CoCo壹番屋 (皇室堡)

Open Now

Now Closed

收舖前一個鐘去，唔洗等位就可以直接入去叫咗個炸雞球咖哩飯同吉列豬扒芝士咖哩飯咖哩有得揀辣度，但因為我地都唔食辣就叫咗唔辣另外，有得+20/25/30轉做套餐我地加咗20蚊，可以係湯、沙律、雪糕同飲品入面揀兩樣最後揀咗飲品同雪糕唔知係咪就收工比較少人，上菜嘅速度好快睇落去個份量唔算好多，其實都啱啱好食晒，唔浪費而且仲有個甜品，所以食完個餐都幾飽下炸雞球唔會話勁厚粉，反而鬆脆，又唔乾，炸豬扒都一樣芝士雖然唔係完全溶化，但都做到少少拉絲效果，加埋咖哩又幾好食咖哩汁比較稀啲，但味道都好夠，撈飯食都啱啱好甜品係曲奇味嘅雪糕，細細杯過下口癮本來以為得個雪糕，點知有驚喜原來杯底有脆脆，夠晒健康又有口感，唔係齋食雪糕架雖然對我嚟講價錢略貴，但服務、環境同食物都算唔錯

今日做完野已經過左Lunch hour, 又想食辛辣野食，就去食咖哩飯！呢間我係第一次黎食，貪唔洗等位！一個人食安排坐面壁吧位！地方寬敞開揚，喜歡佢有些位置可以望到維園景！咖哩選擇非常多，豬排、牛、雞、素菜都有！我點左人氣的炸豬排奄列咖哩飯！不知道是否過左lunch hour, 飯竟然有點不夠熱！失色左！用日本珍珠米，我的最愛！蛋夠嫩滑，豬排炸得香脆又不會太乾，可惜咖哩汁跟飯一樣都有點放涼左感覺！希望餐廳日後多加注意！

晚上8 點零9 點左右上去食唔使等位直接入有位坐全場唔算滿上菜慢店員唔係點理食客最重要份糧最少叫左個咖哩海鮮飯幾嚿魷魚，半隻蝦，幾粒蜆肉，無了個咖哩汁係唔錯，都夠多但係7X 幾蚊一個飯都唔係咁少餸啊大佬我係叫咖哩海鮮飯唔係叫咖哩汁飯啊唔係以為夠多汁就叫人收貨啊飯已經唔多， 我進食完3 個鐘後的肚表示佢好餓。。。如果食完都覺得唔飽嘅我都唔知仲食黎為乜以前都有幫襯過佢我次次都係叫咖哩海鮮飯但係今次真係令人十分失望我諗我唔會再幫襯呢間

皇室堡4樓有幾間日式餐廳，每間都要排隊排好耐，唯獨Coco一番屋唔駛等位有得入😀Coco而家有得揀咖哩既辣度，亦都有得揀唔辣。雖然我唔太食辣，但基於唔係好明咖哩點樣可以唔辣，所以揀左”普通”口味，心唸日式咖哩應該唔會太辣，結果個辣度係完全可以接受到既，而d咖哩汁都好送飯，15分鐘就食哂成碟飯而個炆雞咖哩飯，d咖哩汁好似水浸咁，雞肉又少又硬，性價比低過豬扒奄列飯。最好味係炸雞塊，26蚊有8塊，炸皮好薄唔會食落好厚炸粉，感覺都冇咁熱氣。如果佢係配沙律醬唔係配茄汁可能會更加好味

日本品牌連鎖加盟店主打咖哩飯，個人覺得佢地嘅咖哩汁其實同用 S&B 嘅咖哩磚煮無乜大分別，不過作為咖哩控的我都喜歡久唔久幫櫬吓。～ 忌廉鷄肉奄列咖哩飯（5辛）套餐先嚟雜菜湯，同預期中一樣。。。罐頭味道濃厚，唔飲無損失。咖哩飯鷄肉嫩滑無雪藏味，鷄蛋奄列火喉控制得非常好，蛋味濃，蛋汁、忌廉汁加上5辛咖哩汁撈飯非常開胃。～ 吉列豬扒咖哩飯加菠菜（1辛）1辛嘅咖哩汁有豐富嘅咖哩香料味而無辣味，適合果D唔食得辣嘅朋友。要挑剔的話塊吉列豬扒薄身咗D ，另外加菠菜要加$15，以份量來㗕真係進取咗小小。。。～ 吉列豬扒奄列咖哩飯（3辛）鷄蛋奄列火喉真控制得非常好，蛋味濃，同咖哩汁一齊撈飯真係無得輸，呢個亦都係嚟呢到嘅主要原因。

