紅廚房 (Closed)

今日同左男朋友去試紅廚房個甜品團購之前上過open rice睇佢既食評驚驚地，所以快快手bk黎食上到黎，氣氛環境唔錯！我地要求坐卡位，waiter都會帶我地去之後我就叫左個綠茶窩夫同寡婦吻黎試d窩夫唔差wo個餅幾脆而且係金黃色不過細塊左d同埋要等大約20分鐘到加分既係選擇綠茶雪糕配朱古力醬！唔錯！而寡婦吻賣相都幾靚，藍色又有雪糕！整體個感覺唔錯，比想像中好

我係個甜品控, 向YAHOO見到個甜品餐, 紅豆綠茶雪糕窩夫+特飲好似好吸引即刻買,其實$25我都無抱過任何期望, 因為甜品點整都唔會難得得去邊, 不過都忍唔住好失望. 首先間店無0羊人, 而且晚上已經係9:00PM後先可以用, 但我一入去WAITER就安排我去一個最迫最細GEI位, 我當然要求轉位, 但轉左位個位都係迫GEI!!! 到點野飲, WAITER比張牌我簡, 但只係COFFEE , 奶茶, 沙冰呢D普通野而唔係網頁上寫的(原價$34) 玫瑰乳酸/寡婦吻/青蘋果梳打/黑雨特飲黎?佢話 "無啦依家, 我地轉左LA WO , 你飲團購紙上面0個D要加錢" 下甘都得? 雖然O嘴但我都算, 我主要只係想食窩夫0者~點知個窩夫先係極品, 唔知佢搞0羊要我等左半個鐘,上檯一看完全同圖唔同, 無紅豆, 不是綠茶雪糕而是一舊好大陸低檔雲呢拿味甘GEI雪糕, 再加埋0個堆勁唔夾又無奶味0既奶醬, 塊窩夫未夠火仲係米色的, 唔夠脆唔夠熱唔夠厚又無質感~~成塊野只有面粉味....完全無香味!!! 仲衰過街邊$7一塊的格仔餅....其實唔明, 團購都係想宣傳, 唔知點解要將貨就價做到甘差, 起碼食完

之前買左團購 ($25 下午茶 tea set 優惠)見就快到期未星期六去用左佢囉book 左 15:30 準時到達order 左份 ice-cream waffle等緊果陣見橫掂唔趕時間未睇住雜誌 hea 下先囉點知睇睇下原來經已成 16:00即係份 waffle 經已等左我半粒鐘啦,亦都即係漏左單啦!! 咁梗係叫 waiter 跟跟啦!!過左 5分鐘有個 waiter 走來同我講唔好意思因為即刻整果份 waffle 燶左要再整過 等多一陣就 ok(根本就唔係理由!!!)好, 用左 total 45 分鐘時間(即係 16:15) 份 waffle 終於到但係有圖有真相, 未又係燶!!waffle 食落比較硬身，好明顯係 over-cooked而且根本就無左waffle應該會有嘅香味至於個雪糕又係好普通，味道偏淡 =.="至於跟餐果杯熱情果沙冰就普通咁囉飲落同普通7﹣11果D思樂冰分別不大咁o既 food and service quality 想叫我再幫襯都真係無可能!!

訂位方面: 當日晏晝網上訂位, 留了要求坐卡位, 餐廳安排到, 抵讚~!食物方面: 算唔錯, 整體上都OK, 1. 叫左個鵝肝, 味道唔錯, 仲要係試食價, 抵啦! 五十幾蚊~!2. 煎牛柳粒, 唔好食, 好"UN" , 唔知係咪個老世聽到我地講唔好食, 佢唔計呢個錢, 超NICE~!!3. 芝麻醬雞扖沙律, 好味, 好鐘意D芝麻醬味道~!4. 香草挪威煙三文魚意大利飯, 其實整得唔錯, 但最衰唔係用返意大利飯好似珍珠米個D米整, 口感即差左, 用左好似泰國米咁..5. 蕃茄醬海鮮意粉, 一般啦, 冇驚喜但又唔失望~飲品方面: 整體上較淡, 同埋冇得跟餐, 廿幾三十蚊杯貴左D~!服務方面: 1. 唔會趕你走同限時, 好! 2. 卡位都坐得好舒服, 又有電視睇, 好!3. 但侍應較新, 第一個落單好似唔識咁, 我地叫野食, 佢叫我地講慢D, 之後都係唔得, 搵第二個人幫我地落..=.=4. 廁所好細, 要入去屙都好有難度..以一人百零蚊, 搵到間叫做食得下, 又可以坐得舒服吹水嘅地方, 算係抵啦~!

