想點啡 (Closed)

follow@wojengyea/@wo!正嘢 for more food info🐒 支持我哋發掘更多美食 😋重要嘢講咗先，要嚟食早餐，一定要睇吓佢社交平台，因為佢會喺上面講清楚幾時開幾時唔開。今次嚟食早餐，貪佢環境夠靜，唔算好多人，唔會枱接枱，亦冇用餐時間規定。食物最愛佢早餐即叫即煮，所有嘢都新鮮熱辣辣，今次兩條友都叫咗肥仔豐盛早餐，似All day breakfast咩都有啲（配搭有啲唔同）。個蛋好滑，又有黑松露香味，配牛油多士一流。朋友加錢轉個窩夫🧇，外脆內軟晤錯。火腿，焗豆腸仔正常發揮。薯餅反而無啦啦變咗做炸甜薯，有少少失望。🍠之前下午茶試過佢幾次紫薯窩夫紫薯配雪糕，好鬼正，大家可以去試吓。咖啡朋友點咗杏仁咖啡，味道等如熱杏霜再加咖啡，睇個人口味，試咗一啖我覺得麻麻地。熱latte 好好飲，奶味濃郁，咖啡味好香。☕️餐廳氛圍呢間小店岩哂五月天粉絲同爵屎去，因為周圍都貼滿晒poster，睇得出老闆們係鐵粉。環境唔錯，啱晒睇書📚或帶部電腦💻嚟做嘢。

eventually I got to visit this cafe 'successfully' due to its interesting spontaneous business hours (pls must check their social media or better make a phone call to confirm their opening hours .pros:午餐如圖， chicken (burger) 夠juicy, 整體性價比高($60 include set drink with few choices)， 經濟好味， 熱mint latte夠滑(mint味道和香味都不是太有, 期望多返少少)但溫度不夠cons: -營業時間極度漂忽不固定-due to limited space of cafe, 有兩張二人枱facing the toilet...-有少油煙味

一嚟到這家店，已經聞到一陣陣紫薯嘅香甜，令人期待！首先落手試嗰款牛油果碎蛋沙律牛角包，夾入去軟滑嘅牛油果蓉同碎蛋，咬落去外皮微酥，內裡彈牙有勁，嘩，幾夾！加埋外脆內腍嘅幼薯條，一啖一啖嘅快感真係欲罷不能🍟。跟住試嗰紫薯窩夫，真係得意到喊，色彩繽紛吸晴！窩夫暖笠笠，香脆得嚟唔會過於油膩，搭配咗紫薯雪糕嘅話，味道層次豐富，夾雜咗輕微嘅綠茶香氣，冰涼滑溜，幾開心😋。最後啲焦糖布甸咖啡，起初有啲猶豫，不過打散咗布甸之後嘅每一啖，就係完美嘅甜蜜交織，邊度搵得到呢款新奇體驗！咖啡嘅香濃同布甸嘅香甜，撞出新火花，絕對係飲品界嘅黑馬🏇。喺這家店嘆嘅一個下午，好滿足！無論係視覺、嗅覺定味覺，個個都話事，好似走咗一趟紫薯樂園，歡樂氣氛滿滿，港式嘅悠閒完全體現咗出來，重點係，並唔會令腹中感覺罪惡——好正！下次還會再來探索其他款式，滿滿期待呀！🥰

#20231015 💛📍 想點啡 @cups_coffee2015 大埔南盛街16號南盛大廈地下6號舖➖➖➖➖➖➖➖➖➖➖➖➖➖➖➖➖➖➖#菠菜忌廉汁雞肉意粉 $65💭 呢間舖真係唔易搵，入面位置都唔多，對上次尼坐滿晒人連等既機會都無😅但反而🐽對佢多左好感，證明佢唔會見個客食完就趕個客走👍🏼個意粉偏淡味，入面啲雞肉同菇都切到大大舊，好有媽媽住家飯既感覺👩🏻‍🦱.#芝士雞肉漢堡包 #冷蕎麥麵 #是日餐湯 $65💭 個burger配搭好少見🍔係邪惡既芝心漢堡扒再加塊炸既紫薯餅🍠就咁睇個包無醬好似好dry咁，但原來個紫薯餅一咬就會溶，完全可以當佢係醬咁個包就唔會乾爭爭，個湯都係偏淡味，可以自己加鹽或者黑椒🫙.#凍蜜桃烏龍茶 #熱紅豆薏米水 💭 呢間野應該咖啡先係主打☕️本身🐽都驚唔飲咖啡無野飲，不過好彩都有其他選擇🍵成間野都好有屋企既味道👅由佈置到餐具到食物既味道都好有，有種隨心但又唔係求其既style，連野飲都係茶包加水，舖頭入面有啲書可以拎尼邊慢慢睇慢慢飲野chill下📚.#大埔美食 #大埔黃店 #🐷在大埔 #🐷_食