8分 吉列豬扒奄列（3分辣） $78Pork Cutlet Omelet Curry/這裏的吉列豬扒一直深得我喜愛😍不僅外層炸得金黃酥脆，賣相一流，裏面的肉質亦多汁嫩口😋，不會像某些餐廳裏的的豬扒薄如紙，甚至皮肉分離🤢沾上微辣的咖哩，更為惹味。而奄列上的炒蛋亦頗為嫩滑🍛咖喱的份量亦非常慷慨，足夠我吃完整碟飯和豬扒😛 這樣的質素也不過是80元有找，性價比極高🤤！/P.s此外若想要沙律/飲品/湯/雪糕加$20就可以4選2，$25就4選3，$30就可以4款都有啦！不過這裏的湯一般，而凍奶茶更是非常非常非常難飲（重要的事要說三遍🤦🏻‍♀️），千萬不要試！/

大少話哩間日本咖哩，佢成日食，我話冇食過，但亦唔覺得會好食...自問小妹都去過日本同香港嘅日本料理嘅學校學煮日本咖喱, 我終於決定去挑機.....入到鋪頭，都唔係好多人，我哋坐情侶雅座。大少點咗吉列豬扒（2分辛），我點咗漢堡扒(標準辛)同埋改咗食15穀米。大少塊吉列豬好脆，無油漬味亦唔乾身，無返炸再返炸嘅感覺。雖然唔係厚切，以咁嘅價錢，絕對接受到。我塊漢堡扒, 食到有豬肉肥根亦有洋蔥，應該係用日本人傳統漢堡扒方法去做，用免治豬加免治牛再加洋蔥，當然我唔知有無跟足3/7黃金比例去做吖。個扒唔乾，咬落亦無散，真係食到有日本風味嘅漢堡扒。講返個咖喱汁，其實同用S&B咖喱磚煮嘅冇乜分別,不過響張枱度有一支蜜糖俾你加上去。用蜜糖加上去咖喱汁係日本媽媽嘅傳統方法、所以我覺得佢好窩心，有跟足傳統。用咁嘅價錢食到日本傳統咖哩，我覺得呢一間係性價比高嘅餐廳。

放工既時候覺得凍左好多><係烏冬🍜同咖喱🍛之間最終簡左熱辣辣又濃味既咖喱做晚餐😌😌😌次次喺coco食野都好有選擇困難症，因為實在有太多款式簡啦😂淨係蛋包咖喱都有一頁可以簡最後Order左<燒牛肉咖哩飯>🍛牛肉係炒過既，加左少少洋蔥，有dd乾咖喱係水d既，但好濃味，撈飯好正👍🏻👍🏻辣度簡左1、唔算辣，怕辣既朋友可以簡唔辣😛夜晚慣左唔食咁多飯，叫左少飯，仲可以減$5!🙎🏻‍♂️叫左<吉列豬扒飯>我試左2件豬扒，個吉列豬扒比燒牛肉出色個肉唔會太乾太韌，冇厚粉👍🏻 個奄列蛋就好滑既，好味😋我地加左$20轉套餐，簡左湯同沙律🥗味道同賣相係一般，但係$20有2樣野都ok啦!2個人食$200有找其實我都食過幾次coco，因為覺得個咖喱真係幾好味同埋唔貴，而且環境都ok，又唔迫。如果可以俾suggestion就可能係加少少薯仔做配菜😳

每個人定義心目中的Comfort Food 都肯定唔同，以其成長習慣文化背景之不同而改變。雖然本地人對米飯嘅需要，已經隨時代慢慢遞減，但東方人始終以飯麵類為主食，當然包括日本人在內。講到Comfort Food，咖哩飯就係自小喜歡嘅主菜，有家嘅感覺。無論係傳統印度，或是東南亞款式的咖哩，都感覺很温暖。而當中日式咖哩就正是賣飛佛！日式咖哩偏甜亦冇印度咁辛口，辣度可以配搭，這CoCo壹番屋係最基本既日式咖哩快餐店之類型。其有季節性的期間限定選擇，今次哩個比較印度風的辛辣雞腿系列，較辛口但野味，配合入味雞腿十分軟嫩。雖然也是日本快餐店經營模式，餸菜都係預先煮好後在店内加熱上碟，但都不減咖哩風情 ！讚！

