象月-泰式休閒餐廳 (Closed)

遲來嘅生日飯去咗象月！環境尚算舒適！18:30已經9成滿，好彩有訂位！食物水準唔錯，尤其係炸通菜，好特別，脆漿啱啱好，我哋嗰晚叫咗2次！餐廳仲有Hoegaaden生啤，飲酒🍻加美食！多謝屋企人為我慶祝！特別多謝老闆娘同老闆好好人，招呼周到！

難食到我忍唔住第一次寫食評3個人叫左炸春卷 咖哩炒大蜆 薄餅 padthai同泰食豬手 另外叫左買一送一嘅嘉士伯同一杯芒果沙冰 炸春卷同咖哩炒大蜆都唔錯 Padthai好細碟 但味道正常泰式豬手等左好耐先有 以為會好好味 點知一食落口個味道勁詭異 三個人即時互望 然後吐返出黎 我忍唔住食多兩啖想試下佢發生咩事 有小小洗潔精味 好奇怪既味 本身係豬手怪 泰式燒豬手 滷豬手 韓式豬手 德國豬手只要係豬手都鍾意食 但第一次食完全放唔到入口既豬手 佢係我心目中難食豬手第一位 豬手韌都唔係問題 個味好食我比d牙力都食到 但呢個真係難食到講粗口朋友忍唔住問侍應豬手落左咩整 佢話滷水汁個味道應該酸酸甜甜 其實都想問佢點解滷水汁會酸酸甜甜 不過如果酸酸甜甜都好 我鐘意食酸甜既野 我地同佢講話個味好奇怪 問佢會吾會係落錯左野 直頭忍唔住講埋有d洗潔精既味 佢笑笑口話唔會既 其實真心好想叫佢地自己試下個味 真係唔相信會有人想食落肚 另外杯芒果沙杯係糖水芒果汁溝出黎 個味好假又勁甜 飲左應該會糖尿腳 3個人都唔肯飲 等左幾個字先有以為係真芒果打 不過呢樣野冇乜所謂 好多餐廳都係咁 純粹搏下好冇飲 埋單$49

可以一試的泰國菜，早兩日和家人見到這間新開的泰菜，有少少驚喜，待應介紹的新菜式都好好(菜牌內没有的菜式)， 椰青飯有少少海鮮好香棷青味，小朋友食話好好味，爆炸蟹味道都好好，賣相好似避風塘炒蟹,食落又一番風味，少少辨食落好有蟹肉味，食完買單仲有甜品送

先講食物泰式小食拼盤$98食物份量少，成盤得 兩條春卷 兩隻雞翼 兩件蝦餅 三片豬頸肉，因為係現成貨或者係炸嘅關係，都唔會唔好食味道一般。泰式炒金邊粉$68首先.碟野一上到黎，就贈送頭髮一條，我哋即刻同個店員講，佢就咁拎走條頭髮連埋個裝飾蘿蔔花，當咩事都冇發生過味道方面, 淡而無味，又濕，一點兒鑊氣都無，如果你話呢碟野係泰國人住嘅真係唔合格囉! 連茶餐廳炒嘅粉都會好食過佢 環境方面間餐廳成晚都有隻烏蠅飛來飛去，放喺面嗰杯水又大塵都唔敢飲。話係泰式餐廳但係播緊韓文歌，你話係咪好好笑呢服務方面我懷疑佢哋係咪趕緊客，大概9:00 左右，枱上既野都未食完，張單就黎左，係咪要吹我地走呢？ 隻碟一食完就收走佢，不如你地唔好做晚市啦！我諗呢一間餐廳我唔會再俾機會佢㗎啦！因為我地食完呢一餐真係成肚氣 ，仲要收加一，真心唔願畀

✨大埔 新派靚裝泰菜✨大埔好多新餐廳 呢間新開既泰菜又幾高質裝修係cafe格局 雲石枱加靚餐具😍岩哂我呢d死港女🙆🏻‍♀️.🍝泰式炒金邊粉 ($68)賣相冇得輸☺️蛋絲包住金邊粉份量好多 蝦有三隻 炒得香口但略嫌太油呢個價錢真係超值！ ..🥩古法牛肉沙律 ($88)酸酸辣辣好開胃 牛肉嫩滑入味一定要叫飲品 真心辣🔥.🍢串燒牛舌($16)🍢沙嗲雞肉串 ($16)🍢醬燒五花腩（$14）雞肉最好食 燒得岩岩好 沙嗲惹味牛舌同五花腩都太咸 醃料太重.

