Cyprium Cafe

Open Now

Now Closed

今日收工想飲咖啡，就行左去石門依間cafe，見佢Menu咖啡好多選擇，就唸住試下，叫左三款不同口味咖啡，點知佢比到驚喜我，竟然係三杯都十分難飲，得個榛子Latte叫做可以接受，Matcha Latte同Mocha都十分難飲！啲野食反而就唔錯，叫左三個Tea Set啲野食都幾好，炸物拼盤、意粉同自家製蛋糕都唔錯，問題淨係出係啲咖啡度，真係好想知個咖啡師係如何做到杯杯都咁難飲，無下次除非你想戒甩以後唔飲咖啡！

11:45am左右入座完全唔使等位可直入12:30pm左右差唔多8成滿但仲未要排隊煙三文魚忌廉汁燴飯煙三文魚同想像中有出入唔係一片片煙三文魚仲似熟既三文魚係碎上忌廉汁唔多但飯是有味的

今日(18-2-2023 Sat)專登帶老公嚟綠在沙田玩兌換物品機,然後帶仍哋京瑞食晏,我哋嚟到一期,佢見到呢間,覺得可以,於是我哋就食呢間.呢喥已經冇晒紙本menu要掃QR code,睇完menu就要:2.熱蘋果蜜呢個係老公跟餐嘅餐飲,佢揀咗少甜,果然味道啱啱好,好味.味道:5分3. $58.00嘅菠蘿火腿烤餅呢個熱騰騰,烤餅邊又脆又鬆軟,菠蘿火腿冇乜問題,味道都唔太濃.味道:4分5. $58.00嘅干邑波士頓龍蝦湯呢個熱騰騰,味道濃郁,但感覺仍有少少唔妥,唔通係干邑嘅份量?味道:4.5分1. $88.00嘅Set lunch,香草茄蓉青口燴飯我哋已經食咗上面嘅嘢,到食呢個都覺得好食,佢熱騰騰,味道好足夠同啱啱好,唔錯.味道:5分Set裡面嘅雜菜湯甜酸度較得啱啱好,唔錯嘅.味道:5分Set裡面嘅雜菜沙律都算幾靚,醋嘅份量同味道亦都啱啱好.味道:5分Set裡面嘅蛋糕唔知咩味嘅cheese cake,有少少鹹但又太甜,不過蛋糕底超鬆軟.味道:4分4. $40.00嘅熱抹茶朱古力奶唔知點解呢個會最後至到,漏單?呢個味道唔太濃,飲到抹茶味,不過朱古力味好淡,而成杯感覺又唔太heavy.味道:

石門而家多咗好多食肆選擇，1-10-22諗住去呢間開業已久的餐廳，深信質素也不太差！食物質素OK！但一入門口時紮馬尾的女侍應帶位位置在很多人的中間，我見側邊位有位於是要求坐此位置，侍應已經表現很不耐煩及不作回應🙄用手機點餐後食物很快上枱，用餐完畢後我們看見很少侍應，於是行出cashier付款，誰知一位高瘦戴眼鏡男侍應說：「我們是留座位付款的」說了兩次！當時我亦感到很無奈🙄明白餐廳也有規矩，但如果我重返座位再由你來回埋單你又會喜歡嗎？且當時呢位男士也是態度惡劣，他還叫我下次來吃的時候記得喺座位埋單！不過我肯定不會再有下次，放心！😤😤😤

呢間餐廳喺石門都開咗好耐，不過一直未試過，今日同朋友嚟搵下午茶食就試吓。下午茶menu選擇唔太多，想食意粉得一款卡邦尼意粉可選擇，就揀咗呢個。下午茶份量，所以偏細兜都正常。幾濃味，有火腿同菇，好多芝士粉，不過就唔係好多汁。餐飲配柚子蜜，味道偏淡。叫得做下午茶，menu都正常偏向輕食多，味道ok，環境寬敞，坐得舒服，下午茶都算多人食，有7成滿，不過都可以慢慢坐。見午餐/晚餐單叫menu會多好多選擇。

接近 last day 的我，公司的某些會議已經不需要我去參與了，中午準時出公司門口，時間多了，而且臨離開石門真的想自己一個人吃餐好。所以，決定食返餐好既。多年來，我已經對這一家《Cyprium Cafe》虎視眈眈，但總是想不出有任何特別既原因令我決定一個人去吃好東西做工作午餐。這日，準備告別石門，就決定開心一下，食個靚西餐。當日都係唔想食咁貴，只點下這一個不需要過百元的午餐。板燒無骨豬扒 (紅酒燒汁) 配薯菜。豐富的午市套餐，有湯、有沙律、有 main、有甜品及飲品。完全是值回票價的。沙律一般，甜品其實也不算吸引，所以我不多提了。但，套餐的 today's soup 南瓜湯，就十分之出色。奶油味香濃，南瓜味也是十足，而且，入口有一絲絲的南瓜肉，又香又甜美。主食的豬扒，足秤的兩大片，份量十足。肉質腍，食落有肉香。令我感滿意的除了肉質高之外，紅酒燒汁更是令整個餐升華的主角。薯條也是大份量的，而且十分之香脆，不用點醬也非常之好食。跟餐飲品，我要了一杯黑咖啡。非常濃香的咖啡，甘香味是慢慢地由喉嚨回流至口腔的。是令人滿意的一杯。三兩知己的工作午餐，閒來一、兩個人來鋸鋸扒，我可以講俾大家聽，《C

