文薈館餐廳 (Closed)

原本打算再食他們的炸魚薯條，但坐低才發覺原來他們的午餐menu不是每天一樣，今日無炸魚薯條，那一刻真係想即走！但剛剛那個好似老細的男人熱情地幫我們開門真係唔好意思。其實之前的星期六已打算再食炸魚薯條，但等到11：30，他們都仲未開門，所以今日先會再來。無辦法，唯有叫過其他，2個人叫左一個日式咖喱魚飯(叫飯係因為不喜歡他們的港式白灼意粉），另外叫了一個燒春雞配薯菜。個日式咖喱魚飯的味道同屋企煮的咖喱磚無分別，而D炸魚好硬，好似番炸咁，唔好食。燒春雞配薯菜，唔記得60幾定70幾，但一D都唔值，半隻扁晒的春雞，好細隻，賣相又唔好，肉質超乾，好似白灼豬肉咁。D薯角超少又燶，配菜係大大片的內地紅蘿蔔同翠玉瓜，味道偏咸，食左呻笨！對不起，因賣相不討好，完全沒有意慾影相。這應該是我最後一次光顧了，不會再為唔知邊日有的炸魚薯條而來。

知道文薈館的存在好耐，但見之前的食評一般，所以無特登去幫襯。今日終於去試下它們的午餐來一探究竟！地方比想像中大同乾淨，店面明亮，一入門口有個大魚缸，養左好多熱帶魚。已經係9月尾但天花仲掛住聖誕裝飾，感覺好local,侍應服務殷勤有禮。全部午餐都只係$50元以下包餐湯同飲品，凍飲唔使加錢，星期一至五免收加一，抵食。它們亦提供商務午餐都只係$8x以下。2個人分別點了龍蝦汁焗海鮮意粉($49), 炸魚薯角($45), 一個紅湯同一個白湯，凍朱古力同凍檸茶。上菜快，跟湯的香草包好難食，唔香，有臭腳味，質地似鬆糕，試左一啖就放棄。羅宋湯，蔬菜太多，湯少，味道正常。忌廉吞拿魚湯ok但唔夠creamy。凍朱古力味道濃郁，好味！凍檸茶正常。龍蝦汁焗海鮮意粉唔好食，個汁有D苦味，海鮮係急凍貨，好似超市賣的雜錦海鮮包，有魷魚，魚肉，蝦仔，蜆。全部細過一毫子大，又無味。意粉煮法好港式，質地好淋。相反個炸魚薯角好有驚喜，份量好大，係一般餐廳的一倍，炸魚D粉唔厚，好脆但魚肉仲keep到水份唔會乾，薯角似kfc貨式，伴碟的薯仔沙律似一般的茶餐廳無特別，侍應忘了俾他他醬同茄汁，但一問就立即補上，仲有禮貌道歉！其實加

星期日去大埔踏單車，之後去文薈館食dinner 。我以前喺大埔經常去嘅餐廳。 去到餐廳大約8點等咗一陣咗有位，見全場爆滿。我點咗一個set dinner 。美國安格斯肉眼扒，肉質鮮美，但係就凍凍地。飲品香蕉奶昔，味道一流，我非常喜歡。整體嚟講，我覺得文薈館質素差咗，希望以後有改善啦

