大理

Open Now

Now Closed

做完gym又係時候揾食，呢餐真心有驚喜。抱住試伏嘅心態行入去，見個二人餐都好豐富又唔貴 就叫咗188貴啲嗰個。前菜小蔥拌皮蛋有tiny tiny bit辣, 開胃好食 淨係食皮蛋都飽咗一截之後金鈎津白，上到枱先知打咗個好git嘅芡，但味道都ok 有啲杞子吊味甜甜哋薑蔥醬油雞好味都唔識講，碎骨有啲多，但薑同蔥嘅香氣滲透入肉，配埋豉油無得輸，十級送飯 (雖然我哋食嘅米線 😂）食完其實都夠飽，last叫埋個甜品焗西米布甸同手工糍粑兩樣都好夠熱，後者煙煙韌韌 收尾一流呢個價錢呢個質素，一定encore 下次會想試烤魚/雞煲

午餐抵食之選 $50蚊有找！ 凍飲大大杯 +$3今次叫咗個黑椒牛腱豬頸肉飯，肉量十足，啱晒食肉獸！ 午餐有七至八扒餐！ 另外亦有八至九款嘅焗飯！ 離開時太想飲凍飲，叫左杯山楂檸水外賣！一試愛上！ ❤️❤️❤️推介必試之選！開胃醒神，夏天必飲🫰🫰🫰🫰

數次經過，終於來試食了。大理，即是雲南菜。見有水煮牛肉，又有手工糍粑，果斷下單。水煮牛肉很大一缸，配菜牛肉份量足夠，味道微麻微辣（對重度麻辣愛好者的我來說）。老闆一直問：要飯否？吾曰：不必，謝謝。（這次來存粹吃味道）手工糍粑也OK，跟四川店的差不多。價錢的話，五塊$28。牛肉$88。建議胃口好的人，可以加入米線一起吃！結帳時跟老闆父子（應該是）閒聊，得知是雲南人，推薦自己的魚，說下次可以點水煮魚，雖然餐單上沒有。態度極友善，在香港比較少見。加入美食清單，會再來幫襯。

好吃，小店，有辣有唔辣，超值，有小菜有烤魚，有米線。午餐和晚餐之選！服務態度好，座位安排也很好，飲品有選擇，如奶茶也不太甜，啱口味！荃灣人應該要來試試，支持小店。

有睇開茶茶分享嘅大家都應該知道，茶茶係低碳水飲食愛好者，所以有時就算有set都會揀單點（通常sets都包埋大份carbohydrates），以免浪費太多食物。然後！！！居然比我遇到一間良心餐廳，坐位闊、環境企理之餘，仲可以幫我將澱粉質轉做蒟蒻底 😱 譚仔轉芽菜都要加$3啦， 佢居然完全唔加收我任何錢比蒟蒻我，感動子（當然唔排除係我嘴刁到比人認得咗）🥹呢度嘅雞煲、烤魚都非常足料，同出面一式一樣嘅調味唔同，有佢哋自己嘅風格（好食嗰隻！）最近仲出咗羊腩煲，星期六打算去一試。呢度附近仲有一間平價甜品，兩間中價甜品，啱晒大家食飯直落下一場。.🍵🍵評分時間🍵🍵.🤍食物質素： 7/10▫️茶茶食過呢度大部分嘅餐，至愛嘅係真鮮味砂窩米線（換魔芋底），而呢度嘅烤魚亦都十分惹味。1️⃣真鮮味砂窩米線 $6X 鮮！有魚～·有羊！勁足料 2️⃣番茄肥牛豬潤砂窩米線 $6X3️⃣求其諗唔到砂窩米線 $50 😂 好記得Menu有呢個，但我未試過，如果有人試完可以分享我知，盲盒砂窩米😂4️⃣ 雞煲 / 酸菜魚 印象中 百令二百蚊 價錢唔貴，因為同朋友一齊食，無留意價錢😋5️⃣ 下午茶餐 $36 .🤍環境衛生： 8/10▫️坐位之間有適當空

大理嘅環境好舒服，令食飯嘅心情都會放鬆一點，會想chill住慢慢食。今日試咗雲耳小瓜炒牛肉飯，午餐會送一杯熱飲，我叫咗一杯熱胚芽奶茶。胚芽奶茶茶味出，但係有少少苦澀，需要會落甜中和返，落咗堂之後就減少嗰種苦澀味。雲耳小瓜炒牛肉飯嘅餸比我想像中多，翠玉瓜厚身大份，雲耳份量多，當我見到咁多瓜同藴儀嘅時候，會以為應該得一兩塊牛肉，點知原來撩起瓜同雲耳之後，發現下面全部都係牛肉，真係大件夾抵食😂不過個醬汁嘅味就有少少似出邊兩餸飯嗰啲，味道唔係話太出眾，但唔難食，中規中矩。大理有一個好嘅地方，就係你一叫就會即刻整，雖然要等耐啲，不過就可以熱辣辣咁食。

