天澄閣

Open Now

Now Closed

本身諗住去新開嗰間潮宴，點知頭幾日開張勁多人！睇完之後發覺原來佢好貴 但係都唔係天價 係中上嘅價錢 不過要等位等好耐就唔啦轉場去酒店今日好好彩有一張海景枱啱啱啲人走 等埋佢執枱就入座整體服務有效率同埋幾快雖然呢間酒店價錢係相對貴少少 但係原來服務同埋環境都係晒度食物質素都好高質！我記得 全部都好味🤤想講啲嘢上枱勁快！ 個蝦春卷兩條原來咁大條㗎 剪出嚟都四條 入面有少少蝦木耳絲 好香脆 潮州粉果都比想像中好味！個皮熱辣辣煙煙韌韌個餡料都好豐富，有好多花生同埋馬蹄粒 但係就冇乜蝦米金錢肚勁靚仔！底下蘿蔔好香甜而家當造，睇落個金錢肚好似同平時一樣，但係原來食落有好多件㗎唔怪得知平時喺其他酒樓係大點，喺呢度係特點啦 蝦餃我就覺得普通少少，個皮同埋入面嘅蝦食落覺得普通啊你唔鯪魚球麻麻哋，唔識形容 但係就唔係我哋杯茶呢個$168嘅福建炒飯上枱超靚仔勁足料囉！超多蝦菜粒同埋雞粒 雞係真係有一粒粒嘅肉係啲雞皮垃圾嚟係喎見到隔籬枱叉燒包都嗌過嚟食！大大粒好味 個皮都整得唔錯鬆軟😋整體而言好滿意！廁所又乾淨，侍應手腳又快成日會有充足人手斟茶加水同埋執枱 落單都好快一分錢一分貨！ 有機會都會再嚟食

上個星期同朋友嚟飲完茶，覺得啲嘢幾好食，又知道呢兩天開始有個晚飯優惠，所以我同朋友又再嚟食晚飯，唔係講笑，性價比高，又抵食又好食，即燒BB豬豬🐷🐷，皮脆肉嫩，簡直冇得頂，半隻BB豬，都係$98，真係去街市買都唔得，仲要燒埋俾你食，仲要非常好食，所以一定要介紹俾啲朋友，依個介紹＇一定唔會俾人鬧，因為真係又抵又好食＇，仲有一個我又要介紹俾大家＇就係有個鳕魚膠螺頭燉雞，每中都係$18，而家香港食肆一定真係好難做，啲人返晒國內消費，搞到啲酒樓有啲咁優惠嘅嘢食，真係搞到我都要幫佢宣傳吓，貨真價實＇而且呢間酒樓又坐得舒服，空間又大，仲喺酒店裏面，實在太超值，食過嘅朋友都幫佢宣傳吓啦，我就幫佢依家天澄閣中菜廳，宣傳吓啦，希望帶到好味又抵食嘅嘢俾大家

今日係中秋節的假期，一早起身就同朋友一齊去踩單車，喺沙田早餐就出發，一路途經大埔又去到馬鞍山，途經馬鞍山有一間近海邊嘅酒店，踩單車嘅時候見到酒店裏邊有間酒樓，時間已經去到中午，一班朋友都決定，不如去飲茶，啲同事好好，見到我哋有單車，就俾個地方我哋擺好，實在太窩心，酒樓裏面見到全場爆滿，相信呢度啲嘢應該唔會太差，我們實在太肚餓，叫咗好多點心其中有一個點心實在令我不得不提，因為真係超好食就係懷舊千層糕，實在係以前細個食嘅味道，一唔一樣，我都食過好多間嘅千層糕，呢一間係最有細個食從前嘅味道，講到呢句說話，有暴露了我的年紀，希望同我同年紀的朋友，介紹吓俾大家，回憶一下，現在實在好難搵到類似呢啲味道啲懷舊點心，還有我以為酒店嘅酒樓會係好貴，點知原來又係草根價錢，住在馬鞍山的人，實在太幸福了，有間咁好味的酒樓，坐得舒服，又有海景，又唔需要同人搭枱，當然仲有好好食嘅食物，埋單之後走的，公關姐姐還介紹我們下次晚飯來吃飯，有晚飯優惠驚喜，我睇完之後，二話不說，就訂咗下星期了，分享俾大家喜歡食好西嘅朋友