之前都唻過呢間Culture Shock幾次, 今次係事隔數年後再來惠顧。廳餐裝修沒大分別, 雖然是白色牆身, 但總帶點灰灰暗暗的感覺. 門前那大大缸珊瑚依舊~之前, 都覺得佢無咩特別. 不過, 今次真係要推介下佢個羊扒!! 羊扒驚喜地好味~!!! 羊扒與食開既唔同, 佢唔係一塊, 係一大舊. 一如慣常, 幾多成熟既問題, 我都會聽取服務生建議, 佢哋建議5成熟. 而佢哋都無介紹錯, 5成熟剛剛好, 外脆內軟, 加上有少少羊脂, 帶著羊既酥味!! 喜歡羊酥味的, 確實會讓你滿足. 而且仲好大件!! 配上薯角, 個份量可以兩個人食都得呀~!  Set Lunch加$17可享用一杯好大杯既「不是紅豆冰」~! 呢杯似是而非既紅豆冰, 有滿滿的紅豆之餘, 亦有點好似涼粉既物體, 食落爽爽的. 再加上椰香味十足既奶同雪糕, 話佢係紅豆冰, 佢又真係唔係TYPICAL既紅豆冰... ANYWAY, 就係特別在咁囉. 好味就得啦~ 滿足!!! 以lunch唻講, 雖然價錢上, 唔算平, 不過食物質素是優質之選. 仍然覺得係物有所值~

多年前試過一次後即時例入黑名單，因為食物質數差劣、服務平平、價錢昂貴 ﹗但幾星期前朋友請我食過一舊外賣葡式燒乳豬，好味到不得了 ﹗皮脆肉嫩，勁多肉汁好 juicy，肉質非常滑溜，外皮燒得脆脆的。所以決定再黎食多次，比多一次機會佢啦 ﹗ 專登黎食葡式燒乳豬，點知一早比食客訂晒 ﹗只在星期六日及公眾假期供應呀 ﹗無緣無緣 ﹗裝修十年如一日，無變過。白酒忌廉藍青口，青口 size 雖然細左啲，但肉質算滑溜彈牙，普普通通，還可以啦。朋友仔既至愛，經常都會 order。自家製香草麵包，我地完全誤會晒囉 ﹗order 藍青口時，經理問要唔要跟麵包，麵包係佢地自家即日製作，仲以為係跟藍青口用黎點忌廉汁，原來係另外散叫架 ﹗食晒六塊麵包後，其他野唔洗食啦，個經理係咪傻架。味道免免強強啦，都叫軟墊，但我唔會專登去比錢 order 囉。 蕃茄水牛芝士沙律，朋友仔完全唔食，一啖都唔食，早講我唔 order 啦 ﹗最後要我一個人食晒，非常無癮又掃興 ﹗食完啲麵包，個沙律咁大份食唔晒啦 ﹗水牛芝士好乾身，味道啖到完全食唔到芝士味，多年前食過係好濕潤而且帶啖啖清香芝士味架 ﹗黑醋欖油香草 dressing，蔬菜都

15.7.2012和好姊妹去看畢卡索畫展之前, 我們就去了這裡吃個悠閒的午餐. 雖然餐廳位置並不是在大街, 但也有不少人來這裡吃飯, 幸好我們只是等了一分鐘就有位了.這裡的set lunch有五種選擇. 由於我們也很肚餓, 所以每個餐都加了錢享用沙律和甜品. 香草麵包吃西餐, 餐前麵包當然不可少. 有些餐廳只給你一個小圓包, 有些餐廳卻會給你一些自家製的特式麵包. 這裡的餐前麵包就相信是自家製的香草麵包. 這香草麵包的外型是一片白方包的模樣, 吃著時才感到比一般白方包柔軟和濕潤, 且每一啖麵包也有豐富的香草味道, 我們也很驚訝這小小的餐前麵包竟然做得如此特別哩.忌簾湯餐湯我們都叫了忌簾湯, 味道香濃又夠熱辣辣, 湯裡面有紅蘿蔔粒和魚肉粒, 很豐富.煙三文魚凱撒沙律這碟沙律很大碟, 好像是二人份量似的. 沙律中的羅馬生菜好新鮮爽口, 鋪在上面的麵包粒雖然不太多, 但也很脆口. 煙三文魚切成了一條條的, 碎碎地, 同羅馬生菜一樣夠凍. 我們也想不到這碟沙律做得比我們想像中出色.白汁磨菇焗石斑意粉 ($42)這碟意粉不單止碟大大, 份量也是同樣多的. 幾塊炸石斑size很大, 炸粉不太厚,

