班戟館 (Closed)

今日同朋友行行下街，想搵間甜品屋座吓傾吓嘆吓，咁朋友對pancakes 特別有興趣，咪上OpenRice 望下附近有乜吸引....... 班戟館彈咗出嚟、但開3pm⋯⋯ 諗住都冇所謂啦、咪行個鬆d鐘，之後專登由置樂花園搭車過去井財街、點知搭到過嚟都仲未開門...... 為由再熱死辣辣地再行多陣、點知再返轉頭果時都仲未開門....... 咪諗住打個電話去問下...... 點知唔打由止可...... 一打就把幾火！ 響咗好耐先有人聽....... 咁咪請問佢今日幾點開門....... 對方就「吓」咗一下......... 之後就問响邊度睇....... 咪答佢係响OpenRice 囉....... 之後對方有d惡劣嘅態度答...「果度唔係我負責㗎...... 你應該睇Facebook 吖嘛！上面好清楚寫咗今日休息」....... 咁咪為由好無奈地收線囉⋯⋯ 一心興致勃勃地去幫親、冇得食不得止、仲要俾人噴到一面都係...... 後來咪上我「應該」上嘅Facebook 度睇囉........ 真係估佢唔到呀⋯⋯原來今日唔係例假⋯⋯只係因為中秋佳節....... 所以放假...... 問題係..

一心來屯門吃班戟找到店子 店雖小，但超治癒環境很好很舒服巨人pancake超鬆軟伴碟也很用心 士多啤梨花很美咖啡冰牛奶，咖啡超香濃，建議不加糖水品嚐菠蘿青檸蝶豆花特飲，很好喝又很開胃

呢間食班戟嘅自從落戶虹橋之後，經常都見到佢門口大排長龍，所以諗住等佢少啲人先食。前幾日幾彩，食完米線過去咁啱唔洗等位。隻碟好可愛，見到已經好興奮。焦糖脆脆海鹽焦糖可麗餅，一食落口已經有驚喜，可麗餅好香，個海鹽醬亦調得啱啱好，個脆脆亦都整得夠碎，焦糖同海鹽嘅味道夾埋好好食，互相襯托。曖昧-梳乎厘配士多啤梨味嘅醬同雪糕，梳乎厘好鬆軟香蛋白味，配埋啲醬酸酸地，好開胃之餘，味道啱啱好。食完上面兩個覺得好好食，再叫左呢個伯爵茶蘋果醬可麗餅。蘋果嘅伯爵茶味比較輕，加埋雪糕同可麗餅就會比掩蓋左，不過味道都係好嘅。3個人食除返開每人6x蚊，甜品黎講其實幾高質，雖然價錢唔平，但仍對得起個價。

終於試到曾風靡一時既梳乎厘pancake，呢間小店得3張四人枱，所以我地要同人share table，環境挺舒適。iPad睇menu但人工落單，本身諗住叫個3層既梳乎厘班戟($90)，但老板話要加個前菜或主菜先叫得。感覺唔抵，所以就咁叫咗個1層的名為"熱戀"的梳乎厘班戟，上面配有焦糖雪糕，士多啤梨同雪梨。即叫即整，大約等了30-45分鐘。賣相十分吸引，熱熱的，口感真係似空氣一樣咁輕巧，內𥚃軟綿綿，可惜蛋香係幾乎沒有，夾住上面啲配料食，甜度適中，沒想像中好吃，而且價錢的確偏貴。

I went for an afternoon tea with high expectations, but all I felt afterwards was disappointment. The price is not reasonable as with low quality desserts and drinks. So, I tried and never again.

我地點左巨人班㦸同焦糖脆脆可麗餅share 食，可惜我只能夠講，期望越大失望越大。巨人班㦸既分量可以供給2人食，蛋味好濃，但唔夠疏乎，有啲似食緊蛋only，個人認為有頗大既進步空間。佢個醬應該係有2-3種莓夾埋既，雪糕係紅莓乳酪味。焦糖脆脆可麗餅，係好食過班㦸（個人認為），雪糕入面有焦糖脆脆，焦糖脆脆係頗甜（我中意☺️），塊可麗餅雖然薄，但又冇濃或者太硬，另外加埋雪糕同焦糖醬係簡直係一流👍🏻有一特別想講，就係我地同行數人，我地冇講，老闆都知道我地share食，自己自動自覺拎幾隻可愛既貓貓碟比我地，十分難得👍🏻👍🏻

