Crostini Bakery & Cafe (Closed)

Crostini 門面裝修比人有一個高級既感覺，店內除了有麵包同蛋糕賣外，重有好多不同種類既物品，例如有衣服、頸巾、雨傘、手袋、手機保護套、鮮花等等，估唔到依家賣餅都可以咁多元化。😂 😂不過今次去幫襯只係買蛋糕，買左個一磅芒果拿破崙 ； 除了間鋪裝修靚外，估唔到個盒同餐具都見得下人。芒果拿破崙 ($238) : 成個蛋糕賣相唔錯，面頭既朱古力牌都印有店面，下面係層次好豐富既千層酥皮夾住吉士醬，酥皮脆口得黎又唔會鬆散，加上只係買 $238，性價比超高。👍🏻 👍🏻

今日去九龍灣影little twin stars, 經過九龍灣德福廣場一期呢間Crostini Bakery & cafe 麵包店買了個牛角包🥐$11頂肚。牛角包，外皮鬆脆、氣孔分佈成個麵包，好味。

第一次試這間麵包店, 挑了個熱情果黑朱古力慕絲。$38一件其實有點小貴...事關蛋糕很小巧, 兩口就吃完。 蛋糕賣相精緻漂亮, 因為是黑朱古力, 所以有點期待。試食後覺得味道整體一般, 沒令人很驚喜。 首先是黑朱古力慕絲味道不夠濃厚和突出, 有點失望。 相反, 內層的熱情果餡的甜酸味更突出和醒胃。 果味很清新沒錯, 但就有點搶去朱古力的風頭, 至於雲呢嗱軟心的味道其實不明顯。說真的, 個人覺得試過一次就好! 不會特別想再回頭光顧, 這個價格, 我大概可以有更好選擇。

朋友生日, 今次我地唔買大大件既cake, 改買6款唔同味既細cake, 咁就可以互相share 試多D 唔同味啦 Crostini 係我最喜歡嘅西餅店之一, 每款cake 都好似擺設計咁, 精緻得黎食落又好味. 而且佢每件cake 都有獨立卡紙墊底, 外賣走再有大盒裝住, 很是安全.佢每件都 $3X-4X, 細細件都唔平架, 不過今次興生用, 就好抵啦 今次選既6款唔同味, 但每款既外型都一样咁靚, 食落更唔駛講, 好甜好好味. 尤其是我至愛既特濃朱古力脆脆, 朱固力味好濃, 第2愛就到士多啤梨啦, 真係又甜又大粒！

同事farewell, 以往都係美心西餅東海堂，本來都沒有什麼期望，因為始終是別人的一番心意。竟然，冒出了這個完全呃like散水餅，美得猶如一件擺設，所有同事都嘖嘖稱奇。連工作也暫時不理...第一次在雪櫃發現他們，以為是同事暫放哇！簡直震憾，iphone 三叔 Huawei 出哂黎。說是擺設品，也不為過大家都千揀萬揀，又互相share試味道，結論還是我這個荔枝最好味。祝同事前程錦繡，謝謝你花了心機金錢和時間，在我們沉悶的工作天留下了深刻的紀念頁。

「Crostini Bakery & Cafe」係一間我最喜歡嘅西餅店之一，我冇飲過佢d咖啡，都冇試過佢d 麵包，對於我呢個鍾意食甜甜嘅人，我淨係食過佢不同口味嘅西餅、蛋糕😋今次都係因為同事生日，壽星好鍾意食朱古力，所以選咗呢個裏裹外外都係朱古力嘅”Chocolate Masa”俾佢😅 好濃，朱古力控必吃！但對於我嚟講，呢度最好食嘅係”Strawberry Mille-Feuille”♥️佢個拿破崙酥皮好有牛油香，又夠脆，士多啤梨都係又甜又大粒！🤩誠意推薦👍🏽

呢間絕對系我食過最好食既牛角包！本人對麵包無咩大興趣，唯獨對牛角包情有獨鐘。但一般連鎖麵包店d牛角包真係麻麻，食落同普通麵包相差無幾。幾個月前食到呢間麵包鋪既原味牛角包就念念不忘，點知呢款杏仁牛角包仲好味！牛角包本身很鬆軟有烘焙的牛油香味，一口咬下去層層疊的麵包紋理，當中還有很多空隙，一個個氣孔充滿彈性，壓扁後還能回彈。麵包面上的糖霜岩岩好，杏仁也好多帶少少香味，簡直每樣都恰到好處就係五知熱食會五會更好味以後要經常幫襯啊！

是日心情勁靚，一來是終於等到拎中銀紀念鈔了~二來用信用咭積分 換了 一對靚靚波鞋既然過開來九龍灣，記得手上有張$100coupon，見12月底到期，用埋佢先最初其實係想買這店的牛角包，之前試過一次好好味不過行到埋 西餅櫃，見到咁精緻的西餅，瞬間改變主意了，選擇4 件靚靚西餅每件西餅都係OVER $30，所以係要補錢的不過冇所謂啦高貴的深藍色紙盒，4件靚靚西餅已經整整齊齊，由左至右排列，等待俾我地食佢地深啡：紅莓特濃朱古力脆脆淺綠：黑加侖子開心果慕絲有花綠：抹茶紅豆蛋糕橙黃：香芒熱情果慕絲殘忍的時刻到了，要將他們解剖外型最花俏的，應該是抹茶紅豆蛋糕有糖霜花及朱古力蝴蝶原來中間是層層叠紅豆味不太重，反而食落有點像紫薯味道為四款之中，味道最清淡的一款要最先食黑加侖子開心果慕絲這個配搭十分新穎，入口較Creamy的開心果與呈酸味的黑加侖子，味道意外的十分配合，而且微酸的黑加侖子，令整件CAKE食落唔會太"漏"香芒熱情果慕絲最常見及穩陣的西餅款式熱情果及芒果均屬 酸甜系列，不過今次的熱情果味道較為突出餅底的脆脆令口感更為豐富紅莓特濃朱古力脆脆味道最濃，所以要放到最後才品嚐，也因為太好味，所以忘記