之前聽人講話幾好坐, 點都估唔到入面咁舒適 尤其係D布廉, 個感覺有D似以前尖沙咀嗰間岳飛總之就好悠閒啦食物: 我今次食LUNCH, 最平由$4X起, 洗唔洗加一我都唔記得勒, 轉飲特別飲品就加$12-$15蚊, 加左錢都唔係求期俾杯嘢你, 而係幾好飲+幾靚既, 我就加左要紅豆冰, 杯野靚到暈個湯係全餐最好的一項, 非常精細, 一滴油都冇但係就充滿蔬菜既清新, 係我心目中飲過既蘿宋湯中數一數二咁好包: 一小籃ASSORTED, 唔錯CARBONARA: 中蕉, 茶餐廳水準, 意粉淋既, 汁係罐頭湯個種質地同味道, OH NO..........以後都唔係度食意粉啦刁汁朧脷魚飯: 朧脷魚本身已唔係好鮮甜既魚種, 今次仲好重雪味, 但係都要D餸送埋碟白飯所以吃光. 個刁汁就好失望, 因為刁同魚好夾, 加小小己好味好多, 可惜個汁一D刁味都冇我都見到個老闆樣既人係店中左行右行, 好和善咁, D待應就麻麻地, 不過好采有老細一眼關7, 所以我地次次有咩要幫都係呀老細光速注意到後叫待應過黎, 所以完全冇問題。唔知佢tea time 開唔開，開的話好過去starbucks, 因為Ｄ人靜Ｄ/斯文D由

朋友下午來house warming，早幾日前打算叫到會招呼朋友。之前來過這裡吃lunch，食物都算不錯，而且有散叫的到會啊！因發覺網上很多都是package形式，太多了。因人數不多，叫了5樣半盤的食物 (當然一盤價錢上會化算些啦！）半盤的份量都算多，以裝滿的正方形錫紙盒計算，價錢約$98-$138（如扒類會再貴些），其實是幾抵的～蜆仔青口海鮮焗飯，可能拿到回家都過了兩三個鐘才吃，凍了些，但放進微波爐返叮後，焗飯的氣味很香，聞到肚子都打鼓了！主要青口較多，焗飯的汁底好像是龍蝦茄汁，好夾～ 薯蓉田螺就像配菜一樣，薯蓉挺滑，田螺都大隻，而且“林”身，不差！最受歡迎的瑞士雞翼，最快掃空了！瑞士汁津津有味，雞翼又大隻，啖啖肉，甜甜的，正！煙三文魚士多啤梨沙律，生菜加棷菜底，中間是什果沙律配以沙律醬，面頭鋪上煙三文魚及士多啤梨，佈滿整盤啊！沙律醬不會太酸，煙三文魚又不“鞋”口，非常好！白汁雞皇意粉亦因涼了，放進微波爐返叮，聞到白汁的味道，香噴噴的！雞肉就普通～

今晚去文薈館食晚飯,一入去即嘩...好大魚缸..我地就係坐係魚缸旁邊..係咁看魚..好開心..同埋呢D好似結婚場地既感覺,場地大,同埋有好多花同花門既擺設，所以好有婚禮既feel~我最鐘意意式茄子焗肉醬千層闊麵,份量依然係咁多,好大碟可以share,肉醬好多，好濃，好大塊茄子,夠林又入味,加上闊麵一齊食感煙韌,真係好有層次同咬口~心太軟-朱古力好香濃，一試難忘~海鮮墨汁麵-真係有好多海鮮,墨汁好多,令墨汁麵好好味道~火焰雪山-幾好吃喎, 唔太甜, 旦白幾鬆, 下面有雪糕底，仲有水果

