Video
Read full review
2018-11-24
111 views
屋企嘅小鬼非常愛吃「齒來香」嘅蛋卷，所以間唔中就會過嚟西環入貨，順便喺附近搵食。其實早於去年就已經留意到，西營盤高街開咗間以十字牌牛奶做主題的冰室，不過可能係新開張嘅關係，每次經過都非常旺場，排曬長龍，所以一直未有機會一試。早排聽朋友講，餐廳喺銅鑼灣開設咗首間分店，地方較西環總店闊落，提議我去碰下運氣。餐廳位於禮頓道 64 號禮賢大廈地下，門面佈置別出心裁，用上懷舊窗框作設計，加上門口的大大個霓虹招牌，看起來特別耀眼。至於店內的裝潢亦非常之有特色，簡約得來又帶點復古，而且用色亦相當精簡，整間餐廳只有紅、黑、白三色，據說概念係源自十字鮮奶的玻璃樽。白色代表牛奶，紅色是商標顏色，而黑灰色就來自樽蓋鋁箔的陰影部份，設計師果然有心思。餐牌壓咗係檯面嘅玻璃下面，另外牆身上亦掛滿餐牌，食物一目了然，除咗有招牌冰鎮濃滑奶茶、香濃蕃茄牛尾湯通粉、火腿爆蛋菠蘿包、十字芒果木瓜牛奶麥皮之外，另外亦有十字精選晚餐、十字精選鐵板餐同甜品小食等供應，選擇非常多元化。由於今日晏晝掛住去「一田」掃貨，連午餐也還沒吃，所以入座後即時點了一客皇牌餐 ($62)。套餐包括有香濃蕃茄牛尾湯通粉、黑松露炒滑蛋及牛油多士，而飲
餐廳位於禮頓道 64 號禮賢大廈地下，門面佈置別出心裁，用上懷舊窗框作設計，加上門口的大大個霓虹招牌，看起來特別耀眼。至於店內的裝潢亦非常之有特色，簡約得來又帶點復古，而且用色亦相當精簡，整間餐廳只有紅、黑、白三色，據說概念係源自十字鮮奶的玻璃樽。白色代表牛奶，紅色是商標顏色，而黑灰色就來自樽蓋鋁箔的陰影部份，設計師果然有心思。
餐牌壓咗係檯面嘅玻璃下面，另外牆身上亦掛滿餐牌，食物一目了然，除咗有招牌冰鎮濃滑奶茶、香濃蕃茄牛尾湯通粉、火腿爆蛋菠蘿包、十字芒果木瓜牛奶麥皮之外，另外亦有十字精選晚餐、十字精選鐵板餐同甜品小食等供應，選擇非常多元化。
由於今日晏晝掛住去「一田」掃貨，連午餐也還沒吃，所以入座後即時點了一客皇牌餐 ($62)。套餐包括有香濃蕃茄牛尾湯通粉、黑松露炒滑蛋及牛油多士，而飲品轉咗紅豆冰 (+$13)。聽店員講，店裡的炒滑蛋、麥皮、燉奶、奶昔和軟雪糕，都加入咗十字牌牛奶製作，唔怪得啲炒蛋有陣熟悉的牛奶味，加上黑松露的幽香，非常滋味。
至於蕃茄牛尾湯通粉嘅湯底就用咗正宗西式製法，成品選用了新鮮原個牛尾，以大量蕃茄、蘿蔔、蔬菜等熬製而成；湯頭濃郁，完全無落味精，每一口都嚐到酸甜的牛肉味。牛尾原件不碎散，且燜得入味。紅豆冰亦很有水準，紅豆煲至微爛，入口有豆香，加上奶味夠濃，甜度亦剛好，整體配合得不俗。
好耐無食過鐵板餐，呢款係十字雜扒餐 ($98)，套餐奉送精選餐湯及 $22 以下飲品一杯。是日餐湯係南瓜湯，湯品以茶杯盛上，湯身呈鮮黃色，質感不算很濃稠，但非常綿滑，充滿南瓜的香甜。鐵板餐有雞扒、豬扒、腸仔、煙肉同太陽蛋，用料都幾豐富，而且仲可以選配薯菜、白飯或意粉。至於醬汁方面就有黑椒汁、蒜蓉汁、黑松露茄蓉汁或香蔥豉油汁可供選擇。豬扒味道唔錯，肉質爽嫩、帶有肉汁。
飲品揀咗十字牌芒果木瓜牛奶，牛奶用透明玻璃樽裝住，讓人想起以前學生年代所喝的玻璃瓶裝鮮奶，有種幸福的懷舊感。香濃的牛奶滲出淡淡香芒及木瓜的清甜，令人回味。
意猶未盡，決定再加份懷舊蝦多士 ($32) 同冰室三文治 ($48) 一齊分享。蝦多士一客有 2 件，外皮炸得金黃香脆，麵包入面是滿滿的蝦蓉，蝦膠鮮爽，跟多士融為一體，絕對是心機之作。
至於冰室三文治，其實即係平時食開嘅公司三文治，用料豐富，入面㚒滿炒蛋、雞肉、蕃茄、火腿、生菜和芝士等。最正唔洗講一定係入面用十字牌牛奶炮製嘅炒蛋，炒得又滑又嫩，入口有好香濃嘅鮮奶味，份量十足又好吃。其實仲有好多嘢都想試下，好似 Nutella 朱古力榛子醬厚西多士、籠仔椒鹽燒賣、十字燉奶、十字牛奶軟雪糕等，不過已經食得好飽，都係留返下次再嚟品嚐。
Post
