶嚟一陣涼意，非常清甜！胡椒豬肚雞湯底濃郁香濃，令人回味無窮，就咁飲都好 好飲。而老四川風味麻辣湯底辣味夠勁夠香，食完仲有啲麻感。火鍋湯底嘅選擇真係多元，枱上每個人都可以揀到自己鍾意嘅口味！打邊爐嘅餸菜亦都非常豐富。海鮮新鮮彈牙，可以嚟一啖鮮味！牛肉精緻嫩滑，入口即化，真係嘆到好賞心悅目。豬肉嘅肥瘦相間，肉質鮮美多汁，營養均衡。每樣餸菜都有佢獨特嘅風味，真係一次滿足所有肉食愛好者嘅盛宴！而它的飲品也是賣點之一，我叫了水蜜桃綠茶QQ。真的令人驚喜～ 不太甜又爽口。配打邊爐感覺好fit。

晚餐尼打邊爐叫咗二人套餐，鴛鴦鍋揀咗台式麻辣鍋+花膠雞鍋。麻辣鍋都唔錯，唔太辣，大部分人都可接受。花膠雞鍋膠質都幾重，但無乜味道。火鍋丸打卡必選企鵝丸，不過食落就係普通的墨魚丸。二人套餐總括尼講都夠食，吧枱重有自助小食、水果等，不過當晚去都幾多人，好多食物都俾人清空咗，亦都無再refill返。火鍋食完後店員會送上兩小杯沙冰飲品，非常解膩。另外亦嗌咗2杯奶茶，賣單差不多一千，食物無太大驚喜，價錢感覺偏貴呢。

整體環境 氣氛 令人覺得坐得舒服寬敞 今日一家 選擇了一個二人餐 另外追加 烏雞片 蝦滑 冰豆腐 萵筍， 食物質素 還算唔錯 每位 另計19蚊 醬料茶芥 生果吧， 可能店舖位於旺角 相對新世紀分店 人流較多， 今次大約七點三，冇訂位 亦唔需要等候， 唯一美中不足 甜品送雪條， 只有椰子味 同奇異果味（ 味道冇得選擇）， 由於 一家三口一兩個 都喜愛椰子味， 店員查詢後， 回覆冇得選擇味道， 呢樣最靈本人不快， 難怪大部分人， 都選擇於今日 星期六北上消費🙄 咁基本都冇得客人選擇， 最值得一讚 就係大紅袍珍珠奶茶，最好味， 是日一家三口共消費$1160

最喜歡的台式火鍋店之一胡椒豬肚雞湯必吃之選濃濃的胡椒湯，令人一吃再吃吃過一次後每次來都一定會點大部分人到湊湊一定會點可以無限任吃的麻辣豆腐鴨血湯，但我非常推介大家點胡椒豬肚雞湯，是由台灣直送的，湯頭足，加上滿滿的豬肚和肥美，嫩滑的雞肉、真蠞令人食慾大增再加上紋理充足的安格斯牛肩肉，一餐美美的火鍋餐真的令人滿足再點一個新鮮手打蝦滑最尾加一個冬粉收尾，簡直是一個滿足感十足的晚餐不夠的你仲可以去小食吧拿涼拌魚皮和海帶，香辣，單牙。再來一碗香味十足的足料鹵肉飯來杯手搖杯，再來粒香炸芋圓。滿足的一餐適合三五知記一齊聚聚家樂坊分店人不多，地點又方便現在在其店做問卷仲有玫瑰花豚肉送添呀十分讚

本身book左7點開始食未入去已提醒只有2小時用餐時間一坐落去即想哎湯底揮左手15分鐘都冇人理最後自己行岀去揾人落湯底等左30分鐘之後哎左嘅小菜都上齊唯獨仲未見個湯底同埋野飲幫手落單個職員先行岀黎話哎左咩湯底其實漏單咪直接講識計我地2個鐘食飯時間點解唔扣翻自己做漏野搞到我地等咁耐都未有得食最後8點15先可以開始食去到8點50分左右就開始催我地埋單9點未到就係咁行埋黎催我地走見啲職員都會邀請客人比意見唯獨冇揾我地睇怕都知自己態度又差 做野又做漏驚我地投訴最後食左$2000唔記得食左咩淨知食完成肚氣

