十字冰室 (禮頓道)

Open Now

Now Closed

位於銅鑼灣嘅十字冰室，招牌個燈壞咗室字變咗至字常餐轉通粉配熱美祿 $62-牛奶豬骨湯好香濃，豬扒放係湯上面都冇被浸淋，而入面啲肉夠曬腍；蛋+多士係常餐靈魂，蛋好滑多士質感外脆內軟加埋牛油超正；美祿好少餐廳有得飲，好耐都冇飲過，童年回憶呀！黑松露炒滑蛋菠蘿包 $29-超香黑松露味，菠蘿包大大個又脆，配埋香滑嘅蛋有多重口感十字燉奶 $25-用十字牌牛奶整又香又滑，甜度剛好埋單$130，食到飽一飽仲有甜品抵食！

之前睇雪姨ig話呢間十字冰室既咸蛋牛治好食！順路去開銅鑼灣梗係要試下佢啦！🤭👉🏿✨咸牛肉牛奶炒滑蛋三文治 Hkd 24 📌價錢都幾親民下～黎到啲料又幾厚身下喎！個厚滑蛋真係做得幾嫩滑，好厚，蛋控出動了！個人覺得個咸牛肉咸左啲啲，雖然有名你叫😂但就咁食真係咸呀喂！不過連埋蛋治食又岩岩好～👉🏿✨十字燉奶 Hkd 25 💸📌求求大家真係要叫呢個食！好味到傻！熱食仲正！入口係勁cramy又smooth既燉奶，質感好輕，但牛奶味超香濃，正到傻了！而且唔甜膩，會食上癮架🤭👉🏿✨十字芒果木瓜奶昔 Hkd 38 💸📌芒果味係幾出既，飲落唔多似奶昔，比較稀，同埋都會偏甜，還好啦～👉🏿✨牛油砂糖多士 Hkd 16 💸📌無心之失嗌左錯😂好錯都幾好食既～入口香脆，連埋砂糖食有小小脆口帶點甜滋滋，作為小食一流啦～

飢詩就係學唔乖，好多時去餐廳都冇叫人地既招牌菜～ 甚麼火腿爆蛋菠蘿包，十字燉奶，十字牛奶豬骨湯意粉... 都冇叫🤣 今次食炒意粉 腦補中的美好印象沒有了 😆😆😆辣味蝦乾炒意粉 $68 ～ 蝦已經開半，只有4半邊 即係兩隻蝦🤣～ 蝦乾粒粒味道可以再出D～ 微辣，意粉軟硬適中， 但就係炒得唔夠香～😆美祿山 $26～ 就係十字鮮奶 加一堆美祿粉～ 好吸睛 🤩 基本上凍奶 好難攪勻美祿粉～ 結果 兩樣野 各有各精彩 就係唔勻😆飢 point : 6 / 10 #hungermarch #飢詩 #非飢詩

#常餐好多人都話十字冰室嘅常餐好有保證🤣食落果然味道不錯。炒蛋應該有加鮮奶落炒，食落有好香的牛奶味，多士雖然得半塊但焗得香脆，面頭仲會鋪上一層滿滿厚厚的牛油，邪惡之餘好正啊。最正係豬扒意粉，意粉個湯底充滿咗牛奶嘅香味，加少量鹽和胡椒調味，配上一些青豆蘿蔔和粟米伴碟上。同意粉一齊上的豬扒都整得好淋，咬落好香軟，份量都算多架，有好幾大塊。意粉吸晒啲汁🤣正呀。.🏠 十字冰室 (銅鑼灣)銅鑼灣禮頓道64號禮賢大廈地舖

由於係保x局做義工關係，過去幾個月逢星期六早上8:15左右都會經過十字冰室去保x局，都會順便吃早餐。最初既服務都OK. 正常茶餐廳水準。但今天早上經歷了我人生最差一次用餐服務。我早上8:15已到冰室，於是選了一張空枱坐下，枱面比以前污糟，應該收了餐具沒抺枱。只見到兩個生面口一男一女中年既侍應。我如常舉手叫早餐，他們望了我一眼，無理我，只慢慢走去取餐飲送餐，又或者去接電話。其實，比起之前星期六一點都不忙，內𥚃坐不滿，有5、6張空枱。我一直舉手等了15分鐘，他們都無視我。我之後，都沒有新客入來。直至等了25分鐘，我終於忍不住說：唔該，㸃早餐！男的望了我一眼走左去，女的回應說：我做完嘢，才幫你落單！之後，他走去水吧等餐飲。我很生氣，侍應工作不就是落單、送餐、收餐具、抹枱嗎？！落單不是工作嗎？茶餐室就是是要快落單、送餐，盡快送走客，空出枱，再做另一客。25分鐘已經可以吃完早餐離開！即使是高級餐廳也不用等25分鐘也落不到單！我9時要到保x局報到，於是我即刻離開，走去隔離街新釧記，只用了20分鐘便吃完早餐。我離開十字時，該兩個侍應仍是愛理不理的,隔壁枱男客人都悄聲說d服務態度離晒大譜，看來他們之前

