湊湊火鍋‧茶憩 (圍方)

Open Now

Now Closed

第一次經過圍方就入咗嚟呢間餐廳，成間餐廳既感覺好舒服，而且食物質素好，環境好，工作人員態度熱誠，欣賞店舖當日做緊優惠，免費送我12塊牛板鍵，好開心！呢間餐廳值得一試！

每次食飯都必揀打邊爐，早一日book定位，基本到已經可以入座，環境舒適，食物唔錯，每次必點花膠雞，飲完湯先再打邊爐，個湯好足料，食材都好新鮮，前菜同肉燥飯都好好味，🐢🍯都話下次再嚟

經OpenRice book位，一去到就有位。今日個帶位哥哥好好人，入座仲有得送牛板腱，正！啲座位好闊落又乾淨，有齊乾濕紙巾，仲有圍裙包住包保唔會食到污糟邋遢。叫咗個二人餐，唔使醬料費，啲肉嘅份量都幾多，兩個人都食唔晒，仲有鴨血任加，白飯任裝，生果任食。滿足的一餐。

今天和朋友來火锅聚餐,點了椰子雞和台式麻辣锅，麻辣鍋可以任加鴨血豆腐，鸭血好好吃🤤😍😍😍😍同朋友來吃真的很開心好滿足！❤️❤️❤️❤️❤️❤️❤️❤️❤️

收工去車公廟拜拜，拜拜完當然要醫肚啦呢次去到湊湊，都一定要叫佢個花膠雞湯，我好鍾意飲佢個花膠雞湯，好飲之餘又夠滋潤，而且好足料，可以食多兩件花膠養顏。今次叫咗鴛鴦鍋，另外嗰個係椰子雞，我試咗一事，清甜有椰子味，都幾唔錯，又夠清，唔會「漏」。我今次叫嘅係二人餐，包咗兩款唔同嘅牛肉，仲有企鵝丸等等。牛小排唔錯，都算幾嫩，我用椰子雞湯碌牛，舊牛肉仲可以食到有椰子嘅清甜味，好企鵝丸唔似出邊嘅魚蛋咁，仲食到海鮮嘅鮮甜味喺出邊調料吧可以攞嘅西瓜起晒沙，好甜小食夠惹味，最好嘅係佢會送一細杯菠蘿沙冰，可以解膩

最愛火鍋之一，必點：椰子雞+台式麻辣湯店員都積極幫手，態度良好環境一流，燈光好有氣氛，座位非常闊落，值得一讚，如果拍拖同朋友食飯都非常推薦，食物質素非常高，尤其是牛肉，椰子雞湯底非常清甜😋😋😋，雞肉也十分嫩滑，物有所值！👍🏻👍🏻👍🏻一如以往嘅食物質素穩定又好味。每次都要去食佢個企鵝丸同埋麻辣湯底無限食豬紅豆腐。仲有佢個滷肉飯同埋前菜，每次都食得飽飽。😃會送上沙冰shoot給清清味蕾，也會每人一份茶涷，很貼心。這裡適合女士，大伙兒聚會。

呢個開左都有一段時間, 成日都見到好多人, 呢日見冇人排隊就試試佢!湯底揀左麻辣鍋$138 +花膠雞鍋$138, 花膠雞鍋勁濃郁, 個湯仲可以飲嫁！超級綿，仲有好多魚肚同雞粒係入面，超養顏！各位男士女士都適合飲呀！麻辣鍋都勁好味，少少麻同辣，但重點係叫呢個湯底可以任加豆腐同鴨血， 鐘意食既朋友不彷試一試！豆腐同鴨血店員已經預先煮好左，勁入味，當你要既時候，就添落你個鍋度，唔洗等，即刻食得，勁正！1. 蝦丸$59呢個好好食呀, 鐘意食蝦既朋友係必食之選!! 真係食到蝦肉係入面, 超彈牙之餘, 都好有蝦味, 勁鐘意!!!2. 美國特選級牛板腱$138價錢唔算貴, 但份量唔少, 食材算幾新鮮, 牛板腱唔會肥, 脂肪少, 肉質又唔會韌, keep fit人士之選!!3. 牛柏葉$68呢個份量都幾多，不過落左鍋之後都縮得幾勁，但都爽口既，值得一食！(以上價錢未計加一服務費)埋單之前，仲有每人一杯小沙冰同茶味果凍送，個果凍真心好味！鐘意茶味product既朋友，就算好飽都要試埋佢呀！

🌱環境服務大圍分店的座位以卡位為主，私隱度高，啱晒成班朋友吹水慢慢打邊爐。座位設有USB hub，方便叉電，好貼心嘅設計。至於服務，店舖人手充足，店員不時幫我哋加湯底，尚算細心。🥘台式麻辣湯、蕃茄牛膝湯台式冇四川麻辣咁辣，鍋底里面有壽喜菇、鴨血、鹵豆腐。如果鍾意食辣嘅朋友，建議點川味麻辣火鍋湯底（P.S. 鴨血同鹵豆腐係無限添加😌)蕃茄鍋比較偏甜，裏面有兩嚿大牛膝，一大堆蕃茄。🥘牛小排、牛肩胛Menu寫明係用USDA choice grade嘅牛肉，有一定質素，牛肉味重👍🏻🥘南非活鮑魚鮑魚採用南非鮑，雖然上碟時已經唔活，但食落仍然都好新鮮！🥘企鵝丸（墨魚漿制）其實係墨魚丸，但個人覺得口味一般偏甜，不過玩味十足，啱晒打卡用🐧🥘萵筍套餐只有兩種菜，同行小夥伴因為唔食皇帝菜，所以選擇萵筍，正常嘢🥘香鹵大腸（追加）唔算好肥，但份量偏少。如果喜歡食內臟嘅朋友，可以一試🥘前菜小食前菜有魚皮同埋麻辣香菇，味道唔錯，魚皮爽口，香菇入味。🥘水果喺自助醬料枱拎嘅西瓜同哈密瓜，好清甜🥘啫喱、沙冰食完麻辣鍋，飲番杯菠蘿蜜桃沙冰真係好爽😌至於啫喱，有桂花和柚子味，酸酸甜甜。

