彩軒園林茶館

Open Now

Now Closed

N年前嚟呢個位，記得有間叫「公路名」茶座，真係太耐無嚟，原來已經⋯⋯咁都好彩仲有一間～彩軒園林茶館（泰菜）。叫咗一個下午茶～冬陰功扎肉湯粉 泰式蝦醬炒飯 凍啡凍茶 餐前小食（當然不是免費）抱歉今次除咗炒飯，其他都食咗至影相筆咗一碗仔至影相，其實無乜特別，係多幾塊扎肉，入面仲有啲「菰」，冬陰功湯粉，最主要都係個湯～個湯夠辣，但係酸得滯～一般。泰式蝦醬炒飯～呢個炒飯反而有啲驚喜，真係水準之上，乾身夠鑊氣好味，旁邊有啲蝦米仔同臘腸，但食食吓，諗返個名～唔係好覺有蝦醬味😂,點都好，個炒飯真係唔錯。最後餐前小食，其實張相已經食咗九成，本來係滿滿的，點解最後至講，因為「植入式」硬食$22。咁當然咁嘅環境底下，都無可厚非，但個下午茶凍飲加$10，總數再加一，加下加下都幾係😅。回頭度：5/10係因為佢個環境，同免費泊車，所以仲可以一去，因為呢啲公路旁嘅「食肆」真係好難搵，同埋經營都唔係容易。

最近去左天空之鏡打咭附近行下 吸收下大自然空氣行到咁上下覺得肚餓就去左附近食野一向都知西沙公路有啲露天餐廳但因為遠所以未去到所以的起心肝去天空之鏡打咭順便去食下野於是我地就憑直角入去去呢間餐廳咁就叫左個菜、薄餅、燒魚同蝦餅個菜味道吾差條鹽局燒魚吾乾 有小小汁薄餅夠薄好好味 食完一塊就想食第二塊但記住一定要趁熱食蝦餅夠哂彈牙 夏日炎炎再加個椰青價錢方面我覺得都吾算貴可以接受建議放假可以入去打下咭再去埋食野都幾正咁就又一日👍🏻

大家去得西沙，唔好以為浄係得一個茶座，其實隔離有呢個「彩軒園林茶館」，都有泰國菜食架!!通常入得黎都係揸車，隔離個個西沙茶座拍車好麻煩，少地方拍，唔係平地，所以一定要放低車鎖佢幫你拍，又唔知拍邊，一陣花哂你根本冇得嘈，所以如果係貴車你敢唔敢？！西沙拍車d人又串串貢，搞到我未食已一肚氣調頭去「彩軒園林茶館」。所以我最後揀呢度「彩軒園林茶館」，拍車個地已修建過，自己拍，有哂車位。環境又好啲，座位又好坐啲，食物港式或泰菜都有（隔離西沙又唔係特別好食，唔係非食佢不可）。係「彩軒」叫左1. 蝦餅好脆2. 菠蘿炒飯都好味3. 咖哩牛腩好淋，不過咖哩味唔太濃4. 薄餅好味

去完泥涌黎到食個下午茶，點知中伏，一坐低侍應就送上蝦片，盛惠18大元。睇埋餐牌發現叫凍飲要加10蚊，埋單仲要再加一。最後叫左個公司三文治加凍檸水，要107蚊……野食味道普普通通，一般茶記水準。我都係如實反映食後感，點解openrice會唔批核呢？唔通openrice收左呢間餐廳錢唔可以俾負評？你地既做法非常配合香港未來發展，唔啱聽就滅聲，龍門任你擺。

整整一年未有來，今日再來有午餐可供選擇，午餐不設加一，但另叫的有加一！價錢也公道。但駕車者要留意入其車場的入口，以往在正門的入囗已封，要在旁一小路入後才左轉入停車埸。今日二人叫了一午餐海南鷄飯，另叫馬拉盞通菜，沙爹串燒4串，炭燒魷魚！味道都可口，㕑師也不因疫情而馬虎！環境幽靜，只可惜前面馬路正做工程，塵土會多一点，但不失是－悠閒午茶進餐地方！

假日喜歡遠離喧鬧，悠然寧靜地享受午餐而且近排天氣涼涼的，坐室外就最正餐廳門口有停車場🅿️非常方便豬肉生菜包：酸辣味啱啱好泰式大蝦炒金邊，菠蘿炒飯，炭燒豬頸肉全部都大份量推介甜品拼盤，款款都好味，尤其係芒果糯米飯😋

今日晚上在這裏吃晚餐，我覺得這裏的食物 十分之好味 。有泰國的好味，有香港的好味， 環境十分優美， 清靜 。服務十分之有泰國的風味， 很開心食物好大件以及好抵食！大家快d黎試下啦！