同男朋友食完晚飯下一站就當然食甜品啦，之前都睇過好多介紹，話虹橋那邊有間食班戟好好食，經常性大排長龍，而且製作需時，食個甜品可能要用個幾鐘。反正食左個早飯我哋都諗住黎等下，唔知道係熱潮減退還是一個落雨嘅星期日，竟然完全唔需要等位👍🏻鋪頭位置唔錯對出就有咪錶位好方便，但鋪內就比較細少，只有三張四人枱合共12個位，唔怪得之前成日話要排長龍，因坐位很有限，而且食物制作大部份都要等30-45分鐘（menu註明），但實則唔需要咁耐，我地只等了15-20分鐘。'巨人班戟' 賣相相當吸引，但食落有點失望，唔夠鬆軟略帶一點實，應該焗耐咗。'焦糖香蕉榛子班戟'太厚食起上來感覺很硬

收工後，with同事去試食 期待已久既班戟館。果然無令我地失望鋪頭面積不大，所以等候時間需時，但老闆娘十分貼心，不時都會出門口和我們交流/介紹。重頭戲：星期五限定《巨人班戟》媽，班戟堅震甜而不膩熱辣辣嘅班cake、配上酸甜嘅果醬（開胃）旁邊仲有果味雪糕第二道：打卡一流、味道一流《焦糖燉蛋》焦糖上除了配有糖粉、另外有爆炸糖、口感10分特別第三道：《曖昧》仲有仲有........冰凍果茶 不得不推介，是老闆娘親手調配的、除了生果味濃、並不會有假甜的感覺

近期熱潮，港女必食必出post 嘅梳乎厘班戟！今日我就試左屯門井財街嘅班戟館，為防止等45分鐘，食5分鐘嘅情況！佢一開門我就去，入到去落左單都要等好耐，等左15分鐘就來啦，千呼萬喚！賣相好吸引！哇...點知...都唔好食...完全無特別，根本就係yamazaki個蛋白蛋糕咁🙈上面配個超甜嘅桃 超奇怪...因為唔可以單點梳乎厘班戟，我地叫多左個pancake 超難食啊！救命！仲要都唔平，成$6x！塊皮硬到...又唔脆又無味似食緊一塊塊膠

呢間食pancake同crepe既甜品店...係好耐之前已經想試～ 可惜次次都要排隊排好耐 所以一直都未有機會食到🙈🙈🙈值今次就見冇人排 我同朋友就入去試下啦😍店鋪好細 只有3張桌子 可以坐到12人左右但食物質素就好高啦👍🏻👍🏻👍🏻首先 我叫左一個青蘋果pancake🍏🥞配上少少cream同vanilla ice cream 🍦 熱啦啦既pancake 同凍冰冰既雪糕一冷一熱既感覺好正呀😍😍 配合得好好甜度亦剛剛到位 仲有好甜既蛋奶香味💕💕本身打算食一個試下 但咁好味 於是再叫左一個crepe 但同pancake 比呢個crepe就會即刻比下去...🙈🙈🙈雖然都唔差 係幾好食 但我同朋友都中意食鬆軟香滑既pancake多點 口感會更豐富滿足😽😽偷影埋對面桌點既厚pancake 感覺好似好好味😍😍😍 好想食 因為佢pancake 製作時間要30-40分鐘 我同朋友都驚要等好耐 所以冇叫到 下次一定要點3重厚pancakes 😍😍😍😍

今次係我第二次光顧，第一次食係啱啱開業嘅時候，但果次食就覺得麻麻地， 所以之後一直都冇再嘗試呢間小店⋯今日忽然好想比多一次機會呢一間小店，所以就決定俾多次機會班戟館！但睇嚟我都係做錯左決定⋯⋯價錢偏貴又唔好食我就叫左焦糖脆脆班戟，冇影到相焦糖煮得太耐有啲苦⋯上面有球應該係冧酒雪糕就ok ge可能我吾識食啦⋯整體黎計真係吾好食⋯我男朋友就叫咗「承諾」，等左45分鐘，等都唔緊要因為佢餐牌寫到明要等，但等於45分鐘換來竟然係呢種質素，好失望～我唔會再俾多次機會呢間舖仔，衰啲講句食老麥既熱香餅好過

收工喺旺角食完飯，時間尚早，意猶未盡決定食個甜品先番屋企。紅橋愈黎愈多食店，章魚燒、拉麵店、甜品店，有好多人都專程山長水遠黎食野。另一間甜品店之前已經食過，所以打算試下班戟館，佢地早前有好多媒體介紹，聽講排隊排到傻。週五晚大概8點零鐘黎到，我都係抱搏一搏嘅心態睇下等定唔等，太多人就轉場。餐廳真係好細，只有4張枱，有少少逼狹，一袋二袋就唔建議你黎。裝潢其實幾靚，牆紙、碟、擺設有陣少女味。食物即叫即做，好多甜品都需時等候，部分齋等已經要3、40分鐘，所以不難想像人龍點形成。當你排隊用幾十分鐘，等食又幾十分鐘，確係有少許抓狂不過眼見只有一枱客喺門口等候，我都有少少希望，哈哈。問過店員，排前面留名嘅客人唔多。最終我等左唔洗15分鐘，係可接受範圍其後因為落起大雨，等位嘅客人相信都冇平時咁多。餐牌以電子形式顯示，但落單依然係要同店員講嘅。甜品以班戟為主，另有梳乎厘、可麗餅、窩夫、燉蛋等，定價合理。但當中有幾款人氣限定款式，係over $75。除左甜品，見佢地仲有晚市套餐、沙律、主菜等，不過今日旨在食甜品，就冇詳加留意。唔係專登夾時間食，但見呢款係「星期五限定」，都點一份試試，製作時間要3、40分鐘