馬鞍山酒樓不算多，海柏那間長期排隊仲要搭枱。行過公園近海傍的天澄閣就好似另一世界。無敵海景，每枱都各有合理空間，絕對不用搭枱，亦不會過迫，舒服，咁先係‘’歎茶‘’。朝早11：00前有優惠，仲有2人點心選擇，人少可以點多幾個不同款式試試。特別喜歡3色腸粉，蝦，义燒和牛肉，各取所需，不過好似是早晨優惠才有。鳳眼餃和燒賣的蝦，大隻彈牙。孖寶可選粥或煲仔飯，吃了多次皮蛋瘦，綿滑，今次試梅菜肉餅飯，肉厚飯軟，正！蒜蓉蝦春卷，是少有大大隻蝦的，仲有香濃蒜泥味。麻蓉煎堆仔，唔會太甜，流心料夠足好。食飽飽仲可以行吓海傍消化，實在賞心樂事

因為經過見到有龍蝦優惠， $88半隻芝士焗龍蝦，所以訂座了試食！除了龍蝦，我們叫了避風塘炒大肉蟹、四川水煮龍躉、蝦片黃油雞和蒜蓉炒豆苗。芝士焗龍蝦味道很香，芝士味濃郁但不膩，蝦肉很鮮味彈牙。避風塘炒蟹味道香濃，完全是避風塘的味道。蟹大大隻，蟹肉亦非常鮮味！四川水煮龍躉非常香，花椒味很重，辣度足夠，很有四川風味。但是魚肉不夠嫩滑，份量亦不多。黃油雞皮脆肉嫩，很香！蒜蓉炒豆苗也很嫩很清甜！侍應很友善，很幫忙！

17/6諗住提早一家人慶祝父親節，兩天前（15/6）已致電定位，另該店經WhatsApp通知如要訂購父親節套餐可先付訂金，到時現場有現金扣減優惠，我們因為人數少嘅關係，沒有訂購，而轉移詢問關於晚飯片皮鴨可否預留？當時回覆因屬特價菜不能預留，只可以先到先得，咁OK啦，對話結束當晚晚上我們一行七人7:00準時到達，我還未坐下，知客已告知片皮鴨售罄🥲雖然失望亦沒有辦法,唯有退而求其次點選價值1388的套餐。當我們進食期間，已不停見到有片皮鴨出現，直至我們享用完最後一道菜，仍然見到還有片皮鴨新鮮出爐🤔於是忍唔住詢問該餐廳部長，佢初時仲話客人一早到場，現在才叫起菜，玩嘢咩！我們用餐時間差不多兩個小時，望過去張枱面乜都冇，搵鬼信咩😡之後佢就狡辯話係客人一早預留，跟住我立即show同佢哋嘅WhatsApp對話，形式,佢睇住我個WhatsApp成分鐘,應該就諗緊點樣解釋😒冇得解釋㗎啦,間嘢之前個評語都係話留晒啲嘢比熟客，但係你都唔好咁過分吖😠我聽到隔籬枱6:30入席已經話售罄，但係我哋琴日食完飯已經係差唔多九點嘅時候仍然見到新鮮嘅片皮鴨！！呢間嘢back list，唔會再幫襯！！！

一家五人去左位於馬鞍山海澄軒酒店嘅天澄閣中菜廳飲茶，可能因為紅日嘅關係，去到都唔係即刻有位，但好彩只係等左十分鐘就可排到張八人枱比我地，可以坐得鬆動啲！由於酒店位於海旁，所以可以望住個海進食，十分寫意，環境方面加曬分！🍃服務方面，雖然場地比較大，但職員數量都充足，總有個你係附近，舉手就會有職員行埋泥serve你，而且態度都幾好🙌🏻🙌🏻(今日本身坐個張八人枱，頭頂盞燈壞左閃下閃下，令到我地對眼好唔舒服，職員見到都即刻幫我地換位，加分加分👀）野食方面，質素都好好，我地一共叫左9樣野，埋單$462。茶芥$14/位，雖然比一般酒樓貴，但有咁好嘅服務態步同環境，認真抵比🫶🏼💡溫馨提示：11點前會有早晨優惠，但11點後就係午市收費嚕，都係一樣嘅份量，識飲一定係飲一早茶🤫😝🛎 仲享有酒店免費泊車優惠味道 🌟🌟🌟🌟服務 🌟🌟🌟🌟性價比 🌟🌟🌟( 五粒🌟為最高)

