大少燒味茶餐廳 (Closed)

30蚊一個燒味飯都唔預期你有咩好野比我食但起碼都要見得人丫過到人過到自己你見我外賣就成盒野斬哂頭頭尾尾燒肉全部都係三尖八角一係就成舊都係肥肉同筋皮都冇一塊一舊正常少少嘅燒肉都冇燒鴨又係比哂頭頭尾尾位塊皮仲要燶真係打開個飯盒都唔開胃我都明你頭頭尾尾都要賣出去但兩樣都比下欄野個客完全係趕客叫個客下次唔好再黎我以後都唔會再幫襯極之差劣嘅燒味飯完全唔明白點解仲可以生存到大埔有大把更好選擇咁樣做生意等執笠啦

上司食完個燒味飯之後, 我都忘記唔到呢一間嘢 今日又過嚟試下個早餐先, 今日人比較少啲, 呀姐服侍好到不得了唔知係唔係因為過年呢叫咗一個早餐, 過年都冇加價, 都係三十蚊個米粉有驚喜我叫咗一個榨菜肉絲米粉, 應該係台灣新竹米粉, 好似100米嗰啲咁樣, 不過就比100米嗰啲un左少少其他嗰啲腸仔呀蛋呀都係咁啦, 不過佢有個餐包, 有比較特別 今日係過年嘅日子, 所以好多人嚟買燒味, 一買就買兩隻雞兩條骨呀,  呢間嘢啲燒味都應該唔錯喎

住大埔好耐喇, 呢間嘢都開咗一段時間, 但係都未食過....原因係因為啲樓面 比較串串貢今日星期日大埔周圍都係人, 多人到不得了, 係冇選擇嘅情況之下, 我入咗呢一間餐廳見到張張枱都係食燒味飯, 所以我對下午茶已經失去咗興趣叫咗一碟 燒肉油雞飯喇, 意想不到地, 油雞好好味呀, 啲肉好滑, 啱啱好又唔會太熟, 另外嗰啲燒肉, 因為我唔係叫燒腩仔, 所以比較"鞋".  但係啲皮係堅脆囉蠢就蠢咗, 點解唔叫下午茶同一樣嘢, 只係唔食飯食米粉咋, 就平20蚊

餐廳開在寶達街市門口，午飯時間，見有空位，心諗未食過，入去試試也好，接著就入去點了個燒餓乳豬燒味飯，賣相一般，份量比外面燒味餐廳多，以為有驚喜，心想寶達街市終於有救!! 掂知一口咬落塊乳豬,OMG！！！!!!!同咬膠殼冇分別，以為一塊系甘，掂知塊塊如一!！！！！!！跟住再試塊燒鵝, 又乾又'鞋', 得D飯食得。結果當然系爬左2啖白飯，飲咪杯奶茶，走人啦!!!!一！$58飲杯奶茶，系'大少'先做得到架乍!

間餐廳系系寶達街市入面。餐牌好似好多元化，但其實午餐都系指定個5個餐。最後我地揀左一個常餐，一個特餐。雞翼幾燶下，仲要勁勁勁超級勁咸🙄但湯底冇味姐，都唔洗甘咸🤦‍♀️奄列都Ok, 餐包落埋牛油幾好味，個皮唔算脆，但都唔差

寶達村大少燒味餐廳新開張, 竟然係碟排骨炒面會有塊膠布!!! 實在完全無法接受, 點解可以咁, 負責處理食物的工作人員唔係要戴手套架咩?? 點解可以完全唔理食物衛生??? 竟然將塊膠布同埋食物炒埋一堆, 真係咩菌都食晒, 極度嘔心 !!!

义燒。。難食。。又黑又得肥糕完全唔似义燒乳鴿。。無味。。瘦而且雪藏味重在比錢時，仲比說話你聽，買得小我買咗四十蚊义燒，三隻乳鴿，成百幾蚊難食又激氣。。。最可怕的燒味

