老表麵食

Open Now

Now Closed

成日係呢度行過，都冇乜留意呢間鋪，點知一次側望先發覺佢鋪頭細細坐冇虛席！個個客都專注食麵，似乎唔錯今日係佢開鋪時入黎做第一單生意點左雲吞麵同鯪魚球麵，再加多碟生菜。一開始真係有啲意外，因為每碗得3粒... 不過原來好大粒，而且用料食得出新鮮同勁足料雲吞d蝦好彈牙，又夠咸鮮，食到好爽鯪魚球都好食，唔腥冇碎骨刺，正 鹼水麵淥得啱啱好，爽勁有咬口，食到最尾都唔會俾湯浸到淋晒係我鐘意嘅口感 最後普通嘅生菜不過不失。總括黎講，我覺得老表嘅雲吞係好好食同埋呢度d亞姐都好有禮，做野都好乾淨。

中學的時候，我就在大圍光顧老表雲吞麵，當時只需要18元左右，就有一碗雲吞麵，每次都是與中學同學一起開心吃，一邊吃，一邊聊，空氣中瀰漫快活的空氣。我們會加醋和辣椒吃，想起來都流口水。大學的時候，有一次，似乎是生病了，躺在床上，肚子餓了，有幾分癡的我，呆呆地想：如果此刻有個男生願意為我去把老表雲吞麵買回來，我會毫不猶豫嫁給他。後話就是：原來最愛自己的男生，是爸爸。爸爸毫不猶豫地拿著鑰匙落街了，父愛如山，默默付出。在房間的我，聽到拉開鐵閘的聲音，我知道是爸爸回來了，帶回一碗熱騰騰的雲吞麵。新型冠狀病毒肺炎期間，我會把雲吞外面回家，自己煮來吃。原來，老表雲吞麵，吃的是童年的回憶，吃的是味蕾的情懷。

第一次嚟食感覺ok全部都有啲自閉為有間隔嘅40蚊有個餐有啲有菜有跟嘢飲覺得好經濟實惠今日食咗個魚蛋河湯底冇乜味不過魚蛋好新鮮好大舊不過一個面都唔係幾飽唔可以當正餐食囉

外賣自取被懷疑未付款，被員工叫返轉頭話未付款，雖然後尾解除咗誤會，但成個過程甚是尷尬😅據我了解，呢個系統係先付後取，否則就無法下單成功。所以請餐廳了解整個系統運作再執行。

呢排疫情少左出街食飯，諗起之前係呢間舖食過既大大粒雲吞，可以外賣生材料，返屋企慢慢煮慢慢嘆。雲吞皮薄，D蝦超爽口，每件份量等於出面街一般既兩倍(有圖有真相)，$46十粒，超值!屋企人話下次一定要再試!

以我一個好細食既人黎講都唔夠飽我叫蝦子麵$40有兜味精湯 我估係用黎整濕個麵 令佢冇咁乾 蝦子好香口 係份量小左d男朋友食雲吞麵$26 完全唔飽冇食過野咁可以加底或者叫雙拼

#小秘書 今晚收工過咗去太子整啲嘢，搞到7788已經系七點喇！咁就不如簡簡單單食碗粉先返屋企啦！其實太子一帶，尤其系啲橫街窄巷，有好多唔同美食選擇😋 呢次我就揀咗，最主要原因就系因為個鋪名夠得意... 哈😅🤣入到餐廳，阿姐已經好唔耐煩走嚟問我要啲咩😪 #小秘書 望嚇牆上嘅餐牌，估計呢家餐廳嘅主打系港版大雲吞👀 因為之前未嚟過，所以穩陣起見，我叫咗碗 #雲吞鯪魚球河粉🍜 相比起對面另一家麵食店，嘅size明顯地系細碼，不過都要食落先可以比分。咬落去 #雲吞 有鮮味、#鯪魚球 都好彈牙，可惜份量少，啲 #店員 亦欠缺笑容、親切感😅 所以都系試過一次就算喇😚

那天落大雨！避雨入左呢面外面都聞到陣傳統面檔既香味！叫左個雙拼，豬潤同雲吞！加碟菜芯！個豬潤勁爽口！雲吞係爆蝦既！個湯勁入味！個麵無鹼水味！湯底應該係大地魚做湯底！勁好味呀！雙拼承惠34！菜芯16！埋單$50蚊！雲吞麵黎講係貴左少少！值得一試！

