Cyprium Cafe

Open Now

Now Closed

雖然好唔想打字但呢間餐廳成功令到我打食評-環境舒服 地方夠大-野食新鮮好食 飲品都好好飲-侍應有禮貌 感覺好衛生咁岩見到佢地用啲膠板隔住啲客人去廁所嗰時忍唔住偷影左張覺得好靚好有feel啊！咁都俾佢地諗到講真如果唔係朋友住沙田區Home office到發左毛 我先唔會陪佢去到石門😂結果我諗我之後得閒都會黎呢間cafe食下野飲下咖啡5點半就食晚餐 因為我真係好肚餓值得一提個黑松露蘑菇湯真係啖啖蘑菇平時唔飲忌廉湯嘅我飲左大半碗餐包好似係芝麻包 焗熱左好軟熟之後跟餐加錢試左個烤餅又係好驚喜 佢所有野都熱辣辣上所以特別好食？強烈建議呢個 好抵食 細細個share岩岩好主菜叫左春雞同鵝肝西冷春雞我覺得一定要新鮮食 鵝肝我唔食嘅 但朋友話正牛扒我叫左7成 (個人麻麻地太生嘅野)都好好食！野飲叫左杯榛子拿鐵咖啡精嘅我估唔到喺石門會有飲咖啡ok嘅地方然後嗰杯抹茶朱古力 朋友又係狂讚後來加入嘅朋友叫左杯latte 睇到啲好滑嘅奶好治癒🤤總括就係 之後會再黎

在沙田都有又靚又高質的Cafe👄今次石門推介呢間「Cyprium Cafe」比大家😉一入去就有粉藍色梳化配粉紅色牆好少女呢💗太多嘢想食啦所以搞到成枱都係🙈逐一為大家介紹吧～前菜：🦞龍蝦濃湯-呢個相當有驚喜🧡 外面好少有咁濃郁龍蝦味嘅湯，而且仲啖啖肉添🍞香煎鵝肝多士-聽個名就知正🙈 鵝肝做到入口即溶之餘又唔會太淋🥰 同多士一齊食絕配🍾白酒忌廉煮紐西蘭青口-本身麻麻地青口嘅我都覺得正🤣 點解？因為個汁！ 一般忌廉會膩，但白酒忌廉唔會，而且食落好creamy主食：🥩8oz美國安格斯西冷牛扒-牛扒五成熟剛剛好呀👍🏻 肉味濃、配菜薯仔焗得又香又淋😊🐟焗紐西蘭鱈魚柳配黑椒汁一向都好喜歡食鱈魚❤️ 但配黑椒汁都係第一次呢！估唔到幾夾👍🏻 魚食多啲都唔怕肥😄 而且唔會腥！飲品都有好多選擇😉 有特飲有熱飲：🍋藍甘檸檬梳打-呢杯影相靚💙 打卡推介👍🏻清新海洋feel+淡淡的檸檬味🍍菠蘿梳打-想飲凍飲絕對可以揀呢個✔️菠蘿味真係凍食最正😗🍃綠茶&玫瑰🌷拿鐵-香濃既綠茶味🍵 綠茶愛好者必試🤩-清清嘅玫瑰味💕 少女打卡必點喔4）海鹽奶蓋咖啡☕️-呢個係我私心推介❤️好特別嘅奶蓋味因為上面有海鹽🌊估唔到同咖啡咁夾最後當然

同事話呢間咖啡唔錯於是就黎試下22/1/2020果日係lunch，餐廳用一個餐盤擺好晒沙律、湯、主菜、甜品，都好方便磨菇湯都夠濃，仲有啲菇碎，好飲我就叫左個牛扒配炸薯（因為以為佢跟個意粉會好多，但原來唔多）叫左杯即磨咖啡，又真係唔錯果刻我已經肯定會再回頭12/2/2020今日係晚餐時段黎食可能因為肺炎，所以唔多人餐廳員工都好識做會安排客人坐開（隔幾張枱）餐湯係粟米湯都好濃，有加cream，好飲龍蝦汁帶子意大利粉好夠味件豬助骨都唔會硬，ok但我個人比較唔好豬果陣味，所以比較敏感（唔中意點解叫？對面果個豬隻愛好者）晚餐加$25多個芝士雞肉naan？係酥皮薄餅總括黎講：一個月食一次都唔過份（如果佢keep到個水準嘅話）

