咖喱物語 (Closed)

又一間在午飯時間會有好多位及不嘈雜的食店，佢有一個午市精選，價錢為HK$28.00+10%‧但我和朋友選了午市套餐，咖喱豬頸肉飯及火石雞飯，是否豬頸肉貴呢？得幾片肉仔，兩個人share食唔多夠分，D咖喱就普普通通啦！反而個石頭飯都幾好，雞件大、夠味，及石頭碗保溫的關係，食到最後一口飯都咁熱騰騰‧另(1)套餐的餐湯都幾差，『雜菜湯、水汪汪』‧(2)食具好重，食晏都要練手碗！(3)環顧1/F的明珠廣埸，午飯時間都不算太多人，係整體食店要加一的關係、定係質素問題？

與男友到銅鑼灣咖哩物語食晚飯，進去時全餐廳只有半滿，而且座位不寬，所以在寒冬下帶著兩件大褸及兩個袋的我們便將東西放於旁邊座位之上(其他食客都係咁放。)在點了兩個咖哩飯後，沒多久餐廳經理(戴眼鏡髮型尖尖的)一句話也沒說、放下餐牌便安排兩位食客坐在我們放了東西的位置，其時餐廳內大概還有4人檯兩張(都可分成2人檯)、2人檯3張；如果太爆我都會覺得唔好意思，但戴眼鏡經理偏偏要選我哋最迫個位，真係吹漲，連那兩位新食客也忍不住說「仲有咁多位，做咩要坐哩道，我地快d食完走喇」。結果，我們左右都坐得很迫，四周卻好多位。過了一會，我的咖哩飯到了，當我慢慢地吃了大半時(旁邊的兩位的食物都全到了)，男友的咖哩飯還未到，他已有點不耐煩，數分鐘後有位女侍應過來加水並詢問還有沒有東西未到，男友便告訴她還有一碟咖哩飯，她便問「你嗰碟咩嚟架」由於等了太久，男友不記得很清楚，於是提議她不如查回落單資料，但她又問「甘你嗰碟咩嚟架」，男友再回答一次「真係唔記得噃」她才去查單。不一會，那女侍應便回來，又問「無噃，你嗰碟咩嚟架」，男友問她可有查單，她說「得佢(即係本人)嗰碟，無你嗰碟既record喎，咁你嗰碟咩嚟架」，其實即係

Lunch time I've tried a baked fish rice ($28) and added a coffee ($8).Nothing special and tasteless of the fish.The coffee is worth under $10 level.I will not try this restaurant again.

同男朋友係叫左個晚餐2人set:1. 雜菜湯:- 唔明點解會有咖哩味,有d咸2. 凱撒沙律:- d面包好似隔左夜咁,超硬,有d以食石頭,d沙律汁好咸3. 牛油帶子伴薯蓉:- 帶子無乜特別.薯蓉有很淡的咖哩味,幾好.仲有炒椰菜,油左少少.4. 滑蛋豬扒配白米飯:- 味太濃, 白米飯so so so big, 一個男仔都食唔晒.5. 甜品朱古力雪糕伴士多啤梨:- 整碟直接由冰葙取出,雪糕變左一舊冰,食雪糕時幾乎要用隻匙羹"鑿"開黎食.粒士多啤梨係食唔到,掉落碗到時"噹噹"聲,叫人點食.6. 餐品:- 凍&熱檸檬茶. 難飲. 茶用了隔左唔知幾耐夜的茶, 已起沙順帶一提:-a. 回家時覺得很口喝, 懷疑食物加了味精.b. 回家對單時少發現他們多收了幾元, 因為2人餐大約210元,加一, 點計都唔會收240元,真苯, 無睇清楚.好彩無俾貼士c. 人手唔嚴重不足, d服務員個個都唔得閒招呼你.

第2次吃, order未吃過的黑咖喱, 冇味加好恐怖個樣, 7色咖喱完全係冇得選擇有什麼配料, 侍應好不客氣地回答個面咪有肉碎....,只有石頭飯可轉汁料, 另外'蛋包飯'可選2款汁, 當上菜時錯配, 侍應立即取回並說...唔啱咪換囉...唉!!另外一個成為$30大元的波菜只係得一小碗, 非常不值呢!!