好耐冇飲茶，帶婆婆去飲茶，但係因為婆婆係素食者，所以發現原來呢一間餐廳其實冇乜素菜，只係叫倒羅漢齋炒麵，炸豆腐，涼拌蕃茄同埋奶皇包就冇啦，都係一啲正常大腦酒樓會有嘅嘢，但係就完全冇任何一樣款式係專為素食者而設。題外話最好笑問店員有乜嘢蔬菜，佢答我韭菜豬紅😅🪫🤐。天澄閣其實整體味道都唔錯，所有嘢食上到嚟都夠熱同好食，不過價錢真係比想像中貴，5個人6個點心加2碟飯面，賣單接近$900🤔。位置唔算好方便，但係有免費泊車。

今天是冬至，決定在家附近找中式酒樓吃一吃個冬至飯，預約了天澄閣。龍躉兩食 $368一道是蒸龍躉球，另一道炒龍躉腩兩道菜份量不多，擺盤亦十分隨心，味道正常沒有特別之處，炒龍躉腩味道比較優勝。乳鴨 $68乳鴨味道不錯，肉嫩，可惜調味不均，有些許位置偏鹹，上枱時擺盤已經東歪西倒。海鮮雜菜煲 （忘記了價錢）口味清淡內有冬菇絲、蝦乾提鮮，整煲雜菜沒有賣相，味道亦不出眾。吃飯期間不斷上左錯菜，感覺非常一般，對比起價格感覺性價比十分低，

位於馬鞍山海濱長廊既天澄閣，周圍環境空曠晨早空氣好，喺馬鞍山海濱長廊散步，望住個海，心情都舒暢一點，散步完畢我哋去左海濱長廊既天澄閣中菜廳，飲早茶，平日嘅早上大約10點，唔需要等位，環境都算新淨，座位寬敞舒適與隔離枱之間有距離的，而且仲可以睇到海景，早上飲茶有特價點心，孖寶抵食，味道正常好食，店員服務非常好認真，因為我哋之後都有加其他外賣 ，店員都非常有交帶。如果飲茶可以值得再去的。揸車人士都好方便，隔離就係大型停車場，如果坐車嚟就係馬鞍山站步行大約12分鐘。

就快到中秋節，提早和父母做節食中菜，一行六個大人，埋單食咗$21xx, 位於馬鞍山海澄軒酒店樓下的天澄閣，平日晚上無需要預約，座位寬闊舒適，服務員態度好，如果坐最入嘅位置有幾張枱係可以望到海景，食物質素不過不失，唔會有太大驚喜，不過D海鮮全部都過熟了🤦🏻‍♀️。 食飽可一家人在海旁慢步和傾計，而且可欣賞月色。如果在馬鞍山站行過嚟約10分鐘，揸車的可泊係酒店停車場/隔離爛地停車場，埋單都有免費泊車。

好耐冇一家人去飲茶了。原因，當然是因為疫情，就算是聚會，都會選擇在家中進行。然而，前一陣子 (仍是4人限聚時)，因為拜完祖先後村長設宴而來到《天澄閣》。我們4人一檯，各自各食，造就了一個難得的家庭茶聚。分了三家人，各自各炒粉麵，食點心。那天我們帶埋小朋友出席，所以會點上一些香口的炸點。而炸雲吞就是兩個小朋友都開心吃的脆卜卜小點。當然，脆卜卜是吸引的重要元素，加上酸甜汁再吃亦令小朋友吃不停口。又香，又脆的炸雲吞，不會不好味。流沙奶王包，一籠三隻，大大隻。熱辣辣的吃入口，非常之香甜。流心帶沙的奶王，更加是又熱又香。熱食，雖然會 "辣" 嘴，但流沙包凍了就不會再流沙，所以大家都趁熱食晒佢。鴨腳扎是近來我最喜愛的點心之一。也可以說是之首。當鴨腳炆到腍，在口感上同味道上，是更勝鳳爪的。鴨腳扎的其他用料同雞扎雷同，但因為有豉汁鴨腳的味道帶入去，令味道變得更濃香可口。另一小朋友最愛是燒賣。也可以說這是大小朋友都喜歡的東西。這兒的燒賣味道鮮美，豬肉、蝦同蝦子的香味並重。再者，燒賣有足夠的份量，要至少兩口才食得晒。是水準之作。最後，我們見有是日推介及特價，就點了一大碟大蝦伊麵。味道上，因為有濃濃的汁，而