正常既一餐，地方唔錯位置都多，但系好少人去食。點解呢？米線 叫左兩樣餸都麻麻。佢個車仔麵都唔貴，但系選擇有d少。雞翼同肉麻麻地。睇落一般，食落可以。唔要求高質素可以黎食下。

久圍未番來大窩口，剛完成工作後！經過大窩口商場，又到左午餐時間，見到一間裝潢清鮮， 便想進去望望環境！ 座位寬敞，乾淨！ 便坐底試試！午餐有小菜！米線，及焗飯！都算多選擇 ！最後見到食客個焗飯外觀不錯，就叫左個芝士焗雞扒試試！ 芝士焗雞扒飯份量十足，啖啖肉，咖喱汁香濃，口感不錯👍👍 焗飯一律55蚊 ，加凍飲 3蚊！ 都算合理價錢！另外，見到餐牌有烤魚食， 價錢都相對便宜， 下次有機會試試！ 烤魚都有 6-7種選擇！ 下次有機會試試

朋友知我好鐘意食烤魚，推介呢間舖，即刻約咗幾個朋友一去。我哋四個人叫咗兩個唔同味嘅烤魚，食物味道就普通，兩款個湯都好清淡，同埋魚比較細條，不過價錢的確係平，同埋職員服務態度都幾好。香煎南瓜餅，煙煙韌韌。鮮蕃茄烤魚，配菜多，魚肉都新鮮，蕃茄味比較淡。蒜香鹹蛋黃烤魚，好鐘意鹹蛋黃嘅味，原本喺餐牌見到好期待，試過後有啲失望，個湯都係淡，有少少蒜味，無咩鹹蛋黃味。魚蛋，魚腐。紅薯粉，米線。曲奇朱古力。胚芽奶茶。

在萬千的鷄煲中，竟然找到一間味道不錯而又特別的鷄煲。進到這間小店，見大部份客人選了米線和小菜，原本也是打算和太太點兩個小菜套餐的，但看見餐牌上有鷄煲和烤魚，猶疑一輪後，最終決定了選酸木瓜蕃茄鷄煲。原本以為鷄煲也是和出面其他差不多，但出奇地味道不錯，酸辣的湯底配上鷄肉，紅蘿蔔，薯仔，萵笋和酸木瓜，十分醒胃，而且份量不少，加個白飯，兩個人差啲食唔晒。不過味道偏重（適合我😅），可能有人會覺得咸。提一提，這個本身是不辣的，但如果喜歡食辣，可以在落單時要求加辣，更加香濃～

一個人飯途經東亞商場，正好又到了午飯時間，入去見到有間名叫大理的食肆，名字特別而且地方亦很整潔、光亮。 坐下看看餐牌，其供應的食品種類很多，除紅薯粉、米線等外，但亦有小菜套餐的供應。🍽今天點了一個回鍋肉客飯，飯到了見到賣相很好，内裡的豬腩肉片和薯仔片，疊得高高隆起份量很多。🐖豬腩肉夠大塊，用蔥、洋蔥加上濃郁的醬汁來炆煮，令腩肉非常香味且又夠稔身，肉的肥瘦比例瘦多肥少，因而較有咬口感又不會太油膩。另外的薯仔片也炆得非常稔身十分軟綿，同樣沾滿了醬汁相當惹味😋， 飯都可以吃多一碗;但個人覺得飯底就稍為硬了點失色了些。 最後叫了一個山楂檸檬茶，味道酸酸中带少甜，用作解膩滯一流。今個午餐食物的質素和味道都不錯，且價錢經濟，下次都會再來光顧。

最近經過一間小店 名字好靚 叫大理店內佈置十分簡約 光線明亮充足假日都有既下午茶餐 好抵食叫左個香酥脆肉鹵米線 ($36 Set)香酥脆肉炸得酥脆 有孜然味道好香口 米線係撈米線 酸酸甜甜嘅醬汁加埋煮得入味既鹵肉碎 好清新麻辣腩肉米線 （$36 Set)唔係平時想象的薄切腩肉大大舊既腩肉 都好入味湯底正常最抵食嘅係 套餐仲配送 火腿 + 煎蛋 + 多士仲有特式飲品杯曲奇朱古力 好飲喎（凍飲加$3）食到好飽呀雖然係下午茶 但係用料 份量絕對唔係少食到捧住個肚走呀一定會再有下次

去完迪士尼樂園回來無意中發現哩間餐廳抱住試下既心態點知入到去睇到個環境乾淨舒服，空間大幾家人聚餐都坐的舒服食物都好大份烤魚好好味連烤魚的配菜都好大碟小朋友都有食物食又坐得舒服，食得開心真係抵食