4人去文薈館食晚飯,好耐冇去食了,有點掛住佢個肉醬闊條麵,7點到去到,唔算好多人可以即刻入去,每次來到喱到,都有一種結婚場地既感覺,一來場地大,二來好多花同擺設都好似婚禮既feel,包括個場既燈光,水吧位,隔離有個似vip房,應該係人多book位先可以用到~!即睇有咩食,4個人,叫左兩個set and一個pizza,是日晚餐都好低架,平均$88-$118一個set,好吸引,羅宋湯ok味道~!水牛芝士莎樂美腸pizza,個賣相幾吸引,仲要幾好味喱,薄批難得個底係唔硬,面層少少脆個底比較軟身,唔錯,水牛芝士偏奶味同夠滑,加上咸咸地既莎樂美腸,味道好口香,幾好味~!意式茄子焗肉醬千層闊麵,份量依然係咁多,好大碟可以share,味道keep住水準ok好味,肉醬味濃郁,好大塊茄子,夠林又入味,加上闊麵一齊食感煙韌,味道香口,不過肉醬太多,相對來講闊麵太少,味道變得漏左d,如果多返d麵會好d呀~!香煎老虎大蝦伴松露香菌意大利飯,記得上次係食鵝肝意大利飯,塊鵝肝係麻麻地既,今次決定試大蝦,大蝦ok好多,都幾大隻,味道唔錯,個松露香菌意大利飯好多汁,味道濃郁口感又creamy,如果唔太like白汁可能

頭盤點了生蠔拼盤，來的生蠔雪都未溶完，食入口好似食緊生蠔思樂冰咁羅宋湯同手水一樣main couse朋友點了大蝦意大利飯。意大利飯來到，蝦頭黑的，蝦肉勁鞋，飯好似湯飯一樣，好難食。我點了西冷，要4成熟。等左成半個小時，西冷來了，一睇賣相過熟已心知不妙，切開，一睇就知起碼8成熟。同d侍應講，點知有個有貌似老闆的人拿著碟西冷走過黎，用佢個唔知咩電話的閃燈照住件西冷，跟住死同我講係5成熟。xyz你估我唔野定唔識煎朳呢? d肉熟到得番3mm的紅色，仲死口話係5成.....講兩講連我朋友(佢老豆係名酒店西餐總廚，由細至大都跟老豆學識好多煮西餐、煎朳的菜式)都出聲話件朳唔可能係5成熟。跟住果個貌似老闆的男人才放棄說那是5成熟，改口問可以點樣處理。xyz點處理仲使問人咖咩....都算，佢問我想要番西冷，定想點其他....煎牛朳咁簡單都搞唔掂我仲點敢要過第樣呀，跟住答佢要過一份同樣的西冷。再等左15分鐘，誠戲玉來了，件西冷上場，一切開，望下就知求其煎一兩分鐘就拎出黎，都唔知有冇1成熟....講到依度我都已經唔想再講落去了。結論係。依間野真係好唔掂。個廚好似唔識煮既咁...

夏日炎炎，到晚上路面依然餘熱未散，要令我離開冷氣開放的家，踩單車去大埔，實在須要很強烈的理由： 美食！向文薈館進發!由火炭到大埔，以我的龜速，都要一小時。去到本來滿身大汗，踏入餐廳大門，見到一個大大的海水魚缸，熱帶魚悠然自得地游着，暑氣已消了一半。白色爲主的簡約裝修，加上幾乎有二層樓高的樓底，也令人感覺清爽。由於自以爲消耗了很多卡路里，遂放膽狂吃，套餐以外，還多點一客鵝肝多士。難得親愛的老闆（I.e 我老公）也沒有囉囉嗦嗦怕吃不完呢。最愛煎鵝肝外香脆內軟滑的口感，和豐腴的油香。這個四十六元的鵝肝多士，鵝肝分量大約只有一塊眼鏡鏡片大小，太薄了，不足以帶來口感的享受，但鵝油的甘香還是不缺。上面澆的黑醋也帶出鵝肝的香味，總算一解對鵝肝的思念。隨後來的餐湯和蒜蓉包只是平庸之作，正開始懷疑是否值得費勁踏單車來，我的主菜，虎蝦雜菌忌廉汁意大利飯出場了。賣相算吸引，煎得鮮紅的虎蝦，盤坐在奶白色的飯上面，剎是奪目，只是忌廉汁太多了，看上去有點像湯飯。還好二隻虎蝦相當對辦，餐刀切下去已感到肉質結實而有彈性，入口鮮味濃郁，吃得出無化學添加。至於意大利飯，那忌廉汁的味道也很有上湯煮出來的感覺，比一般現成罐頭