話說食過石門個間explorer好垃圾，諗住試下其他西餐廳睇下有冇好食既，見到呢間裝修得幾舒服又大就試吓啦～點知真係唔會令人失望，個環境同坐位首先好舒服，服務態度好好又有禮貌，一黎餐湯有驚喜！係熱辣辣既蘑菇湯，有好多一粒粒碎左嘅蘑菇好香濃好滑好有咬口，真係從來未飲過咁好飲嘅餐湯！到主菜啦，我哋三個人叫咗三個餐，首先個帶子意粉好好味！帶子係好大隻而且味道唔似急凍帶子咁樣一啲味都冇，係好似有啲乾瑤柱咁個種嘅香味，而且煎封過面頭仲脆脆地，好正！跟住，個卡邦尼意粉質素都好好，我最鐘意佢每樣野食都係熱辣辣出哂煙，個意粉一d都唔會流，如果份量多d就好啦有少少遜色嘅係個燒雞，可能我哋攤凍左先食所以有啲鞋。到甜品我地追加咗個焦糖布丁，質感好實在，feel到佢用左好多隻雞蛋，而且甜度適中，作為結尾真係一流！呢間野價錢係唔平，但質素很好會回頭，而且冇時間限制，我哋傾左成晚計都冇人趕我地走而且仲好肯幫我地不停加水😂😂下次我想試下佢個鵝肝😝😝😝

位於石門一個不顯眼的商場，座位比較寬闊。粉紅粉藍的色調營造出輕鬆溫暖的氣氛，很適合返工一族，放工食晚飯。不一樣的餐包，不同味道。忌廉蘑菇湯非常香濃和飽肚，冬天最好先最胃。田園沙律（跟餐加配）泰式腰果雞丁烤餅餅底香脆，熱辣辣一流芝士焗龍蝦（半隻）配意大利飯龍蝦份量適中，充滿芝士味道。而意大利飯不得了，非常醇厚的順滑質感。紅酒繪羊膝伴薯蓉這不是一個人的份量吧！一整隻羊膝羶味比想像中少。雖然有點煮太久，不夠滑口和軟身。燒焗紐西蘭鱈魚柳配黑椒汁燒焗過的鱈魚外層脆卜卜，但魚肉能保留細嫩的口感。黑椒汁不太辣，配上魚肉剛剛好。燒士多啤梨豬肋骨士多啤梨醬汁酸酸甜甜，配豬肋有新鮮感。另外，豬肋骨軟荏荏到用刀輕輕推開就可以。必食之選！

石門新開很多餐廳這次過來食完午餐後想找個地方歇腳，坐坐本來找了一間新開的咖啡店，咖啡店位置比較逼夾而且比較吵雜機緣巧合經過這間餐廳，我看到裏面位置寬躺，淺藍色座位令人覺得舒服😌於是選擇這一間餐廳由於是星期天的下午商場比較多人，能夠在人多的商場找到舒適的餐廳不容易我剛吃完午餐太飽的緣故我們兩人只點了一個下午茶餐我另外點一杯咖啡下午茶餐牌大約都是40至50元咖啡價錢還比一般連鎖店便宜味道不差 ，賣相不錯👍🏻比較驚喜是他的多士，多士邊好脆中間軟

噚日(4-10-2019 Fri)同女同事CS farewell女同事CY,原本想飲茶,但人太多,我哋放棄,就食西餐,CS話嚟呢間,啊,好的.我要$88.00嘅烤焗雞扒(蜜糖芥末汁)意大利粉,CS要$88.00嘅板燒美國無骨豬扒(洋蔥汁)薯角,CY要$108.00嘅扒美國安格斯西冷牛扒7成熟(黑椒汁)薯角.等一陣,我嘅食物到嚟,先食蔬菜沙律,今次啲汁酸咗啲.湯係野菌忌廉湯,質地唔係好濃,味道都係.烤焗雞扒外皮都脆脆地,蜜糖芥末汁味道亦唔濃,意大利粉口感都唔會過腍.甜品係檸檬蛋糕,味道清淡,OK 嘅.餐茶我要熱檸水,佢哋要凍檸茶.我嗰杯正常冇問題.味道係3.34分環境:今次覺得好大油煙.上次食評: https://www.openrice.com/zh/hongkong/review/%E4%BB%BD%E9%87%8F%E5%B0%91-e3338591