環境幾舒適不過座位不多,味道不錯,價錢便宜放假探朋友,就腳試下,入到去先知新開無耐,餐牌簡單易睇,岩晒個人習慣,有菜,有肉,加主食點菜唔洗煩咁多.叫左4送一湯, 豬手幾好味,擺碟好有心機,餐具都好特別,同裝修幾襯下整體唔錯

裝修清雅舒服，有幾位年輕的侍應生，有喜1️⃣賣相非常吸引！但味道一般，不過價錢亦唔貴，有驚2️⃣食食下有狗吠聲，原來後面枱坐左兩隻狗3️⃣19:30落order，兩大一細叫左六餸一飯，20:40比定單你，轉頭問下你齊哂餸未，20:55就有侍應生同你講唔好意思已夠鐘🤷🏻‍♀️青木瓜沙律雜錦拼盤青咖喱雞串燒拼盤比較乾身！有待改善炸通菜新意思

同朋友都係泰國菜愛好者 大家都好鍾意食泰菜 見到有新餐廳就一於試食下 餐廳裝修系幾吸引既 橙色同藍色做主題 又系星球同雲石為主 吸引後生年青人入黎！但系出餐時間就真系太耐 一碟炒面炒飯等左40分鐘先到 聽到格離枱都係追炒面同炒飯 食物質素一般 芥蘭可能吾係時令所以食落去係苦苦地 軟殻蟹米紙卷太大件 進食有d吾方便 同埋軟殻蟹已經淋晒 😩 另外金邊粉獲氣好似吾係太足夠 似撈金邊粉多過炒金邊粉不過佢既擺盤系靚同有心思既如果可以改善下出餐時間就會比較好

今日下晝同老公入左大埔食野，响唔知食咩好嘅情況下，忽然見到呢間裝修幾新嘅泰國餐廳。尋晚先講完話想食泰國菜，今晚就有得食，真係令呢幾日沉重嘅心情放一放鬆。入到去，裝修好好！年青人伙記！態度都好好！又快又爽手！上菜速度又快！講返食物...食物竹選擇都算多，仲有午餐！我地兩個叫左一個青咖哩雞飯，同埋豬手飯。個豬手飯真係好淋好正！骨膠完豐富！青咖哩都👌，唔辣，甜甜地，入面仲有好多香料同菜！不過雞就略略唔夠滑。但係勝在性價比高，連埋野食都係$121！ 下次再來試晚市！

大埔又有新開泰國菜餐廳喇 !  平日晚上大概 8 點 15 分去到門口, 唔知係岩岩新開未佈置好定點... 門口冇咩裝修, 亦都無餐牌. 齋睇門面, 唔係好吸引到人入去食餐廳內大概坐滿7成,裝修簡約舒服, 睇得出有放心思落裝修同佈置, d燈罩每個都唔同款, 好靚, 大家不妨欣賞下 ! 當日做緊 1664啤酒買一送一, 幾抵, 不過個晚冇飲到.地方乾淨, 樓面大概有3位侍應哥哥, 3個都係後生仔, 好有禮貌, 亦都好主動, 希望呢d服務態度可以一路keep住 😉我地2個人叫左3樣野食, 等左15-20分鍾就有得食 !泰式金邊粉 ($68)上菜個下有驚奇, 個擺盤好靚 ! 金邊粉望落得好少, 但摷開之後原來好大份, 不過蝦就得3隻味道唔錯, 但食開譚仔10小辣ge我覺得有d辣泰式生菜包 ($78)可以揀雞肉或豬肉, 我地揀左豬肉有肉汁, 唔乾, 幾大份, 比泰式金邊粉更加辣, 食唔到辣ge朋友要注意 ~沙爹豬肉串 ($18)我地叫雞肉串, 不過上錯左豬肉串~ $18有2串, 幾抵, 不過比較乾同硬... 有待改善象月整體唔錯, 2個人食到好飽, 仲食淨左少少野, 都係 $90 /人 !比起

我今晚同媽咪去左一間大埔泰國餐廳吃晚飯，餐廳名叫象月泰式休閒餐廳。我地去到服務態度都非常有禮貌，食物質素都好好味。環境比較窄又比較小，最差就時出菜時間。唉！我同媽咪吃左2樣餸差不多等左成個鐘才到。我覺得這間餐廳真的要改善一下這點