之前黎過食lunch, 覺得d意粉幾好食, 所以約埋幾個朋友黎聚會, 貪佢就腳.一黎就有個貌似老闆的人就來介紹一d熱門菜色, 我地聽佢講 就叫左 香草包伴三色醬, 烤乳豬(聽講係星期六日先有o既)香草包伴三色醬: 個包真係幾好食, 不過個皮咸左d烤乳豬: 食落去係幾滑, 不過真係唔覺得有咩特別囉.之後再叫左西班牙海鮮飯, 安格斯牛肩脊, 卡幫尼意粉西班牙海鮮飯: 要等45分鐘...不過因為好多人都話好食, 所以先叫, 黎到個賣相真係同張相一樣, 點知d野就好難食囉, 所有野都好似焗過左時間咁, d蝦乾曾曾, 有d"梅", d藍青口縮到勁細粒, 食落去好"un", 個飯又乾又冇海鮮味, 真係唔好食囉...我咁大個都未試過食d咁難食o既飯..仲要收$280一個!安格斯牛肩脊: 又係冇驚喜, 個伴碟反而幾好食.卡幫尼意粉: 幾好食, 我發現佢係d意粉好食架咋...5個人total $8xx下次都唔會再幫襯!

六點半就去食，所以唔駛等位。一入到去睇menu，其實係俾價錢嚇親…有「驚」事關呢條街平日不是太旺，而且一堆食肆不愁無選擇…出面大街的餐廳價錢都唔駛咁貴，何解呢度會特別貴？（一個pasta + 一個湯&包 + 一杯飲品) = $98 + 10% （一個扒 + 一個湯&包 + 一杯飲品) = $138 以上……朋友話呢度靜，所以過黎食下…友人想點係menu 上面兩樣野（抱歉唔記得左係咩…）佢呢樣又無、0個樣又無…友人問：「點解你地無又要寫係個menu 度？」待應答：「淨係你點0個兩樣無，其他全部都有！」無奈……我點左個卡邦尼意粉、友人點左個羊架…老實說，野食黎講係幾OK……仲點多左個三文魚沙律，$48 蚊so far so good羊架係有驚喜，真係幾好食，又唔羶，不過略多肥膏…卡邦尼意粉我覺得太齋，一D 煙肉都無，但係Creamy 又幾Saucey，OK la...好似無食甜品，但係叫左杯花茶，埋單每人$160

今晚決定入大埔和朋友吃飯, 我都好鍾意大埔這個地方, 好過要我出旺角, 我真係好怕多人朋友選了這間文薈館餐廳 Culture Shock作為我地晚餐的地方入面環境一流, 樓底高沒壓迫感, 客人比較少, 所以很適合靜靜地傾計談心我們點了以下食物: 三色醬配什麼麵包, 忘記了名字 包中間很好吃, 但麵包皮不知何解好咸...真的好咸 三色醬, 有吞拿魚醬, 香草及茄醬, 每款都各有突色 不懂怎切的豬肋骨, 哈哈, 最終用手食最好, 最有風味不過呢個豬肋骨, 冇咩肉 黑松露汁牛柳配意粉, 吃不到黑松露味道, 牛扒太乾身了, 一般 最後甜品梳乎野, 有驚喜, 可能是即點即做最後總結, 總括來說, 環境一流, 食物一般~~~