其實幫襯咗最少都有一年，係早幾日食咗間難食到喊嘅雲吞麵先令我突然諗起老表⋯由 $23、4 食到 $25 碗，價錢還可接受。雲吞唔會因為加價而變細或者偷工減料。今日難得有時間，去咗堂食。雖然都有一排無食，慶幸水準依舊，雲吞大大粒，最少有兩隻蝦喺入面。可惜嘅係支裝汽水只有細 size，如果有大 size 就好了！另外如果再有返水餃 & 牛腩就好了⋯

真係好耐好耐無食雲呑，突然心血來潮食碗，係呢頭有嘢做，拉埋朋友一齊食。呢頭都有幾間，憑直覺搵左呢間食。都係傳統類，店都keep住有人流，似係熟客，男士居多。呢個架幾特別，佢升到咗，幾有趣。兩個人叫每樣一種嘅麵，再交換係最抵食。一碗魚旦（有魚片，正），一碗雲呑，再加碟菜。魚旦我地覺得咸左啲，口感都ok。我個碗雲呑麵有三粒雲呑，雲呑係大粒，涵都多，多蝦。麵正常，可以。菜16元，份量就真係少咗，兩三啖就食完。

爸爸通常會在我和媽媽的不在家食飯的時候都會響老表度食雲吞麵，今日媽媽約左朋友，就等我同daddy撐枱腳試試先！依間食店無傳統雲吞麵店咁舊咁簡陋， 但依然有啲風味。 我叫了牛筋河，好便宜， 響太子旺區都係23元一碗， 碗麵都幾夠深色但就唔係好夠味，但都好既，唔好食咁咸！牛筋就有爽有淋，份量在$23來説就叫多吧！河粉用上幼身河粉，都算薄身，可以連汁的味道一同食到 。其實爸爸怕熱所以通常都加$10食撈麵，但都算便宜。食物同座位都ok, 性價比高，唔怪得daddy咁鍾意嚟啦！

街坊麵食 $23蚊。其實周街有好多$19，小妹食唔少，呢度雙併要再加8蚊。我地嗌左牛腩麵同鯪魚球魚旦河，加菜心。牛腩堅林，腩汁香濃，係唔同d!魚旦堅彈，鯪魚球既大又香，貴少少係唔同d!不得不提係d調味料，辣醬好吊味，仲有醋都好香！

現今在這個租金昂貴的社會找一個價錢便宜的地方吃東西已經不是易事，更莫說要找價廉物美的地方食東西就更加困難，所以今天要介紹的就是在旺角的「老表麵食」。地點就在太子近地鐵站這一段的砵蘭街，附近除了是很多的中港巴士停泊的地方外，這條街開了非常多的食店，而我常常在這區尋食物來說除了大家樂、永合隆飯店和志記海鮮酒家這三間在砵蘭街開了三四十年的食店外，其他的都是近年才開店的，有很多更是開了一會兒就結業換上了另一間，所以有多想試的食店過了一段時間未試已經結了業，若能守到數年的已經是一個不錯的結果。這店的前身當然就是一間腸粉店，這店已經搬到了對面，有一段時間這兩間食店同時是腸粉店，但時間一過只是留下對面的店子，留下這邊的一間開了一間廣東麵食店，想想都有做了一年多了。這店多數都是家人常去的地方，他們常常說這店的麵食味道很好，更甚的是聽到街坊也有同樣的回應，但我來之前心中對這店是有一些的偏見的，首先雖然常常行過這店，外表不甚吸引，完全提不起勁去進食。第二就是心想價錢這樣平，怎樣會有一些好東西食，多數是家人覺得價錢平宜才有這種的評語。所以他們叫了我一段時間我都沒有理會，到了近來因為他們叫了我多次所以我只是作

今天經過太子，看見一間小店叫老表麵食，門口寫着各款21元，今時今日真難求，即管入去試試，叫了雲吞麵，三粒大雲吞，裏面啲蝦好彈牙同幾新鮮，幼麵幾爽口，不太多梘水，最怕梘水多會澀，舖頭地方不太大，但也不算擠迫，還有電視睇，下次經過會再試。