叫左4个下午茶，最后个鸡汉堡等左等左50分钟，好彩佢45分钟都同我追，我30分钟追左次，最后上哂4杯野饮佢先同我call 单，隔离枱个牛角包等了45分钟，佢个汉堡好早到左，隔离枱杯冷饮变左热饮，但佢哋都话有得饮算好。

🥲少失望西餐廳🥲<照燒豬扒包配薯條> 豬扒唔算乾 可能有大量照燒汁但個汁有啲咸好彩有啲啲蕃茄同個包緩和一下薯條都夠脆但佢係脆得黎，入面好空果種💰$48<卡邦尼意粉>正正常常啦無乜特別comment💰$58<自家制蛋糕>我揀左朱古力味估唔到佢咁creamy 咁滑有啲似生朱古力果種朱古力味都濃都幾好食💰$48回頭率 :🐥🐥🐣/5

【2021 年 11 月】好耐冇嚟石門嚟開呢邊梗係順便嘆個下午茶啦 !餐廳座位闊落舒服，服務都幾好星期六都有下午茶餐提供點了份 ... 照燒豬扒包配薯條 + 咖啡〈HK$48〉薯條又熱又脆包烘得好脆但不會過硬，豬扒鬆軟又 juicy清新的蕃茄和生菜加上照燒汁和芝士醬，滋味好食之後配多杯消膩的黑咖啡就啱哂啦  ~~配其他非酒精飲品有半價優惠 ~~** 以上分享是以我的口味、體質和情況作出分享及感受，一試 / 合用與否請自行決定

石門一到星期六日中午時間就超多人！基本上好多餐廳都要等位。但呢間餐廳唔洗等位之餘入面仲有好多位~星期六都有lunch set, 價錢平均$90左右一個餐。有主菜、飲品、沙拉、小甜品。每個餐上枱都係一setset咁上，幾好！飲品就後上的。我哋total嗌左4個餐，試左豬扒、幔魚、牛扒同帶子黑松露飯。個人覺得帶子黑松露最好食😋但飯超入味，有4粒帶子！而豬扒同牛扒就麻麻地~ 個豬扒好老，個牛扒就正正常常，唔係哇一聲嘅好食😆

前幾日約咗個朋友響石門食晏，無意間到了這間餐廳，見佢地方大而且好多位，就決定試吓！這里係用apps 自助點餐，我哋各自揀咗就自行落單，我要咗個香煎雞扒配菜，朋友就要了個魚，整體來講份量是大大一份，味道也不過不失，可惜賣相就差了一點，可能這里都係滿足附近街坊或上班族解決中午飯為主，所以就沒有太多花巧。價錢就見人見智，lunch set 八十幾蚊，有湯有沙律加埋餐飲還可以吧！ 坐位尚算舒適，與朋友聊天坐久也不會有人打擾。

一個人食lunch,想飲杯咖啡 ，又唔想太奢侈，去揾間cafe 食個lunch set是常識吧？🤭響石門揾食多數去京瑞廣場，多種類，星期日都可以俾我唔洗等就有位，好幸運呢其實一向對星期日嘅lunch都冇抱有任何期望，因為一定要快，會預計無咁有心機煮，誰不知等咗十幾分鐘，個set lunch 上枱外貌一啲都唔馬虎餐湯係西蘭花忌廉湯，有沙律，有嘢飲，唔使$90，其實都相當抵食。西蘭花忌廉湯飲落去都好夠味，又有啲薯仔味，幾好飲，飲晒沙律係偏酸嘅汁，個人就唔係太喜愛，但都食晒🤣去到主角位置，菠菜忌廉燴飯，都好多菠菜同菇菌類嘅材料，都相當足料，見到佢份量唔多，仲諗住會唔夠飽，但食落口感都幾豐富，加上有啲芝士，食到2/3已經有啲飽肚嘅感覺飲埋杯黑咖啡， 10分滿足

等一個人晚餐期間偶爾也想一人下午茶 chill一下所以來一個輕便下午茶也不錯輕便之選～所以點了Parma ham 凱撒沙律加個Belgium chocolate latte！Parma ham 凱撒沙律$48沙律份量適中，條條菜都掛滿沙律汁，麵包脆脆、加上脆脆煙肉、再加上Parma ham 很好的配搭。（其實是正常發揮）濃厚比利時朱古力 滿足！下午茶餐加$16就飲到 抵！

同男朋友喺石門按完摩，要搵野食。雖然門口冇乜嘢人，但係見到餐牌都幾吸引，決定試一試。由餐包開始，溫暖二鬆軟，已經覺得非常有誠意。是日餐湯食得出用左好多蕃茄，味道濃郁。希臘魚柳配莎莎汁，比起想像中既份量大，配埋薯條、沙律、蜜桃，幾清新。虎蝦risotto, 食出龍蝦嘅感覺😂係蔗渣嘅價錢，燒鵝嘅味道🤣香蒜蜆，非常入味，極力推介～最後甜品法式燉蛋，都冇令我哋失望，順滑又唔算好甜，為今餐畫上完美嘅句號。

星期日嘅下晏仲有T set，mctcha latte 可以拉花又大杯，吞拿魚牛角包都唔錯，薯條夠熱，另外個burger都幾好，可以再來，侍應態度都不錯，環境又幾好坐good