Video
Introduction
環境舒適，火鍋湯底特別，經理時有新推介給客人，服務態度佳，價錢中等。
continue reading
Opening Hours
Mon - Sun
10:00 - 22:00
Above information is for reference only. Please check details with the restaurant.
Signature Dishes
再寫一個火鍋食評, 講完川同京式之後, 返來最傳統的, 港式.天氣寒冷的一個晚上, 文迪提議打個邊爐, 第一選擇沒有位, 但店方反建議我們過來這店, 原來係不同名的分店, 吃的食物都係一樣的.這裡店名好有中國風, 裝修不錯, 比起一般的火鍋店為靚.番茄薯仔湯火鍋: 8分, 這裡有三大類湯底, 傳統, 特式同濃豬骨. 最後揀了個比較便宜的番茄薯仔湯底., 淺喝了小小湯, 番茄好入味.未開始吃之前先整好私家醬, 係成車上, 等我們慢慢溝, 小弟都係整了個麻醬為主的.是晚吃了不少食物, 先講牛肉, 要了個例牌的鮮嫩肥牛肉, 牛肉係好像燒味般一條條地吊係門口的位置, 落單師傅先慢慢切. 因為唔係機切係手切, 係等了一大輪先有牛食. 都算幾靚的, 肥瘦分明, 肉味濃郁, 不過吃落口還是有點渣, 定係小弟的淥野技術未到家?另外要了兩種拚盤, 四寶丸同三色餃. 這兩碟的出現正好讓我們兩個人也能夠吃多幾樣食物. 四寶丸包括有牛筋丸, 香菇貢丸, 墨魚丸同醬爆豬肉丸. 三色餃包括有鮮蝦雲吞, 鳳城水餃同埋魚皮餃. 兩碟都做得比較精緻, 鮮蝦雲吞大大粒, 也有蝦肉鮮味, 醬爆豬肉丸熱辣辣, 也真係做到醬爆的效果. 另外要了碟唐生菜, 吸收了番茄薯仔的精華, 也幾好.見好像未夠飽, 再加四樣食物, 結果就大件事, 完全吃不下了.文迪的至愛芝士腸成十二條, 係食極都食唔完. 肉眼筋就幾靚的, 兩樣肉類去比, 更加喜歡而個. 炸魚皮就好差, 浸得吾夠耐又好硬, 浸得太耐又好淋, 套用文迪的一句: 未食過咁難食的炸魚皮.最後, 店方送上冰凍豆腐花, 吃完火鍋清一清熱, 不太甜, 豆味夠香, 雖然好飽, 也全碗吃下.食物水準不俗, 不過價位係偏高的, 但係整體係滿意的.是晚的清單如下:番茄薯仔湯底$48鮮嫩肥牛肉(例牌) $88四寶丸$58三色餃$58唐生菜$26芝士腸$42肉眼筋$48炸魚皮$42出前一丁$25醬料費$12 x 2 = $24共費: $506
continue reading
昨天食完, 餐廳的座位及衛生都very good, 湯底亦ok,不過牛肉方面不是太好, 要改善.價錢方面,如果以料的質素亦算比較偏高.
continue reading
係正岩岩赫德道新開人氣瑞士火餐廳對面,唔知係地點定係比較新關係,我地Christmas晚上去好靜,8點打到11點都一直坐唔滿,最嘈係我地。座位幾闊落,人多可以包房,最低消費$1200,因為驚有人甩底所以最後book左廳,8位不過張檯好大,唔會擺幾碟料就冇位。一坐低就送上玄米茶,幾特別,又消滯。服務唔錯,有問必答,可能因為人少,所以加茶上菜都快。最然打邊爐最緊要係湯底同料,先講湯底,要左蕃茄薯仔湯,估唔到入面會有一塊塊牛腩邊,好甜面且味精唔多(我成日覺得呢個世界唔會有餐廳唔用味精...),起碼食完都唔見口乾,非常之似媽媽湯,奇怪係打到最尾湯底都唔油。料就同大部份火鍋店相似,叫左個比較冷門魚膘(又叫魚卜),估唔到食落好似花膠!!!而羊肉同西洋菜餃都好鮮味,難得西洋菜又乾淨又冇渣。至於必備肥牛,佢可以揀牛肉粒或者平日手切,本來想食牛肉粒(因為如果牛靚,用牛肉粒打邊爐牛味會濃過平日10倍),不過朋友都比較鍾意手切肥牛,都要左碟大。佢肥牛唔係平日起哂雪花,係本地新鮮牛,牛肉味好夠,不過真係只可以灼至僅僅熟,唔係就超"un"...冇咩油花,唔算係最好味牛(輝哥/寶哥好...)最後埋單有甜品送,豆花或者果凍二揀一,唔叫好好食,不過欣賞佢咁細心。一人$140,食左好多野,其實真係一都唔貴,走時候仲見到10點後入座七折,相信會非常抵食。食物同服務都唔錯,價錢合理,強烈推介俾唔想等位朋友仔!
continue reading
一行八人和日本回來的朋友在這裹晚膳，因另一朋友知道回來的朋友喜愛火鍋及啤酒所以選址和口味應沒有問題吧，而環境實際上亦不另人失望，說到吃火鍋最重要最重要的此終是湯底及牛肉，先說湯底一枱叫左蕃茄牛腩及海底椰豬骨，要說出色還欠很遠只能說厨師已做了本分，但牛肉這一項就有點收入與支出不相秤的感覺，因前後兩次由餐\廳經理介紹推介的都達不到期望(日本回來的朋友的評語這類品質的牛肉在日本亦不是什麼的......)中上抨分吧了，至於其他的食物在此等級數的館子都已達標了。
continue reading