一心諗住黎石門食雞煲，點知爆晒，呢間咁啱係隔離，見係西餐，老公又話想鋸下扒，又有Set Dinner又未爆場唔洗等位即入。餐都未點就送左麵包黎香煎鱈魚配薯角 配餐湯，麵包，飲品 $138 有驚喜，魚皮煎得又香又脆😋 不錯不錯特別Set Dinner 香煎鵝肝配8oz美國安格斯西冷牛扒配黑椒汁，配龍蝦湯(有幾粒龍蝦肉)，麵包，飲品 $208 五成熟，剛剛好，肉味幾濃，反而黑椒汁比較淡。鵝肝都煎得好香，如果厚身D，口感較佳

食物味道及賣相已經非常一般，到價錢，正常偏貴，所以價格唔成比，去到服務，非常唔得，人手不足，我張單全張流單，等左大半個鐘頭，好波，再落過單，比左前菜 hea 住先，食先主菜，再流飲品單 !!! 再好波 !!!————————————————————我保證唔會再去食 !!! 總結: 味道一般過一般，價錢偏貴，服務垃圾，完 !!!!!!!!————————————————————————————————————————

我和朋友們一起慶祝生日大家都來嘗試吃這間餐廳嘅意粉、牛扒、湯和飲料我覺得這裏嘅豬肋排不是錯意粉都好好味！係我最鍾意食嘅他們還有一個甜品不算很甜很甜所以都不錯店員服務態度環境也很好如果可以便宜一點會更好

由於最近都係石門工作嘅關係，每日幾乎都會試到新嘅餐廳。今日黎到位於京瑞商場一期一樓嘅cafe。一上扶手電梯就見到，餐廳空間好大好寬敞，廚房係半開放式嘅，座位用嘅係梳化椅，可以坐得好舒服。不過同附近嘅餐廳相比之下呢度嘅午餐價錢偏貴，初頭都有啲卻步。午餐set包左沙律、餐湯、主菜同是日甜品，係一個迷你西餐，成個餐用托盤一次過上，賣相都幾吸引。沙律係簡單嘅黑醋撈沙律菜，好新鮮清爽。是日餐湯係蕃茄薯仔湯，入面有好多湯渣好足料，薯仔粒好淋，味道濃郁。芝麻醬煙三文魚冷麵大熱天時最啱食冷麵，雖然成個麵嘅份量好少，不過材料好豐富，有火腿絲同生菜絲，芝麻醬嘅份量亦恰到好處，成個麵好夠凍，麵質亦幾彈牙唯獨主角煙三文魚得兩塊，有啲吝嗇🙈是日甜品：芝士凍餅凍餅細細舊好的骰，芝士餅好creamy，食落有淡淡的檸檬香味，不過餅底太薄，一切就碎。🍹凍朱古力套餐仲包左一杯$24以下嘅無酒精飲品，如果想試吓特色啲嘅飲品就要額外補番差價喇。雖然呢度嘅服務態度好好環境又舒服，不過以食物嘅份量同價錢黎講性價比就偏低喇，偶然豪下就可以嘅

從未遇過一間餐廳咁有問題！！！本來見食評好多人話好，就同朋友滿心歡喜去試，一坐低就急不及order兩份扒餐，個長髮女侍應仲好認真咁覆單。然後，等咗20分鐘，我忍唔住問可以先上餐湯嗎，四眼女侍應話唔得，所有餐都要full set 上。好，我等。又過10分鐘（2：30），我哋真係等到飢寒交迫，求佢先上餐飲。過10分鐘（2：40），終於上飲品。再過10分鐘，真係忍冇可忍，再問到底幾時有野食，我趕住3:30 去interview 。然後佢哋終於有人去check 單，但check 完的結果係：咦，你哋有叫野食咩？我哋張單只有兩杯飲！有冇搞錯！！我哋等咗足足一個鐘，居然換黎一句“你冇order 過野食” 冇病吧？！！理論咗一輪後，四眼侍應堅持我哋就算宜家走，都要俾埋果兩杯我哋只飲過一啖的飲品錢。話唔係佢幫我哋落單，我哋又冇提過我哋落過單 講到好似我哋無理取鬧咁。但明明我催佢上飲品時已經話我落咗兩個set,可以先上飲品嗎？佢果刻唔係應該要即時幫我哋check單跟進嘅咩？但佢只係再問我哋飲咩，然後隔10幾分鐘先上飲品。我哋真係嬲到成肚🔥，本身預留充足時間去附近interview ，宜家都就快遲到啦！！