屬於馬鞍山區來坐得比較舒服嘅酒樓，這裏嘅點心價錢比較貴，但係今次食嘅腸粉質素唔錯，佢嘅皮好滑啊，而且非常新鮮好味。鹹水角嘅皮彈牙，裏面嘅餡都幾多，不過略嫌比較細粒，如果大嚿一啲就好啦。蕃茄湯嘅米線都唔錯，入邊嘅魚腐都幾好味，不過湯底比較行，勝在米線夠多，一台讓大家都夠分夠食。

依家酒樓有啲位係可以見到個海，好正！可惜今次飲茶唔係近窗嗰邊。一嚟到，樓面姐姐就會問飲咩茶，一場嚟到，當然要飲唔係間間茶樓都有嘅人參烏龍啦，十分推薦😆！-🍴鳳爪排骨飯($19.8) - 只係早巿先有，原本係想叫北菰滑雞飯，可惜冇晒。鳳爪雖然得半邊，不過幾淋、幾入味，排骨有少少肥，不過係可以接受嘅範圍。-🍴蟹籽燒賣皇($30.8) - 入邊好Juicy，而且會真係見到有蝦肉喺入邊，真材實料！不過唔算好大粒，如果可以大粒少少就好！-🍴米網太子腸($33) - 係上枱嘅時候，叫咗豉油另外上，以免腸粉吸太多豉油，太鹹。裏面包住左一啲蝦同埋細帶子，幾鮮味！依個一上枱就要即刻食，就會識到米網脆卜卜。一放耐咗，就會開始慢慢變硬。-🍴生煎菜肉包(中點) - 煎到好金黃，以為會脆卜卜卜，但一夾落去，個包好軟熟！雖然唔脆嘅口感，但係都食到陣煎香味！略嫌有少少油，不過可能因為係煎包，所以無可避免。

友人話有抵食海鮮套餐，$888-四位，約好星期日來試。這個套餐有蝦丶 蚌片丶花枝丸丶魚翅丶魚…等。天澄閣在海澄軒海景酒店地下，從地鐵站行去，要十多分鐘，揸車卻很方便，旁邊有大型停車場。套餐有六道菜，第一道菜是上湯鮮蝦伊麵，蝦雖然不太大隻，不過有10多隻。而蝦尚算新鮮，肉質少少彈牙。伊麵質地炒得唔錯，不太腍，汁亦香濃。👍🏻👍🏻👍🏻第二個菜是甜豆蚌片，甜豆新鮮翠綠，咬落爽口。蚌片爽口，加埋醬汁，味道唔錯。😋第三道菜是芝士花枝丸，樣子望落ok。食落味道十分普通，芝士味淡，花枝味不濃。它令我即時諗起台灣的花枝丸，很懷念。翅味道不過不失，有少少翅針及豬肉絲。不過今時今日，因部分人不食翅，它可以俾客人一個選擇，如海鮮豆腐羨，相信亦吸引。這個烤雞最有水準，皮炸得香，雞肉滑溜，加埋乾蒜蓉，十分之惹味。👍🏻👍🏻👍🏻魚亦新鮮及大條，時間控制得好好，肉質滑溜，有鮮味。鮮魚豉油甜甜地，加埋薑蔥伴魚一齊食，味道更佳。😋😋😋六道菜後，還有甜品椰汁糕，味道唔錯，不過甜，有椰香。整體而言，這個套餐味道唔錯，有魚有雞，抵食！