4 人午巿套餐 - 636同朋友 下午茶時間走左去湊湊食火鍋.   其實在深圳有食開呢間火鍋.  但就未試過在 HK 食.  今次是第一次叫了一個 4人午巿餐,   兩大兩小吃,   足夠有餘胡椒豬肚湯, 味道濃厚, 會一口一口地飲下去, 跟餐的肉質, 還可. 唔差.  可以自行到中央位置自調調味料, 還有水果, 米飯供應 .這裏店員服務也很好,  每樣事都跟得很足還會送上沙冰及甜點 ,  雖然會比內地價錢貴一點,   但未必成日有時間到內地用餐, 這樣也是一個好選擇.  

讚飲品，彈服務！將兩次茶米茶嘅光顧合併寫。算係湊湊粉，耐唔耐都會幫襯k11 musea同圍方分店，尤其天冷嘅時候，邊爐嘅食物同賣相都唔錯，茶飲又掂！今次想講佢嘅茶飲外賣店--圍方嘅茶米茶。首先力推一襲紅袍，茶底好香醇回甘，超級好味！如果打開邊爐堂食嘅話會加埋雲朵，即係芝士奶蓋，好香好滑，但外賣嘅話，我就冇叫過奶蓋喇，因為見外賣杯封咗頂，冇得直接飲到奶蓋，所以留返堂食時先叫奶蓋。戴返個頭盔先，我唔知外賣有冇另一款揭到蓋嘅外賣杯。如有，不妨試埋佢個奶蓋，真係掂嘅！係時候彈喇，近呢個星期買過兩次外賣，兩次都遇到女店員，一高一矮。高嗰個正常嘅；矮嗰個態度好差，黑晒面食咗火藥咁，眼神唔友善、語氣又堀。仲要係平日嚟，眼見就唔繁忙，唔知咁燥做乜！其實order杯飲品啫，根本唔會有咩交談，完全冇得罪佢大小姐，返工仲要服務行業，唔使妳笑晒口，正正常常已經收貨啦！香港餐飲業唔掂，真係多得呢種人嘅差劣態度！

我之前都係去銅鑼灣同尖沙咀湊湊，雖然價錢貴但好食都覺得冇問題，今次貪近去左大圍，嘩，好唔掂。毛肚又唔爽，牛肉又唔掂，湯底又求祈，連貢丸都難食，如果佢地全部舖都係咁，真係以後都唔洗去。

因為黑雨，同朋友可以早啲見面。揀咗去圍方打邊爐前菜魚皮好正！食到停唔到口，不停出去攞。食到唔記得影相 😂😂三個人，叫咗二人餐再加少少其他嘢。鍋底要咗麻辣拼椰子雞。麻辣鍋嘅鴨血同豆腐可以無限添加。肉類質素不錯。朋友嘅大紅袍奶茶好好飲，好香茶味。兩個鐘限時，食到好飽，竟然唔記得去拎生果食。#pandaskitchen #pandafoodhk #taiwai #thewai #大圍 #大圍美食 #圍方 #湊湊火鍋 #大紅袍奶茶

这家餐厅的环境很好，非常干净整洁。食品不仅外形美观，zui重要的是味道还非常棒，色味俱佳，做法简直yi流，保留了食材原有的味道。而且服务态度也很好，就是让人赏心悦目的感觉。小吃菜品丰富台式麻辣锅料底丰富，鲜香麻辣。有很多蘑菇海鲜菇鸡腿菇还有红枣，鸭血豆腐还可以免费续。 小吃除了鱼皮海带外，还有凉拌蘑菇也很不错。 水果有西瓜和哈密瓜，新鲜爽口。 服务态度好，非常耐心。 出门右手边就是洗手间，非常近非常便利。

環境優雅，舒適，套餐款式選擇很多，會下次再來，地點位置方便，給人不一樣的體驗，員工態度友善，很耐心講解每一款湯底的特色，推介合適的套餐或者單點，從進店到底低，令到人有一種與別不同的觀感，果然無揀錯，期望下次跟其他朋友再嚟，試多啲唔同口味

同屋企人第二次嚟。地點方便，係圍方，大圍地鐵站。工作人員服務態度好，有耐性解答問題等多一陣，好快就有得入座 環境乾淨企理，自助吧拎嘢食好清晰。唔係任食火鍋 不過單點嘅嘢食全部都價錢合理海鮮會比較貴 。。。叫套餐就唔使煩，不過只會得蝦同鮑魚揀上菜速度好快，叫完唔夠10分鐘就已經上菜嘢食既質素對得起價錢 店入邊有一間台式飲品，自家製，味道中規中矩，唔算太突出，價錢亦都唔係特別貴，可以考慮試吓會再嚟幫襯👍👍👍