難得有一日假期，走去石門看看有什麼好食，見到這間店，環境不錯，價錢合理之下就進去了。睇完餐牌，就點算了板燒美國穀飼豚肉扒配白飯，餐跟餐湯，沙律，甜品和飲品一杯，都算划算。等了一會兒，食物上枱了，餐湯是南瓜忌廉湯，南瓜味都幾濃，但唔夠滑。沙律入面的醬汁酸酸甜甜，有一種特別的味道，幾好食。豚肉飯入面有三塊薄薄的豚肉，味道可以，但如果這樣烹調，用薄切應該好食過厚切豚肉，所以合格吧！跟餐有一個甜品，甜品好細件，是朱古力蛋糕，但朱古力味香濃，細細件吃不會感覺太膩。成個餐有個甜品總算畫上完美句號。最後跟餐是有一杯普通飲品，但我就加了$8點算了一杯綠茶拿鐵，綠茶味濃，都夠滑，唔錯$88加一食到一個full set lunch， 都算唔錯，環境坐得舒適，是和朋友傾偈食tea 的好地方！

約咗女同事CY同CS今日(18-3-2019 Mon) 出街食飯,諗唔到食咩就坎彩福飲茶,但太多人唔等喇,咁就嚟我食過嘅呢間(上次食評: https://www.openrice.com/zh/hongkong/review/%E7%AC%AC2700%E7%AF%87%E9%A3%9F%E8%A9%95-%E5%9C%B0%E4%B8%8A%E9%A3%9B%E6%A9%9F%E9%A4%90-e3214437),咁啱坐嘅枱同上次一樣,睇完menu,佢哋兩個都要$108.00嘅H餐,扒安格斯西冷牛扒(黑椒汁),配薯角,佢哋分別要6同7成熟;,我要$88.00嘅E餐,板燒美國殼(佢哋打錯字,應該係穀)飼豚肉扒(洋蔥汁),配薯角.落完單等咗好耐,應該起碼10分鐘,先至有H餐到,佢哋嘅份量都叫做正常;冇耐,我嘅E餐到嚟,少到呢.佢哋問6同7成熟有咩分別,切開睇好似冇.之後CS食到厚嗰邊就見到有分別喇.我先飲蘑菇湯,好熱,但味道唔夠同質地較稀,失望.味道:2分嗰3件洋蔥汁板燒美國穀飼豚肉扒,味道正常冇驚喜;薯角唔熱,不過正常嘅.味道:3分沙律係麻醬,都落得夠,OK 嘅.味道:3分甜品就係3件

之前見過好多食評都話呢一間嘅質素一般，今日經過見到佢嘅午餐都唔算貴，就諗住平平哋去試下。餐廳座位都坐得幾舒服，午餐選擇都算多，我哋分別叫咗美國穀飼豚肉扒配薯菜及香煎龍利柳配薯菜午餐包沙律、湯、飲品及甜品，個餐係全個餐一齊上嘅，用托盤裝著，感覺有啲似茶餐廳而且食物望落去質素都係非常一般，呢個價格可能就係呢一種食物質素罷了香煎龍脷柳以為叫魚應該會比較穩陣，點知嚟到啲魚超級腥有雪藏味，雖然好大塊，但係好難食薯菜係薯角，炸得唔夠香脆，比較生咁，都係一般。另外，湯有輕微誠意，唔係完全溝出嚟，有啲蘑菇碎，但係個湯偏咸，味道都非常一般。沙律菜反而唔錯，沙律夠新鮮，配麻醬。甜品方面，有朱古力蛋糕，呢個我覺得幾好食，但係就偏甜。 最抵嘅係餐飲加8蚊可以轉特色咖啡，我哋揀咗rose latte及hazelnut latte咖啡好飲。Rose latte有玫瑰香味咖啡味，而且唔算甜，所以幾好飲。hazelnut latte唔會太甜，咖啡味都係好香，所以呢度咖啡真係唔錯。另外，美國穀飼豚肉扒有3小塊，肉質幾林，但係偏咸，但還可以接受。午市價錢唔貴，午餐都包幾多食物，不過呢個食物質素都唔會再嚟喇。