與朋友好久沒見, 相約出來吃飯堅持吃得平一點, 於是到JP 繞一圈, 看看有甚麼抵吃見這間價錢ok, 又未吃過, 便闖了進去雖是2個人, 但卻給了我們一張圓型的梳化, 很舒服~~(看到別人坐的都是快餐店枱, 都有點不好意^ ^”)點了:茄汁長通粉:：不突出, 通粉不淋, 只能說不抵食, 但如果點得太多辛辣食物, 可以點個中和一下啡咖哩豬扒飯：份量大, 雖不辣, 但仍很香很惹味, 豬扒很大塊, 而入味不靭芝士波：外脆內軟, 芝士雖然沒有漏出來, 但好香芝士味咖哩薄餅：少許肉碎, 配少辣的肉汁, 但卷得鬆散, 夾到碟時己皮、饀分離餐具很特別, 但刀叉有點重服務員很有禮, 頻頻為我們加水

第二次食咖哩物語, 其實本人都幾鍾意食咖哩, 尤其係日本咖哩. 這間咖哩物語賣點係日本咖哩. 今次坐圓枱卡位, 感到自成一角, 好舒服. 我們點了吉烈豬扒石頭鍋飯, 咖哩雞包,咖哩肉醬配蒜蓉包, 咖哩海鮮pizza, 咖哩牛肉闊麵, 紅咖哩牛肉粒. 吉烈豬扒石頭鍋飯很好吃, 豬扒炸得剛剛好, 咖哩汁配得不錯. 不過最好食的是咖哩雞包, 因為個包外脆內軟, 咖哩汁給包吸收,令個包好好食, 一流! 海鮮pizza 也不錯. 不過日式咖哩都是配飯比較好, 所以咖哩牛肉闊麵就真係普普通通啦!.. 紅咖哩牛肉粒更加不知所謂, 鹹得要命! 我們叫它做<<盬水牛肉>>. 不過如果叫一些日式咖哩飯類還是不錯的... 我會為咖哩包再來..^^..

之前聽朋友介紹咖哩物語d卡位好特別，所以放工就專程去試下。卡位睇落真係好舒服咁，不過食飯時間，當然冇位。試咗個火山石頭吉烈豬扒飯，跟韓國既石頭飯一樣，熱辣辣咁上枱，因為太熱，要食得好慢。男友就試咗個咖喱豚肉飯，佢\就話汁太多，飯太少。整體來說~一般啦，唔覺邊方面特別，冇乜衝動番頭食。份量都比較少，唔知係因為食得太慢關係，定我大食，食完個石頭飯都唔飽，男友就更加唔駛講，一樣唔夠喉，食物都唔係好吸引，所以寧願埋單出去食甜品。

中午同囡囡去到銅鑼灣，就打算食完飯返屋企，叫到呢間食咖哩既餐廳，門面ｄ食物模型價相幾得ｗｏ，於是就入去試試，反正我本身都鍾意食咖哩。時間係大約１１點９，無人，我地應該係咁日第一個客，廚房都未準備好，所以叫餐時侍應都有提到會可能等耐ｄ，ｏｋ啦，因為自己太早黎。呢度裝修主要係黃色同白色，比人感覺好乾淨，圓形既卡位令到卡位更加有獨立感。我就叫左一個日式紫咖哩午餐，囡囡就叫左個炸雞塊兒童餐。我個餐包一個湯同飲品，我就要左咖哩紀廉湯同凍咖啡。味道幾得ｗｏ，日式紫咖哩口味幾特別，不過要食辣就唔多合口味喇，一般日式咖哩都唔會好辣既。兒童餐只係個面就已經ｏｋ晒啦，唔多介紹喇。

我琴日同d friend到了呢間野食飯，一開始等位的時候，果位企係門口的waitress，成日都話好多人正在結帳，好快有位。點知，我都要等成20min.......好心佢唔好吹水啦。入到間餐廳，waiter的服務非常差，我想get多隻碟，個waiter話咁大間餐廳，緊係有碟啦。激死我。