5月7日仍在試業期間經過這間茶餐廳，因為見到是「十字牌」，估計食物質素應該有保證，所以我便很勇地入去試試。如我所料，食物質素比一般茶餐廳為高，加了「十字牌」鮮奶的炒蛋配以黑松露很香滑，可惜多士只得半塊，未免太小家了。最出色的是番茄湯牛尾通粉，番茄湯濃稠美味，一吃便知用了很多番茄來烹調，牛尾煮至柔軟入味，骨髓越食越美味，通粉也吸收了番茄和牛尾的精華，層次豐富，可惜份量太少，只得半碗，以我這樣細食的小女子，吃完這份常餐也不夠飽呀！

行經禮頓道附近，唔知食咩好，見到呢間十字冰室，諗住都係普通冰室茶餐廳之類冇乜特別，反正來到就試試～叫左個皇牌餐，有黑松露炒蛋多士，好多黑松露醬炒，好香，蛋又滑，多士烘得啱啱好，放埋一齊食好perfect!跟餐另外有蕃茄羅宋湯牛尾通粉！做得很出色！味道好好！湯底濃，真係有牛尾！另外叫咗巨人炸雞脾配沙律！真係十分大隻！炸到皮脆肉嫩多汁！很薄的炸粉，不油膩，香！仲有叫左冰鎮樽仔奶茶，奶茶味出色！必試！眼見佢地舗頭用的食材都來自大品牌（因為放曬出來），一點都晤會用cheap野，所以我們都食得安心，而且出品都不錯！

今日喺銅鑼灣返完工 想食下港式下午茶 就搵左黎呢一間十字冰室 去到嘅時候大約五點幾六點 雖然唔使等位 但都好多人係餐廳入面咁我就叫左佢個皇牌餐 香濃蕃茄牛尾湯通粉配黑松露炒滑蛋及牛油多士首先講吓個通粉 個蕃茄湯底真係好濃 味道酸中帶甜 好正而且佢個牛尾係成大舊比你 唔係坊間普遍得少少肉碎👍🏻👍🏻 牛尾夠冧又入味 好正😋😋黑松露炒滑蛋及牛油多士 多士上枱嘅時候夠熱 又脆脆地 正😆黑松露炒滑蛋好香黑松露味 而且個滑蛋炒得好好 呢兩個夾埋一齊真係冇得輸😆熱奶茶 食茶餐廳冇理由唔飲奶茶嘅 個奶茶好滑 又香 正❤️最後我仲叫左個招牌十字燉鮮奶 呢到選用十字牛奶 好濃奶味 而且個燉奶超滑 perfect end😌😌食完野見其他人叫左晚市嘅鐵板扒餐 望落超正 下次想黎試下😆

最近利行開禮頓道見到有間十字奶都開左間冰室，梗係去試下啦～位於保良局個條街附近，唔算吊腳。冰室既裝潢都跟足番傳統冰室設計，磚牆既外牆，紙皮石既地板不禁令我回想番以前係黃竹坑村既兒時歲月！坐底後我已經心中有數，知道叫咩野～當然都有新菜式嘗試！蝦多士　蝦多士好多地方都炸到好油，一係好硬～呢次個蝦多士就餡料好足，炸出黎唔多油，都唔太辣口，顏色金黃，唔錯既！食落口好滿足！瑞士全雞翼　雞翼肉嫩但唔油膩，瑞士汁都幾濃烈，甜而不膩，肉質唔痴牙，雖則係冰室，但係今日個雞翼的確做到酒家級數ＸＯ醬炒腸粉　ＸＯ醬味道濃厚，辣味帶少許。不過腸粉中有蛋絲中和辛辣味道～唔算油膩。腸粉都幾滑溜，唔會實的的咁，整理都唔錯～木瓜奶昔　奶味重絕對係是理想當然，因為十字牌在本地鮮奶品牌中算係知名，所以質素當然有番咁上下～整理係服務上，食物上都各有千秋，有創新菜式，希望我下次再去既時候有更多既嘗試！

素來挺喜歡吃冰室，獨愛其環境及港式美食。十字牌牛奶飲得多，冰室就沒有食過，是晚朋友帶我來食。餐廳佈置頗懷舊，牆上掛著各式各樣的食物及飲品。豬寶鐵板餐 - 內含豬扒、黑椒豬手及火腿扒。豬手雖則的骰，不過咬落酥脆不乾身。豬扒肉質軟稔不韌，配上茄味甚重的意粉食口感也不錯！牛魔王鐵板餐 - 內含牛扒、牛脷及漢堡扒。漢堡扒質感厚身，咬落挺Juicy，配上濃厚芝士更惹味。牛扒香口，質感亦不鬆散。牛脷厚身，入口彈牙軟稔。懷舊薯條配松露蛋黃醬 - 薯條是坑紋那種，故薯味入口濃郁，熱辣辣蘸上醬汁更加滋味。十字牌香蕉牛奶 - 熱飲奶味香濃幼滑，香蕉味入口不甜。凍飲奶味相對較挺身。