旺角首選很難可以用三十幾四十蚊食得咁有水準既午餐 隨便係出名茶餐廳都要五十幾蚊一個飯1. 紅湯顏色唔似一般羅宋湯 比較清 但湯內材料比一般多及健康2. 餐包通常都是晚市才有 見上篇食評推介 一於加錢試 真的似新鮮出爐 好soft 但牛油太硬了 若能代為軟化 效果更佳3. 忌廉芝士蘑菇鴨胸意粉賣相一流 但芝士太多太creamy原來呢個意粉單點要六十幾蚊 而家感覺超抵4. 咖啡加了錢換特色咖啡 還加大了咖啡 小咖啡杯子太輕巧 加大很拿起咖啡感覺好多了 咖啡在上主菜前送上 吃完意粉後 咖啡並沒有冷卻了 感覺好比連鎖咖啡西餐廳茶餐一般以呢個價錢 食品質素同服務態度都"好一般" 根本沒有餐湯同餐包(多士) 隔離枱叫左個石頭飯 遠遠已經聞到香味 跟餐都係差唔多價錢 下次一定要再試

之前買左個團購~自己走左去試左個綠茶雪糕窩夫~綠茶雪糕窩夫其實我好怕食窩夫架~因為整得太硬太乾既真係會好難食..好彩哩個還算可以~** 可惜佢個cream好油好膩好膠質... 係次等既貨色..仲有仲有.. 明明幅圖係有紅豆架... 本身怕食窩夫既我都係為左紅豆而試哩隻唔試cheese cake 或者心太軟..但係.... 紅豆哩...? 熱情果蜂蜜檸檬梳打佢杯熱情果檸檬蜂蜜梳打都算唔錯哩係fruit punch加檸檬既味道~搞埋d蜂蜜會有少少過甜~但都係可以接受既範圍內~不過佢杯都好多呀~因為唔想飲太凍~我用另一隻水杯裝起d杯... 點知裝滿左一隻清水用既杯！而飲品得番三份一多哩~ 佢個個員工都好後生...個個都十叫九唔應...記得入去既時候.. 佢安排我坐正中間一張方型4人檯.. 我問佢可唔可以坐卡位.. 佢話唔得.. 要2個人先可以坐..我話我食得好快架咋.. 最尾佢勉為其難先俾我過去..又無俾餐具.. 又無俾餐紙..連水都無俾..每樣嘢都要叫一次拎一次.. 仲有時叫完就行開唔理..其實我去果陣得3,4張檯有客人.. 但係樓面就有5-7個人... 有d行出行入..但係都好似無人se

約晚上八點walk in, 等了約10分鐘便有位餐湯選了紅湯:色水看上去很濃, 但味道較淡, 不夠清甜,也沒有酸辣味.評分2/5餐包有紙包住, 看似是home-made,夠暖又鬆軟,好好味.評分4/5主食黑松露忌廉龍利柳意粉:味道不錯, 份量適中, 意粉口感也很好.若可加一點有顏色的時蔬(如西蘭花), 會更吸引.評分3/5餐飲選了熱青檸柑桔,不過不失.評分3/5環境不錯, 很合適4~5人小聚會,價錢旺角cafe來說, 算中等,值得再來!

因為會晤久違的長輩， 要找就腳而兼具可傾訴的地方實在買少見少了，幸好無意發現旺角一所樓上餐廳，座落於熱鬧的街角之上，避開繁囂人流，打聽之下亦放心訂位，刻意在"非團購"的星期六下午入座，四周果然如我所料: 一行五人享受清靜的數小時談心時光， 相信長輩亦愜意安排 意粉質量尚佳，吞拿魚及青口/ 大蝦的食材味道合宜， 反而朋友的雞翼沙律及sunflowerting 嘅炸豬扒沙律的伴菜略油 肉類的調味明顯一般! 沒有遇到緊逼交枱的場面，難得! 大家不約而同留肚食下午茶 一舉兩得！最初期盼得體的安排領聚會氣氛輕鬆而感動，唯獨大家臨別依依