有時同朋友食飯唔一定要去高級餐廳食西餐又或者佢咩中菜廳什麼日本菜。有人要去到上水搵一個好朋友，朋友話不如去大埔啦！第一時間諗起大少燒味！二話不說"嗰度等"兩個女仔你都茶餐廳其實我覺得心情更加開心。只有最親密嘅朋友, 先至可以約食飯係唔需要關顧食飯地點。想食就食！先點左呢一個滷水拼盤，即叫即過滷水，生腸，雞神，豬肚，牛肚等等。熱辣辣超級好食！最重要係份量很多！面對呢個情況忍唔住立即再加點個鹹蛋，好味到爆！講講下原來我已經有成個幾個月冇食個茶餐廳小菜喇！咁岩佢哋同我地講今日嘅倉魚十分之新鮮肥美，真係10分大橋而且肥美配上足料嘅豆豉香蒜等等，蒸得剛剛好！說真的呢一條蒸魚水準之上。再配埋呢杯椰香味重的紅豆冰，紅豆十分之棉蜜好吃！面對呢兩個美味的滷水拼盤同新鮮蒸魚，咁緊肥大件粉質的朋友，忍唔住大叫: 唔該要個靚仔呀！！靚仔。。。如果由白飯變成一位靚仔。。。嘻嘻~

雖然係住粉嶺，但有時食厭左都會渣車落大埔搵好野食 經過大少燒味，媽媽就話不如試下燒味，但睇睇下佢又話想試下鹵水野 就叫左鹵水拼盤，D料係自己揀既 我就鐘意食佢既生腸，夠哂爽口又新鮮 雞腎都係我至愛，鹵水味夠濃每啖都食得出好入味 仲有麵係爽口類既豬耳都好好食，而份量都剛剛好唔會只係得幾舊 薑蔥魚雲煲呢D惹味野 我屋企人都係必點既！ 整得好香口同夠濃味 要黎送飯一流呀~~ 仲叫左條蒸魚，因為果日唔係好想食好肥膩肉 所以就魚都叫左2樣~~ 媽咪平時都會用豆豉蒸 係呢到食就更加濃味 點一啖汁加一淡飯 GOOD!

今日去左大埔墟搵食，平時都會在附近搵食，諗起以前食東江雞個雞飯好好食，所以就黎左大明里。但原來東江雞個位轉左做大少燒味餐廳，門口見到佢Ｄ燒味賣相都好似幾得，好啦就入來試下，時值１１點幾，剛剛未過早餐時段，入面好旺坐滿晒人，所以在門口等左１５分鐘先有位入。入到黎睇左一陣餐牌，呢度叫得大少燒味餐廳，當然要試下佢Ｄ燒味，所以我就叫左四寶飯，一次滿足我四個願望。四寶飯＋凍奶茶：坐左５分鐘就上枱，非常快速，呢度咁旺果然時間就係金錢，而且四寶飯相當足料，有別於一般四寶飯，佢無叉燒，反而係燒鴨、油雞、紅腸、咸蛋加條菜，無左叉燒本來有Ｄ不足，但係食落又幾好食。先講油雞，食唔到以前間東江雞，食呢度個油雞都唔差，好軟身，甜甜地好易入口，個汁做得唔錯，好好味。咸蛋就一定咸啦，但我呢個可能咁岩，有小小糖心，中間幾好食。燒鴨都唔錯，淡淡肉，一定要問佢拎燒鴨醬撈飯，一流。至於奶茶就不過不失，都算合格啦。總括黎講，係滿足的一餐，呢度Ｄ燒味似係自家製燒味，非出面Ｄ餐廳可比，而且又足料，今餐食到好飽，亦聽到好多人叫雙脾飯，今日遇岩星期六食飯時間坐無虛席，應該好多識食之人黎呢度搵食，食燒味飯，門口亦泊左幾部單車，所以星期

我有個住新界的男朋友，令港島女的我，嘗試了很多不同的食肆，今次係我第一次去大埔行街食飯，去到呢間鋪頭，嗌左1份套餐加1份3拼燒味，咁樣就足夠啦，我地兩口子真細食每個套餐都有送例湯同白飯，以為例湯會細細碗，點知大大碗又足料燒味餐廳梗係要食燒味啦～我地就嗌左3拼，有大少叉燒，玫瑰油雞同燒鴨。大少叉燒睇落好瘦，但食落一啲都唔干，仲要好鬆軟。而玫瑰油雞好香玫瑰露，肉質嫩滑，少少咸好送飯。我最喜歡套餐就嗌左個千芥牛柳粒，牛柳仲有肉汁，芥末醬一啲都唔嗆鼻，加埋爽脆既配料，讚全場最貴既熱檸樂加薑，成24蚊杯，但已經唔見有餐廳去做，因為比較麻煩，不過薑絲飲落就唔方便，但用薑片就無咁出味，好矛盾，可唔可以用薑絲而又方便飲呢？

