Video
Introduction
Daddyos opened in early 2007. Food selections include specialty pizzas, juicy ribs with secret sauce, pasta dishes with a twist, and various food from the West.
continue reading
Opening Hours
Mon - Fri
11:00 - 15:00
18:00 - 23:00
Sat
11:00 - 23:00
Sun
12:00 - 23:00
Above information is for reference only. Please check details with the restaurant.
Signature Dishes
Review (127)
daddyos的二人團購餐只需$126, 惠顧時再另外比$13 服務費便可。惠顧前二天打電話預訂座位, 好易BOOK 到枱.我地選擇了二人餐的 小食拼盤 + 凱撒沙律+ 大隻佬pizza, 還附有2 罐雀檸!其實之前已經食過, 覺得好味先買這個團購,今次第2次去, 廚師好似重口味左, D 沙律、拼盤同PIZZA 都咸過龍, 我地各自飲完罐雀檸都止吾到渴。話雖如此, 重口味左, 的確價錢平宜, 值得再光顧。
continue reading
今次黎daddyos係因為買左團購揀左星期6既午餐(因為個日要番半日)around 2點度去到, 成間餐廳得2個人食緊好似都係團購餐黎入到去比張coupon個職員, 佢就拎左張餐牌比我地揀我地揀左凱撒沙律 , 焗芝士薯條 同埋大隻佬pizza凱撒沙律, d菜夠新鮮, 個source好好味!!!仲可以自己鍾2落幾多芝士粉都得哈哈!焗芝士薯條賣相好吸引!!!上面有芝士d薯條就好正, 不過下面有汁個d薯條就鹹左d...真係鹹到食唔到....放棄左 =.=大隻佬pizza 還好, 都幾多肉,個餅底脆脆地都幾好味,不過味道就唔係我杯茶唔係幾鍾2黑色個d唔知係唔係牛肉既野既味個餐仲包左汽水,估唔到得3樣野都可以咁飽!真係食唔晒!!!
continue reading
見之前金剛小儀介紹已經想試好耐了，於是同事生日就話去依間試下啦...1點準時去到，只有兩張枱共8人既人客，店內很細一眼已經睇得晒..我地3人行所以叫左3個set lunch有意粉有PIZZA同埋RIBS每份SET都有前菜有Sort drink included...前茶有3款: 薯條,沙律,雞翼薯條同雞翼唔錯,沙律就好一般主菜: ribs味道真係...海鮮意粉好油好硬pizza配搭一般,餅底唔鬆化總括黎講唔會有下次
continue reading
記得上一次黎呢間餐廳, 係某年契姐同我慶祝生日既時侯當時職員都好親切, 契姐個BB女好可愛佢成日都會走過黎同佢玩, 仲係我地臨走前幫我地影左張即影即有添抱住上一次既回憶重返呢間餐廳上2星期已經打左電話黎卜枱, 放左工就過黎喇到左之後拎左張團購coupon俾職員, 佢就拎左張餐牌比我地揀凱撒沙律: 好大碟, 菜都好翠綠新鮮。灑上大量芝士粉同埋煙肉碎, 味道fair焗芝士薯條: 賣相唔錯, 加上芝士就梗係正啦, 不過d薯條好林林林林…..見到個底有d唔知係油定汁, 總之就令我對呢碟薯條食慾不減啦大隻佬pizza: 話明大隻佬梗係啖啖肉啦但店家整到d材料唔均勻, 有邊有肉碎有邊就完全無。餅底做得唔差既, 夠薄夠脆, 但pizza個味道真係好鹹……最後埋單要加一, 唔緊要, 不過真係想講個職員由頭到尾都黑住塊面, 目無表情唔係話要佢賣笑, 但佢真係好似好唔想做咁lor。同我數年前黎幫襯既感覺真係差好遠, 唉……
continue reading
蘇豪的食店給人的感覺總是年青，有品味和潮流的色彩，這裡大部分的店鋪都是有性格的，好像是從前吸風飲露的神人，懶理外面飲食界的變化，自己總有一個生存的空間和定位，就如張智霖在衝上雲霄2中所謂愛情的行為藝術一樣神奇。蘇豪是區位於香港中上環一帶，是蘭桂坊以西的新飲食地帶。“蘇豪”這個名稱其實取源於英國倫敦一個性質相近的蘇豪區。我去過蘇豪的餐廳不多，今天朋友們都說要來這on list已久的餐廳，也好，蘇豪的collection 自此多了一間。我不知道下午一班同事去蘇豪吃午飯是不是行為藝術的表現，不過，當你來到這裡的確有不少脱俗的感覺，至少你不會看到這裡有上環孖沙生記咪咪的人龍。之前因為街坊廚神曾經介紹過，這裡也特地有一個餐吃那個節目介紹的大隻仔pizza，雖然有興趣試，不過餐中的其他東西不算吸引，所以還是擱置罷。最後我們都是散叫lunch set。由於有人不吃意粉不吃飯，所以叫了兩個Cesar salad，一個baby back ribs，兩個意粉，一個pizza，份量剛剛好。Cesar salad 份量不算太大，沙律粉適中，不過碎煙肉多了點，菜就反為少，加上麵包糠全置底，而且份量竟然最多，如果全碟唔撈埋一起吃會好像我們一樣最後不斷吃的就是麵包糠。之後上的是有好多Parma ham既Spaghettic Puttanesca with parma Ham。其外表很吸引，Parma ham很大塊，不是平常小片那種，而且質素不錯，是那種肥美且肉嫩的豬仔。意粉不多，不過sauce將所有的意粉也配合滲透入味，味道很好。之後是海鮮為主的意粉，海鮮很多，滿佈了整硒意粉，相反令到意粉好似好少咁，不過味道還是不錯。海鮮和本身以蕃茄為主的醬汁一拍即合，而且味道十分濃，對比剛才那過更加出色。Baby back ribs很大舊，燒得好好，一上枱已經令人驚嘆。這裡燒肉的技巧十分好，因為ribs如果處理得不好，很容易便會又韌又鞋，但這個不單鮮甜，而且吃到其肉汁的層次，在午餐來說質素很高。Pizza我們要了三個topping 分別為Parma ham 洋蔥同芝士。它的size不是很大那種，是小型的8" size 。外觀精美。味道感覺極好，芝士和洋蔥的鮮味很融合，而且薄薄一塊一點都唔漏，不會像pizza hut那種以件數和份量取勝而欠缺味道的考慮，女孩也絕對會喜歡。最後餐除了飲品外還有一個小吃雞翼送，這個雞翼才是最好的。放入口，熱辣辣，肉汁從肉與皮之間發射出來，味道一流，它不像美式食物般只是死醎，而又不失其燒汁的味道，驚喜度滿分。的確，食物來看比預期中好，而且環境優雅，不過地方較小，不能容納太多人。三兩知己聚舊，第一次約會，或者是拍拖都是好地方。因為這裡是蘇豪，感覺好像高一層次，浪漫滿屋，可能這就是那些所謂的感覺蘇豪吧。連這一餐簡單的午餐也因此而格調高了起來。感覺更不一樣，這可能就是蘇豪的魔力吧。
continue reading