嗰日過咗嚟大埔搞啲嘢，之後就係附近搵到呢間咖啡店。店內佈置滿滿五月天和Edan嘅海報、紙牌和播放五月天的歌，2個都係我鍾意的歌手們，好正呀💛午餐本來有2款，但我去到嘅時候，我真好彩，仲有一份B餐喎！我不用諗食咩也太好啦😄*🍱 日式燒鯖魚定食配麵豉湯 (HK$58)．份午餐其實好豐富㗎，有法包、吉列炸蝦、雞肉沙律、燒鯖魚配飯、麵豉湯．法包 — 厚切，脆口，滿牛油香．吉列炸蝦 — 外層酥脆，蝦肉爽彈．雞肉沙律 — 手撕雞肉，嫩滑、無骨，沙律菜爽脆清甜．燒鯖魚配飯 — 厚魚肉，燒得香口，有紅米飯和白飯，加咗茶漬配料令飯有味道啲．麵豉湯 — 濃湯的☕️ Latte (隨餐附送)．奶泡幼細持久，令拉花圖案保持良好到杯底．味道不錯👌🏻

星期六日經常排好耐先有位難得平日有得放假 即黎食早餐叫左個「想點啡豐盛早餐」有黑松露炒蛋 夠滑 黑松露多 配埋牛角包食 茄汁豆 正常火腿 正常薯餅 有d咸 同埋唔脆牛角包 剛剛焗好 所以熱㷫㷫 脆卜卜配杯餐飲 熱玫瑰紅茶

一入門口就會見到五月天粉絲應援牆！！！之後仲有爵屎暨鏡仔區！！真係未預計這一秒會這麼震撼我～① 想點啡豐盛早餐 $50（黑松露炒蛋 茄汁豆 火腿 香草腸 薯餅 牛角包）因牛角包未能供應，所以轉了熱香餅，正！對比在外面吃到的All Day Breakfast，這個用料比較平民化，價錢亦一樣大眾化，而且感覺很豐富，黑松露炒蛋夠香滑，腸仔juicy，熱香餅好鬆軟。跟餐免費可以飲冷熱咖啡，Latte或熱情果茶，隻咖啡杯仲係五月天mug！正阿！

呢間可謂大埔區嘅元祖級咖啡店，算係最初期係呢區紮根嘅Cafe，高峰時期又係唔預約唔洗旨意食到😳呢期趁住自己Work from Home 又唔中意成日食正餐，搵下啲有tea 食嘅餐廳都幾唔錯㗎！呢度60蚊鬆啲就可以嘆到個份量都唔少嘅tea，而且仲要包埋飲品，所以性價比都幾唔錯㗎！鹹又有甜又有任君選擇，總有一款岩你口味😝🥐牛油果碎蛋沙律牛角包配炸薯條 $➏➋將牛油果蓉溝埋碎蛋沙律，青bb 又幾eye catching 😍夾係酥脆嘅牛角包之間，連埋新鮮青瓜同蕃茄片食，真係感覺幾fresh! 伴碟嘅炸幼薯條同沙律菜都幾多，做tea 或者light lunch 絕對夠哂份量！🧇紫薯窩夫配紫薯綠茶雪糕 $➏➋紫薯控要留意啦💜因為呢度都幾多款甜品係以紫薯做主角，好似呢款紫薯窩夫就最受歡迎! 2塊原味嘅窩夫都係新鮮製作，側邊有一球紫薯同綠茶嘅兩溝雪糕球，同埋用紫薯蓉磋成嘅心形餅。紫薯味濃郁，伴埋窩夫同雪糕食就無得輸啦，大大份但食完無heavy 嘅感覺，罪疚感都少啲！👉🏼👈🏼🧋焦糖布甸咖啡 餐飲加少少錢可以轉特色咖啡，呢款飲品放左個焦糖布甸係底，飲之前篤碎佢，一路飲嘅時候就有好似飲緊有焦糖味嘅仙草咖啡咁

光顧了幾次，每次都好滿足！店舖細細間，兩位店主一邊招待客人，一邊煮煮沖沖，以半自助式既模式，反而更自在舒服。食物方面每次都更有驚喜，從脆軟既麵包就知道廚師對出品既堅持。哩度係一處讓客人靜靜地享受美食既小店，不論擺盤，煮功，食材都100分既黃店，值得支持！