哩間餐廳幾特別既係你坐低都會放低蝦片比你食仲要幾好食添因為下午茶時間，朋友叫左個西多唔特別多講個西多，因為我覺得佢夠熱同正正常常，但唔多脆同平日d茶餐廳差唔多到哩個冬陰公湯粉同珍多冰個湯底比較酸，但幾好既佢都有d草菇係入面同埋都幾大碗杯冰同平日街果d珍多冰入面d啫喱唔同佢入面果d係一粒粒，比較”煙韌”但整體泥講杯野都正常的😌

因為朋友揸開車可以遊車河，在餐廳門外，有人問我們是否入內進食，因為當時確實有點肚餓，於是揀了這間餐廳試一試，由於還未到食晚飯時間，店內無咩人。四周環境都算寬敞⋯我地點了炒金邊粉，菠蘿炒飯，黃咖喱牛腩，尤其是炒金邊炒得不錯

Simply put - don’t go! Not only is the food completely crap, there were two baby cockroaches in two separate dishes. The best dish was mediocre at best. I couldn’t wait to get home and wash my mouth out from the disgusting aftertaste of Ketchum smothered pad tai or a curried flavoured rib that I couldn’t chew my way past the rubbery fat. This is a worn out old place and they don’t care to keep any of the decor clean. It’s a shame given how long they have been there in this unique spot. E

老公和我今天去馬鞍山探朋友，接佢一齊出去午餐，老公建議去西沙公路餐廳食晏，原來老公想一心想去的西餐廳已結業，這裡只有兩間餐廳都是食泰菜，因沒其他選擇，只好隨意入一間，見彩軒園林茶座門口棟左個午餐牌有lunch set, 就行過去，朋友好醒提示我假期除外，看看大餐牌確實有啲貴，不過一場嚟到，老公示意唔好諗隨即入去坐低，果然只有我地一枱客，一坐低侍應就送上一碟蝦片。我地好快叫了幾款，有青咖哩雞，燒豬骨，雞肉濕炒河粉，薄烤餅。青咖哩雞❨比平時食開的深色，但好味❩濕炒雞肉河粉❨好味道❩薄烤餅❨一般，明顯是超市貨色❩烤豬骨❨好味，特係個汁❩食物質素不錯，蝦片收$18飯後可行下沙灘

早兩日同幾個friend 去食．聽聞咖哩蚧唔錯所以就叫咗份. 仲有叫咗明爐鳥頭，冬蔭公湯同埋其他typical嘅泰菜（魚餅虾餅etc）．樣樣味道都唔錯．咖哩蚧係creamy 嗰隻，個汁好好味（rich 咗小小）但我減肥唔夠膽食咁多！條烏頭都好好味. 最後叫咗芒果糯米反係即叫即做所以D反仲暖暖地. 四大兩細埋單$1200幾, 價錢都算ok.

叫左冬陰，只有酸味，侍應回答是故意不加辣味....冬陰唔辣仲叫冬陰？咖喱蟹又中哂伏，如果鐘意食水蟹可以去...燒雞和柚子沙律還可以，其他菜式不敢恭維....侍應態度差，禮貌提醒唔好在小朋友位上菜又面黑黑. 串燒外燶內生，想反映下肉未熟，問冇穿著制服在收銀果位先生反應: 唔好意思，你而家想點？ 完全不當一回事，生既串燒豬肉比人食.....完全不覺有問題.....呢種餐廳.....實在唔識欣賞.....以’差字’都未能形容..

泰式串燒🍢 $68/4串燒得好野味嘅串燒😍特別喜歡雞肉 夠嫩滑😋調味岩岩好 唔會太咸😜假日入左黎西貢行下再去呢到食個晏 呢間都幾有田園氣息 而呢到嘅泰國菜味道都唔錯仲幾正宗而且份量都幾大😇雖然呢到交通唔太方便但都好多一家大細情侶入黎食👪👫😆以家準備食晏望住張相都有啲肚餓😂🤤🙄菠蘿焗飯🍍颱風日好想出去食好野🤧呢個菠蘿焗飯一放上枱就有好香菠蘿味😍飯都好入味而且好多配料😆好多nuts同肉鬆 口感豐富😋🤤

經過附近，本來打算去西沙茶座食晏，但係有啲貴，就黎左彩軒園食野。呢個鐘數都唔係好多人，入到去都係得10個人都無，不過咁樣就好夠靜喇💙2pm-5pm有下午茶，價錢唔算貴，就叫左個蝦餅沙律，配熱奶茶，$65左右，收加一。沙律方面無咩新意，都係沙律醬泛濫嘅罐頭生果沙律。不過因為蝦餅係炸嘅，所以個沙律都唔會係好膩嗰種。蝦餅好味，彈牙😛美中不足嘅係辣醬有啲稀，好容易會滴到枱/衫，但味道都係唔錯。奶茶偏多奶，不過唔落糖都已經okay。