今日老闆生日，同事買咗個蛋糕同佢賀一賀佢。食東海堂食到厭，今次試一試新嘢，揀咗Crostini嘅芒果拿破崙蛋糕。蛋糕睇落好grand，三層酥皮層層分明，面層鋪上Crostini自家朱古力，落睇相當賞心悅目。酥皮相當鬆化，即使放入雪櫃雪咗陣依然無變腍，而且唔會過乾，保持住有少少濕潤嘅口感。吉士都做得好好，好creamy，唔會太甜又有蛋香，而且唔會有種有魚膠粉漿住變到好似jelly嘅口感。一個蛋糕都切到九份左右，算係好抵食，不過呢啲蛋糕有個唔好處就會切到周圍都係好呢hea！

樣子高级，精緻，賣相非常吸引，好清新的感覺，濃濃朱古力，口感不錯，配埋咖啡一流，全家不出五分鐘內食哂全件，都唔會有膩的feeling。麵包舖光鮮和企理。 🈶經過此店必再買給家人分享，直得推介。

係MegaBox行完街，就同朋友一齊去咗食Tea，我哋叫咗all day breakfast 牛角包同幾件蛋糕，再加兩杯野飲。先講講all day breakfast $98配一杯飲品。入邊有兩條芝士腸，茄汁豆，多士，蕃茄，炒蛋，煙肉同沙律。我最欣賞芝士腸同多士，一咬落去真係有芝士流出來 好juicy😍😍 多士好香脆👍👍👍 飲品選了抹茶牛奶 抹茶嘅味道比較重 鍾意抹茶嘅朋友可以一試牛角包我們選了蟹肉 凱撒沙律醬加上黑松露 蟹肉嘅味道同黑松露好夾 我最推薦這一個 蛋糕三款都是芝士蛋糕 入面有唔同嘅果醬 其中一款係柚子 鍾意甜品嘅朋友可以試吓❤️

the quality is better than many local chained shop. and products price are not higher only.I bought a croissant and reheat it by Micro oven. it has many thin layers,and full of butter favour . crispy and light outside. even croissant is high kcal and not so health. I like it so much

行過德福見到間麵包鋪咁光鮮企理就自自然然吸引左我埋去喇麵包價錢麵十蚊起跳 唔平架 不過樣子唔錯竹炭紅莓麵包一望落去好吸精，都食過幾次架喇 唔錯的～有4小個的 好岩啲小食多餐既朋友 得閒蚊個出黎食咁😂😂 咬落去都軟架 個包本身唔太甜 加上啲甜甜酸酸既紅莓乾粒 成個包都好清新👍🏻另外買左個芝士蕃茄，聽落好普通，好似平時啲三文治咁，但食落去原來都有新鮮感！佢既粒粒芝士同啲蕃茄都幾夾，又有少少汁感，麵包唔硬唔軟，都可以回頭👍🏻

爸爸生日當然要買個蛋糕慶祝吓啦，但今次想來想去毫無頭緒😰😰😰去過美心、東海堂都無新發現，突然諗起中環機鐵站有間 Crostini, 雖然從未幫襯過但即管中午食飯時間行過去睇睇。於店外已經俾個士多啤梨拿破崙吸引住😍😍😍，但由於爸爸怕酸所以揀咗芒果味。蛋糕價錢已包括自訂生日朱古力牌、餐具及蠟燭並安排隔天到德福店取餅。 特別要一讚中環機鐵站店員的服務，斯文有禮，講解清晰👍🏼最初頗擔心拿破崙蛋糕會比較難完整地切開，後來發現中層吉士部分做得好挺身， 所以絕對無問題。 酥皮部份亦十分香脆鬆化而芒果又好香甜，爸爸都好滿意，開心！

今次揀咗呢款士多啤梨拿破崙, 呢到有3款既拿破崙選擇, 其中一款係呢款, 另外仲有兩款就係芒果拿破崙同芒果拿破崙開心果蛋糕底, 呢款賣相都相當吸引, 呢款一磅6個人食都有飽肚感覺, 最多應該夠8人食, 呢款每層都有吉士忌廉夾住, 吉士忌廉又香又滑, 配埋拿破崙底食, 又甜又脆口, 而士多啤梨就有啲酸, 但夾埋吉士忌廉拿破崙一齊食味道就啱啱好啦!呢到生日牌係免費刻字, 而家仲有一SET 6隻碟同叉配埋, 平時去其他蛋糕店買蛋糕又冇紙碟送, 唯有剪蛋糕盒紙用嚟當碟用, 而呢到就滿足到客人既需要啦!