上次外賣半隻燒鵝麻麻地，試得唔夠真及徹底，收工專程黎到大埔搵大少，比次機會您啦！菜色都好多姿多彩，除主打燒味外，還有煲仔菜、蒸餸、小炒供應。仲有好多好多燒味未試、煲仔未試、小菜未試啊 ﹗您個肥佬師傅頂住個門口想點呢？唔想食客入黎幫襯咁款喎，係咪想我去第二間食先？居然要跟個阿叔搭檯真陰功，卡位張檯太窄太 close 喇，坐過一點費事面對面。內籠格局 local 地茂燒味檔，地方都幾寬闊光猛，客戶都係麻甩佬、街坊家庭、平民基層居多。燒豬骨黃瓜湯，雖然油但超好味呀，泛著濃濃雞肉及燒肉味道，大把下欄豬骨雞骨餚湯底，點會唔好飲呢 ﹗仲洗加味精咩，濃到黏嘴不得了。切雞髀燒肉飯，食客不多碟飯話咁快就到。鹽焗雞高質，肉質好正好滑好結實，身材好又無肥膏。皮光肉滑，薄薄雞皮蓋著雪白雞肉，一啜骨肉分離直墮舌頭之懷中 ﹗咸香不嗆不過份，散發淡淡雞甜味，好好食呢。白飯撈上香噴噴蔥油再搭載件靚雞直送入口，美味到拍案叫絕，滿分無得彈呀 ﹗師傅居然斬燒肉沙尼篤比我，真老友啊 ﹗啖啖肉開心死我依個食肉獸，又完全無肥膏。雖然不是化皮或脆皮，但肉質又棉又腍又滑溜，充滿肉汁閃令令，豬肉香跟咸香打得火熱非常甜美，混上蔥油白飯好

今日夜晚約左個住大埔既朋友見面，出面熱辣辣，梗係搵間餐廳坐低食下啦我朋友就帶左我黎呢間到了食朋友話呢到啲燒味好食，見佢價錢唔算貴，就嗌左個三拼三拼我地嗌左燒鴨,叉燒,油雞，份量都唔少叉燒一啲都唔“柴皮”，咬落鬆化，就算要左偏瘦既部分都唔會乾憎憎油雞皮滑肉嫩，唔會好咸，仲有少少玫瑰酒既香味燒鴨皮燒得夠香，但係肥油比較多左啲我地嗌左個小菜，有奉送例湯，但係估唔到呢到既例湯，竟然會有燒豬骨肉呢樣好難得我地鐘意食辣嘢，就嗌左個“四川麻辣排骨煲”出到黎，個煲仲熱辣辣，滾到“啪啦啪啦”咁聲麻辣香味十足食落夠哂惹味排骨醃得夠鬆軟，又好似海綿咁吸哂啲汁不過下次黎可以叫佢幫我加辣有少少唔夠辣

住在新界區的我，假日大多數在大埔、大圍等食lunch~ 因為好近夠方便。在大埔多數光顧行市熟食中心或者茶餐廳，今次經過見到間大少茶餐廳，今次就試呢間。想知茶餐廳的質素，當然不少得試炒粉麵。至於小食，一看menu奶油豬已是必叫！至於名為燒味茶餐廳，我估燒味應是主打。天氣實在太熱了，高溫之下差不多想中暑，當然要點咸檸解溫，這個龍鳳可樂 $22，我以為單是咸檸，原來還有鮮檸檬。可樂配咸檸及我最愛的檸檬，更是透心涼。奶油豬 $15整個烤得香脆，熱騰騰的，脆豬表面塗上香濃牛油，再加上鍊奶，極之好味吸引之餘又很邪惡。星州炒米 $46上檯已看到賣相幾乾身，色澤均勻，而蝦仁、叉燒絲、常腿絲、蛋絲等也分佈很平均。炒米的確炒得很乾身，味道辣辣地幾惹味，而配料火候剛好，不會太老太韌。燒味三併 $112 （例）燒排骨比平時吃的較細，這樣肉質夠嫩不會韌，吮骨十分滋味。燒鵝肉厚，脂肪不算太多，不過外樣略嫌未夠香脆。

今日約左朋友係大埔　...等了又等都未見人,都係揾間舖頭食個LUNCH 先... 大少燒味茶餐廳11點幾, 人流非常多, 等左一陣位, 需要搭枱坐,見到對面個客人食緊四寶飯,望落D 燒味都幾靚,所以都叫左個鵝脾叉燒河鵝脾叉燒河$80+奶茶$6, 隻鵝脾幾好味, 每啖都有鵝汁, 唔UN, 易咬, 好香口呀叉燒肥瘦都適中唔錯