星期五晚等朋友晚飯等到10pm...好彩食到好味野行完名店坊的食店再行埋明珠廣場考慮試gelato cafe抑或咖喱物語...結果9:15pm我坐低好彩朋友未到都畀我入去唔駛等齊人先可入但個sofa位位置差對住出食物的櫃台d waiter係咁快步出出入入個chopsticks杯碗櫃又係隔離好噪好騷擾我一路等人一路頭痛等到好悶, 叫個caeser salad食住先有生蛋有雞肉+菜...好合我口味個名叫咖喱燒雞凱撒沙律我仲以為個沙律會冧咖喱汁!原來係舖頭名!10pm朋友終於到我要一人餐磨菇湯ok喎凍豆腐...夠滑...但芝麻汁頗甜火石燒牛肉飯...好味...但量好大...女仔食會浪費朱古力雪糕...好味...但個靚樣係一早set定, 成杯放入雪櫃的...粒strawberry好硬凍檸茶...好淡...唔想飲由湯至茶係一人餐$98(一個火石燒都要$68) 一人餐真的好抵食東亞卡有九折朋友食左個咖喱豬扒都好好味因為佢要我等左咁耐...原本預8pm食飯佢請左我呀~嘩呢餐再不能更滿足了

日本咖哩食得多，但最特別都係今次。set lunch唔多吸引，所以散叫左紫咖哩飯同o個個用麵包做盒裝住咖哩tempura o既東西。紫咖哩飯：紫色咖哩ｄ咖哩味唔重，都唔知點形容個味，有少少好似紫米，少少creamy啦，不過連埋佢上面o個層日式咖哩肉醬食就o岩o岩好，我地都覺唔錯！其實一ｄ都唔餓，但愈食愈開胃。麵包盒：tempura都幾少，但好鍾意食佢個麵包，好脆！點下ｄ汁食幾好架。portion o岩o岩好，其實唔多，男士就應該唔多夠喇。其實都唔錯丫，但呢度ｄ食評好似唔係咁ｏｋ。唔好o既地方就係食完好口渴囉！會再黎。ｐ.ｓ.佢地ｄ食具好奇怪，隻匙羹幾重…

上星期六和女友到這裡吃晚飯，見到外面的"道具"賣相甚得，眼見裡面又不是很多人，但無人在門口serve人，行入去竟有個好似部長或經理的人話請係出面等等，ok，等左1、2分鐘入到去坐，點了咖啡角、蒜蓉包、南瓜咖啡飯，仲有樣唔記很係咩。但除了南瓜咖啡雞飯好食d外，其他的都一般味道和質素，可惜不知道為何他們將所有料同咖啡包括飯放入南瓜內，d飯淋到不堪，比例上多的咖哩汁和雞，食到唔想食，不知是不是日式咖哩的關係，味道偏咁。服務呢樣野我覺得在這類型的餐廳來說是中下。總括來說沒有一樣野吸引到我會再去，tips我也沒有比呢=)

今日同女朋友出去CWB，唔知食咩o既時候，突然諗起之前聽同事講過咖喱物語o既食物都唔錯，所以就去試下喇~由於係第一次食o既關係，唔太知有咩好食，所以就睇下lunch set有咩食，最後我地叫o左一個綠咖喱飯同埋一個香草煎蛋扁意粉(唔大記得係咪呢個名)，lunch set包餐湯同一杯飲品，餐湯係甘荀忌廉湯，味道都幾好的說。到主菜o既時候喇，綠咖喱飯味道都幾好，但係就太多咖喱汁，整到o的飯太過"林"，不過整體下都算係幾好。而另外o既香草煎蛋扁意粉就唔太o岩女朋友o既口味，我到食o左一o的，味道算係ok，不過好油，如果無咁油應該會好o的~今次lunch兩個人加埋食o左$95，以銅鑼灣區o黎計都算係可以接受ba~

我都幾鐘意食curry，無論係印度、Thai、曰式、Malay既curry我都鐘意食，但係我有少少潔pig，好怕係D唔干淨既地方。但偏偏食curry既地方多數都又細又古怪！星期日下午，行街行到JP原本想上去睇睇有乜movie睇，点知唔啱就決定食咗嘢先。見倒咖哩物語有多款咖哩，就入去試吓啦！叫咗個set lunch 咖喱吉列豬石頭飯($58) + 雞翼($10)。D curry ok la！環境以食咖哩地方來說不錯！不過價錢就貴咗Ｄ！