Video
1-min walk from Exit B, Tung Chung MTR Station
continue reading
Telephone
29550833
Opening Hours
Today
11:00 - 20:30
Mon - Fri
11:00 - 20:00
Sat - Sun
11:00 - 20:30
Public Holiday
11:00 - 20:30
Above information is for reference only. Please check details with the restaurant.
介紹COVA？有無再普通啲？是咁的，佢嘅蛋糕就食過(芒果蛋糕好正！)，但佢嘅正餐就真係未食過，又唔知係咪好耐未食過正宗西餐，呢餐真係堅好食。入到去餐廳裡面，好似置身法國咁，扮歐洲旅行mode啓動。加上高貴典雅裝潢，我哋呢啲粗手粗腳嘅市井平民當堂斯文哂呀。叫咗套餐，首先出場係麵包同湯。麵包又香又軟綿綿又熱。克力架同芝士條香脆。蘑菇忌廉湯，又係好香好creamy，高水準之作。主菜之中，黑松露雜菌寬蛋麵好味到唔停得口，黑松露同寬麵配合得天衣無鏠。近年好多餸菜都鍾意加黑松露，但其實好多都唔夾，特別係中菜，連蝦餃燒賣都加，完全將其他食材原本嘅鮮味蓋過，甚至有作嘔感覺，為高貴而高貴，no good。呢個就唔同，黑松露將寬麵同雜菌嘅味道層次大幅提升。雜菌juicy到爆汁！另一個海蝦燈籠椒醬扁意粉都好食，扁意粉滑溜，個醬又幾清新，剛剛好，唔會over。但好戲在後頭，開心果同咖啡gelato雪糕先係戲肉，特別係開心果雪糕，嘩，開心果味道好香濃，滑到一個點！COVA可唔可以推出一箱開心果雪糕外賣返屋企架，正到爆炸！仲有咖啡又係好好飲，店員介紹咗一輪，大致係mocha做base，上面係expresso定latte之類(佢講得好詳細，但我剩係俾咖啡香味吸引住！)。總結，一個字，正！最後要嘉許一位女待應，服務態度殷勤，笑答滿面，令我懷疑自己係咪係香港食飯。
continue reading
疫情開始緩和，堂食開始放寬，有返心情行街。東涌outlet特賣場一向都係我行街嘅好地方，又唔會有太多人好迫嘅感覺，所以都幾舒服。而我最鍾意行街攰的時候就去呢一間餐廳， 食個下午茶☕️食返件蛋糕。其實我覺得店裏面嘅服務員真係好辛苦，一啲都唔夠人手，根本忙過不停，無可分身，難道是因為疫情所以減少人手?雖然真係做過唔停，慢左少少，但係見佢哋嘅服務質素都可以維持，都是有有禮貌的。雖然好耐都未有杯水出現，但係我見到佢哋咁忙，我唯有等一等啦， 都見到佢哋真係好忙。點左Mango DomeCova招牌蛋糕 果然名不虛傳芒果好甜，蛋糕有啲濕潤，口感軟綿綿的、有適量cream喺中間，唔會覺得好膩嗰種感覺。真心 好食😋👌🏻咖啡就個樣OK唔錯的，口味我覺得就一般啦！
continue reading
平時食開銅鑼灣果間, 但銅鑼灣店而家D服務差左好多. 家住東涌, COVA 竟然開左間係東薈城, 最鍾意食佢個芒果蛋糕, 星期六中午同屋企人行過見到佢個 set lunch 好抵食喎, 百幾蚊有前菜, 湯, 意粉同咖啡/茶. 前菜係 Parma Ham with Melon, 塊 ham 都好大塊架, 蜜瓜好甜. 湯可以加錢轉龍蝦湯, 唔加錢就係忌廉蘑菇湯, 真係食到一粒粒菇. 主菜可以揀意粉或飯, 我地三個人, 叫左 mushroom risotto, carbonara, and crabmeat potato linguine. 睇落唔算大碟, 但食落原來份量都不少的, 好夠飽. 不過如果飲蘑菇湯就唔好點 mushroom risotto 喇, 因為係一樣味的. 個 carbonara 意粉好食但都幾膩. Crabmeat potato linguine 的 pesto sauce 又係好油膩. 我地三個食完 lunch 都滯左成個下晝. 另外值得一讚既係服務, 由門口帶位到坐低成餐飯服務都非常好, 有禮貌又專業, 大讚.
continue reading