職人食事 (Moved) New Location

我係附近返工，之前lunch想食日本野，但係依邊果啲真係貴夾唔飽。前幾日聽聞老細話會開埋午市，第二日即刻過黎幫襯。食左個刺身魚生飯，超厚切，好滿足但係見到可能冇乜人知依家開lunch，所以午市有少少冷清，得幾檯食客。大家如果係附近返工又想食日本野嘅不妨黎試下啦。

餐廳是快餐和自助式的餐廳。價錢相宜實惠。環境是非常撲素的香港家庭式作業，裝修簡單。最好的裝飾是大家的心聲。而且營業到夜深，有種深夜食堂的感覺。除了壽司和刺身，同時也有燒物和其他飯食。不喜歡刺生飯也有其他選擇。但是燒物確實有可改善的地方。刺身丼飯每要種刺身都有一點，款式很多，非常滿足。有三文魚、油甘魚、甜蝦、玉子、帶子、蟹柳、一啖海膽。刺身新鮮，入口甘甜。米飯是用了壽司飯，但有點硬身，而醋味不太搶焦點。一開始見到裝修如此簡單，便意料理也會隨意地製作。但是每一個飯都是用心製作，不管是熟食或者刺身，同時很有效率地出餐。

想食日本野，唔想食放題咁heavy，只係想食下刺身過下口癮，所以揀咗間丼飯try try佢。間鋪隱藏係工廈入面，地方細細，座位多數都設係走廊😂佢餐牌提供嘅主打有丼飯，壽司同燒物，如果怕唔夠飽仲有一兩款麵食同便當。咁我當然係要試下個丼飯啦。以$98個價錢黎講，刺身份量唔算多，不過勝在係款式多，油甘魚更加係厚切，一片等於兩片咁厚，仲有帶子，海膽，甜蝦等等。食落都新鮮，但d飯就硬咗DD。朋友就揀咗壽司拼盤，壽司都算大件，有六款種款，不過感覺唔算抵食。環境方面要改善係燒物果D油煙問題，唔抽風都幾煙霧彌漫

#支持良心餐廳刺身魚生飯$98夜晚10點幾去揾野食 發現仲有呢間係工廈中嘅小店係開晚6到凌晨3點😍 仲要係黃店💛味道中規中矩 性價比一般但老闆好nice其他食客都睇得出係手足黎所以感覺莫名地warm

一過咗夜晚十點喺觀塘搵食係比較困難，上網搵搵下，發現呢間小店係收零晨三點，諗都唔使諗就衝咗上去。上到去門口已經坐滿人，連埋店內，大約有六枱客人，但就得老闆一人負責落單、煮嘢、埋單、執枱、洗碗，所以黎呢度食唔可以趕時間，同要有耐性壽司拼盤（松）：三文魚、鯛魚、海膽、帶子、海蝦、三文魚子、北寄貝，材料新鮮燒日式茄子：茄子上鋪滿木魚，茄子亦燒得夠軟林燒日式牛扒：牛扒沒有燒得過熟，但肉質就有啲靱，可改善燒鯖魚：鯖魚燒得啱啱好，皮脆肉嫩雖然係等得耐啲，但地道小店，有的是人情味，值得一再幫襯！

有日好夜先食飯，搵咗呢間未收舖嘅小店喺觀塘駱駝漆大廈原來佢做到凌晨時份主打都係日式嘢價錢幾平刺身魚生飯 $98最抵食我都係覺得呢個碗飯有好多刺身魚生海膽、三文魚、油甘魚、甜蝦、帶子、蟹籽、玉子、蟹柳、章魚、魷魚啲飯都好多吓但唔使100蚊日式牛扒飯 $68朋友食呢個啲飯都係咁多但牛扒就唔太軟熟，有啲難嘴嚼啲汁就幾好

下晝係觀塘駱駝漆大廈買野，到lunchtime想搵間靜靜地既餐廳就見到「職人食事」。係門口見到價錢實惠，又未有其他客人，就行入去試下。午餐時間都冇乜人，心裏面對食物質素都冇乜期望。睇睇下餐牌，有一家人入左黎，佢地好快叫完野，唯一既職員哥哥就開始預備食物。見到隔離枱個鰻魚炒飯個樣唔錯。我叫左個魚生飯，個賣相都幾靚。食落，魚生新鮮，飯既酸味又恰到好處，唔錯！鋪仔細細，但食物有驚喜得一個職員但都處理到客人柯打，仲幾nice添。