咖喱物語 (Closed)

黑咖喱海鮮飯- 第一次試黑咖喱, 感覺好新奇! 但除左黑色之外, 並實味道同普通咖喱無分別.

昨晚去了吃dinnerorder了一個咖喱吉列豬石頭飯一個蒜蓉和風雞飯仲有一個小食- 蒜蓉包除左個蒜蓉包，其餘都唔好食石頭飯冇咖喱味，得個辣字和風雞飯冇蒜蓉味環境都ok，乾乾淨淨selling point係七色咖喱但我諗我都唔會再去試的了

來吃了set lunch叫了青咖哩海鮮石頭飯同咖哩肉醬意粉湯我叫左甘筍忌廉湯好味道可是石頭飯好難吃飯焦一舊舊十分痴牙個飯裡面唯一的一隻蝦竟然是腥+臭吃了1/4隻已經停止﹐免得生病咖哩肉醬意粉我以為自己食緊羊肉... 味道十分騷﹗﹗﹗難吃到啊.. 從未吃過如此怪味的肉醬意粉>< 雖然價錢合理﹐每人$60 but 免得過唔會再去囉!

同朋友看完電影出來, 看到Set Dinner有素的可以選, 每位108, 有豆腐黑芝麻沙律, 菠菜湯, 蕎麥麵, 及紅豆雪糕朱古力甜品, 加咖啡, 真是極好!服務態度很好, 很快就上菜, 雖然沙律小一點, 但一大碗咖哩蕎麥麵真係好湯味, 有一種特別的印度香料在裡面, 好似麻辣, 最鍾意的就是甜品. 原來係師傅特別做的, 那晚我吃的是紅豆雪糕加朱古力, 食完即刻感到好滿足! 俾錢時都多俾點, 這家店有照顧到食素的人, 我朋友唔係食齋, 但那夜都同我一樣點同樣的菜, 她都說好好味!

not the food , i had "purple curry" today, i dun think it is sth "normal".... i cant say it's diguesting, but.....seems not sth cant eat lor, taste like chewing gum u suggest everybody go n try, i cant keep laughing after i tasted it, then u will know

晚上與一位友人一齊到呢間咖哩做主題既餐廳食野，叫左兩個飯：吉列漢堡咖哩飯吉列海鮮咖哩飯等緊飯黎既時候發現d 刀叉好重，食得耐d 既話就一定手都軟埋...之後等了不久兩個飯就來了，都算快手。對個飯既第一個的感覺是：好多汁喎！不過d 薯仔同蘿蔔好似少左d。食落個咖哩既味道不錯，甜而少辣，是日本口味的咖哩，配埋個飯就一流~~對於我同友人這類不嗜辣的食客就最好不過，不過咖哩的香味略為不足，離遠左少少都聞唔到。吉列漢堡並不是用普通的漢堡扒來炸，而係用一塊厚約2cm 的肉餅，餅內混有少量的黑椒(好似係)，都幾惹味，幾飽肚。吉列海鮮的炸蝦幾好味，其他既料(魚柳、帶子、墨圈)都ok 啦。服務都不錯，我地食完都坐左一段時間先走，waiter 都冇趕住收野埋單。順帶一提，果度既兒童餐個樣幾得意，同埋唔一定係小朋友先叫得(我地隔離枱的非兒童都有叫)，有機會可以一試。

Set-Lunch $38-58 不等, 連湯同餐飲, 好大份, 但係唔係真係咁好食! 我叫左個黑咖喱(芝麻+墨汁)飯, 個waiter話黑咖喱辣D, 但係都係一D都唔辣, 又食唔到佢所講ge芝麻味, 同埋我唔知墨汁係咩味, 味道真係無乜特別, 不過D咖喱汁真係"git"到好似芝麻糊撈飯咁... 我個friend叫左石燒飯, 食到尾D飯焦黐哂牙, 我都試左兩啖, 唔脆, 淨係得個硬字! 仲有, D waiter好似怪怪地咁, 不過好搞笑...

阿J與同事們去試食，叫了３份set lunch,包括：咖哩炭燒豬頸肉飯蛋黃醬意粉咖哩雞飯點菜後先來餐湯，忌廉雜菜湯，味道ｏｋ，湯入面都幾多雜菜，主菜咖哩係日本甜咖哩，味道一般，個人較喜歡濃烈味道既咖哩，最後set lunch附有餐飲餐廳音樂我坐咁耐都係同一首歌，同一句歌詞，我就黎聽到發脾氣，隔離有２檯可以拉埋紗布食飯，其中一檯有２個女仔經常大聲講野，好影響其他食客，之後有一個waiter入左去，可能係個２個女仔既朋友黎，佢地對住個waiter指上指下，然後又大聲笑，都唔知係度攪乜鬼，令人痱夷所思....

Not special at all, i have tried the black one, however, i don't see any special thgs, quite disappointed.

朋友介紹下去試下.... 九點幾去等左成半個鐘....個帶位都ok nice既... 咁都無乜所謂, 入到去坐梳化位... ok好坐喎...半圓形的設計.... 面裝修都幾有格調.首先黎個什菜沙拉, 唉.... d菜好鬼苦, 尤其係紫色個d.... 真係麻麻叫左個黑咖喱, 佢話用芝麻+墨魚汁整...但一d芝麻味都食唔到.... 但d咖喱牛加呢個汁, 都ok好食仲有個蒜容飽+咖喱牛, 都幾好食... 但感覺佢呢度d咖喱好似同出一徹, 亦好似就咁開包即食咖喱叮返熱就上(因為呢度有得賣包裝即食咖喱)d waiter好搞笑... 講野講得快又細聲... 叫佢講多次又尷尷尬尬咁....自己係度笑.... service 唔係特別好, 但佢就欏足哂笑容分!