铜锣湾皇室堡一直都是香港买儿童用品和年轻人购物不错的地方，餐饮甜品也比较丰富。这家coco在商场四楼，电动扶梯上来就是，还是挺好找的。餐厅在香港的几家壱番屋里算是面积很大的，吧台，座位都很多。点了牛肉咖喱饭配沙拉加例汤。除了沙拉味道一般般，咖喱饭和例汤都挺不错的。咖喱味儿比较弄，食材不错，分量也还可以吧。人均消费在百元左右。服务很好的，服务员热情热心，比较积极，总体而言挺不错的一家店。作为常餐来说很好。

之前食過其他的分店，今次經過呢度，就見到冇乜人就入嚟食，叫咗兩個飯，其中一個加咗全餐。餐湯黎到好稀好似水咁😅😅，唔知係咪因為打完風嘅關係，但沙律就完全無問題😁。每次都係食秋葵咖哩蛋包飯，呢個好食，讚👍🏿👍🏿

曾幾何時, 「CoCo」是我同肥膏的飯堂, 因為佢坐得真係好舒服。但自從有一次, 食了他們的忌廉飯又痾又嘔後, 現在都好少再食了。只是偶然想起, 才會過來。而且, 也不敢再食忌廉的食物了, 改回食淨咖哩穩陣。肥膏每次都一定是點這個漢堡扒咖哩飯。他每次都食得好快, 因為他是真的喜歡。咖哩是很日式的, 帶有點甜, 而且又比較滑身。叫了3辛, 少辣, 好易入口。而漢堡扒很厚身, 足料。值得一食再食。而我揀了吉列豬排咖哩飯豬排令我失望, 因為炸得好乾。而且外面的粉漿炸得死實, 完全是意料之外的事。因為食過這麼多次, 沒有一次是這樣的。他這一次就像是豬排炸了一次後又再翻炸..怎麼感覺「CoCo」的水準一直在下降了呢? 之前吃完就不舒服, 回家就又吐又痾。這次的豬排又炸得很乾...真心希望他們能改善一下。

間唔要行下玩具反斗城，重拾一下童真。要羨慕下而家小朋友，玩具係幾咁高科技。但，有啲玩具完全唔知點玩，同時代脫了節係皇室堡轉轉轉，轉落去幾層就有戲院同熟悉的餐廳：CoCo、和民、峰壽司同YoMama好似有少少耐無食咖哩所以揀coco(重點係咖哩定蛋包飯呢？)豬扒係普通辣，只有微微，對於愛辣嘅我沒甚麼大感覺豬扒普普通，蛋包飯好食啲三文魚，炸得唔多脆，本身係咁嘅？？！咖哩二度辣，正環保份子又帶飲筒升級咗一個飯做餐，有湯、飲品、甜品再將甜品升級做雪糕蘋果批諗住蘋果批係叮叮貨，抱住中伏心態試但又唔差喎間舖都唔細，但人手爭啲🙈🙈

今日黎開銅鑼灣食飯就試下呢間出名食咖哩既飯店。與朋友分別點了咖哩漢堡扒飯及咖哩吉列豬扒飯。咖哩可選辣度，豬扒香脆，漢堡扒鬆軟。我們叫set, 可選擇加前菜，餐飲或甜品。

曾經食coco，有種驚為天人之感，簡直覺得是人間美味，時常想再去，一點都不誇張。時日久了，是吃厭了還是已習慣了它的味道，感覺沒有驚喜。點了最喜歡的忌廉菇，1分辣，味道依舊，辣味對平常只吃小小辣的人來說，是想像以上的辣。其實咖喱沒什麼好挑剔，唯一希望是上菜能熱一點就好，或者這就是致命原因？以前一碟煮比較久，為了上菜速度，犧牲了非常重要的熱度😢話雖這樣說，仍不忘身邊日本人說，它是一家味道跟在日餐廳沒變的過江龍，其實還是有一定水準啦～喜歡咖喱定未嚐coco的朋友還是好推薦大家來試🍛