難得嚟大埔走走，一定要撑下大埔嘅黃色小店!小店雖然地方吾算大，設計亦都唔算特別精緻，同我去開嘅文青feel cafe shop有D吾同，小店比較家庭feel d，但食物出奇甘有驚喜，好好食!正

星期日朝偷懶唔打羽毛球, 入左去大埔嘆早餐! 出發前已搵定呢間cafe既位置, 但Uncle一直無方向感, 去到附近都要兜一個圈先搵到🙈10點幾去到, full house!😗 店員指著近門口既bar枱位, 話得返呢張; 坐左一陣已經比我發現周圍都係五月天既海報, 相片, 新聞剪報等, 我第一時間唔係叫早餐, 而係把握時間周圍影!😂咪住, 餐牌寫著早餐供應至10:30, 而家得返5分鐘, 即刻火箭般走去點餐。好耐無食all breakfast (好似係), 不得不試! 我仲比嗰香橙latte吸引住, 究竟係咩味道呢？我覺得英式早餐最重要係麵包同蛋! 厚多士脆脆的, 第一時間已吃掉一塊; 炒蛋雖然厚但夠滑, 夾住茄汁豆食簡直一流!試了一啖latte, 弊! 點解無橙味既! 唔通我既味蕾開始有問題? 當場懷疑了人生; 因為我已飲左小半杯, 唔好意思叫店員換, 諗住走的時候才話比佢地知; 隔了一陣, 店員竟然拿了另一杯咖啡過來, 原來佢真係搞錯左, 之前嗰杯忘記了"加橙"😅😂 最終都飲到有淡淡香橙味既latte, 有趣。要食醒神早餐真係要早起,過左時間就冇得食了！

大埔隱世文青cafe 間鋪唔算大，都係坐到十幾個人最多，平日下午茶時段黎 已經有幾枱客👍🏻 （可能大家WFH落黎chill下)點咗個下午茶餐（新客溫馨提示：要自己去counter落單俾錢嘅）紫薯夾餅配綠茶紫薯雪糕 仲有個心形紫薯蓉🤟🏻😯食物質素我覺得不過不失，就唔算太驚為天人嘅，不過就都幾有心機，無論係食物定飲品，同埋我就最鍾意呢間Cafe嘅環境，咁而且個位置方便得來，都係比較靜嘅（所以比較難搵到要轉彎入嚟）哦原來再晏啲嚟可能就冇嘢食買，食物最多供應去到4:00仲有加句expectation management，呢間係小店，人手未必好夠，服務都可能有改善空間後記：Weekend黎好full 😢 朝早10點過到黎都冇位😹😭😭 不過$40幾有個English breakfast, 好似仲抵過tea set 😏🤗 有機會要幫襯多幾次！

糾結！好糾纏！咖啡控之苦...連鎖咖啡店已絕少去...有考慮過係咪要買咖啡機...買capsule果款好？定買已磨嘅咖啡粉？抑或買咖啡豆？但咖啡豆又要磨豆機...好煩呢....唔知...未諗到...去cafe買就最好...（懶呀嘛）諗起大埔有間cafe叫「想點啡」...心中想叫紫薯latte嘅...但最後都係揀凍cap，因為實在好想飲咖啡...好啦，下次叫紫薯啦...*已附10月營業時間‼️門口有一級，店內空間未必入到輪椅。買外賣啦...其實驚喺門口叫唔到人，有試過打電話落order，點知打極無人聽。店員話，電話已壞，唔會再用，有嘢問可以IG DM佢哋。

有一次星期六早上10:15左右來這裡，店主表示早餐沽清，咖啡也不賣了，今天星期一放假早上8:15來到，終於有機會試試。咖啡可以選荳奶或脫脂奶，便選了一杯杏仁Latte(荳奶），杏仁味很香，味道不像杏霜，喝下去較厚身，有種咖啡杏仁奶的感覺，不錯。Iced latte 也很順滑，賣相吸引。早餐很豐富，多士烘得剛好，最特別是每款都有少許沙津菜，以$40可以吃到這樣的質素，真的很難得。店內播著五月天的歌，加上店內的樸實感，好像置身於台灣的早餐店，很舒服，平日放假真好。

支持大埔小店😍位於巷仔入邊嘅小小cafe.叫咗兩個下午茶tea set 紫薯窩夫好好味，配翻一杯玫瑰latte ，絕配另一個餐叫咗豬扒法包配美式咖啡。豬扒好厚好香口。法包亦都好鬆脆埋單都係百二蚊抵食😋