湊湊火煱，聽得多，真係第一次幫襯。末入去，第一個感覺係，好似無乜伙記咁，係咪無生意？等左好耐都無人serve。咁啱有個出黎去洗手間，咁先問到嘢同入到座。因為係lunch time，所以人流真的少。叫左個2人餐，三百蚊唔駛，再另加左個企鵝墨魚丸。餐包左2款肉類，黑毛豬，同豚肉，仲有菜丸一堆仔，主食有烏冬，粉絲或者油炸鬼，我地點左油炸鬼，因為另2款應該比較普通。湯底 一個叫左菇湯底唔駛加錢，另一個汝左花膠湯底加$38，因為真係一個湯，店員汝你先飲左湯，跟住加清湯再打邊爐，而喝個湯，都又清得黎又膠質，咪當飲個湯囉，38蚊抵呀！而企鵝，佢可以企係鴛鴦鍋中間，幾得意，仲要好食，加58，定59蚊，值得。總結，400零蚊，呢個質素，夜晚可能貴一賠，lunch可以一試。

我們今天去了一家名為「湊湊火鍋」的餐廳，它以其舒適的環境和優質的食物而聞名，經常排長隊。很幸運的是，這次我們不用等位就能入座，入座後立刻有服務員給我們上了一杯香濃的正山紅茶，。在湊湊火鍋，他們提供各種湯底選擇，我們這次選擇了鴛鴦鍋。鴛鴦鍋分為兩半，一半是臺式麻辣鍋，另一半是番茄牛膝骨鍋。臺式麻辣鍋的湯底麻辣可口，可以無限添加新鮮的鴨血和豆腐。番茄牛膝骨鍋的番茄味道濃郁，牛膝骨份量十足，口感極佳。每位本身已加優惠自助，可以到自助區選取台式小吃、滷肉飯和水果。除此之外，我們還點了三道菜。小章魚福袋裡有一粒小章魚，福袋吸滿湯汁，口感十分軟綿。精選羔羊肉完全沒有羊膻味，而美國特選級牛肩胛肉眼則切成了大片的薄片，牛肉味道濃郁。最後，服務員給我們送上了一杯菠蘿沙冰，這款涼爽的甜品幫助我們解辣，並且還送了一份甜品蜜桃大紅袍茶凍。雖然是免費提供的，但質量非常出色，甜而不膩。總的來說，湊湊火鍋以其舒適的環境和高質量的食物而聞名，這次的用餐體驗也不例外。我們在這裡度過了一個愉快的晚上，品嚐了美味的湯底、特色菜。無論是火鍋的品質還是服務的態度都令我們滿意。

已經第二次幫襯湊湊今次帶埋岩岩1歲多D的BB一齊去試下打邊爐先本身無訂座我walk in入去, 星期日都唔算多人餐廳好好, 知道我有BB就安排我坐最入的一個窗口位位置自成一角, 唔駛怕BB嘈住人地, 我地又可以睇實BB餐廳主動安排BB椅, 仲幫我地用濕紙巾抹乾淨添, 抵讚我地2大1小叫左個套餐食 仲可以任加鴨血同埋豆腐正呀 溫馨提示, 鴨血同豆腐打以打包架個套餐唔記得叫咩名, 但份量大, 我地仲食到好飽仲可以分少少俾BB食添另外要讚的係, 個花膠湯真係好足料有齊花膠雞肉粒, 薏米, 仲要好濃郁好膠, 好好飲呀BB食D雞粒都食到黏黏脷下次都會再幫襯

先講少少自己感受，我一諗唔到食咩 就會open rice有咩好食推薦餐廳，負評嘅餐廳都要寫食評 感覺有點浪費我時間。一開始都唔諗住寫食評，但越來越離譜⋯荃灣湊湊食過三次，每次我都滿分好評，原因係服務好，野食好食，性價比高。正常人心態，當然係覺得好先會再幫襯。琴晚9點幾10點，系旺角….好多餐廳都準備打烊，正當諗唔到食咩，就諗起家樂坊有間湊湊，因為幫襯開荃灣都好高評價，就諗住分店都一樣去到門口，企左唔夠五分鐘，aaa行出來，好有禮貌咁問我幾位，話10點有7折，叫我入去坐，等夠鐘。感覺佢好有親和力，個人好nice，舖頭裝修幾靚，好台灣feel，衣間野都唔差咁等到夠鐘行入去，就見到bbb，爆緊粗咁鬧緊人o_o個下個feel….即刻心諗咩事坐低左之後，好快就有人上茶，我就落埋湯底，大概等多15分鐘就有….到衣個moment都尚算滿意嘅，誰不知….問題就陸陸續續咁泥了因為太夜唔想飲茶，問bbb攞杯水，佢一去無回頭，咁叫第個啦…. 等左勁耐-.- 先有都算，杯水勁水喉水味，荃灣會比煲過嘅熱水架…. 即刻覺得有落差上菜速度一般，但食物明顯唔新鮮，連湯底都唔好食-x-我叫左麻辣鍋，可以免費無限追加鴨血