睇食評好似唔錯由中環去銅鑼灣食入門口好好招呼叫左個全日早餐，68蚊雞扒：似普通茶記炸脾起骨既味，正常腸仔：求其煎，無味煙肉：求其煎，唔香炒蛋：大家樂都好食過佢，其他食評講既鮮奶味呢？連蛋味都欠奉喎，要用鹽調味蕃茄：有煎過嗎？難食仲有跟餐既芒果木瓜奶，加6蚊，我以為有咩咁特別，點知係平時七仔買到既紙包十字奶倒入個玻璃瓶入面！成個餐好乾，一滴汁都無，問侍應拎，答案係無汁架，最多拎支茄汁俾你我睇餐牌有好多碟頭飯如：燒汁雜扒飯，即係廚房係有汁架啦，咁點解唔諗方法滿足客人需求呢？然後我係茄汁點雞扒腸仔先後食到個餐總結：貴而唔好食，不值一試

星期日夜晚6點幾黎到，服務尚可。晚餐無嘢啱，叫咗個芝士焗黑松露醬意粉，等咗大約10-15分鐘黎到，味道一般，最大問題係成碟嘢好水！唔係“杰”身醬汁嗰種，係真係“水溜溜”嗰種我要食湯意點解我要嗌焗意！

筆者身為世世代代的 天主教 教徒，當然鍾情於 十字牌鮮奶 (註)，知道 十字牌 開了冰室，雖然不是第一時間幫襯 .... 但路經 銅鑼灣 - 禮頓道 遇見分店，我們來吃一頓晚餐 ~註: 於1960年代初，聖母神樂院在香港大嶼山開始以小規模型式為大嶼山居民出產新鮮的十字牌樽裝牛奶 ~Menu ~ 筆者點了一個 十字精選鐵板餐 - A餐 , 牛魔王餐 $98 , 套餐包括主菜一款、餐湯、薯菜飯或意粉、$22 以下的餐飲 ~ 餐湯 : 餐湯是忌廉雞肉湯 , 味道一般 , 沒什麼好陳述 ~牛魔王鐵板餐 : 熱辣辣的鐵板上有一大塊手作漢堡扒、一大塊煎牛脷、一大塊煎牛扒，配搭上味道新奇得意 , 別樹一格的黑松露蕃茄醬汁 ~ 十字牌奶茶 : 茶底芳香濃郁 , 茶和奶的比例都調得十分均勻 , 一飲就知有料到 , 金記的水吧師父應該虛心一點到這裏來上一課 , 進修一下 ~本篇完 ~

※本文以用餐當日的環境、服務和食物質素為準，口味亦因人而異，文章只作參考之用。-本地品牌十字牌鮮奶相信對於香港人黎講絕不陌生，佢地係香港都開左幾間茶餐廳-十字冰室，以招牌牛奶黎炒滑蛋和沖泡奶茶等，冰室都開左年幾兩年，小妹而家先第一次去食。冰室環境帶少少懷舊感得黎又帶點摩登，不過怕影到客人所以拍照都為有低調一點，拍的環境照不多。餐牌上的選擇還不少，除了一些茶餐廳常有的食物外，也有一些較特別的小食，如籠仔椒鹽燒賣、黑松露黃金蝦、松露蛋黃醬炸薯條和三色炸鮮奶等。晚市都有供應數款套餐和鐵板餐，款式不少。濃滑奶茶 $18招牌既奶茶，用上十字牌鮮奶沖泡，奶味和茶味平衡得宜，質感可再滑少少，唔需要落糖都唔覺得澀，味道可以。午餐肉牛奶炒滑蛋三文治 $24知道呢度既炒蛋出名，所以一心決定黎食返個香港地道蛋治，再要埋雙併餐肉烘底。餐蛋治夠厚身，用了十字牌鮮奶的炒蛋厚厚一層，賣相唔錯啊！炒蛋炒得頗滑，食落仍帶點蛋汁不乾，不過奶味比蛋味較重，但都係唔錯的，如果餐肉可以再煎香少少就更正。花生醬奶豬仔包 $20黎到茶餐廳忍唔住叫左個豬仔包食，粗粒花生醬加上煉奶真係無得輸，最重要係豬仔包咬落唔會乾到刮咀，好食！皇牌

朝早食茶記，夜晚都食茶記，睇黎我真係好鍾意茶記XD不過呢間茶記嘅炒蛋非常好食，而且好滑，見到佢成個雪櫃都係十字牌牛奶，唔怪之得可以整到咁滑啦～叫左個櫻花蝦炒飯，炒飯上面好鬼多櫻花蝦，而且炒飯炒到好乾身，食落唔會好油膩，抵讚！瑞士雞全翼，醃得好入味，唔會只得雞皮先有味～籠仔椒鹽燒賣，見佢個名咁得意，所以叫左黎試。第一次食椒鹽燒賣，因為椒鹽嘅緣固，燒賣好香口，而且表面脆卜卜。最後叫左2杯奶茶，一杯係熱奶茶，好香茶味，相信佢個茶膽係正嘢～～朋友仔就叫左紅豆奶茶，佢都話好味～～除左食物，呢間茶記都好有心思搞復古，袤土住啲擺設食野都開心d嘅。而且係一般茶記嘅價錢，好抵食呀！