之前見佢ｄ食物賣相好似幾靚幾特別，但食完之後好失望．．．兩個人，叫左兩碟野食．．．一個係咖哩炸蝦多士卷之類既野，ｄ麵包炸到\"燶\"晒，又食唔到ｄ咖哩味．．．另一個係咖哩奄列蛋包飯，可以揀兩種咖哩，我要左綠色同埋啡色，但味道分別真係唔大．．．最失望係個蛋包飯，入麵ｄ飯太濕喇．．．撈埋ｄ咖哩，一pat咁，真係好\"漏\"．．．．主打雖然係日本咖哩，但味道冇咩特別之餘真係麻麻．．．．個人覺得吉x家果ｄ好似仲好食．．．

昨晚專程去吃咖喱。環境不錯，背景音樂音量剛剛好，他們播的音樂好像有主題，昨晚就是日本卡通片主題曲。sofa 都很舒服。可能落雨和未到食飯時間，人不多。人數︰2位食物︰紫咖喱飯、咖喱石頭豬扒飯、蝦卷飲品︰焦糖意大利咖啡價錢︰$201餐牌寫著，七色咖喱飯可加配料，而我找不到可配料的選擇。因此，Order 時，問Waitress︰「我想問呢個……」還未問完，就搭嘴「係d 碎肉o係面！」我繼續「我係問可以加咩配料呀？」她就很悔氣的將個餐牌翻到最後，指了一指。我看了看，不夠五秒便問︰「你要唔要加？定睇o下一陣先再order？」好不耐煩的樣子。最後沒有加任何配料，落了order。上菜時，唔知她唔好彩還是我好彩，給我見到她（同一個Waitress）拿著我的紫咖喱倒來倒去才上台。味道一般，紫咖喱只食到紫芋味，一點都不似咖喱。石頭飯賣相不錯，味道都是一般。不難食，但未至於好食。蝦卷就有點離譜，味道就像麵包店賣的咖喱牛內包加炸蝦。俾賣相呃o左！焦糖意大利咖啡都算不錯。食完很快很就清理好台面。傾談了一會，便輪流上廁。朋友上廁其間，其中一位Waiter 拿了賬單來。我看清楚張單是我們的，而我肯定我們沒叫結賬。

之前食過兩次，因為太忙冇比食評，唔記得日期了(大約在3-4月)。但兩次都係同老公幫襯下午茶(因為休閒日)，老公最鍾意食漢堡包餐，因為老公以前在某會所餐廳工作，一食就食出佢d漢堡扒係自己造，非交貨來果種。個包內仲有一隻煎旦，伴菜有薯角，跟餐的咖啡係即磨咖啡(味道不錯)，下午茶餐價錢好似$30幾，不失為下午茶好選擇。ps.個包好過麥記豬柳旦漢堡，咖啡大杯過大家樂。環境舒適當然不話下啦!

聽到銅鑼灣有間專食咖哩0既餐廳就同朋友仔去試試,我地叫0左兩個lunch set,咖哩雞飯及橙咖哩飯,咖哩雞飯----- 同普通0既日式咖哩飯分別不是太大,但個汁就比較稀同埋淡,個雞唔夠入味,一般一般橙咖哩飯----- 依個就比頭先個咖哩雞飯像樣得多,橙咖哩飯係0係一層壓平0佐0既飯上面再鋪一層肉醬,肉醬有香料混入,幾好味,而且個汁聽waiter講有紅蘿蔔溶混入咖哩裡面,好濃好味總括嚟講,味道就同普通日式咖哩差不多,不過就加入0左0的新意

星期五晚九點鐘左右係明珠城及附近走了幾趟到到都要等位最後等到outback但發現唔係咁岩食又覺得價錢唔值之後發現呢到開始唔駛等加上新開同有吸煙區所以試下啦市面上專食日本咖喱的地方都唔多因為大家都知日式咖喱都係可以係超市買到而且味道都係咁一致唔覺矜貴兩個人叫左:1)咖喱野菌天婦羅飯賣相相當之靚有落椰汁但個咖喱汁開得太稀有茄子、金菇、蘑菇、草菇多種炸得幾好但問題是要即刻食如果唔係就俾d汁浸腍哂2)焗咖喱海鮮飯呢個咖喱原來同1)那個有分別講唔出但都離不開那股藥味咖哩有蝦魚帶子等全部都OK3)朱古力薄荷乳酸特飲都可以薄荷味同朱古力味不夠重4)菠蘿乳酸特飲都可以味道不算酸5)綠茶芭菲呢個賣相係超靚個匙都好特別雪blackberry好好食奇異果偏酸士多啤利可能雪凍左所以唔覺酸個綠茶雪糕同低個紅豆餡都好食全晚最滿意的一個!整體來說我覺得唔需要特登來食以呢個價錢可以食其他野不過等唔等到位係另一回事有時都要向時間低頭好就好在呢到唔係太多人等位有信用卡折扣又係另一個selling pointPS 東亞卡九折