屯門人口愈來愈多，美食都愈來愈多，得知屯門有間隱世甜品店出左款三層高既Pancake，放上檯度時仲震騰騰，呃到唔少Like，真係幾吸引。好啦，老遠都要過黎試下！兩位丫唔該。老闆娘：「要等一個半鐘頭喎。」 我當堂嚇一跳，而途中都有唔少人黎想攞位，但好多人都比佢等候時間嚇窒而離開。嘩！我心諗，真係好犀厲，keep住有人黎又keep住趕客咁。 店子細細又估唔到咁多款甜品喎，而好有趣地，佢menu係無佢招牌梳乎厘Pancake，要睇佢電子版menu先見到。嘩！你無睇錯，招牌限定巨人Pancake要等40－60分鐘......唔好諗叫左先。 焦糖脆脆海鹽焦糖醬法式可麗餅 HK$52 － 可麗餅煎得半脆半軟身，口感微脆煙韌。 中間有一球Movenpick焦糖雪糕，旁邊仲加有焦糖脆脆同焦糖醬，焦糖迷就應該勁冧啦。 熱戀 HKD$75 － 表面有用糖醬煮過梨肉，所以食落都偏甜。另外個Pancake就可能over cook，明顯不夠挺身同有d燶燶地既表面。有蛋香味但鬆軟度不夠，同埋食到發粉味，有待改善。 招牌巨人班戟 HKD$98 - 由三塊梳乎厘Pancake疊起而成，

對呢間舖頭充滿期待，點知係我食過最唔掂既甜品店！！！所以忍唔住寫左第一次既食平！下午4點半去到，舖頭内竟然係唔開燈，都算數。因為門口無哂車位，所以叫外賣即時上返車食，舖頭門口好多跳蚤，等左15 分鐘，咬到成腳粒粒。今日叫左2樣租品：1, 朱古力醬班戟($52)2,香蕉船窩夫($70)首先，要讚既係佢個朱古力雪糕，好濃朱古力味，有好多朱古力碎。但可惜成個甜品只有一塊班戟皮，又細又簿又實又無蛋香味，講真m記早餐塊熱香餅正過佢！！$52食一細塊咁既野，價錢真係拍得住酒店！另外係香蕉船窩夫，嘩！一個字講哂~好鬼搵笨實！塊窩夫同街邊食塊夾餅一樣大細，佢只係整到一個碗既型狀，又係果句，又細又簿又實又無蛋味！！果2條蕉，唔知點解老闆咁勁，搵到d同隻飯碗咁短既蕉做配料！仲有，佢慳到cut開條朱古力紐紋脆條5分之1,再插上面做裝飾！！！咁就$70,好唔好意思收！！

本身住港島。今日，我因有事要去屯門。所以，在前一晚係網上search過此店的開店時間發覺不同網站的資料有所出入。有的資料話開2點。所以今日下午1:30pm 左右打電話去confirm 時間。當時接聽既女職員聲稱今日的開店時間為下午3點鐘。當時我就向她說ok,我3點鐘會到。難得一場黎到咪四圍行下囉。行完差唔多時間先搭車去幫趁。大概3:10分左右我到達店鋪。我見到店鋪的門半開。我見狀就係附近行下wastons 同ok便利店。其間多次行經該店都未開店。我於是便再次致電詢問開店時間，該女店員竟然就未準備好，要4點先開門。大佬呀！你門口外寫左星期六既開店時間係下午2:00-00:00架！衰少少講句，呢個時間係你地自己agree架！你開頭同人講你三點開，我已經等左個零鐘，之後又改話四點鐘？！咁你門口貼果張開店時間黎做咩呀？！你自己貼左張紙係2點開，唔通你自己係第一日開店，唔知準備時間要幾多架咩？！唔想做生意咪唔好做囉，點解要咁樣去對一d想捧你場既顧客呢？！做生意冇誠信，出爾反爾。連守時，守反自己定落黎既規則都可以輕易違反，我唔會期望佢d野食有幾好囉！